كاتب النص الأصلي : mhsen77 (مشاركة 1329156)

بعدك جديد عالمصلحة

صار عنا خدمة شي خمس سنين

بس ترى بيحقلك تسجل معنا :D

كاتب النص الأصلي : هشام ابو شرار (مشاركة 1334632)

كاتب النص الأصلي : marochka (مشاركة 1333943)

أنا وقت تجوزت على لبنان فكرت حالي ما عم اتغرب، أنو المفروض الوضع كتير قريب من بعضو، يعني أصلاً كلا ساعة ساعة وشوي وبصير بنص الشام عند أهلي. بس تاري القصة مو هيك بالظبط، أول شي في بعد عن كل شي الواحد متعود عليه، يعني الرفقات والأهل وحتى الشوارع، وبعدين هون ما بتعرف كيف ماشي البلد، يعني في دولة وما في دولة، يعني بالشام صحيح كنا نضل ننق من الفساد والأمن (كسلطة طبعاً) بس أنو يا محلاهون قدام أنك كل يوم لازم تسمع الأخبار وتشوف كل زعيم شو مزاجو اليوم لتعرف شو ممكن يصير معك بس تطلع من البيت.

كاتب النص الأصلي : Sun Shine Art (مشاركة 1334504)

هلى انا نظرتي مختلفه عن اغلب الناس ..عن الغربه ...
انا الي بالغربه 6 سنين ...ولما اتغربت كانت لاسباب عائليه ...كنت احلم كتير بالسفر بس لما صار وصرت بالغربه خفت كتير وخاص مجتمع مختلف كليا عنا ...بس لما بلشت اتأقلم مع الوضع ...اختلفت نظرتي كليا ...انا ما بقلك اني ما بشتاق لبلدي وما بتمنى ارجعلها ..بس للاسف ..لما بشوف شو الي عم يصير بالبلد والي عم ترجع لورى ..بحس بالاسف والالم ....

اما الغربه عطتيني الالم والوحده الي كمان كنت حس فيون ببلدي وطورتني عمليا لابعد الحدود ولو كنت ببلدي ما كنت اطورت ولا اتقدمت بهل الشكل .وهدا الشي مافيني انكره ...الصراحه الغربه عطتيني عمليا الي ما عطاني بلدي ...وفكريا فتحتني كتير وعلمتني كيف اتقبل الاخر .....عائليا اكيد في شوق بس يمكن للذكريات مو اكتر ...

والصراحه انا ما بفكر ارجع ...اول سنه كنت اتمنى ارجع ..بس الوقت هلى لا ..الغربه ضافتلي كتير مفاهيم ع شخصيتي وعلمتني اشياء كتير كبيره .....

حلوه ومره ...متل هل الوطن الي هو حلو ومر .....

وهي الك :D

كاتب النص الأصلي : Nay (مشاركة 1334509)

كاتب النص الأصلي : ابو نجبو (مشاركة 1334433)

كاتب النص الأصلي : قرصان الأدرياتيك (مشاركة 1334536)

الغربةُ مثل الفودكا كلاهما يفتكان في جسدي فتكَ النّسرِ بطريدته!

كنتُ في غربةٍ إبّانَ دراستي في لبنانَ، غربةٍ في لهجتي، وغربةٍ في مهجتي! كنتُ غريباً عن أجواءِ هذا البلد، عن جوّه السياسيّ، وعن جوّه الاجتماعيّ... إلخ! وما أن تآلفتُ "فكرياً" معه، بعد عامٍ أو عامين من الدراسة فيه، حتّى بدأت سلاسلُ الغربة تتفكّك عن أوصالي ولمّا تتمّ عتقي بكليّتي حتّى غادرتُه إلى بلدٍ أوروبيّ في صدرِه الغربيّ ينبضُ قلباً شرقيّا! مكثتُ فيه أربعة أعوام ونيّف وذقتُ الغربة كما لم أفعل في لبنان!

وبعدَ مضيّ هذه الأعوام... وبعدَ أن صقلتُ جهالتي، وقوّمتُ ما خلّفته العادات البالية في نفسي، ومنحتُ هذه النفس مكاناً فسيحاً تلهجُ فيه وتلهو، اقتطفتُه من حياتي الدنيا في عالمٍ غريقٍ بأسباب المادّة؛ دفعتني الظروف إلى العودة إلى بلدي. وما أن راحت الأيّامُ الأولى تعدو حتى اختنقتُ وقلتُ: غربةٌ في الوطن لأشدُّ كفراً من أيّة غربة! كنتُ غريباً عن بلدي وأبنائه في فكري وعاداتي ومهما فعلتُ إلا أنّني بقيتُ على هذه الحال قلباً واضطررتُ إلى أن أكون على غيرها قالباً!

وها قد عُدتُ لبنان وغربتي لمّا تزل على ذينك الحال!

هذا العالمُ بأسرِه لن يفكّ غربةَ نفسي عنه وعن أصحابِه!
:D.

كاتب النص الأصلي : بنفسجة (مشاركة 1334594)

مسافرة لحالييييييييييييييييييييي يييييييييييي لحالي وحق ربي لحالي قال العيلة قال :lol::lol::lol:

كاتب النص الأصلي : أإأبو العبد (مشاركة 1334715)

يا ابو نجبو ماحدا بيتغرب الا الي ظروفو جبرتو وشو في بهالدنيا اغلى من حضن الام وحضن الوطن
وانا الحمدلله لتنين فاقدن:lol:

كاتب النص الأصلي : ابو نجبو (مشاركة 1334889)

مالي مختلف معك ...بس انو كتير مئرورء من البعض اللي ما بيسافرلو سنتين زمان بيرجع وتقول عايش طول عمرو بالشانزليزيه أو بالامباير ستايت....:pos:
تخيّل انو في واحد من المعارف طلع عالامارات سنة ونص ولمّا رجع قال نسي وين مكان بيت أهلو......:?

هيك أصناف ما بتخرط مشطي أبداً....:sick:

كاتب النص الأصلي : Nay (مشاركة 1334973)

أضرب من هيك في واحد بعرفو طلع على اليونان سنتين .. وشفتو بعد ما رجع مع مجموعة من الاصدقاء.. وجه الكلام للجميع قائلا: اذا بتريدو تحكو شوي شوي لأنو نسيان الأربي أنا...

كاتب النص الأصلي : Nay (مشاركة 1334973)

أضرب من هيك في واحد بعرفو طلع على اليونان سنتين .. وشفتو بعد ما رجع مع مجموعة من الاصدقاء.. وجه الكلام للجميع قائلا: اذا بتريدو تحكو شوي شوي لأنو نسيان الأربي أنا...

كاتب النص الأصلي : ابو نجبو (مشاركة 1334985)

:lol: :lol: :lol:

شكيلات ...خيلة

كاتب النص الأصلي : أإأبو العبد (مشاركة 1335063)

يارجل هدول ولا شي

في شب ايام الجامعة سافر عتركيا شهر بعد ما رجع رحنا عالمطعم قام طلب (واحد كاتون وواحد مندريز) طبعا طلبن بكل جدية وثقة بالنفس مع العلم انو هي اول مرة بحياتو بيطلع برات الشام:lol:

هامش : كاتون = كاتو = كيكه
مندريز = مندرين

كاتب النص الأصلي : Nay (مشاركة 1335175)

كاتب النص الأصلي : marochka (مشاركة 1335233)

مظبوط، هي أنا شفتا كتير، بس حتى العالم اللي برا بتحسيهن بيتفاجؤ بس حدا يقول أنو سوري بكل ثقة، أنا صارت معي مع واحد بروفسور سئيل بروما، عندو عقدة من السوريين من وقت ما اشتغل فترة بسوريا، وكان يعطي أمثلة عالتخلف كلا عن سوريا، ووقت لقاني بحكي أكتر من لغة صار هو يجرب يقنعني أنو أكيد فيني عرق مو سوري، وبقي ست أشهر عم يجرب يعرف شو ديني ما قدر، بس أنو معو حق بشغلة يعني خلال عشر سنين العالم عم تروح منح من سوريا ما مرق غير تنين بيحكو لغة أجنبية والباقي رايحين ما بيعرفو غير عربي ورجعو ما بيعرفو غير عربي، يعني هي النقطة كان يستغلا كتير كمثال على تخلف سوريا رغم أنها مثال بس على تخلف المسؤولين عن المنح

كاتب النص الأصلي : Nay (مشاركة 1335175)

كاتب النص الأصلي : marochka (مشاركة 1335233)

مظبوط، هي أنا شفتا كتير، بس حتى العالم اللي برا بتحسيهن بيتفاجؤ بس حدا يقول أنو سوري بكل ثقة، أنا صارت معي مع واحد بروفسور سئيل بروما، عندو عقدة من السوريين من وقت ما اشتغل فترة بسوريا، وكان يعطي أمثلة عالتخلف كلا عن سوريا، ووقت لقاني بحكي أكتر من لغة صار هو يجرب يقنعني أنو أكيد فيني عرق مو سوري، وبقي ست أشهر عم يجرب يعرف شو ديني ما قدر، بس أنو معو حق بشغلة يعني خلال عشر سنين العالم عم تروح منح من سوريا ما مرق غير تنين بيحكو لغة أجنبية والباقي رايحين ما بيعرفو غير عربي ورجعو ما بيعرفو غير عربي، يعني هي النقطة كان يستغلا كتير كمثال على تخلف سوريا رغم أنها مثال بس على تخلف المسؤولين عن المنح

كاتب النص الأصلي : قرصان الأدرياتيك (مشاركة 1335313)

بالشق الأوّل معك حق وهنّ معن حق! كيف؟! بالنسبة ألي ما عندي أي مشكلة قول أنا سوري وين ما كان، لا بل بحب قولا برغم أنّو هالاسم بأوروبا بيوطي الراس للأرض، وبيخلي العالم تتجنبك وتنظرلك شزراً! بس كمان بنفس الوقت أنا ما بلوم السوريين يلي بيتجنبوا الاسم وبيفتخروا بانتماءاتن القبليّة والدينيّة لسبب بسيط جداً: أنّو شو مقدملن هالاسم لينتموا ألو؟! يوم سافرت من روما كتبت صفحة مذكرات بتحكي عن هالموضوع ورح نزلها شي يوم بمكانها. عموماً أنا بحب الإنسان الشجاع يلي بيعترف بجنسيتو شو ما كانت تكون.

هلا بالنسبة للشق التاني ويللي هو الهرب أو تجنب كلمة "عربي" فهو أمر صحيح وأنا بسورية وخارج سورية بتجنبها لأن أصلاً السوريين ليسوا عرباً. ودائماً بكتفي بقول عن حالي "سوري" دون أي إضافة أخرى. ومعروف تماماً شو علاقة السوريين بالعرب والقبائل العربيّة، وكمان تاريخ سورية والآثار الممتدة من شمالها لجنوبها بتأكد أنو سورية بلد السوريين ويلي ما بيعرف شو معنى الكلمة يا ريت يراجع اللغات اللاتينية أو اليونانية قبل قرن من الزمن ليعرف أنو كلمة سوري تعني سرياني بس وجود دولة بهالاسم خلانا نفصل بين اسم شعب وبين صاحب جنسيّة...

أنا هون ماني بصدد لشرح انتماء معين أو سرينة السوريين أو الدفاع عن فلان أو علتان... إلخ! أنا كتبت اللي كتبتو أعلاه بس للتأكيد على أنو من الخطأ يقول السوري عن نفسو بأنّو عربي إلا اللهمّ إذا كان منتمي لشي قبيلة عربيّة من قبائل البدو أو القرى أو المدن.
وكمان لا ننسَ أنو كلمة "العربية" اللي انضافت لاسم "الجمهورية السورية" كانت على عهد الشيشكلي يعني من نص قرن!

وبصراحة كاملة أنا ما بحب دين أي مغترب على تصرفاتو، لأن لو كان البلد مشبع ابنو ومعلمو ما كان صار هيك! فلا تلوموا حدن لأن رح يجي يوم وتمروا بنفس التجربة!
:D.