|
دمشق لا تتسع سوى للدمشقيين فقط!
هناك مقالة قرأتها من موقع سيريا نيوز الاخباري وتحتاج لوقفة!
((عندما نطالب نحن_الشوام_ بتخفيف الهجرة الى دمشق يتهمنا البعض بالعنصرية , نحن نجد دولا نقلت العاصمة _البرازيل , كازاخستان_ و دولا أخرى تعين الموظف في مدينته حصرا و دولا مثل ماليزيا بنت مدينة خصيصا للوزارات و دوائر الدولة _ بوترا جايا _ و دولا تمنع التملك لغير ابن العاصمة في العاصمة ودولا مثل الصين طبقت نظام الطفل الواحد في المدن الكبرى ... وو وو ......لقد شاهدنا منذ أيام امتعاض سكان موسكو من القادمين اليها من ارياف روسيا فهل نصف كل هؤلاء الناس بالفئوية والعنصرية؟؟ هل تعلمون أن أكبر مدينة ألمانية يبلغ عدد سكانها مليونين فقط مع العلم أن عدد سكان ألمانيا يتجاوز التسعين مليونا؟؟ نحن اذا استطعنا ايجاد حل لمشكلة السكن فلن نجد حلا لمشكلة شح المياه وجفاف بردى وتلوث الهواء وأزمة المواصلات وو و... الكل يعلم أن ربع سكان سوريا يقيمون في دمشق وهذا له أثر خطير على الاقتصاد والبيئة والسكن وديموغرافية البلد , نرى في هذا الموقع خبرا عن معاناة مزارعي الساحل , لماذا الدولة لا تهتم بالفلاح وبالمحافظات الأخرى , أقترح منع التراخيص الصناعية في دمشق وريفها لاجبار المصانع على العمل في باقي المحافظات وتوفير فرص العمل فيها أو فرض ضرائب اضافية على المصانع في دمشق وريفها , ما يدعيه البعض أن الهجرة الى العاصمة هي ظاهرة موجودة في كل دول العالم صحيح ولكن كل دول العالم تحارب هذه الظاهرة الا نحن نشجعها بالاضافة الى ما حصل في دمشق خلال السبعينيات والثمانينيات من هجرة بطرق غير مقبولة ليس للعمل ولا للاستثمار ولا للبحث عن فرص عمل , بل جاؤوا لأسباب أمنية لا داع لذكرها واستقروا في دمشق وصدر قانون الايجار الظالم لترسيخ بقائهم الى أن عدل هذا القرار أخيراو متأخرا . الذين يأتون من المحافظات الأخرى يسببون أزمة في السكن في دمشق ويتركون بيوتهم خاوية في ضيعهم , يستنزفون مياه دمشق ومياههم تصب في البحر , هل هذا في صالح دمشق قبل الحديث عن أهل دمشق؟ عندما يتحادث أي شابين من دمشق يتحدثون عن مشكلة السكن ومشكلة الهجرة التي لم تترك لنا حتى الهواء لنتنفسه, هذا الضغط سيكون له رد فعل عكسي لدى أبناء دمشق وبعد ذلك يأتي البعض الى دمشق ويكرهوننا ويتحدثون عن عنصريتنا وانطوائنا , هل نحن من جاء الى مدن وأرياف الآخرين؟ أم العكس؟ مشكلة أخرى هي أننا نسمح للعربي بالاقامة والتملك بينما العرب لا يعاملونا بالمثل فكنا الخاسرين مرتين وهم الرابحون مرتين, الى متى سنبقى نلهث وراء العرب الذين يؤذوننا ونركض وراء شعارات لم يعد يؤمن بها أحد؟ نرجو بشكل ملح معالجة هذا الموضوع والاستفادة من تجارب الدول الأخرى وشكرا)) بقلم زاهر سحلول عن موقع syria-news انتهى المقال. -------------------------------------- تعليقي على المقال: بالفعل بدمشق الشوام كل مالهن عم يقلو بسبب الهجرة للضاحية تبع قدسيا! يعني أي شب معتر من الطبقة المتوسطة بالشام ما في يأمن غير بيت بضاحية قدسيا وعن طريق جمعيات بتسلمك البيت بعد 8 سنين أقل شي!كل هاد سببوا الضغط على السكن اللي أدى لارتفاع الأسعر بشكل مهول برغم كل المشاريع السكنية اللي عم تتعمر بالشام (متل مشروع شركة اعمار الضخم) وهالمشاريع المفروض تخفض سعر البيوت بس للأسف البيوت كل مالها عم ترتفع لأنو مقابل هالمشاريع عم يهاجر عالشام مئات العمال من المحافظات الأخرى...أنا ما بدي كون عنصري بس شوفوا شلون صار شكل البرامكة من كتر الضغط على الشام!لك حطا حيطان البنايات صارت سودا بسبب دخان المكاري اللي زاد عددها بشكل مهول بسبب العجقة!هل ما بدنا نحط كل الحق على الوافدين بس كمان جزء كبير من المسؤولية بيوقع عليهن..بركي كمان شوي تانية بتندثر اللهجة الشامية! الحل هو بتعمير باقي المحافظات وفتح فروع لتسيير معملات المواطينين في بقية المحافظات.. أتمنى أن لا تعتبروا موضوعي عنصريا وأنا لست مع كاتب المقال في كل ما قاله فكلامه فيه شيء من العنصرية.. فما هو رأيكم بالموضوع؟:? (ملاحظة أتوقع لهذا الموضوع الكثير من الردود) |
أكيد المشكلة موجودة و متفاقمة للأسف
و فعلاً الشام ما بينمشى فيها بإيام الصيف وقت الضهر مرة كان الميكرو واقف عند الإشارة تبع المعهد الهندسي "بين المزة و البرامكة" والله كان الدخان ظاهر للعيان !!! يعني التلوث ما بقى بدو مقاييس وتحاليل لنسبة الغازات بالجو و غيرو .. التلوث مرئي بالعين المجردة !!! و لولا الحظ الحلو من ناحية وجود حركة رياح "بتكنس" الدخان عن المدينة ، كانت الحالة وصلت لدرجات خطيرة "نوبات ربو وحساسية، إختناقات، تسممات...." بس ما بيمنع سجل إنزعاجي من كاتب المقال اللي بيخبي ورا كلامه روح عنصرية لكن كمان في أمور كتير بوافقه عليها خصوصاً: اقتباس:
اقتباس:
|
:)
اخاف اعلق تقول الموضوع خاص بالسووريين انتظر سماح بالتعليق:) |
والله انا مع المقال و كاتبو بكل كلمة
ولسه ما حكا عن العراقية هو صحي على راسي العراقية بس كان لازم عل الدولة تبعنا ما تفوتون وقت الحرب عل عراق كنا حاطين امل يا زلمة ازا صار معنا شوية مصاري منسكن بجرمانا اي صارت اغلى من الغلى و صارت ما بتنسكن اصلا |
ولالله الكلام كلو صح لانو جد صايره العيشه بالشام ما بتنطاق
عجقه وشوايا ونور ووسخ وارف يعني صار الواحد ما بحب يطلع من بيتو ابل الساعه 8 باليل |
عفواً من الشباب اللي سبقوني بالرد ومن ناقل المقال كمان ... بس انا قرأت المووضوع مرتين وما لقيت فيه عنصرية !!! ... والله كلامو مزبوط 100 % ...
يا جماعة الشام ما عادت بتنطاق بالصيف !! عجئة مو طبيعية !! يعني لحتى تخف العجقة بالشوارع للساعة 1 الصبح !! .. وبترجع بتبلّش من ال 6 !! بتجي بدك تطلع تشم هوا نضيف على قاسيون .. بتلاقي كل امة لا اله الا الله هنيك !! ... اي وين بدنا نروح بحالنا ؟!!! بعدين شغلة انو "اهل " الشام متضايقين من " سكان " الشام الحاليين .. اي بقلّك ياها متضايقين وكتير كمان !!! ... ليش ؟! لانه ابن المدينة ما عاد عم يطلعلوا فرصة ليعيش بمدينتو ومع اهلو وناسو بنفس المستوى اللي عايش فيه الجاية من محافظة تانية وجايب معو كل العائلة الكريمة ... وبالاخير شو كانت النتيجة ؟!؟ الاغلبية هاجروا ... ما بقي شوام بالـ "شام"!! وعلى قولتك .. اقتباس:
وآخر شي ... اقتباس:
شو عم يعملولنا هنن ببلادهم ؟! ... كيف عم يعاملونا ؟! لنكون نحنا ببلادهم عايشين ملوك ؟! على فكرة .. نحنا هون صرلنا فوق ال 20 سنة ... وصرنا دافعين اجرة البيت قد حقّو على مرتين .. بقا لشو بسوريا هالكرم الطائي ؟! |
اقتباس:
|
ممنوع عني
|
والله انا بالنسبة اللي اكتر ايامي عايش بحلب ويمكن رايح على الشام زيارات شي 5 مرات بكل حياتي وبس لما نزلت على سوريا اخر اجازة نزلت على الشام وقضيت يومين
بس والله العظيم معك حق والموضوع 100 بالمية صح انو هل العجعقة مو طبيعية حتا السيارات ما عم تسع ولا في الها مجال انو الواحد يسوق او يتحرك رحت مشوار صغير ضليت شي ساعة حتا وصلت قلت حلب الف رحمة منها حتا حلب متغيرة من كتر العجعقة كمان والله معكم حق الله يكون بعون هل الشعب وحتا في ناس معنا هون من الشام وبقولو انو ما ضل شوام بالشام الله كريم والا ما تفرج مشكور اخي كتير على الموضوع |
يعني شو المشكلة
ما بكيفي متغربين كمان بدهن يحددوا وين بدنا نعيش بالبلد ؟؟؟!!!! انا مو مع المقالة لانه هي حرية للشخص يعني ببلد متاخرة متل سوريا ازا متدايقين من الهجرة للشام يروحوا يبنوا جامعات بمحافظات تانية كتير شباب بينجبروا ينقلوا عالشام مشان الدراسة بس يتحسن الوضع ونتقدم شوي كل شي بيتحسن |
فعلا يا جماعة هلموضوع شكوى أهل الشام هلأيام .........ياجماعة المواصلاتمن الساعة 11 للساعة3ونص لضياعة الوقت هاد عدا عن أزمة صف السيارات منتمنى أنو يتم استثمار الريف و المحافظات بشكل أفضل ليتم توسيع البلد و تحسينا اقتصاديا و اجتماعيا
|
| الساعة بإيدك هلق يا سيدي 14:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون