على أي أساس تم الحذف؟
 

مرحبا ،

بآخر موضوع إلي بقسم الجرافيكس بعنوان "سلامـاً أيها الأسـد" ، تفاجأت مؤخراً أنو تم حذف المقدمة التالية:

اقتباس:

نحن الشعب السوري بوحدتنا الوطنية و قيادتنا الحكيمة ، سنثبت لكل العالم أننا سننجح و بعون الله في الوقوف أمام المخطط الأمبريالي الأميركي في الشرق الأوسط وسنكون كما كنا دائماً .. درع الأمة العربية وقلبها النابض رغم أنوف الخونة و الحاقدين .. أترككم مع التصميم ، عشتم و عــاشت سـوريـا .. وسلاماً أيها الأســد ، سَـلمت و يسلم البلد ، و تسلم أمّـة فخرت بإنك فخر من يلد

بالنسبة للسبب المذكور "تم حذف المقدمة لإحتوائها على مضمون سياسي معين لا يناسب القسم أو بعض الأعضاء"




أنو إش هالسبب الوجيه ؟ يلي بدو يخليني أحسب حساب كل واحد إذا بده ينزعج أو ما ينزعج ؟
وبعدين المقدمة ، مافيها أي إساءة لـ أي طرف كان .. و كل واحد حر بتعبيره ضمن الحق المسموح فيه !

بتخيّل أنو ممكن كمان تمحي لي الصورة كون فيها عبارة سياسية غير مناسبة بالقسم؟! أو قد لاتناسب بعض الأعضاء ؟!!

بكل بساطة إذا عم تقيسوا المواضيع بـ هالطريقة .. إنقلوه ع السياسي إذا بيناسبكن أكتر ؟

أبداً ما أقنعني السبب ، وياريت يصير توضيح بالموضوع ..
و أنـا ماعم بسعى لإثارة أي مشكلة ، لكن من حقي أعرف ليش هيك عم تتصرفوا ؟



تحياتي , :D

الفكرة ببساطه انو القسم المطروح فيه الموضوع لايعنى بالشؤون السياسية... هو قسم فني بحت بتنطرح فيه المواضيع المتعلقة بالتصاميم والجرافيكس...

أما بالنسبة لنقل الموضوع لأحد الأقسام السياسية فما في مجال أبداً لهالشي على اعتبار أنه لا يطرح نقاش سياسي انما هي مقدمة سياسية لفكرة معينة وهالفكرة هي الصورة... فيلي صار انو انحذفت المقدمة يلي احتوت على صيغة تعميم توجه سياسي معين على عموم الشعب السوري بكافة أطيافه..

الفكرة بالعموم انت وفكرك مابتمثل كل الشعب السوري وطريقة طرحك للفكرة وللموضوع مست البعض وزعجتون للغاية... فببساطه فيك من اليوم ورايح تطرح تصاميمك وتكتفي فيها دون الزخرفات والمقدمات المستفزه.

أما وقت بتقرر انك تطرح موضوع نقاش سياسي أو فكرة معينة فببساطه فيك تطرحها بأقسام السياسة...

وكتوضيح لكل ماسبق: مابتخيل انك ببتتقبل فكرة انو يجي واحد يحط صورة حدا من المعارضة السورية أو المعتقلين ويقول انو فكرو ونهجو بيمثل الشعب السوري ككل... بهالشي في استفزاز... استفزاز كبير

أنـا سبق و وضحّت وقلت .. أنـا بستخدم كلمة "نحن" للتضخيم و التفخيم لحضرتنا ،
وذكرت هالشي بالموضوع نفسه ، و بذكره بكل موضوع بستخدم فيه هالكلمة
هالنقطة جداً واضحة ، إنتهى

وإذا كان غلطي هوه أنو المقدمة كان فيها مضمون سياسي و هالشي كان غير مناسب بالقسم (أنـا بعتذر)
لكن بترجع المقدمة بنفس ما كانت .. و ينقل الموضوع للقسم يلي بتشوفه الإدارة منـاسب

أمـا أنو غير مناسب "لبعض الأعضــاء" فـ هاد أبداً سبب غير وجيه ..
كون أنـا ماعم أجرح أو بسيء لأي طرف كان ، و خصوصاً إني عم بحكي باسمي

تحياتي ، :D

طيب الـ"نحن" فهمناها.. انت الشعب السوري.. لتحكي باسمو؟

حتى تتماشى مع صحة , فن و قواعد اللغة العربية ،
وبما إني واحد من هذا الشعب ، فيصح لي أن أقول "نحن الشعب"

تحياتي , :D

بالنسبة لموضوع تفخيم "حضرتك" .. فيني اعتبرك عم تفخم حالك لما تقول "نحن أبو حلب" مو وقت تقول "نحن الشعب السوري"... عرفت شو الفرق؟

الإدارة شافت الموضوع مناسب للقسم الموجود فيه بعد حذف المقدمة... وبتخيل وضحتلك شو المقصود بفكرة غير مناسب لبعض الأعضاء... وعطيتك مثال بتصور انو حضرتك مارح تلاقي مناسب لو عكسنا الصورة...

كلمة أخيرة سمعها منيح انت فاتح الموضوع مشان تعرف أسباب الإجراء وأثناء شرحي لهالأسباب من المعيب انك تستخدم عبارة انتهى,,, باعتبار انت عم تسأل وأنا عم جاوب... فمن بديهيات أداب الحديث انو يلي عم يجاوب هو يلي بيحدد ايمت بينتهي النقاش بناءًً على انتهاء التوضيح يلي عم يقدمو....

هلا بحب قلك انو انتهى وياريت تسكر الموضوع

لأ أخوي معليه بلا حكي مالو طعمة بترجاك يعني.. انت واحد من الشعب, تحكي باسمك, و تقول أنا فلان بقول انو هالزلمة مافي منو... بس ما بيطلعلك تحكي باسمي لأنو أنا كمان واحد من هالشعب السوري, و أنا لا بحكي باسم حدا, و لا بقبل حدا يحكي باسمي...


reemi ردت عليك بشكل شافي و وافي, و أنا عم احكي كفرد من الشعب السوري ماني موافق ع انك تحكي باسم الشعب السوري و تقرر انو الشعب السوري هو من خلف القيادة الحكيمة و كل ما خارج هالحكي هو من الخونة و المارقين على حد تعبيرك..ما بقبلا..

فانو بلكي شوي نتعوّد على احترام الغير...

بالنسبة للشق الأول من الرد:

أنـا لا أقول "نحن أبو حلب" بل أقول "نحن أبناء حلب" عرفتي وين الفرق؟

بالنسبة للشق الثاني:
أنـا بفترض كل شي ، و ممكن أشوف نفس المثال يلي ذكرتيه ، و ما عندي أي مشكلة طالما
أولاً: أخوية يتميز بحرية الرأي
ثانياً: طالما الشخص عم يحكي باسمه أو باسم مؤيديه إن كان له مؤيدين في الأخوية مثلاً


بالنسبة للشق الثالث:

أنـا لا أقصد الإساءة .. لكن بحاول أختصر الحكي يلي مارح يزيد أو ينقص من مجرى الحوار ،
لهيك .. النقطة هاي جداً واضحة .. ومافي داعي نتناقش فيها
و أعتقد إنك إستخدمتي نفس الأسلوب معي و بجملة "نقطة و إنتهى"
و إذا كان هالشي أساء إلك .. فـ أنـا بقدم إعتذاري إلك شخصياً :D


تحياتي , :D

أولاً أخي الكريم ، حتى نتناقش بأسلوب حضاري ..
مافي داعي نقول حكيي أو حكيك "مالو طعمه" لأنو مو أنـا يلي بحكي حكي ماله طعمه .. ولا إنت
لهيك .. مافي داعي لـ هالكلام. ;)

و عفواً مين جاب إسمك لأحكي فيه ؟
أنـا إستخدمت كلمة "نحن" في "نحن الشعب" حتى تتماشى مع صحة قواعد اللغة العربية ، لا أكثر ولا أقل
ولا أقصد في كلمة "شعب" أي مجموعة من الناس .. بل أقصد فيه شخصاً واحداً وهوه أنـا


تحياتي , :D

بتخيل فكرتي وصلتك وفكرتك وصلتني ..
بالنهاية هاي قوانين اخوية وهاي اعرافها ...

اذا ما في اي اضافه يا ريت تسركلنا هالموضوع

ممكن أطلع على قانون أخوية يلي بيسمح لك تمسحي رد يحتوي على مضمون سياسي قد لايناسب الأعضاء ؟
بوقت أنـا بكون عم بحكي فيه باسمي ؟ وين حرية الرأي ؟

أمـا بالنسبة لأنو الرد كان يحتوي على مضمون سياسي و هالشي كان غير مناسب بالقسم
فـ قلت أنو بعتذر .. و بطالب ترجع المقدمة .. و تنقل الإدارة الموضوع للقسم يلي بتشوفه المناسب ..


تحياتي , :D

أخوي يعني مع احترامي الك حدا يستخدم اسلوب "الخونة و المارقين" صعب يعلّمني أناقش بأسلوب حضاري, هاي أولا

ثانيا: منوين جايبها هاي انو انت بيحقلك تقول "نحن الشعب" و تحكي باسم شعب.. و نعم جبت اسمي لحظة حكيت باسم الشعب, باسم مجموعة ما حدا طلب منك تمثلها, و لا تقلي قواعد لغة عربية لأنو كمان -مع احترامي الك- ماننا هون أميين أو غشما لحتى تجي تفرض قاعدة لغوية ع كيفك يعني... اللغة منطق, أولا و اخيرا.. هي تعبير عن شيء ما.. و غلط تعبير شخص يحكي باسم الجماعة اللي ينتميلا.. مو منطقي, لأنو أنا ما بفكر متلك و ما بيحقلك تحكي باسمي أو باسم المجموعة اللي انتميلا كما تنتميلا بالضبط


فلذلك, من الآخر يعني... الاجراء الاشرافي الصحيح, و مقدمتك للموضوع غير صحيحة و غير مقبولة, بدك تحكي تحكي بالمكان المناسب, و عن حالك.. مندون اسنادات لغوية مانا صحيحة.. و رح يتم استخدام نفس الاجراء في حالات مستقبلية

فلذلك.. مشان ما نكرر نفس الحكي مرة و مرتين و تلاته .. بلكي تسكّر الموضوع من أدوات الموضوع





و شكرا

يغلق الموضوع ، لأنو مالي حابب أسُتلهك بنقاش أصبح عقيماً :D