|
رفع الدعم
مرحبا
سؤال مهم من كم طلعوا قرار بوقف استيراد الاسمنت وحددوا سعره وقال هاي رفع دعم ومن جهة تانية كل ما عم ينطرح انو سعر المازوت والبنزين اغلى من اي بلد تاني بيقولوا انو نحنا ما رفعنا السعر نحنا رفعنا الدعم يعني لا تتوقعوا يرجع سعره او يتغير طب بهالحالة وطالما الاسعار نازلة شو اللي مفروض يصير عنا؟؟؟؟؟؟؟؟؟؟؟؟؟ |
سؤالك بينطرح بالنسبة لدولة عم تتبع نظام اقتصادي معين يا شيوعي يا اشتراكي يا راسمالي
بس عنا بسورية للاسف صاير الموضوع خليط من الثلاثة .. كل وحدة تستخدم لما بيكون اتباعها افيد للحالة الانية يلي عم تبحث.......... والكارثة انو اخدنا سلبيات كل نظام من هالانظمة المذكورة . بينما ما اخدنا ولا ناحية ايجابية بالتالي لما بتحكي عن امور اقتصادية عنا ........... بدك تعرف ع ايا نظام هني بهاللحظة ماشيين .. واذا بدك تحسب الامور حسب النظريات الاقتصادية لكل نوع من النظام ...........بقلك انو ما رح توصل لاي نتيجة !!!!!!!!!!! |
طبعا في كتير محللين إقتصاديين تابعيين لكل الأديولوجيات حاولوا يفسروا النظام الإقتصادي السوري ... وما حدا وصل لنتيجة ..
بكل الاحوال الإقتصاد السوري صنع تماما في سوريا بمزيج من بيروقراطية خمس واربعين سنة ..فات وفوتنا بالحيط ... يعني اليوم لحنا اذا بدنا نعمل شي منيح بنقول لحنا معكن بدكن تعملوا الإقتصاد حر ..طيب اوكي حررتوا رأس المال ما لازم كمان تتحرر قوة أجر العمل ... طيب اوكي ربطتوا السعر الداخلي للسلع والخدمات بالأسعار العالمية ...اوكي لحنا فهمناكن ..طيب أطلقوا سراح هالأسعار ... ضعنا وحكومتنا ضيعتنا بالنسبة للصديقة سونا بحب ضيف كلمة ..إنو النظام عنا مزيج من استصلاح الأراضي "تسمى لغطا إشتراكية" والرأسمالية التابعة " التي هي جزء من عملية الإنتاج" ورواسب ضخمة جدا من الإقطاع وتظهر بوضوح جلي في المنظومة الأخلاقية للمجتمع تحياتي الحارة ظل جيفارا |
اقتباس:
الله لا يشبعن يا رب... |
| الساعة بإيدك هلق يا سيدي 06:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون