المرأة السورية ثالث أجمل امرأة في العالم
 

بالظاهر اصحاب الدراسة مو شايفين البنات يلي عم يشحدوا قدام المطاعم بباب توما .. :pos:
ولا شايفين يلي عم يبيعوا الحليب والجبنة ع الطرقات بسوق الخضرا :cry:

بيعين الله ... :D

منشان هيك أنا بتوقع إنو الحكي عن السعوديه :larg:

السعودية قال أنظم يعني

--------------------------------------
ليش دخلك كيف شافو السعوديات ؟؟؟؟؟؟؟؟

--------------------------------------
بس لو سمحت شو هو المصدر للمقالة تبعك

ما بعرف كيف بتظبط هالمواصفات على السوريات، يعني قصة السعوديات منطقية أكتر، بس ما بعرف من ايمتى البريطانيين بيعتبرو هالنوع من المواصفات جمال..:?

عطينا بالله المصدر.. وبدنا كمان اسم الدراسة لو سمحت والجهة اللي عاملتها....
عجيب.. ما رفت انو عم يحكو عن سوريا!!:?

يا ريت الدراسة عطتنا بيانات ع عدد النساء السوريات يلي بيركبو سيارات بسوقها خدم
كانو يعني البيوت عنا عايشة ع الخدم

شغلة والله :lol:

بس انو بتفق بشغلة وحدة .. وهي انو السوريات احلى شي:clap:
.. شو راي الشباب:adal:

توصلت دراسة أجراها مركز ستارش البريطاني للأبحاث العالمية أن المرأة السعودية ثالث أجمل امرأة في العالم بعد المرأة المجرية والمرأة البولندية.
وقال السيد كريستوفور جولايل مدير مركز ستارش البريطاني لــ (عناوين) الخميس23/7/2009 " تم الاعتماد في هذه الدراسة على الرقة التي تتمتع بها الفتاة السعودية وكميه الحياء التي تبدو ظاهرة في تصرفاتها". وأضاف "إلى جانب قدرتها الفائقة على التفاعل مع الموضة دون أن يفقدها ذلك شيئا" من حشمتها".
وأشار إلى أن الدراسة ذاتها لم تغفل الإشارة إلى جمال المرأة السعودية بل واعتبرته سرا" من أسرار انجذاب الرجال إليها فضلا" عن الحنان الوافر الكامن في قلبها " على حدق قوله.
واكد السيد جولايل ان الدراسة اشارت إلى أن السعوديات هم أكثر البنات دلالا" واحتراما" على مستوى العالم ، قائلا" المرأة السعودية تعامل كملكة فالملكة لا تقود السيارة" .
وأشار إلى أن الدراسة تحدثت عن دلال المرأة السعودية بناء" على عدة أمور منها
أن الفتاة السعودية تلبى طلباتها بدون عناء ،، وأن الفتاة السعودية دائما" يقوم أحد بخدمتها".
وقال "إضافة إلى أنها ليست بحاجة إلى عمل فمصروفها متوفر لها من أولياء أمورها دون الحاجة للعمل ،، وأن اهتمامهم بها منذ الولادة وحتى وفاتها يدل على احترامها "
و أوضح أن السعوديات الأجمل ، "فهن متحجبات ولا يمكن للشمس أن تؤثر على وجههن وأجسامهن الطبيعية على مستوى العالم لذلك تمت إضافة نسبة الجمال إلى البحث والدراسة"، على حد قوله>
http://www.anaween.com/sectionnewsdetail.aspx?id=3619

انا قريت الخبر بموقع الأورينت

ومين قلك يا معلم إنه هدول اللى ذكرتن سوريات قبل ماتشك و تشكك تأكد يامعلم السوريات ما عمرهن باعو لا جبنه ولا حليب هدوا اللى شايفهن إنته من النوّر ومن دول مجاوره وليس لهم علاقه بالموضوع والجميع بعتقد موافقينى هالرأى (أبو حاتم)

m
 

المجريات والبولونيات بشعات منين هالخبر هادا

غريبة مقاييس الجمال عندهم
يعني بس تسوقي سيارتك بنفسك او تشتغلي او تشوفك الشمس راح جمالك هباء منثورا:lol:
بحس دروة الجمال العربي بسوريا مع اني مازرتها ولا مرة
واغلب اللي حاكية معهم من شبابنا -بالجزائر- بيقولو قمة الجمال الاصطناعي بلبنان والطبيعي بسوريا
بس يمكن الهنديات احلى كيف ما اندكرو ما فهمت

ليش الاحراج ..:p

بلا مجريه بلا بولنديه شاميه و بس والعيشه هنيه
 

معلم جربنا المجريات و البولنديات بعد الأربعين بتقلب أبو بريص بينما العربيه بتنضج بع الأربعين تشاو(أبو حاتم)

m
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

m
 

ما انا عما قول انون ما حلوات:pos:

لك دخيل عيونكون يا بناات بلدي اذا في احلى منكون

لا مو الكل موافقك ..

ما بعرف ع اي اساس جزمت و أكدت انو هدول مو سوريات و انهن من البلاد المجاورة..!! :?
و ما بعرف وين الغلط بأنو وحدة تبيع جبنة ولا حليب لحتى انت تتنكر الهون و تقول انو مو سوريات..!
و ليش نوّر اذا هنن الزمان دار عليهن و حاجهن لانو يشتغلوا بهيك شغلة.. :shock:

وحدة من التنين..
1_ يا اما انت عملت احصائية ع كل اللي اعدين عم يبيعوا جبنة و حليب و عرفت انو مو سوريات..
2_ يا اما انت بتضرب بالمندل و مكشوف عنك الحجاب لحتى عرفت هل الشي لحالك..

ليه يا معلم هدول هنن السوريات, وحياة كيكي كلون سوريات روح اشتري من عندون وخود وعطي إنت وياهون بتلاقيهن كلهن سوريات

لأ سوريات.. وانا ما بعتبر انو شي بيخجل اذا السوريات باعو جبنة وحليب..
بنات ضيع الجولان بينزلو بيبيعو جبنة ورب البندورة وزيتون بشارع الثورة وبسوق الهال بدمشق .. وبنات الساحل السوري بيروحو على حواش الليمون.. وبنات الجبل بيروحو على حواش الزيتون وبنات الغاب بيشتغلو بالقطن.. وبنات الجزيرة بيشتغلو القمح وبالشوندر.. وفي كمان بنات مخيم الوافدين بدمشق بيشتغو خدامات بالبيوت.. وبنات حي تشرين بدمشق بيشتغلو بالدعارة.. وهادا كلو اللي حكيتو هوي الواقع وما بيخجلني كبنت سورية.. لانو نحنا متل كل بنات العالم متلنا متل غيرنا وفينا الفقير وفينا الغني ..:D لكل السوريات بسورية

بعدين بكل شعب في نساء حلوة:sosweet: و في نساء ما بتنشاف:shock:

الشغلة مو شغلة سورية و لا بنغالية بكل شعب في الصالح و في الطالح

و بكل بلد مقاييس الجمال مختلفة

انا بشوف الشقر افضل نسوان:sosweet:

غيري بيقرف من الشقر:pos:

و بعدين كل النسوان حلوة لا تزعلو :larg:

و اللي ما يحب النسوان الله يبعتلو علة عا قولة الفيلسوف فارس كرم:larg:

أنا تكلمت عن الأصول السوريه ( الدمشقيه) تحديدا يعنى لورا 100سنه اللى كانو معدودين عالأصابع السوريات ذاك الحين مو هلأ لما تعبت من جميع البلاد والضيع السوريه اللى هاجر إليها ما هب وما دب من جميع الجنسيات العاطله ونحسبوا علينا سوريات والفقر ليس عيبا ونحن لسنا فقراء بل تم تفقيرنا وتجهيلنا وبدك ما تؤاخذينى أنا مكان نشأتى وحتى مغادرتى الشام لم أرى مرأه من منطقتى إشتغلت باللى ذكرتيهم الحواش والطواش ولم القطن ولم أعرف أين هو مخيم الوافدين يعنى اللأحئين وحى تشرين كمان هذا مصطنع و معروفه سكانه من ونين فأنتى عرفانه شو قصدى ولا لسا وبناء عليه بنيت الرد ومو زنبى إذا بحياتى لا شفت هيك نسوان ولا عرفت حدا أما إنتى ماشالله عنك خبيره فيهم :D

كأنو حضرتك مخربط بين السورية والدمشقية. يعني إذا ما بتعتبر أنو اللي أصولن من خارج دمشق هني سوريين، ففي شوية مشكلة. يعني أهل الشام الأصليين أصلاً هني مخلطين من شعوب متعددة ومانن عرق صافي، إلا إذا رح تقللي أنو العيون الزرق والشقار الفاتح جداً هو كتير طبيعي بهل المنطقة من العالم.
سوريا الطبيعية حدودا معروفة، وكل أهلا أسمون سوريين، يبدو انك كم منطقة بالشام من يللي المرة بتولد وبتعيش وبتموت من دون ما تطلع برات البيت، بس هاد ما بيعني أنو تسيء لباقي البشر اللي هني سوريين متلك إذا مو أكتر. واللي حموا الشام بكتير مواقف صعبة ما كانو بس من أهل الشام، ولولاهن ما كان فيهن النساء بالشام يبقوا ببيوتن

حلوة كتير هالغنية والبنت كمان

بس السوريات والله احلى نساء العالم وفيه منه هالحكي

بدمشق ما عنا شقار وعيون زرق هاد الحكى صوبكم هنيك عنا مافى هالحكى وروح إقرأ تاريخ دمشق وبتعرف الأصول الدمشقيه من وين أصولهم ونحنا بالشام اقديمه وتوابعها مالنا مخلطين فلا يوجد ميدانى ولا شاغورى و لا صالحانى ولا كفرسوسانى ولا دومانى ولا حرستانى أشقر وعيونه زرق واللى حمو الشام لمعلوماتك هنه أهالى دمشق والمذكورين أعلاه وأهل الغوطه :jakoush:

يبدو أنك فهمتني غلط، أنا من قلب الشام وبالتحديد من منطقة ملاصقة للجامع الأموي وماني لا من هونيك ولا من غير محل (بغض النظر شو بتقصد بهونيك)، وفي كتير من أعرق عائلات الشام شقر وعيونن زرق، وإذا بدك بجبلك أسماء تفصيلية، وأصلاً هاد لانو مذمة ولانو عيب، بس ولا مرة لاقيت عنصرية بحكي أهل الشام متل الموجود بكلام حضرتك.
وعلى العموم ما عندي استعداد أدخل بهيك نقاش

m
 

نحنا ما عما نقول شي ضد هالحكي.......مشكورة عالرد

هلأ إذا بغار على دمشقيتى وأصولى بكون بنظرك عنصرى وعيب أنو غار على سمعه أهلى وبنات بلدى إرجع للمقال الأصلى اللى إنفتح فيه النقاش بالموضوع( السوريات 3أجمل نساء العالم ) وشوف كيف رادين بمسخره عالموضوع إنه أظهرونا بمظهر بياعين حليب وجبنه وعمال تحويش مزارع عواض مايرد بالأمثله الحيه للمرأه السوريه المعاصره والتى إختفت فى هذا الزمان ونحن نعتز بماضينا و نرفض الحاضر المزيف الذى و صلنا له

ايه مزبوط السوريات احلى بنات الدنيا

وانا منن:p

هوي صحي النسوان السوريين بجوز تالت احلى شي عا مستوى العالم

بس الشباب السوريين بالمرتبة الأولى بالنسبة للجمال عا مستوى الكون و المجرات حسب اخر احصائية لأتحاد المجرات
:pos:

انا الي وجهة نظر مخالفة تماما للدراسة (التي اعتقد انها مدفوع لها من احدى الاميرات السعوديات ) العمل شيئ يدعو للشرف كلما كان في شيئ شرعي قانوني ، حتى لو كان بيع جبنه وحليب بيضل أشرف من مد اليد للقريب او البعيد ،
لا ارى ارتباطا بين الجمال وعدم العمل على الاطلاق .

الحقيقة ما فهمت.. انت معتبر انو السوريين هنن الدمشقيين!!
أهل ريف دمشق كمان اشتغلو بالأرض وبالبقر وبالزراعة.. والنساء الدمشقيات الفقرا معروف انو كانو يشتغلو بشك العبايات والاقمشة وبصناعة البسط والسجاد البيتي.. لأنو اذا ما عندك معلومات الدمشقيين مو كلون اغنياء.. الدمشقيين كمان هنن اهل المزة والزبلطاني والعدوي وقاسيون و المهاجرين والشيخ محي الدين وهي المناطق كلها تاريخيا مناطق فقيرة للغاية واهلها ما بيشتغلو بالتجارة
واذا انت مو شايف أسآل اللي شايف اسأل ابوك وامك.. ولا تحكي على اساس انو معلوماتك موثوقة

مشان مخيم الوافدين هدول ناس نزحو من الجولان سنة ال 67 وما اتحررت ضيعهون وسكنو بمخيم بيوتو من التوتيا وبعدين تعمر.. المخيم فقير كتير فوق الطبيعي.. والنساء فيه أغلبهون بيشتغلو خدامات للبيوت..

ومشان العيون الزرق والشقار أنا كمان بجبلك أسماء عائلات ما فيهون واحد اسمر.. وفي عرق معروف عند الدمشقيين شعرون احمر .. وسبب الاختلاط بالاعراق بمنطقتنا هوي انو المنطقة تاريخيا مهمة كتير وخط وصل بين عدة حضارات ومو لازم نست عمل هادا التنوع كوسيلة للمسخرة والتشكيك بالأعراض..
:D

هلئ حسب ما بعرف انو الجمال الشرقي منسوب لفتيات جبل لبنان

بتوقع اذا في حدن بيضاحي جمال فتيات جبل لبنان رح بيكون على الأكيد فتيات العراق

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

بالله تشوفولي هالبنات اللي حاطينون بنفس الخير بموقع كلنا شركاء.. متل كأنو عميقولو انو الخبر كذب..
يا جماعة كأن سوريا وكالة دعارة

بم ان الدراسة عن الجمال
رح اوافقك الرأي تماما بس مع خلاف بسيط انو في صبايا جميلة بكل الدول العربية انما كنسبة وتناسب لبنان رقم 1

ولكن ممكن اجمل عربية تكون من خارج لبنان .

بس حلوين والله بغض النظر عن موضوع الدعارة هاد .

هلأ يعني هدول البنات الحلوين بسوريا برأيك.. الصور صور بنات رخاص كتير.. وما فيهون شي من اللي مذكور بالمقال او الدراسة.. وانا اذا بدك بلاقي هدول من أبشع البنات بسوريا.. ومو وسيلة مثالية لعرض جمال السوريات

فعلاً ! :?
انو وقت شفت الصورة .. حسيت انهن مأخودين من بعد ما رجعوا هالبنات من شي وصلة بالتل او ع طريق المليحة :frown:

لك حتى وقت بيعملوا مسابقات ملكات جمال بالمحافظات .. وحتى التوب موديلز .. ما بلاقي ولا وحدة من بين البنات .. خرج ينقال عنها حلوة ! :?

يعني مثلاً يلي كاتب هالمقال .. عم يعزز آراءو بأنو البنات السوريين حلوين .. ولا حابب يأكد عكس هالشي ؟ :pos: