|
لماذا مع أخوية وليس ضد ؟
مرحبا يا قوم لما انحجب أخوية ليش الكل عارضوا الحجب ومافي حدا أيده ؟ ولا في حدا أيد بس خايف يحكي مشان ما حدا من الإدارة يوقفله عضويته ؟؟؟؟؟المنتدى متل مجتمع شفنا المعارضين بس وين المؤيدين للحجب ؟!
|
انو بالله العظيم يعني هاد سؤال؟بشرفك؟
يعني عضو مبسوط ومروق بالمنتدى بيقوم لما بيحجبوه بيقول ايه؟ طبيعي انت؟ |
اقتباس:
|
اقتباس:
|
مايسترو , yass .......................عفواً يا شباب بس يعني من منطلق الحرية و حرية الرأي أنا ما لاحظت حدا وقف مع الحجب و كلو كان معارض ... و متل ما قلت المنتدى متل مجتمع مصغر و طبيعي نلاقي فيه مؤيدين و معارضين .... فيعني وين الغلط بكلامي ؟؟؟.......................................يا مايسترو ليش العضو مبسوط و مروق برأيك ؟ لأنو آخد راحته عالآخر بالمنيح و العاطل و مو سائل إذا كان يلي عم يقوله صح أو خطأ .. المهم هو عم يحكي و يفرغ شحنة كامنة جواته ( ضرب عشواء ) ... وهاد أكبر غلط بالنسبة لبناء حرية واعية و مثقفة ........................................yassوشي طبيعي نشوف كمان ناس مؤيدين الحجب و بيستحقو الإحترام لمجرد إنو عندهن رأي خاص بيحملوه ومالن متل الببغاوات .. معن معن عليهن عليهن .فأنا بعارضك بالرأي ........................................... ( hashtnasht ) كلام الزلمة أول دليل انو كأنو مافي حرية بالموضوع آسف عالكلام الملخبط لأنو المنتدى محجوب هيك عم يصير الكلام فوق بعضو
|
أي أي .. hashtnasht كابتينو و مهددينو من حكى شي نوقفلو عضويتو..
عيني.. لما انت عضو بمكان ما حدا جابرك تكون فيه, فمو منطقي تكون بهالمكان و بنفس الوقت بدك خراب هالمكان... يعني أبتزبط.. في لامنطقية بالموضوع.. مو معقول أنا بكون مشجع للوحدة و مسجل برابطة مشجعين الوحدة .. بس بدي الوحدة يهبط!:shock: مع ذلك.. لو بنشتغل بالاسلوب اللي عم تتهمنا فيه كان هالموضوع انحذف.. طالما عم افهم منك انو في ناس بأخوية بدها حجب أخوية بس عم نسكتهون نحنا بالقوة بعدين بخصوص احترام الرأي... الاقصاء و الالغاء ليس رأي... مين بيصدّق انو ممكن احترم اللي بدو يلغيني.. احترم اللي ممكن ما يتفق معي أو حتى عدوي الفكري اذا حبيت.. بس شرط أساسي لحتى احترمو انو يكون معترف بحقي بالوجود... من هالمنطلق صار الحكي |
اقتباس:
اي طبعا , كل واحد بيجرب يتجاوز الخطوط الحمر هون بيتهمو باضعاف الشعور القومي للاعضاء وتوهين نفسيتن مشان هيك شوف شلون كل الاعضاء على طول راي واحد بكل شي مع احترامي لصاحب الموضوع الا انو غريب شوي |
هههههههههههه
يا أخي موضوع جدلي ما تواخذزنا بس انو ما فهمت الطرح منيح يعني كيف ظابطة انو انا بهاد البيت عايش وجايين يهدوا وانا بدي كون مع الهد :shock::shock::shock::shock::shock: :? |
يعني لو كنت مع حجب أخوية
فليش لأشارك بالمنتدى أساساً :shock: |
أسماء بعض المؤيدين لحجب أخوية في سوريا:
إدارة المخابرات العامه.. شعبة الأمن السياسي... الحكومة السورية بكامل أعضائها... مجلس الشعب "جماعة موافقون بالإجماع"... وتم حجب عضوياتهم...:larg: سؤال لصاحب الموضوع خدني على قد عقلي شوي... كيف عضو بأخوية وبدو أخوية تنحجب؟؟ على هالسيرة أنو أسرع السيارة أما علبة البيبسي بالواقع الافتراضي للحالة الديموغرافية لكيلو البطاطا الزرقاء؟ |
عفواً بعتقد ما وصلتكن فكرتي ومشان هيك بعتذر ........................وبقولو يلي ما بيجي معك رو معو ......................و أنا راي أرو معكن ....................البيت عايشين فيه حلو ... البيت فيه ساكنين أصحابه ... أصحاب البيت ما كلن على رأي واحد ... كل واحد عندو عقل و رأي خاص فيه .. و حتماً كل واحد بيحترم رأي التاني ... إنو ليش كل الشباب يلي بالبيت مؤيدين و كلن ( عالغميضة ) نحن مع ونحن مع و نحن مع ........ ومافي ولو واحد ينط يقول أنا ضد ؟؟؟ ... ولو إنه مجرد رأي فقط .... طيب ليش مافي حدا حتى عم يقول أنا ضد ؟ ليش ؟ ..... بخاف مثلاً ليتقلع برات البيت ؟ ولا لأنو رأيه معارض خلص نحن منحكم عليه سلفاً إنه رأيه غلط ؟ ( بغض النظر عن إذا كان رأيه صائب أو غير صائب ) ........................... أنا عايش بالبيت .. أجو ليهدو ... ليش أنا ما أكون مع الهد و مؤيد و لو "بالفكر" بس وليس بالمعنى ! و يكون عندي رأيي الخاص يلي بحترمه وبحاول أوصله للكل و هيك أفضل ما أكون مجرد ببغاء ناقل للآراء و الأفكار ... يعني حرية الرأي _المنفرد_
|
اقتباس:
نحنا ذكانا كتير محدود وعطول كنا ناخد صفورة بفهم المقروء لهيك منيح يلي جيت معنا... وكمان مرة الجواب هوي: لااااااااء مش لانو بيخاف يتقلع برات البيت... بس لانو لو مو عاجبو البيت كان هوي من الاول انقلع من جواتو وأحط لبراتو... بعدين خيو ازا بعد كل يلي حكوة الشباب الطيبة لساتك مش فاهم معناتو مشكلتك مستعصية... |
marwa hanna.................مالك متخلصة من عقدتك كعقلية عربية و عم تحكي بشكل جماعي فكيف بدي اتناول الموضوع مع هيك عقلية ؟ ... و بهيك حالات ضروري استخدام اومو وهاد بالحلقة القادمة بشرحلك ياه................و ابن البيت ما بينقلع من مكان اتربى فيه لحالو ... لازم الكل ينقلعو معو أو الكل يضلو يعني بسلامة فهمك .........
|
اقتباس:
لاخلص ضحك برجع بجي... |
اقتباس:
انو ما منطقي كيف ما حاولت تحللو... ما عم نقول كل الناس ضد حجب أخوية... بالعكس في ناس فرحت و كتير.... لكن مو منطقي تكون عضو اخوية و تكون مع حجبا.. ماموجود هيك مسطرة لأنو مو منطقي وجودا.. مو لأنو عم نمنعهون يحكو متل ما عم تتهم وبطريقك طالما عم تتهم و عم تغمز.. متل ما أنا شايف يعني... جيبلي اسم واحد تقلّع من أخوية على حد تعبيرك لأنو قال انو مو مع الحجب... مافي حدا بأخوية مع حجب أخوية (أو ما منعرف) لأنو وجودو بأخوية اذا هو مع حجب أخوية غير منطقي.. مو لأسباب ثانية عم تحاول تلمحلها.. يا معلّم و اذا ممكن خلي طريقة كلامك محترمة مع العالم ... لأنو شفتلك آخر رد ذو صيغة مانها حلوة بنوب.. لا تقعد تحلل عقليات العالم لأنو ما بعتقد شي يحق لحدا يعملو... اتفقنا؟ |
marwa hanna ...... الضحك ببلاش ... هاد الشاطرين فيه بس ...... يبقى سكري الشبابيك .. وبس ترجعي ارجعي للمنطق والنقاش .. أو ضلي برات البيت ..................................yass .............. لك يا حبيب ... أنا ما عم اتهم ولا عم بلمح .... حكيي دج .... بس فكرتي ما عم توصل ..... هلأ برأيك ... لما بيدخلو ناس عالمنتدى و عندهن كبت من أي شي... وبروح بيفتح المرش عالآخر ... مع العلم إنو لا بكون مثقف ولا شي ... و حتى ممكن يكون جاهل .... وصار يسب هاد و يحكي على هاد ويقول فلان منيح و مو منيح ... ايه طيب هو شو عرفو انو فلان مو منيح ؟ ... حكا معو شي ؟ برك معو شي ؟ ناقشو شي ؟ أكيد لأ ... رأيه أجا من ضغط نفسي و داخلي خلاه يفرغ يلي جواته بكلام مفيد و غير مفيد و يلي غير مفيد بكون قضى عليه و روحه بستين ألف داهية ................................ يعني أنا اليوم مثلاً يا أخي رأيي : منتدى أخوية رائع و ناجح والحرية فيه حلوة و بأيده ... بس بنفس الوقت أنا معارض إنو يدخل بني آدم مالو عرفان راسو من إجريه و يستلم حديث سياسي مع مثقفين مثلاً ويبرك يقول هاد الزلمة مو منيح وهداك منيح و هو بكون مالو عرفان لا هاد ولا هداك و بكون مالو عرفان راسو من إجريه ولا الله وين حيطو !.................. بتمنى تكون وصلت فكرتي ........... ومشان طريقة كلامي والاحترام ... و بما انك مشرف بحب أذكرك إنو ( البادي أظلم ) ... وأنا بحترم كل رأي نابع من عقل حر منفرد ... بحترم و بقدر يلي بيحترمني و بقدرني والعكس صحيح .
|
اقتباس:
فكرتك واصلة من زمان... صدق من زمان واصلة .. و شو دخل هاد .. بهاد؟ طيب خلي واحد "مو مثقف, أو جاهل" على حد تعبيرك (طبعا بدها جرأة كبيرة انو واحد يقعد يقسّم انو فلان مثقف و فلان لأ.. أو فلان يعرف راسو من رجليه و فلان لأ).. و فات و حكى.. أي أي حكى.. خليه يكون حكى شروي غروي.. أي شو صار؟ وين الخطر؟ راح يرتفع الخبز؟ راح تصير حرب لأنو واحد بأخوية حكى شي؟ اسرائيل راح تستقوي فيه و راح تقصف الشام؟ بالله عليك هاد حكي؟ أساسا أقوى الأسلحة التطنيش... لما تكون واثق من نفسك.. طبعا لو منطقهون مو كرتوني كان ما حاولو يكبتو هالعالم.. لو منطقهون قوي و حجتهون منيحة ما بيسألو اذا واحد زتلو رد أو حط موضوع بمنتدى... لو يشغلو حالهون بالأمن الحقيقي و يحلو عن رب هالعالم اللي بس بدها تحكي بشوية حرية كان أريح للبلد.. و أريحلنا و بطريقك اشرحلي شو معناة انك تكون مؤيد فكرة بالفكر بس مو بالمعنى و كمان مين قاصد "بببغاء ناقل للأفكار" طالما على حد قولك "بتدج دج" ع فكرة.. راح ترجع تقلي كلامك ما عم يوصل و يجوز ترمي الحق على الفهم القاصر.. بس كلامك لا هو منطقي و لا هو مترابط.. ارجاع قراه يعني و للمرة الأخيرة.. مروى حنا ما غلطت معك و تراك زودتها حبتين معا... و عم تقسّم عن حرية الرأي.. و هاد تناقض جديد بحكيك |
اقتباس:
بعدين انت مين مفكر حالك عمي؟؟؟ ومين انت اصلا لتقلي انو اطلع ولا ضل؟؟؟ الزم حدودك واحترم حالك احسنلك!!! فاهم؟؟؟ ولا هي كمان صعبة عليك.... وعسيرة الي مو عارف راسو من رجلية.... |
| الساعة بإيدك هلق يا سيدي 09:29 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون