|
شو رأيكم بالحب والزواج على النت .؟؟
هااااي:D
ابصر لي هيدي الجمعة عم يجي على بالي افكار حابي اخد ارائكم فيها المهم شو رأيكم بالحب او الزواج على النت ؟ كيف بتقيمو هيدي العلاقة .. وبتعتبوعا علاقة ممكن تنجح او لا ؟ اماّ رايي الشخصي .. انا مع الحب على النت او الزواج لانو بعتبرا كأي علاقة تانية ممكن تنجح وممكن تفشل .. هيدا اذا كانوا الاشخاص صادقين مع بعض وناويين على علاقة جديّة مش لعب بمشاعر التاني لانو في كتير .. (شباب وصبايا ) .. بيتسلوا بهيدا النوع من لعلاقات او هيي ليملو وقت فراغن .. او مراهقة ولعب بمشاعر التانيين ... موضوع الزواج على النت مش جديد ولا غريب وخاصة بمجتمعنا الشرقي المحكوم بالعادات والتقاليد البالية .. ويلي بصير بحسوا يمكن الاشخاص بصعوبة التعرف على الطرف التاني فبيلجأوا للنت لحتى يبعدوا عن ضغط المجتمع الن وهون كمان منجي لصدق الشخص وهدفو بالعلاقة .. بس انا رأيي أي طرف كان يجي ويقول انا بحبك .. من دون حتى ما يكون بيعرف شكلا او شايفا بكون كزاب اي يمكن يكون بيرتحلا وبيعشق حديثا وشخصيتا .. بس الحب من دون ما يلتقوا الطرفين هيدا حب فاشل هيدا الحب يلي بيستمر ابصر كم سنة على النت من دون ما يشوفوا بعض بالحقيقة ما بيعتبر حب برأيي الشخصي لانو العلاقة اذا بقيت هيك احيانا بصير فيها كتير من الغموض والكزب فلازم يشوفوا بعض ويتحاوروا ويتعرفوا اكتر على شخصية التاني .. لحتى تصير هيدي العلاقة كأي علاقة عادية بين تنين في كتار ( شباب وبنات ) بيعملوا هيك علاقات على النت من باب التسلية او اللعب بمشاعر التانيين. كرمال هيك صار في خوف من هيدي العلاقة عند كتار من الناس ومتل ما قلت كل شي بيرجع لصدق وامانة الشخص وشو هدفو في عندي واحد قرابتي تعرف على وحدي من النت من غير بلد حتى .. اعجب فيها .. وراح على بلدا حبو بعض كتير وتزوجو من شي سنة تقريبا ومبسوطيـــــــــن عندن بابي هلء ههههههه اخر شي المهم الواحد يكون حذر ويفهم مزايا الطرف التاني وهلء انتو شو رأيكم ممكن تدخلوا بهيك علاقة ؟؟ او اصلا ما بتعتبروها سليمة لانو بتفشل ف ما بتفكروا فيها من الاصل ؟ شو رايكم ؟؟ تحياتـــــــي للكل سيليــــــن |
اقتباس:
1- ما بؤمن به : لأنو ما بتوقع (ومتل ما قلتي سيلين) أنو ممكن واحد يحب ويعشق بصدق بمجرد تعارف على الأنترنت ... يعني حتى لو شاف صورتها وشافت صورتو ... وسمع صوتها وسمعت صوتو ... مستحيل يصير في حب حقيقي ... ممكن يكون في أرتياح ... بس هادا مو أسمو حب .. هادا أسمو (علاك) 2- بؤمن فيه : لأنو ممكن يكون سبب لتعارف تنين على بعض ... ومن بعدو ممكن يصيروا يتقابلو .. ويتفقو ... ويرتاحو لبعض ... ويفهمو بعض ... وآخر شي :: يحبو بعض ... يعني متل ما بيقولو الجواز قسمة ونصيب ... وما حدا بيعرف كيف ممكن يتعرف على شريكة أو شريك حياتو ... ممكن تكون الأنترنت وسيلة ... بس مو هيه الطريقة ... بقا لا حدا يقلي لا بحب على الأنترنت ولا شي ... شكرا كتير "سيلين" على الموضوع الملعوب ... |
الموضوع انطرح كتير من قبل
بس رح أبدي برأيي كمان مرة ....:D هلأ الواحد ممكن يلاقي حبيبتو وين ما كان وفي طرق كتيرة و هالشي محكوم بنصيبو يعني ممكن يلاقيها بالشارع وهوي ماشي أو بالشغل تكون زبون أو شي .... أو زميلة عمل ... ممكن يلاقيها ع الموبايل صدفة بالغلط !! ... ممكن ع التيليفون ... مافي شي مستغرب بهالزمن ... لا يستبعد يفتح البراد يلاقيها هههههههههههههههه:lol::o :p بكل الأحوال هيي بداية علاقة يعني كيف ما كان كل شي ألو بداية و ليش لأ ممكن يلاقيها ع النت وممكن يوصل بالتعرف عليها لحد معين بس طبعا بدها تكتمل بكل الأحوال العلاقة ع الواقع :D |
اقتباس:
اول شي مسا الخير سيلين ونورتي من جديد ومشتاقة ليكي بزاااااف سواء النت او التلفون او حتى تلتقي بالشخص فيس تو فيس يوميا كلها همزة وصل .والقدر والنصيب هو اللي بيصير. بس بعرف كتير ناس تزوجو عن طريق النت ومعرفة قريبة كمان وعايشين بخير و الحمد لله. يسلمو سيلين:D |
اقتباس:
:Dيييييييي حياتي كيفك شتقتلك وينك انتي انا ما صرلي زمان راجعة اخوية كمان اصلا كان معطل شتقتلك ونورتي الموضوع يا قلبي:sosweet: |
اقتباس:
|
بالنسبة الي مابقتنع بهالحب ... مستحيل احب حدا من خلال الانترنت ... يمكن لاني بآمن بالحب من اول نظرة ... الحب اللي بيصير بالروايات الرومنسية :D بس رح احكيلكن قصتين صاروا مع صاحباتي رفيقتي الاولى تعرفت ع واحد بالنت من تقريبا 3 سنين ... وبحبو بعض ... الشب حكى مع اهلها قبل فترة ... بس لهلأ ماصارت خطبة رسمية ... ناوي يتقدملا اول مايتخرج ... يعني السنة الجاية اما رفيقتي التانية ... تعرفت ع شب من غير بلد ... وكمان كتير بحبو بعض ... فتقدم لاهلها يخطبا .... بس اهلها ماوافقوا عليه لما عرفو انهم بعرفوا بعض من النت ... والقصة كبرت ... ودخلو خوات البنت بالقصة ...كمان كانوا معارضين ..... ورفيقتي يبست راسها ... وضلت مصممة انها بدا اياه .... والشب كمان كان مصمم ... واهل البنت ضلو معاندين الموضوع تسكر قبل تقريبا 4 شهور .... وهلأ رجع الشب فتح الموضوع مع اهلها .... ولسة مابينعرف شو بدو يصير !!! يعني بالخلاصة انو مابنقدر نحكم على العلاقات بالنت بشكل عام ,... لانو ممكن بعضها تنجح وبعضها لأ . تحياتي :D |
مو المهم طريقة التواصل والالتقاء مع انو بعض الناس ممكن يكون عندن اعتراض عالطريقة
المهم هو اولاً الصدق وثانياً الصدق وثالثاً المصداقية كيف :adal::ss::gem: |
ولي معئول في ئصص ناجحة عن طريئ النت ممممممم رايحة نام هلا بكرا بجي
تصبحوو على خير و يسلموووووووووووو سيلينووووووو علموضوع الحلو متلك |
اقتباس:
اقتباس:
انا بالنسبة الي بعتبر العلاقة متل اي علاقة تانية بوجود الحب وكلو بيرجع للنصيب اقتباس:
اقتباس:
في كتير عادية كتير متل أي علاقة تانية:sosweet: |
الحب على النت بجد مش عارفه
يعنى اعتقد ان ممكن يكون فى شويه كدب او غير كده لانك مش بتبقى عارفه مين الشخص اللى بيكلمك ده والله اعلم هو بيقول الحقيقه ولا لا بس هى بتحصل كتييييييييييييييييييييير بس بجد مش عارفه |
ولله ليكي يعني لتلائي واحد سادء علنت بتلائي 100 ملعب و بيلف و يدور
بئا انتي و حظك هي اذا حاطة الفكرة ببالك و انا صرلي فترة منيحة عالنت ما شفت لسى ولا علائة ستمرت انا بنظري الفكرة غلط هلا يمكن تؤلي ولي شو متخلفة هي بس يعني اساس العلائة لازم تكون مبنية على الصراحة و متل ما التلك كل بنت بتئعد تكذب الف كذبة و بتكون حاكية مع الف شب لوصلت لهاد الشب يلي هلا على اساس بدو يخطبها و بتجي تئلو انا مو حاكية لسى مع غيرك و ما بعرف شو و هي بتكون اعدة عم تدور على عريس. هي اصغر كذبة بئا شوفي البائي... بعدين يعني البنت يلي رح تعطي وش لشب على النت .... كيف بدو يوثئ هاد الشب انو مو حاكية مع 100 غيرو ؟ هاد سؤال اذا فيكي جاوبيني عليه عن جد بحاجة لجواب انا سيلينو ... و بعدين بصراحة يمكن بعد الزواج يجي هشب و باي لحظة غضب و يؤل اييييييي روحي عنا يا لسا هداك اليوم كنتي عن تدوري على عريس علشات .... بئا انا بشوف انو الشب يلي بيئدر يئعد اختو على جهاز كومبوتر و يشوفها عم تتعرف على شب و تفتحلو كام هداك الوئت بسدئو انو يمكن يعمل علائة النت او ما بيخجل اصلا اذا رتبطت بوحدة من النت ..... لانو لا تنسي كتيرين بيرتبطو بس ما بجيبو سيرة انو البنت من النت. يعني بلمختصر المفيد ابني بيت فوء اساس مو قوي بعد كم سنة رح تشوفي البيت انهد . بس مع هيك برجع بئلك ما عاد في شي غريب بهدنيا |
اقتباس:
|
| الساعة بإيدك هلق يا سيدي 00:28 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون