|
سؤال .. ياريت الكل يجاوب ...
مرحبا صبايا وشباب كيفكن وكيف مودكن اليوم في سؤال من فترة عم يخطر على بالي حبيت اسالكن ياه بلكي بتفيدوني ليش الناس صايرة قليلة ذوق ؟؟؟ :pos::pos: جد يا جماعة كله لنفسه لا ذوق ولاحي ولا طعمة يعني بتلاقي انا ومن بعدي الطوفان يعني والله قبل كان في حب كان في تعاطف شفقة احساس بالاخرين وين راح كل هاد ياترى الحياة عم تفرض علينا هيك ولا نحن الي عم نفرض على الحياة تصير هيك لا والشي الي بيقهر انه وقت بتحتاج حدا ما بتلاقي بس تاعى فرجي الناس انك سعيد وعم يصير الي بدك ياه بتلاقي ما بيعرفو كيف يخلوك تكره حياتك وبذكروك بشغلات يمكن من مليون سنة ما خطرت على بالك بس في سبيل انك تنقرف من الحياة وترجع لورا فشو رايكن ؟؟؟؟؟؟ |
اقتباس:
بتلاقي ما بيعرفو كيف يخلوك تكره حياتك وبذكروك بشغلات يمكن من مليون سنة ما خطرت على بالك بس في سبيل انك تنقرف من الحياة وترجع لورا :D:D |
اقتباس:
لأنه ما بقى في نصيحة والله أعلم |
اقتباس:
|
اقتباس:
حبيب هلق في شي من هالكلام بس مافيك تقول انو كل الناس متل بعضون متل مافي ناس بحبو انون يقرفوك الحياة كمان في ناس بخلوك تشوف انو الحياه حلوة ولسه الدنيا بخير مع انو حياتي صعبه وعايش بعيد عن أهلي ويلي بحبون بس في شي بداخلي دائما بقلي انو أكيد أكيد بكرا أحلى والا ما ربك يعدلها |
من فترة حضرت محاضرة القيت بعنوان " رحلة داخل الذات "
بتلخص الرحلة انه الانسان كائن ضعيف اضاع ذاته لسبب او لآخر " مانها موضع حديثنا " بالأخير منشوفه عبيبحث عن ذاته بشكل مستمر احد اعراض انه يبحث انه بأسقط الواقع على المجتمع فمنشوفه بيحكي " ليش الناس صايرة " " نحن هلق بعصر " " حاليا الوضع ما بيسمح لنا " بس حبيت انوه ع الفكرة باعتبار اني شفتها قريبة على الموضوع بشكل او بآخر . |
اقتباس:
نفسي ما عدت اعرف شو هي فياريت لو توضحلنا الفكرة اكتر يعني ممكن نطلع بشي |
هلق هي الفكرة طلعت هل الانسان هو عبارة عن قناع
بيختلف شكله بحسب الأماكن وبحسب الظروف ؟ هل يوجد شيء اسمه " حقيقة " الانسان او هل يوجد وجه حقيقي للانسان بالعادة اللانسان شو ما كان جوابك بالأخير في مجموعة من الأقنعة عبيرتديها ممكن مع الايام يتغير القناع وبصبح بالاخير جزء من الوجه الحكي هاد ما اله علاقة بالموضوع اله علاقة فيك انت ويجا الفكرة هون بحسب ما قدرت اشوف انك عبتنتقل لمرحلة تغيير القناع تغفيير كل شي وبعتقد عادي كتي انك تشوف الدنيا متل ما عبتشوفها هلق باعتبار تغير القناع او المنظور اللي عبتطلع منه او الزاوية اللي عبتشوف منها . بالاخير العالم ما صاروا كلهم سخيفين ولا صاروا قليلين ذوق انت حاليا بفترة انتقال عبتطلع للقصة من وزجهة نظر جديدة وعبتعيد تقيم القصص من اول لجديد :D |
اي يعني انت كلامك بدك تقولي شي 80 % منه صح
بس يعني مافيك تنكر انه الوضع هيك بس في ناس بحبو يتخيلو انه بكرا احلى وانه رح يجي الاحسن متل ما قال وئام بس انا بالنسبة لالي مليت انتظار او بالاحرى مليت اضحك على حالي فصرت طلع على كل شي بحقيقته الواقعية مش بالحلم الي انا متخيله فطلع معي الواقع جحيم يعني مابعرف ممكن انا بمرحلة تغير بس حاسس ان هالتغير رح يكون اله نتائج مش منيحة :D |
اصابع اديك العشرة مو متل بعضون
ولاتنسى ايها النجم اللاتعميمي انك عضو بعصابة لاللتعميم يعني انا مش هيك بس فعلا ولاسف الانا صارت كتير طاغية وماحدا سال عن حدا |
| الساعة بإيدك هلق يا سيدي 00:12 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون