|
خاص بالسوريين .........
خاص بالسوريين بلا فضايح................. العنف منذ الصغر أول درس في العنف لما كنا صغار هو غرفة الفيران...وكانت أول درس في ثقافة العنف المكتسبة .. الغرفة الوهمية إلي كانو يهددونا فيا بالمدرسة يعني كلام الانسة إللي بدي أسمعو عم يحكي بدي حطو بغرفة الفيران كمان العنف النفسي اللي كان يمارس من قبل الأهليعني الكلمات اللي كنا نسمعا دائماً مثلاً : والله لأفرمك - والله لكسرك - بدي كسر ايديك - بدي اقبرك - بدي أهري نعمتك - اذامابسلخ جلدك عن عضمك ..................الخ في مصطلحات عنف كانت تعتمد على الطب والله لشيل عيونك - والله لطير راساك - يشوفك الحكيم ويهز براسه - والله لأقرف رقبتك وحملك ياها - والله لأقص عصبك ( أو لسانك أو إيدك ) لا فرق في عنف مشتق من الكلام الوطني والله لأطرأك كف خلي سنانك تمشي مسيرة قدامك في عنف مشتق من الحيوانات والله لخليك تقاقي ماتلاقي - والله لخليك تعوّي متل الكلاب وفي عنف رومانسي والله لفرجيك نجوم الضهر اللي صارت معروفة عنا أكتر من نجوم الليل في عنف دبلوماسي أكيد عرفتوا هو هديك اللحظة اللي بيجي فيا الوالد الكريم حامل معو صحن سيكارتو وبيقلنا: تعال بابا نتناقش بهدوء اعتبرني رفيقك وبغباء الابن المعهود منصدق وعند أول اختلاف وجهة نظر بيناتنا"طبعاً بابا"وبس نقول :بس يا بابا هدا رأيي.... بيطفي الوالد سيكارتو وبيطفي وجهة نظرنا بكلمة وحدة ولاك "...."صار عندك وجهة نظر !! سماع ولا نص نصيص كبرت لما صغرت .. طلعت لما نزلت .. بضلك تحت هالـ"...."و مابيمشي غير اللي أنا بقولو أوم ولا !! جيل اّخر زمن .. والله عال حتى صار عنا عنف باعترافاتنا العاطفية يعني اذا حبينا حدا منقلو.. تقبر قلبي - تطلع على قبري وغيرو كتير من المفردات الي مليانة عنف وأخيراً تقبروني قديشكن صبورين على هالموضوع .. ودمتم سالمين من كل عنف:larg::larg::larg: |
اقتباس:
مشكور خيو على الموضوع الحلو تسلم هالايدين بس العنف بالمغرب غير شكل على العنف بسوريا لانه بالمغرب ما بيحكي بالصرماية على طول تقبل مروري اختك فاتي |
هلالالالالالالالالالالالا لالالا خيتي الغالية نورتي
|
كلو كوم ...
والعنف الدبلوماسي كوم :cry: يا ويلاه شو مزبوطة :sick::sick::sick::sick::sick: |
اقتباس:
نوررتي بمرورك :larg::larg: |
وللللللللللللللللللللليش صح حكيك مية مية زي فراخ الجمعية
|
موضوع كتير جميل :lol:
|
لك هلا عماااارووو منور يا غالي:D:D
وهلااااا سويتي نورررتي يا غالية :D:D |
والله موضوعك حلو ومؤثر لدرجة اني رح بطل استخدم العنف النفسي مع ابني لكني احتفظ بالحق باستخدام العنف الدبلوماسي في المكان والزمان المناسبين
|
تكفني وتطلع على قبري بالكعب العالي وتتزحلق وتنزل بدالي:lol:
على هاالموضوع الحلو:D |
يعني تعجز الكلمات
حتى الاصايع عالكيبورد تسمرت ييييي مضطر سكر قبل ما ياخدوني يشكوني ابرة واوا |
قراسي قراسي خيو
:D |
والله انا من اول عمري عايش بالامارات حتى اني مولود هنيك لاكن كل سنة بالاجازة بنزل ع سورياوما بعرف شي عن اساليب التعذيب خخخخخخخخ
يسلموووووووووو |
اقتباس:
بعيد الشر عن ئلبك نورتي :D:D:D |
اقتباس:
اقتباس:
اقتباس:
اقتباس:
نوووووووووووووووووورتوووو ووووووو :D:D:D |
اقتباس:
له له له بعيد الشر ليش لهده الدرجة الموضوع حلو وعجبك خيتي:x |
اقتباس:
:yahoo::yahoo: |
:D:D:deal:
|
اقتباس:
|
أي شو هالموضوع ألي بيفلج ماتخاف حتى بدول الخليج فيك هيك غرف وهمية
يسلمو :D |
هههههههههههه
المبكي المضحك المشكل الأكبر هي عدم الخبرة في تطور العصر الغالبية العظمى من الأباء أو الأمهات لا يدركون أنهم يربون جيل يختلف عن جيلهم و أن العصر القادم ليسى و لا يمكن أن يكون مثل عصرهم الحالي أن كان أفضل أو أسواء و للأسف لا يوجد من يأخذ زمام الأمور من المختصين في هذا المجال لكي يقومو بواجبهم تجاه شعبهم في توعية الأسرة و أساليب العصر القادم على كل حال الجعير و الصراخ يدل على عدم الخبرة في توصيل الفكرة التي يريد أن يتلقاها المخاطب الموضوع يحتاج الى حلول لمتراكمات كثيرة من المشاكل الذي يعاني منها مجتمعنا مشكور على الموضوع |
كانت معكن علا ملص من ارابيسك .. بتقروها بمجلة شبابليك وبتسمعوها على ارابيسك :larg:
.. فا هي ملطوشة من شبابليك .. :pos: ظريفة كتير ..فيها مؤثرات احلى .. ازا لقيتلكن ياها صوت احلى :lol: :D |
شحها :
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :lol: :lol: :lol: :D |
والله لأفرمك - والله لكسرك - بدي كسر ايديك - بدي اقبرك - بدي أهري نعمتك - اذامابسلخ جلدك عن عضمك ..................
هههههههههههههههه :o:o حلووووة بربي حلوة اااااخ ذكريات :cry: هاي والله لافرمك كانت تتردد على مسمعي هههههه كتير :cry:ولسا اهري نعمتك :cry: |
الانسان عندنا ...من أول مابيسحل من بطن أمّو لوقت ما ينقبر بتلازمو طقوس القمع و الارهاب
لما بكون فصعون صغير سنتين تلاتة بتبلش كلمة " خراس " تصير الصديقة الصدوقة لأذنيه ... ماما ...ليش كل مابتروحي انتي وبابا تنامو يتصيري تصرّخي و تتوجّعي !....خرااااس ولاه ..العمى هالولد أديشو فضولي بابا ...ليش لما ماما بتكون عند الجيران بتقعد بتحكي بالتلفون بصوت واطي !! ...لك خراااس ...شو هالوقاحة ! بكبر شوي و بروح عالمدرسة .. أنسة ليش كل يوم بتاخدي طباشير و ادوات المدرسة معك بالشنتاية ....خراااس ..العمى أديشك قليل ترباية... طيب انسة ليش بتخلينا نقعد بالصف جلسة صحيّة و ننكتم و انتي بتطلعي تحكي مع الانسة كوثر طول الحصّة ...خرااااس ...مالك علاقة انته ..تفو على هالجيل ما أوقحو ...بدّو يعلمنا شغلنا بكبر شوي و بصير بالاعدادي ... بابا ...شو يعني مخابرات !! امبارحة كنت عمبشتري خبز بالفرن قام اجا واحد دفش العالم كلها و وقّف أول واحد...قال هو مخابرات ....خراااااااس ....العمى بدك تروحنا انته ولاه ....روح التهي بدروسك العمى ضربك ... حضرة المدير ...شلون ابنك علي بياخد المرتبة الاولى عالصفّ مع انّو أغلب الحصص بيكون نايم ...أو عمبيشخبط عالمقعد ...خراااااس ..ولك علي ابني زكي و فهيم ...مو متلكون انتو يا بقر ... بكبر شوي و بصير ثانوي .... استاذ انو ليش كل الحصّة منقضيها حكي و مزح و بتقلنا الكتاب المقرر مالو مهم و انته عامل ملخّص أحسن منّو ...قللي رفيقي انك عمتعمل هيك منشان ناخد دروس خصوصيّة عندك ونشتري النوطة تبعيتك ولما قـ....ولك خرااااس يابن الصرماية ...فوق مالي مقطّع حالي كرمال الاجيال الناشئة....العمى أديشكون حوش و مابتقدّرو النعمة .... بكبر شوي و بروح عالجامعة ... دكتور ...كيف بتعطي الزميلة نورا علامة كاملة بالامتحان مع أنو قفشوها وهي كاتبة المقرر على سيقانا ....وانته دايماً تقول عنها انو فلتانة و ما بتنجح بحياتا ....بس من يومين شفتك طالع انته و ياها من غرفتك ...بالعلامة كان شعرك منكوش و وشّك أحمر , فأنا استغـ........خراس ولاه ...عمتتهمني بنزاهتي ياعدو نفسك ...والله لأربيك و أعملك عبرة لمن يعتبر....وهي دقني ازا بتطلع من المادة ...ياجحش بكبر شوي و بروح عالجيش ... سيدي ...ليش المجند الفلاني ..مع انو أقلّ رتبة مننا ...بجي و بتقنزع و بيتطاول علينا و مامنشوف وشّو الا بالمناسبات...البارحة أمرني نضّف بوطو العسكري و اغسل غراضو ...وازا حدا حكى معو بيقول انو هو تبعك ....بلامعنى.... يعني تبع المعلّم ....ولك.... ولك ....خراس أحسن مافش نيعك و اخليك تنسى مين انته ....انقلع من وشي عالسجن 20 يوم .....يلعن ابوكون ...بخلا مابيطلع منكون الفرنك .... بكبر شوي و بيتوظّف .... سعادة المدير ...نحن بالمجموعة 5 اشخاص ....بس بالحقيقة ماحدا عمبيداوم غير تنين ....الاستاذ فيصل و الانسة عبير بيجو عالدوام و بيسجلو حضور و بيروحو بعدين ....و الاستاذ سعيد ابن خالتكون ماعمبيداوم بالمرّة..ولمّا اطّلعت على كشوف الرواتب شفت عاطينو راتب الشهر كامل +مكافأت و بدل سفر ..مع انو ماعندنا سفر ...وبالحقيقة تراكم الشغل صاير كلّو علي و على الاستاذ عبدو ......وهداك الشهر اجاني تنبيه و انقطع من راتبي ...بحجّة التقصير بأداء العمل ....فـ أنا كنت عمبقـ.......لك خراس ولاه... خراس ولاه ....بدّك تفهمنا شغلنا ....انته يافلعوص اللي ماصرلك بالقصر الا من امبراحة العصر بدك تفهمني أنا الدكتور زكي ابو المفهوميّة... حاصل على دكتوراه من اوكرانية بدرجة ممتاز جداً جزيلاً ...كيف بصير الشغل ...انقلع على مكتبك و انتظر أمر نقلك لمركز البوكمال ....العمى الحسد ضيقة العين شو بيساوو .... بروح الزلمة يوم الجمعة عالجامع .... شيخي ...بعد اذنك ...اليوم بخطبة الجمعة ابني اجتو نوبة خوف و بكاء جرّاء صريخك و زعيقك وانته بتوصفلنا الشجاع الاقرع شو بدّو يعمل في تارك الصلاة ...و أنا كنت عمبقول لو بتحـ.... أخرس عليك اللعنة !! ....أتريدني ان اترك قصص الاولين و سير الصالحين و عبر المستعبرين ياعدوّ الله ...!! و عنّ ماذا اتحدث ! ...عن أمور الدنيا المتاع الغرور ...وبما تهمّنا الدنيا ان كان لنا الاخرة خير و ابقى ... اغرب عن وجهي و استغفر لذنبك يامسكين ....اللهم لاتؤاخذنا بما فعل السفهاء منّا يارب العالمين .... بيكبر الزلمة و بيصير ختيار ... لك ابني ....انته مغترب ببلاد برّة ومابتجي لهون الا كل سنتين و تارك مرتك و ولادك هون لحالون .... مرتك مهملة بيتا و لحقانة الرفقة و الاستقبالات و الرحلات ...وابنك فلتان بالشوارع عمبيتصرمح قدّام مدارس البنات مع الصيّع وسيكارتو صايرة أطول منّو.....البارحة شفتو صدفة ...جيت لسلّم عليه ...عمل حالو مو شايفني و طلع بسيارة رفيقو و راح....فأنا عمبقول اذا فيـ.....بابا ! ....رجائاً ...مابحب حدا يتدخل بعائلتي و خصوصياتي ابداً ..ابداً ...بليز ...اتز نوت يور بيزنس....كلوس يور ماوث اند جست تايك كير يور سيلف ....اندد....سي يا ..باي وبما انو صاحبنا مالو ضليع كتير بالانكليزي ...بحبش بالقاموس على كلمة "كلوز يور ماوث" قام طلعت خراس .... ولسّا بقولولك ليش المواطن عندنا معقّد و مهزوز ومالو شخصيّة..... عجايب ... |
مشكور على الموضوع...................
بس العنف فى كل بلد من العالم......... لكن هو يختلف حسب ثقافات الشعوب.............. تقبل مرورى.........:deal::deal: |
صح كلامك rose123
|
مممم هلا الموضوع حلو بس قلي من وين جايبو .. بتزكر شفت رفيق سبيعي حكى نفس الحكي ولنفس الموضوع ببرنامج كان يطلع برمضان اسمو حلو الكلام ...
وع فكرة حلو الكلام :gem: |
ماما ...ليش كل مابتروحي انتي وبابا تنامو يتصيري تصرّخي و تتوجّعي !....خرااااس ولاه ..العمى هالولد أديشو فضولي
بابا ...ليش لما ماما بتكون عند الجيران بتقعد بتحكي بالتلفون بصوت واطي !! ...لك خراااس ...شو هالوقاحة :clap::clap::clap:روووووعة كلامك ابو نجبو |
اقتباس:
|
اقتباس:
يسلم تمك يا حلبي بس وينهم هالمختصين لك وين ما رحت في جعير وصراخ حتى المختصين زاتهم عندهم نفس الاسلوب ليوصلو للمخاطب الفكرة العبقرية تبعهم باين انه مجتمعاتنا العربية عندها طريقة نفسها ليوصلو الافكار بس ما فيه الواحد الا ما يتأقلم مع الوضع تقبلو مروري فاتي :D |
اقتباس:
مابعرف هالبرنامج اللي عمتحكي عنّو ... بس انّو مرة كنا مجتمعين مع صحابنا و جبنا سيرة القمع اللي بيلازم البني أدم عندنا طول حياتو .. ... بس الحكي فوق ...من عندي وحياتك .... لازم أرفع دعوة على رفيق سبيعي ...:larg: |
اقتباس:
شوفي هي مثلاً .. مرّة كنّا طالعين بالسرفيس ...و كان في أبّ و ابنو قاعدين ادّامنا ....وعندنا بحلب في دوار كبير اسمو دوّار الباسل ...بنصّو في تمثال لباسل و هو عالحصان ....قام الولد قلو لابو ...بابا منو هاد اللي قاعد عالجحش ....بابا ليش هيك وشّو أسود ...ياي متل الوحوش....:o الزلمة الاب نحرج و صار لونو أخضر على زيرقوني ...:shurup: قلو خراااس و كول صندويشتك عالسريع ...:da7ook::da7ook: |
اقتباس:
أغلب المواقف المذكورة بالموضوع ... هي مواقف شخصيّة حدثت بالفعل ..معي و مع اللي حوالي .... الحلو بالموضوع ..انو هالعادات الحميدة متوارثة عن الاجيال السابقة و نحن بدورنا عمننقلها لاجيال المستقبل الواعد ..... وماشربش الشاي .. |
اقتباس:
|
اقتباس:
السلام عليكم لقيت العنوان خاص بس للسوريين قلت لأجي احشر حالي لقيت الموضوع بيخصني أنا كمان :p موضوعك جميل ومعبر في نفس الوقت بس التهديدات والعنف لي كان يتم ممارستو عليكم لطيف كثير بالمقارنة بالعنف لي كان يتم ممارستو علينا راح اعطيك بعض العيينات مثلا بالمدرسة أنتو عندكم غرفة فئران نحنا عندنا غرفة غيلان(جمع مفرده غول يعني بعبع) هذا الغول لي تظل الأنسة توصغو بطريقة(لسه حتى فأفلام الرعب ما وصلو لتجسيد وصف الغول لي بتوصفو الانسة)و ما بتخلي واحد يسترجي ينطق وما بتخلي واحد ما يحلم بالغول بالليل :p أما العنف المنزلي فهذا غير شكل أنا راح أعطيك عينة بلهجتنا (حتى لو ما فهمتها)لأنو المعنى قوي كثير بلهجتنا مثلا اذا كان عند الأم شغل منزلي وتحب تهددك حتى ما تعمل فوضى أثناء انشغالها راح تقلك اذا سمعت حسك غادي نجي نضربك بلي فايدي وطبعا انت يحذوك الفضول لتعرف شو راح تشيل بايدها وياعيني لما تلاقيها حاملة المكواية وعم تكوي الأواعي..دغري تهديدها بيجيب نتيجة لأنك راح تحرص أنو صوت نفسك ما ينسمع حتى ما تنضرب بالمكواية يللا الله يسامحهن (بلا ما وجعلك راسك ) تقبل مروري موضوعك جميل جدا :D |
اقتباس:
إن شاء ماحد يكلمنا في القبر بيجوز نحكي و لا شي بيطلعنا حدا من فوق بسكتنا بجهنم الحمرا:frown: ما عليا راح القليل و باقي الكثير :shock: |
:deal::jakoush:شو بدنا نقول خلينا ساكتين:?
|
| الساعة بإيدك هلق يا سيدي 22:27 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون