|
سؤال صريح للشباب والصبايا ؟؟؟
اختى الكريمه من المؤكد انك راسمه صورة حلوه لزوج المستقبل وشي اكيد انك محددة مواصفات خاصة تتمناها كل فتاة ولكن وبكل صراحة .... لو صدف وجاءك من ترضين خلقه ودينه وفيه كل المواصفات التى تحلمين بها وعمره مناسب لك وعيبه الوحيد انه متزوج ولديه اولاد .... فهل ترضين به دون تردد ام لديك شروط ؟؟ ولماذا ؟ او ترفضين ان تكوني الزوجه الثانية ؟؟ ولماذا ؟ وسؤال للشباب كرمال يناقشو وما يكونو برات الموضوع شو الاسباب الي بتخليك تتزوج على زوجتك ؟ ولو كانت عاديه وما فيها علة ليش بتتزوج لانو بمجتمعنا العربي كتير رجال بيتزوجو كتير من غير اي سبب يا ترى هوي بس زواج للمتعه لو كان ما في ولا سبب يخليك تتزوج على زوجتك ؟؟ اتمنى ان نناقش الموضوع بجديه وبصراحه مع خالص التقدير للجميع:ss: |
لاء طبعا مابوافق اكيد يضرب بشكلو واصلا
الشباب متل الهم عل القلب معبايين الدنيا عل البسطات العشرة بخمسين حمل وامشي انو اكيد مايزعلو الشباب :p مزح انا زي الفريك ماحبش شريك :larg:بحب كون الاولى والاخيرة يعني من ايدي لآيدو (( عزرائيل)) |
اقتباس:
|
بصراحه الله لا يحطنا بهيك وضع
انا شفت هالتجربه خالي مرتو مريضه فتزوج عليها والله اني كتير بحزن على الزوجه التانيه بحسها انظلمت اغلب العيلة مقاطعيتها لهيك لازم البنت تفكر منيح القصة مو وزاج القصة بما بعد الزواج |
اقتباس:
بس ازا صار ولاقدر الله مالو غير يترحم على حالو ((اذا لحق)) تسلم دياتك عل الموضوع موفقة تحياتي:D |
الله يسلمك عيوني ويعيشو ايديكون عالمشاركة يا حلوات
|
اقتباس:
لا بالعكس بس ماراح احس اني شريكة حياته ,,,لان هناك من تشاركني به ,,, وثاني شي ,اي شي يخص الزوج بحاايته لازم يشاورني ويشااورهاااا ,, والأهم :: لما يحكيلي ياحياتي وياعمري ,,,,ماراح اصدقه !! لان نفس هالكلام يقوله لزوجته الثانيه ,,,, وبنهااااايه ,,,مااعرف مين هي قلبه وعمره وشريكة حيااته ,,,أنا ام هي ؟؟؟؟ عشان كذااا !! مستحييييييييييل اسمح لزوجي يفكر مجرد تفكير ,,,انه يتزوج علي ,,, لكن اعرف كثير وكثير من البنات من ترضى ان تكون الزوجه الرابعه والثاالثه ,,,, يسلموووووو ع المووضووع الرااااااااااائع ,,,, |
اقتباس:
|
انا لسا ما تزوجت بس حسب خبرتي بالحياة وشو شفت ...
بعرف انو في كذا نوع للرجل بالحب ... واسمحي لي بالاطالة لكي تفهمي مقصدي .. فانواعهم وانا اختار ان اكون من الاخيرة ... هم .. النوع الاول هناك من يحبك بجنون ويسعى جاهدا لإصابتك بهذا الجنون و لا يستوعب رفضكلمشاعره بهذه السهولة فيحاصرك بسيل من المشاعر اللا مرغوبه ويمارس عليك الغيرة غير المباحة فيكتفي بحبه لك ويحملك جميل هذا الحب ويجب لزاما عليك أن تحبه و إلا نعتك بصفات مرفوضة إنسانياً النوع الثاني هو من تحبيه أنت بجنون فتكون مصيبتك العظمى حين يدرك حجم هذا الجنون فيتفنن في إيذائك و كأنه ينتقم منك لانك احببته فيتمادى في إيذائك ليذيقك مرارة حبك وافتقاده ويتمادى في الهجر والصد النوع الثالث هو من يحبك بصدق فيعاملك معامله الود يحبك بصمت ويحترمك بصمت ويتمناك بينه وبين نفسه يمنعه اعتزازه بنفسه من الاقتراب منك إذا كنت مشغولة بغيره فيكتفي بالحب من اجل الحب ويحتفظ بك صوره جميلة في ذاكرته النوع الرابع هو من يحبك وتبادليه شعوره فيضمك إلى ممتلكاته باسم الحب يحاصرك بغيرته فيسجنك بدائرة الممنوعات يحصي عليكي أنفاسك يحاسبك على أحلامك ويسلبك حتى ابسط حقوقك وهي التعبير عن شعورك تجاه الأخريين فتعيشين في صراع دائم النوع الخامس هو من يغادر حياتك فيترك ورائه فراغا باتساع السماء تحاولين جاهدا ملئ الفراغ فتتعرفين على من يستحق ومن لا يستحق وتقعين عندها في المشاكل و الفراغ العاطفي النوع السادس من يجعلك تندمين على معرفته فيسقيك الإحساس باالالم والندم ، مواقفه تخذلك وتصرفاته تخجلك النوع السابع هو من يطيل الانتظار أمام بوابة أحلامك و إذا سمحت له بالدخول عاث فيمدينة أحلامك وشوه اجمل الأشياء بقلبك وتركك نادمه على معرفته.. النوع الثامن هو من يدخل حياتك بلا استئذان يقدم لك الحب فوق أوراق الورد يحملك إلى عالم الأحلام يحول حياتك إلى عالم الخرافات والأساطير يشعرك بمسؤليته تجاهك و انكي مسئولة منه يعلمك الصدق والحب و الإخلاص يحول سوادك إلى بياض وليلك إلى نهار وظلمتك إلى شمس يصبح قلبك الذي تعشقين به وعينك التي ترى بها ، هذا الإنسان إذا ضاع بحق نبكيه بحرقه عليه اسف اذا طولت بتمنى تكوني لقيتي اجوبة لسؤالك ... |
اقتباس:
|
ياعيني عليك ياااابحر بهالزمن
أخي توم :lol: |
اقتباس:
|
الرجال منو كعكة لحتى تتشارك فيو اكتر من مرأة ،
والمرأة مو ربع إنسان لحتى يجي الزلمي ينكحلو شي تلاتة أربعة ليحس أنو رجال .. لا بقبل شاركو بحدا ولا بقبل حدا يشاركني فيو .. وبس .. |
لا مستحيل اقبل بهيك شي
على اي اساس يشاركني فيو اي حدا ؟ عالهامش : هالموضوع كأنو نحكى فيو من قبل :D |
بالنسبة لألي اذا أتزوجت حبيبتي فلن تأخذ مكانها اي إمرأة أخرى
لأنها بإختصار ( إختصرت كل ما في الأرض من النساء ) بحبك يا بنت :sosweet: |
اكيد ما بقبل شو متجوز
انا اصلا ما بطيق الرجال اللي ما بتكفين مرة وحدة اقتباس:
:D |
هاي
كيف الصبايا والشباب بالنسبة لسؤال الشباب انا رأيي انو اذا ما كان عند الشب سبب مقنع لحتى يتزوج مرة تانية (( متل عدم الانجاب بسبب عقم الزوجة او عدم التفاهم بين الزوجين )) بيكون الزلمة عم يرتكب جريمة بحق نفسو وحق الانسانتين يلي بلاهن فيه كمان الزلمة بمرة وحدي مو خالص من كتر النق كيف باكتر :o بعدين كيف بدو يحل المشاكل يلي رح تصير بين الضراير؟ :o ع قولة المثل بيكون صار فيه (( وجنت على نفسها براقش )) |
موضوع مثير للجدل
سؤال يحمل بين طياته عشرات الاسئلة لن اناقش موضوع الحب لانه في الحب لاخيارات ولاقرارات اما ان تحب او لاتحب قد ينتهي هذا الحب بالزواج وقد لاينتهي اناقش موضوع قرار الزواج بحسب مااوحى لي الطرح ((لوجاءك رجل في عمر مناسب ويتمتع بالمواصفات )) اذا لاعلاقة للحب بالموضوع سؤالي هل انت في محيطك الخاص صاحبة قرار ؟؟؟؟ سؤالي هو هل قرارك بعمر 18 هونفس قرارك بسن 28 اي انه لايتأثر بموضوع العنوسة ؟؟؟؟؟؟ سؤالي هو اذا كنت زوجة ثانية ماالضمان انك ستكونين الاخيرة ؟؟؟ تقبلو مروري :D:D:D:D يسعد مساكي ياشام |
اقتباس:
|
اشكر اهتمامك ولكن
سؤالي هل تنطبق حالتك على كل بنات شرقنا اناقش الموضوع بوجه عام شكرااااااااااااااااا يسعد مساكي ياشام |
اقتباس:
|
العمر كتير قصير ومو محرزه حدن تاني يقاسمني زوجي!!!!!
|
اقتباس:
كعكة |
اقتباس:
|
شكرا لمروركن مروش وابو وليم وناريمان على موضوعي المتواضع :sosweet:.....محبتي وتقديري:D
|
اقتباس:
كان ممكن يكون قطعه جاتو مثلا:larg::sosweet::deal::clap::clap::clap: |
اول شي يسلمووووو عالموضوووع كتييييير حلووووووووو
وتاني شي انا من جهتي طبعا مارح وافئ اول شي متزوج وانا ما بقبل اني كون ضره وتاني شي عندو ولاد يروح عند مرتو وولاد احسن ما يدورلو على جوازه تانيه وتالت شي ليش ماضل غيرو زلمه بالدنيا يعني متل ما اجا هوه وفيو هالمواصفات اللي انا بحها في الف زلمه ومليووون كمااان فيو هالشغلات هي :hart:والدنيـــــــا كلـــــــــها قســــــمه ونصــــــــيب ياااااااااااارب اتجوز اللي بحبوووووووو :sosweet::sosweet::sosweet: |
اقتباس:
اي الله يخليلك زوجك:lol: |
اول شي لما المرا مابتكون عاملة شي حرام زوجها يتزوج عليها
بس بالنسبة الي ماباخود واحد متزوج قبلي ولا عليي بس عن جد طرح حلو |
اقتباس:
بحيي رايك ام السوس وكلامك كله جواهر يا اغلى جوهرة |
اقتباس:
إذا أكلنا كل يوم موز .. كل يوم موز ......... منموّز بعدين لازم يوم موز .. يوم تفاح .. يوم فريز .... ولا بأس يشي يوم مانجا :larg: |
اقتباس:
.. الجمع بين الزوجات هوي دعارة لكن برعاية الشرع والقانون.. متل ما اقتضى التطور الانساني الغاء العبودية بالاسلام مع انها غير محرمة بالنص التشريعي.. كمان يجب الغاء الزواج من اكثر من امرأة في الاسلام تماشيا مع التطور الانساني.. |
اقتباس:
|
يا لطيف شو عينكون ديقة
|
اقتباس:
انو ليش ما حدا فكر فينا نحنا الشعب المغلوب ع امرو بلا ما نموز و نفرز متلا؟ |
اقتباس:
اقتباس:
اقتباس:
فانه يعني جبناك يا عبد المعين لتعين طلع بدك مين يعينك :lol: اقتباس:
بس انه حابب استفسر شو اللي عما يخليكي تسألي بالضبط ؟ الشخص اللي سمح للرجل بالزواج من تانية وتالتة ورابعة حط اي شرط من الشروط اللي عما تستفسري عنها او خصص الحالات اللي عما تحكي فيها ؟ يعني قال لازم يكون في علة بالمرأة الأولى لحتى ينسمحلك تتزوج التانية ؟ او قال لازم يكون في اسباب عاطفية او دوافع مادية لزواجك .. انه يعني ليس فقط لمجرد المتعة ؟ مستغرب ليش عما تسألي بخصوص اشياء واضحة كتير :? |
اقتباس:
|
أكيد لأ .. ومستحيل كمان.. لانو في وحدة تانية و اولاد هدول رح يتدمروا ..
كيف بدي ابني سعادتي على حساب غيري؟؟ |
اقتباس:
اقتباس:
|
[quote=nour333;1253865]لو حطيت متال البيض لملون كان افضل يعني ازا كان ملون بأحمر او بأصفر او تنفسجي بالاخير بس اتقشرو بضل بيض
والله انا معك 100% ما شي الحال بس لو بدنا نمشي على نظريتك يا ريت بالاول تحلي موضوع العنوسة والمطلقان والارامل بعدين انا بأكدلك رح روح قوص كل رجال متزوج واولهم خالي[/quote والله وانا معك 100%ماشي الحال بس انو لو اجا يوم عدد الرجال اكتر من عدد النسوان ياترى رح تطالب النسوان بتعدد الازواج ؟؟؟؟؟ وبعدين سبحانه وتعالى يعني خلقلنا هالمشكلة ومالقالها حل انو شو كان بدو فيها وكمان سبحانه وتعالى كان زبطلو لادم 24 حوا يعني ليش قطعو هالقطعة هاي كلها مبررات للضحك على الاخلاق نعم تعدد الزوجات دعارة باوراق نظامية تقبلو مروري :D:D:D:D يسعد صباحك ياشام |
| الساعة بإيدك هلق يا سيدي 21:47 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون