|
المدرب الوطني فجر ابراهيم
المدرب الوطني ( و يمكن حرام نقول عنو مدرب ) فجر ابراهيم :jakoush: صرح بعد المباراة السابقة مع المنتخب الاماراتي
انو مو الحق عليه بالنتيجة اللي انتهت عليها المباراة و الحق على اللاعبين لأنو ما بيلعبو مع المنتخب متل ما بيلعبو مع الاندية و كمان قال انو تبديلاتو كانت صحيحة بالمباراة على كل حال كلنا منعرف فجر ابراهيم و شو ساوا بالمنتخب منشان هيك كل واحد بيهمو امر المنتخب يفوت ويطالب بتبديلو لأنو تخنا :jakoush: ونحني منعمل الي علينا |
** اختك يافجر ابراهيم ..
الله يحرقلك قلب متل ماحرقتلنا قلبنا .. وان شاء الله بتروح دعس والله بخلصنا منك وع فكرة اخر الاخبار فجر باقي مع المنتخب على زمة موقع سيريا سوكر |
يجب ان يتبدل:lol:
|
مو شي جديد
جيبولنا نزار محروس ولا ابو شاكر ملينا ولو وبقول متل ما قال حسون مايسترو |
شبكون ليش بتكرهوه لهالمدرب
روقو شباب والله ما حاستو سيء لهي الدرجة كل القصة انو هو بيحب لعيبة الكرامة زيادة عن اللزوم ونص المنتخب منون بتتصلح القصة مافي مدرب بالعالم بيجيب الفوز بكل المباريات لفريقو |
اقتباس:
لك هادا عاملو كزا انجاز ومشهودين هادا فجر شو عندو لك ينعنن رفن كيف بختارو يازلمة لك عنجد هالاتحاد الرياضي بشق الواحد شق يازلمة |
اقتباس:
القصة اكبر من هيك بكتييييييييييير |
أذا بيجيبو أبو شاكر أحسن منو لأنو ع الأقل بيعرف الدوري تمام ومتابع كل لاعبين الدوري وقادر يحط الرجل المناسب بالمكان المناسب
|
اقتباس:
وفي عندك الكردغلي على سلامتو والله بس الهيئة الزلمة مدعوم , عندي شعور أنو ممكن ناكلها بخارج أرضنا أذا ما نمسح فينا الأرض بس بعد شو بيكون الي راح راح جماعة الأتحاد الرياضي بحسون طنابر أو عم يطنبرونا عينك عينك :jakoush: |
اذا جابو ابو شاكر رح يعمل فريق الكرامة كلو منتخب سوريا الوطني
وعلاق بحسون بقا |
مين قلكن اب شاكر برضا اصلا :lol:
لك مدرب اليقظة مابرضى يجي ع يدرب المنتخب ازا طلبو منو ليش ؟ لانو ببساطة بالمنتخب على ما اظن سقف راتبو 10 او 15 الف بينما عمك اب شاكر بلحقلو بالكرامة 200 الف شهريا هادا راتبو بعد اخر زيادة .. يعني حتى لو اب شاكر حمصي بس مابيعملا :lol: |
اقتباس:
|
اقتباس:
|
اقتباس:
اي مو غلط اخي .. كلشي ممكن بالنوادي .. بعدين ع فكرة هادا مايطلع ع الخليج بشي عقد ليدوبلن ع مرتين وبرياحة |
اي ابوشاكر بيستاهل يكون راتبو اعلى منرئيس الاتحاد الرياضي العام
يعني شو عم يشتغل هالرئيس مش عارفة احلى ابو شاكر |
لما تعارضت مصالح الاتحاد الرياضي مع المدرب الاجنبي ... رفضوه
|
بعد الحديث الذي أولى به مدربا الوطني فجر إبراهيم لقناة ART وتحديداً لبرنامج باب الملعب الذي بث مساء الإثنين الماضي , حين أثار أن هناك إتصالات مع الكابتن عمار عوض لاستلام مهمة مدرب مساعد , تم الإتصال هاتفياً مع الخبير الأكاديمي عمار عوض والذي أكد أنه مستعد للعمل والتعاون مع الكابتن فجر إبراهيم لمصلحة المنتخب الوطني لكن ضمن شروط ومن هذه الشروط أن يعمل مع الإبراهيم كفريق عمل وليس مدرباً مساعداً وحتى اللحظة لم يتم الإتصال به من قبل إتحاد الكرة وإنما هناك رابط صداقة واحترام واتصالات قبل أشهر مع الكابتن فجر الذي أشار بل طلب شخصياً من عمار التعاون معه لمصلحة المنتخب وأكد أنه لم يتم أي إتصال به من قبل إتحاد الكرة أو أحد أعضائه وأضاف عمار في حديث هاتفي مع موقع الكرة السورية أنه لا يفكر في الإجابة إن تم طرح الموضوع قبل شهر حزيران وهي فترة نهاية عقده مع نادي الوحدة ومن ثم وكما هو معروف سيتم تجديد عقده مع نادي الوحدة فإنه سيستأذن رئيس النادي الشيخ سعيد بن زايد آل نهيان لتأدية مهمته الوطنية لمدة شهرين فقط حتى يعود لعمله .
ولان الكابتن عمار يحظى بحب وتقدير كبير من نادي الوحدة إضافة لراتبه الكبير بالدولار وإلى جانب أن لديه مدرسة ( أكاديمية ) خاصة للتدريب وهي ذات شهرة كبيرة على مستوى الإمارات فإنني أتوقع للكابتن عمار فعلاً أن يضع تصرفة وخبرته في التصفيات الحالية وهي محط إحترام لخبرته ولكن يبقى السؤال هل سيتصل إتحاد الكرة بعمار أم أن ماذكره مدربنا فجر إبراهيم هو من أجل إعطاء الشارع الرياضي إبرة تخدير وهو القائل "لا أريد مدرب مساعد كرمبارس " ونحن ندرك تماماً أن عمار عوض لا يمكن أن يعمل مساعداً لأي مدرب لأن خبرته تحتم عليه أن يكون مدرباً وأخلاقياته تؤكد أن مصلحة المنتخب والوطن جعلته يوافق للعمل كمتعاون |
| الساعة بإيدك هلق يا سيدي 19:59 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
