|
سورية تلزم الطلاب مطالعة كتاب كل شهر وتقديم ملخص عنه
سورية تلزم الطلاب مطالعة كتاب كل شهر وتقديم ملخص عنه
طلبت وزارة التربية في سورية من مديرياتها التأكيد على المدارس العامة والخاصة على ضرورة تكليف التلاميذ بقراءة كتب من المكتبة المدرسية بمعدل كتاب شهريا وتلخيصه شفويا تشجيعا للقراءة. أريبيان بزنسوقالت الوزارة أن الطالب المتفوق والمثابر سيمنح مكافآت عينية من المدرسة مثل شهادة تقدير أو ثناء أو تفوق من المدرس ونشر اسمه في لوحة الشرف. وأكدت الوزارة في تعميم لها على أهمية تفعيل المطالعة الحرة من خلال تعاون معلم المادة مع أمين المكتبة وتكليف كل طالب بقراءة موضوع علمي أو تاريخي في كتاب أو موسوعة يحدده المعلم أو أمين المكتبة أو يختاره الطالب. وبينت أنه بعد إنهاء الطالب لقراءته يتم مناقشته في مضمون الكتاب أمام زملائه في أوقات الفراغ المتاحة أو نشره في مجلة الحائط فضلا عن منحه من قبل مدرس المادة الدرجة المخصصة للنشاط. وبدأت وزارة التربية في السنوات الأخيرة بتغيير تدريجي للمناهج التدريسية في البلاد، وأضافت تدريس اللغة الفرنسية منذ المرحلة الأولى إلى جانب الإنكليزية، ووفقا لمختصين في القطاع التربوي فإن المناهج تحتاج إلى تغيير جذري يشمل الكم والنوع. |
هلئ بصير في بالمكتبات ملخصات للكتب ..بتنباع بعشر ليرات...:frown:
|
اقتباس:
اي والله سادئ :lol: |
اقتباس:
حلوة هي كتير في نقطة ما انتبهتولا انو لازم كمان يلزمو الاساتذة بقراءة الكتب لان وما احلاه الطالب جايي عم يحكي قصة كتاب والاستاذ مابيعرف عنو شي بيصير هيك يغشش على كيفو والاستاذ متل الاطرش بالزفة:lol: |
بدنا شي جدي . مشان الله حاجتنا قرارت للاستعراض وبس .:frown: |
اقتباس:
|
مالي عرفان على ش كتير متشائمين..:frown:.
|
صاحب الكتاب , وجالسه ,وآنسه بالمطالعة فيه , يوانسك بالعلم والمعرفة والخير في الدارين ...بهنيهم على هيك قرار وبتمنى نقدر ونفهم ونعرف قيمة الكتاب اعلمو أن الكتاب لايخلو من فائدة إما أن تعمل بها أو تحذر منها وليست العبرة بإقتناء الكتب وصفها بالمكاتب إنما العبرة في المطالعة والفهم الجيد ...وشعبنا بحاجة لهيك مبادرة بشكر وزارة التربية وانشاء الله تكمل المسيرة نحو القرارات الجيدة والمفيدة (يعني يستمرو بالتقدم ) مبروك لطالب سوريا
|
اقتباس:
عوجااااا والطابق مكشوف :dunno: |
يعني أنا برأيي لازم يسمو وزارة التربية بوزارة محو الأمية
يعني هاد التعليم اللي عنا شي بيشبه التعليم ما أكتر يعني هيك أنو تعليم يعني لك بشرفي لمن بتذكر الوضع لما كنت بالمدرسة عن جد بتحمد الله |
المشكلي انو بيضلو يلزمو العالم بيقوم ماحدا بيلتزم بشي هههههههه يعني حاج قرارات حبر على ورق مو لازم يفهمو الطالب شو يعني مطالعة بالاول بزمانو حاول استاذنا العربي يعمل شي مشابه قامو الطلاب اخدوا على انو وظيفي والشاطر اللي جاب ملخص من النت ما كلفو عشر دقايق بدون ما يقرا الكتاب ولا شي وطبعا الاستاذ حتى لو ناقش فهو ما بيعرف اكتر من الموجود بهادا الملخص الاستاذ مشكور طبعا لانو كان عم يحاول يشجع بس كلشي الزام يعني وظيفي ما حدا بيحب يتعب حالو عليه غير انون ملزمين بالكتب اللي موجودي بالمكتبي ههههههه يعني منقاي
|
شو مشان يتغير منهاج هدم الاجيال قبل !!!
قرار حلو بس يعني الاحرى تغيير المنهاج |
بتمنى كمان من مديرية التربية انو تجبر الطلاب عا حفظ الكتب غيبا و امتحانهم اخر كل شهر ...هيك منكون تماشينا مع السياسات التعليمية لمديرية التربية بحث الطالب بيحفظ كتيير ..و بيبقى مشغول بامتحانات كتيرة ..و منحد من مقدرتوا عالأستنتاج او التفكيير المنطقي ...ليش لنعلمهم كيف بيفكرو ... في طريقة جاهزة من اربعيين سنة و بتصلح للكل !!
بس السؤل التاني ...شو نوعية الكتب يلي رح يقروها .. انا بنصح بكتب الحركة التصحيحية و الثورة ..لأنو النهاية دايما سعيدة ..بظن الطلاب رح يحبوا هيك شي ,,, |
يا لطيييف ما أحلى وزارة التربية عنا .. دائماً تأتي متأخرة و بس تجي منقول يا ريتها لم تأتي أبداً :jakoush:
أحلى شي بالقرار : إنو الطالب لازم يناقش الكتب إللي بيقراها بأوقات الفراغ ... أنو أوقات فراغ مو الطلاب عندون كل يوم ست حصص و أحياناً سبعة ... يعني ما بيوصل لآخر الدوام إلا و محروق نفسو ..:cry: و كمان بالنسبة لنوعية الكتب الموجودة بمكتبات المدارس عنا .... ممممم شي بيشهي القراية إيه والله.. يعني شو التوجه يللي رح يقروه هالطلاب ، هل رح تكون المكتبة كلها كتب ثقافة قومية و لا كتب دينية لتنمية شعور التفريق الطائفي و الديني بين الطلاب يللي بيكونو من ديانات أو طوائف مختلفة.... عن شو رح تكون الكتب و في حدا رح يراقب نوعية هالكتب ؟؟؟ هنن يخلصونا من مادة الديانة بالمدارس و بيكونو فضلوا على راسنا ... :yahoo: |
اقتباس:
انا معك 100000% لك يا سيدي ولو طالب واحد بس يلي رح يتشجع على القراءة بيكون منيح وقرار مفيد وكتير حلو ليش دائما بتنتقدو القرارات هلأ صح في كتير اغلاط ببلدنا ... بس اغلب الاشياء منيحة وتمام وكمان شغلة... انا كتير بلاحظ انو كل السورين او 97% وقت بيطلعو بيتغربوا على اساس بتتعب نفسيتهن وبيشتاقو للشام واهل الشام وانو الغربة مقرفة!!!! ووقت يرجع للبلد ... ( شو هالبلد مافيها خير .. الخ ) صدقوني شايف كتير من هيك شوفات اكبر مثال ( بابا ) ههههههههههه على كل حال ... انا مع وما بظن ما منستحق ..... واخر شغلة ( لاني طولت :p ) انو مو الوزارة يلي ما بتعرف تعمل قرارات..... او قرارتها خاطئة نحنا اغلب شعبنا او نسبة عالية يعني... ما بيلبقلو هيك قرارات ... |
اقتباس:
يعني بس يعرفو يحطو مناهج متل العالم و الناس و يصير طالبنا عنجد بيفهم مو آلة للحفظ و البصم و بس . وقتها منقول صار لازم نتجه على الكتب التثقيفية خارج المناهج التدريسية .. بس يصير دخل الإستاذ شي كافي يحفظلو كرامتو هوو و عيلتو منتطلع على غير أمور .... بس نحنا هلق بحاجة حلول جذرية ........ لكتييير أمور ...... و أحلى تحية للجميع :D |
اقتباس:
ياجماعة انا عشت ودرست برات سوريا بس عندي اتطلاع على المنهاج يعني مانو سيئ لهل الدرجة صح فيه اغلاط بس تعو شوفو بقية الدول العربية يعني عنا أرحم مليون مرةةةةةةةةةة بحياتي ماشفت سعودي ولاكويتي ولا اماراتي ولا بحريني :shock: عم يحكي متلكم رغم انو الوضع عندهم اسوء بكتيررر بحب انو يصير تغيير بالمناهج الدراسية بس شوي شوي عم يصير مابعرف ليش انتو هيك متشائمين وكل شي مو عاجبكم |
اقتباس:
مشكورة همس ( بالمناسبة شو اسمك الحقيقي خخخخخ .... انا اسمي عدنان او نادولي مغرم ) المهم منرجع لموضوعنا انو بشكر كتير رد ابو السييم... صحيح كلامك ... بس كمان لازم دائما نكون متفائلين يعني نشكر على يلي موجود ... وخلص حياة بدها تمشي . مافي بلد مثالية حتى نحنا ... على كل حال بيسعدني اني اسمع الطرف الأخر او الرأي الأخر على فكرة! ما بقلك انك ما قنعتني ... بلعكس قنعنتي ونص بس انا لسة على اقوالي وبقول انو لازم نتفائل بالخير.... __________________ بالنسبة لهمس .. انا عم ادرس بمدرسة اميركية .. ( في السعودية ) وبتمنى اني كون بالشام .. لانو المعلومات او مستوى الطالب السوري لا يقارن بالمستوى الطالب يلي دارس بسعودية... وخصوصي يلي بالمدارس السعودية ( يعني منهج سعودي ) لك بيدخلولك الإسلام والديانة بكل المواد وبيقروفك المادة اما المدرسة الخاصة او الإنجليزية ... هلأ اشوى بمليون مرة من المدرسة السعودية وفيها كتير من الاشياء يلي بتساعد الطلاب ... واحلى شئ فيها .. الناس الأكابر والمدرسة الاكابر فعلا بتتغير نفسية الطالب .... ونحنا مدارسنا اشوى بمليون مرة من اغلب مدارس العرب الباقية |
| الساعة بإيدك هلق يا سيدي 22:52 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون