أخوية
الصفحة 1 من 2 1 2 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   السقيفة (http://www.akhawia.net/forumdisplay.php?f=58)
-   -   مو معقول! (http://www.akhawia.net/showthread.php?t=114158)

Tolistoy 07/12/2008 04:06
مو معقول!
 
يلعن هالحاله ... ولك يا جماعة هلا معقول هالحاله طبيعيه؟
لك معقول من 8 شهور تقريباً ماني مشرف الأخويه؟
والله شي يحط العقل بالكف
يااللــــــــــــــــــــ ــــــــــه شو هالدنيه وشو هالحياة ... لك ماعاد فينا نتحكم بحياتنا...
طبعاً انا متأكد مو انا بس لحالي هيك...
تعرفو.... حتى وانا هلا عم حاول اشرح الحالة يلي انا فيها ...حالة الذهول هاي والتعجيق الي عم احكي عنو... ماني قادر عبر عن ذهولي واستغرابي للحالة الي انا فيها ... لانو يبدوا لي انو كل مواسيري صطمت وانحشكت فيها شغلات لا الكلوروكس قدران يذيبها ولا حتى الآسيد ... ماني قدران اوصل لهديك الخلايا بمخي ويلي كانت تملي علي شو اكتب وشو يلي ما لازم اكتبو....
والخربطة والخربشة هاي الي عمال انكش فيها متل يلي متقرفص وعم يدور بعود زغير على خرزه زغيره بين الرمل ذكرتني بخربشهه إلي ........ حطيتها من زمان بين خواطر الأخويه وهي الي كنت معنونها بـ ( تحت الضغط ) ...
وهاي انا ... يعني كل فكري انو ايامها كنت عم عبر عن مجرد حالة ايام او شي فترة زغيره ما الها استمرارية .... بس للاسف الضغوط يلي عم نعيش حياتنا ... دقائق حياتنا تحتها .. مانها ضغوط عادية
وفي كتيييييييييييير منا عم يعيشو حالات كتيره من الضغط ... بس عم تمشي حياتون وهنه مفكرينا طبيعيه,
لا .. هي مانها طبيعية ... بس هنه ما بيعرفو انو هنه جبابرة ليقدروا يتحملو هالكم الهائل من الضغط ...
شايفين يا جماعة بشو عم العي .. لك حتى انا ... اي اي انا يلي عم اكتب هلا .. ماني عرفان بشو عم خرف وعن شو عم احكي ... اوعكون تفكروني سكران ... لانو انا ما بشرب ... بس الضغط هو يلي بيخلي حرارة الواحد منا ترتفع ويبلش يخربط ويشخبط ... لانو هلا في وراي هنيك اتنين نايمين وبيناتون امون إلي عم تزعجني بشخيرا ونيالكون انتو يلي عم تقرو هلا لانو مانكون عندي لتسمعو انغام آخر الليل وطبعاً هي كمان عم تعيش حالة ضغط لانها شايله التالت يلي راح يشرفنا عن قريب بعد شي شهرين وانا راح صير الخامس تبعهون ... وهاتو لنشوف كيف راح ندبر الموضوع ... يعني لما بيكتر الويق والواق من حولكون يا افنديه ... فرجوني كيف راح فيكون تكتبو خربشات وخواطر وتحكو بالفن والفلسفه ...
على كلٍ مو مشكلة أنا اليوم ماني طبيعي .. بس بوعدكون انو راح حاول ابقى على اتصال بالمنتدى الي حبيتو وفعلاً هو المنتدى الوحيد الي لساتني محتفظ باللينك تبعو بالفافوري تبعي .. وبشكر ادارة الأخوية يلي بعتتلي تنويه زغير عن منافذ للولوج من خلالها للمنتدى.
وللادارة حصراً انتو بتعرفو شغلكون اذا لقيتو خربشتي هاي مانها مناسبة للاطلاع .. خربطوها وامحوها وما راح ازعل لانو انا بحترم ادارتكون كتير.

satoman 07/12/2008 04:16
اقتباس:
كاتب النص الأصلي : Tolistoy (مشاركة 1174848)
لك معقول من 8 شهور تقريباً ماني مشرف الأخويه؟
.

مو معقول :shock:

ابو ريتا 07/12/2008 04:19
اقتباس:
كاتب النص الأصلي : Tolistoy (مشاركة 1174848)
يلعن هالحاله ... ولك يا جماعة .
قلتلي انك من الحسشة لكن:larg:

Tolistoy 07/12/2008 04:28
شكراً لمرورك ... اي ياسيدي معقول ونص.. لانو انا بعد ما خلصت الخذرفة تبعيتي قلت لحالي معقول ليش لا!

Tolistoy 07/12/2008 04:31
اي ياسيدي من الحسجة ... الست مصدقاً ... هل من مبارز:gem:
اقتباس:
كاتب النص الأصلي : ابو ريتا (مشاركة 1174860)
قلتلي انك من الحسشة لكن:larg:

satoman 07/12/2008 04:33
اقتباس:
كاتب النص الأصلي : Tolistoy (مشاركة 1174868)
شكراً لمرورك ... اي ياسيدي معقول ونص.. لانو انا بعد ما خلصت الخذرفة تبعيتي قلت لحالي معقول ليش لا!

اي مو معقول ؟

satoman 07/12/2008 04:35
اقتباس:
كاتب النص الأصلي : Tolistoy (مشاركة 1174871)
اي ياسيدي من الحسجة ... الست مصدقاً ... هل من مبارز:gem:

عليك به ابو ريتا :gem:

ابو ريتا 07/12/2008 04:36
اقتباس:
كاتب النص الأصلي : Tolistoy (مشاركة 1174871)
اي ياسيدي من الحسجة ...
اي يا حبيب , ما قلتلي حسجة ولا حسشة ؟:larg:

sweetbaby 07/12/2008 04:52
من الخواطر والخربشات:D

Tolistoy 07/12/2008 04:56
ضحكتني والله من قلبي يا أبو ريتا .. كان الي اصدقاء من اللادقية يدرسو معي باللادقية يحبو يلفظو كلمة الحسكة باللهجة الشاوية ويقولو متلك هيك الحسشة ... بس بحب صحح هالمعلومة عنك هي الحسجة بالجيم ام التلت نقط ...اوكي

ابو ريتا 07/12/2008 05:00
اقتباس:
كاتب النص الأصلي : Tolistoy (مشاركة 1174899)
ضحكتني والله من قلبي يا أبو ريتا .. كان الي اصدقاء من اللادقية يدرسو معي باللادقية يحبو يلفظو كلمة الحسكة باللهجة الشاوية ويقولو متلك هيك الحسشة ... بس بحب صحح هالمعلومة عنك هي الحسجة بالجيم ام التلت نقط ...اوكي
اي كل ما بدك تضحك من قلبك أنا جاهز , ايوا يعني الكاف ما بتصير شين , متل شلونش:larg:

روعة1 07/12/2008 06:04
اقتباس:
كاتب النص الأصلي : sweetbaby (مشاركة 1174894)
من الخواطر والخربشات:D
خواطر و خربشات :o

tyty800 07/12/2008 06:16
قلتلي انتا من الشحسة

اهلين والله
:larg::larg:

homam85 07/12/2008 07:07
بشيطة أخي هونها بتهون

Tolistoy 13/12/2008 02:55
واهلين بيك انت كمان تيتي وشكراً لمرورك وما بخفي عليك انو اسمك ذكرني بنوع من العصافير عنا وهاي ما بتظهر إلا بالربيع والصيف بس وبنسميها ( تيتي ):ss:
اقتباس:
كاتب النص الأصلي : tyty800 (مشاركة 1174928)
قلتلي انتا من الشحسة

اهلين والله
:larg::larg:

Tolistoy 13/12/2008 02:58
بالسين يا أخي بالسين ما بيلزمو هدوليك النقط التلاته شكراً لمرورك ;)
اقتباس:
كاتب النص الأصلي : homam85 (مشاركة 1174940)
بشيطة أخي هونها بتهون

Tolistoy 13/12/2008 03:02
لك اي دبرلي هاي بئى اذا حبينا نقول لجماعه شلونكم يعني حسب المعجم تبعك لازم نقول شلونشم ... اي شو هالقاموس يلي عندك ياه:yahoo:
اقتباس:
كاتب النص الأصلي : ابو ريتا (مشاركة 1174902)
اي كل ما بدك تضحك من قلبك أنا جاهز , ايوا يعني الكاف ما بتصير شين , متل شلونش:larg:

Tolistoy 13/12/2008 03:15
شكراً لمرورك اخت روعه بس ما فهمت التعليق تبعك وبدي اطلب منك طلب زغيييييييير ... ممكن... اه...اي شو ... ممكن .. وكأني سمعت ممك...ن .. يلا بدي اعتبر حالي سمعتها ... هالصورة يلي بتميزك ... يعني .. اي يعني والله الدنيا عنا هلا تحت الصفر بـ 600 ألف درجة .. بلاها هالصورة حطيلك شي جمرة شي دعاية صوبيا .. لك شمعة بيمشي الحال .. أونس ... اي .. ما تزعلي بمزح;)
اقتباس:
كاتب النص الأصلي : روعة1 (مشاركة 1174924)
خواطر و خربشات :o


الساعة بإيدك هلق يا سيدي 03:35 (بحسب عمك غرينتش الكبير +3)
الصفحة 1 من 2 1 2 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.05415 seconds with 11 queries