التعليم اللإفتراضي والتعليم عن بعد
 

السلام عليكم ورحمة الله وبركاته,

في عنا بسوريا شي اسمو التعليم المفتوح والتعليم الإفتراضي واللي هن نوع من التعليم عن بعد, بيفرقوا عن بعض إنو بالتعليم المفتوح في تواصل دوري بالجامعة والمحاضرين أما الإفتراضي فهو أكثر مرونة لأنو بيوجد جو افتراضي على الشبكة العنكبوتية وبيقلك إنو هاد هو مركز الجامعة, فوت ايمتى مابدك واحضر وقت مابتريد ......

من هالمبدأ حبيت سجل ببرنامج الماجيستير ضمن افتراضيتنا المصونة وهاد اللي صار, أولاً طالبوني بنسبة دوام 50 % كحد أدنى, اضافة إلى امتحان للغة الإنكليزية, قلنالن يا سيدي مافي مشكلة بإذن الله, اعطوني جدول المحاضرات لشوف إذا بيناسب مواعيد فراغي خاصة إنو أنا وكل اللي بيسجلوا بهيك تعليم بيكون هدفن التحرر من تقييد الدوام الجامعي لعدم توفر الوقت الكافي إلو. أما بخصوص الإنكليزي قلتلن وين فيني قدم الإمتحان.

كان الرد رائع وبناء وبينم عن احساس عالي بمصلحة الطالب السوري خاصة إنو مغترب, كان الرد إنو مافيك اتشوف الجدول لتكون طالب عنا, يعني بين قوسين دافع الرسوم وخالص أمرك, وبمامعناه كمان, إذا ماعجبك الوضع وقتها بلط البحر لأنك أصلاً مسجل ودافع. أما بخصوص الإمتحان فمانو متوفر بالدولة اللي عم اشتغل فيها وإذا بدي فكر روح قدمو بغير دولة, بدي حط تكاليف سنة وشوي بافتراضيتنا المصونة.

رديتلن إنو يا جماعة اقبلوني قبول شرطي معلق بتقديم امتحان اللغة الإنكليزية قبل امتحان الفصل الأول تحت طائلة خسارة الرسوم اللي رح ادفعها كاملة أو ع القليل اقبلوا مني شهادة تحديد مستوى من أي معهد عالمي موجود بالبلد اللي أنا فيها وبيكون مصدق أصولاً, وشرحتلهن خطأن من ناحية التعتيم على برنامج الدوام.

وطبعاً ومجدداً كان في حس مرهف وعالي بالمسؤولية ومعاداة البيرقراطية لدرجة إنو ماحدا رد ولا رح يرد على ايميلي.


بهالمناسبة أخذت ع حالي عهد إنو ماعاد ادرس كلمة بمنشآت وطني العزيز لا هلا ولا بالمستقبل إن شاء الله طالما احساسو مرهف لهالدرجة.

وبهالمناسبة حبيت استعين فيكن إذا حدا عندو فكرة عن اي جامعة بتقدم دراسات عليا عن طريق النت أو ما شابه من وسائل. إلكن تحياتي والسلام

ماهو هون سر التميز عنا, إنو جامعة افتراضية وفي دوام ونسبة حضور مالا يقل عن 50 % ( اللي بيتعارض مع فكرة وعقلية التعليم الإفتراضي ) وفوق كل هاد هالتعليم والجامعة هي بالذات موجه للطلبة العرب اللي خارج سوريا وبالتالي ناس من مجتمعات وعادات مختلفة نوعاً ما عن اللي بسوريا, لنتفاجئ إنو برنامج المحاضرات سيكرت لك لأ توب سيكرت كمان.

شي بيخجل والله, لأ وأنا كنت عم شجع رفيق مصري إلي إنو يسجل معي. ههههههههههههه فشلونا الله يفشلن

معقول هيك !!
مع ان الجامعة الالمانية هية المشرفة على تجربة التعليم الافتراضي.. بس معقول الوضع سيء لهلدرجة !!

للاسف اي تعليم مفتوح او عن بعد او بالانتساب اللي يضع شرط الحضور الجزئي او النسبي هو وزارة التعليم العالي

اذا سوريا فيها جامعة مفتوحة معترف بها تعطي درجة الماستر انا ارى انها افضل من الافتراضي لانو جزء كبير من التعليم المفتوح هو تعليم افتراضي... وللمعلومية التعليم العالي في سوريا من افضل التعليم على المستوى العالم العربي....بالعربي احمد ربك يارجل...تعال وشوف التعليم العالي في السعودية ..وشوف وزير التعليم العالي السعودي الذي هو احد الديناصورات التي صعب جدا ان تنقرض...رغم الزلازل والاعاصير والبراكين التي حدثت في عصره الا انه ما زال كفرعون محنط في مكتبة الوزاري لا يهش ولا ينش.....وكلما رأيت صورته في الجرايد اقول لاحول ولا قوة الا بالله(( اما زال هذا الديناصور ......!!!؟))

يعني اول شي سطلطوني:?..كوني بعرف اكتر من شخص ميدرس فيها:larg:
وعندي آرايبين بعلمو فيها:gem:..(لهيك لازم تكون ممتازي:p)

لألكن القصة .. الجامعة الافتراضية هية للاختصاصات غالبا.. (يعني بعد مانك مخلص جامعة عاديي وبدك تعمل اختصاص:gem:)
أول شي الدوام صار 60% ..والمقصود فيه دوام افتراضي.. يعني دوام من كمبيوترك:larg:..(في ما عدا الامتحانات بدك تقدمها من "مركز نفاذ":pos: معتمد)

البرنامج ما فيهن يعطوك ياه لسبب بسيط ..انن لسا ما بيعرفوه:lol: .. كونو بينحط حسب عدد الطلاب الناجحين باختبار الانكليزي..(شرحولي كيف تنظيم المحاضرات..بس ما فهمت:p..المهم انو ما بيراعي انك متشتغل)

الرسوم تبعت اختبار الانكليزي هيي 500 ليرة يعني شي 10 دولر :deal:..
وبعد ما تنجح فيه.. بتدفع بئية المبلغ حسب الاختصاص يلي انتي مسجل فيه..


:D


*هاموش: ماحدا يسألني شي لأن ما بعرف انا :p..

السلام عليكم من جديد

هلا الموضوع فوتة حيط من أولو لآخرو, بس المهم هلا, ماحدا بيعرف غير هالإفتراضية السورية؟؟؟؟؟؟؟

مرحبا
وانا هيك صارت معي مشكلة
انا درست بالسعودية بالجامعة العربية المفتوحة ادب انكليزي سنتين وصار انو بدي استقر بالشام رحت عالجامعة وعطيتهن الاوراق انو انا دراسة سنتين ادب انكليزي برا انو ازا بعادلولي المواد طبعا ما وافقوا وقال مو سمعانين بالجامعة بنوب
مع انو الجامعة العربية المفتوحة المقر الاساسي تبعها بريطانيا
ورجعت عالسعودية وكملت هنيك ادب انكليزي
بس يللي بعرفوا انو اي طالب بغير جامعتو وراح على غير جامعة لازم يعادلولوا المواد بس عنا قال لازم عيد من الأول

كنت لازم يا صديقي تعرف أول ما فتحت هي الجامعة الافتراضية كيف كانت القوانين ... وكيف صارت هلق؟
بس نصيحة متأخرة
التعليم الافتراضي طلع بدو أهلو وناسو كمان ؟؟ مش حيثما
لــــــــــــــــــــــــ ـــــــــــــــــــــــــ ـــــــــــذا :clap: