|
الجمال(الحلا)
الجمال(الحلا) الجمال هو صفة يوصف بها الانسان..يمدح بها أو يذم.. وكثيرا ما استعمل الجمال كأفضلية بين الناس اما في الحصول على فرص العمل أو للفوز بفتاة(او شب) أو للبروز في وسط معيّن أو... ولكن معايير الجمال أو بالأصح بعض من معايير الجمال تختلف من انسان الى انسان آخر ولكن الجميع له بطريقة أو بأخرى صورة مسبقة متماثلة عن كيفيّة الانسان الجميل(الحلا)..مثلا: (أنا كشب).. في بنت بنظري أنا وبنظر رفقاتي حلوة وفي بنت كلنا بنقول عنها مو حلوة (بشعة)وفي بنت حلوة بنظر البعض بس بنظر البعض الآخر لأ طيّب مين هوي يلي بيوضع معايير للجمال لحتى نحنا عهالأساس منقيم؟..وهل لو كنت أنت جميل بتلاقي أنو من حقّك انك تاخد(تسرق) فرص غيرك بسبب جمالك ولو هنّي أكفئ منّك؟ سؤال عـ هامش الموضوع: عمليات التجميل(plastic surgery )..أشو موقفك منّا؟..وبرأيك هل هي ممكن تكون وسيلة للحصول على حق ممكن انسان ما كان بايدو يحصل عليه؟ |
الجمال يمكن انو يكون نعمه ويمكن انو يكون نقمه " مصيبه "
انا بتفق معك الاصل ما في معيار للجمال واما بخصوص عمليات التجميل الاصل انو ما نلجأ اليها لتغيير اشكالنا متل الي عم يصير لاكن في بعض الحالات الي لازم استخدام العمليات فيها مثلا التشويهات الي بتصير نتيجة الحوادث وغيرها كتير |
هلا انا شخصيا براي اني الشكل الحلو الو دور لما بتروح عمتعمل انترفيو بس يعني هون قصدي الشكل العام يعني الاناقة والوجه المريح خصوصا اذا الشغل فيه تعامل مع ناس كتير بس اكيد انا مابقبل حدا يشغلني بس لشكلي لاني انا برأي اني كل واحد عندو اشيا اهم من شكلو اللي هو اصلا مالودخل فيه متل شهاداتو وخبراتو ومع اني كل بنت بتحب ينقال عنا حلوة بس في مجال الشغل انا بعتبر انو تحقير لالي لانو شي مالي فضل فيه :D
اما بالنسبة لمعايير الجمال فانا براي مافي وحدة بالعالم كلو بيتفق الكل انها حلوة وبنفس الوقت كل بنت عندها شي حلو بس المهم تعرف كيف تظهرو وطبعا عماحكي عالشكل الخارجي:D وعمليات التجميل انا بايدها بشدة بس المهم يكون الدكتور شاطر ومايوصل الموضوع لحد الهوس:Dبس الطبيعي بضل أحلى;) |
عمليات التجميل امر سخيف ولا يلجا اليها الا شخص ليست له ثقة في نفسه ويحاول ان يتبث وجوده بتغيير شكله وفق معايير الجمال الي فرضتها التلفاز مما يجعل الناس تتشابه ويفقدهم تميزهم ومع مرور الوقت تتغير المعايير فهل نغير وجوهنا لنلحق الموضة وكثيرون وقعوا ضحايا وفقدو الكثير بسبب عمليات التجميل وحتى الدكتور البارع يمكن ان يخطئ.
|
اقتباس:
فيو ناس ومقابلات كتير بس يعني انو حتى لو كانت بشعه في شي اسمو ترتيب واناقه ونظافه يعني ما بعتقد انو كل الناس بتعتمد بس عالشكل هع لانو اينشتاين كان ما بيطلع فيو بس شو طلع منو بلاوي ... وبالاخير مكا بئول غير انو ..( الله جميل يحب الجمال) تقبل مروري :D |
اقتباس:
بس طبعا انا ضد العمليات لما يكون وحدة بدها تصل للكمال لاني هاد بكون مرض بحد ذاتو |
اقتباس:
نعم قد الاحظ هيك امور ولكن معاملتي لها لن تختلف بل اعاملها على حسب شخصيتها بل من الممكن ان تكون حلوة ولكن تصرفاتها تجعلني اكرهها او اتجنبها والانسان لا يتعرض لعقدة نفسية الا ادا كان فيه تشوه خلقي وفي هيك حالة لا باس بعملية التجميل يجب على الشخص ان يهتم باناقته ونظافته ولكن ليس لحد تغيير خلقته فقط ليجعل بعظ الناس السطحيين يقبلونه. |
اقتباس:
والله اذا كان شكلو مو حلو..ما رح تتقربي منو لحتى تتعرفي على أخلاقو وتصرفاتو.. وطيّب أشو زنبوا ازا خلق مو حلو..وعمليات التجميل رح تردلو حقو ليش لأ اقتباس:
هاموش:الجمال الداخلي كلو حكي فاضي ما بيؤمن فيه غير البشعين والفاشلين اجتماعيّا |
اقتباس:
الجمال الداخلى بنصب ع جمال الشخصية هادا الاختصار البسيط ليه ما بتؤمن بجمال الشخصية ؟ بكل ما يحمله هذا المصطلح من صفات تبرز الجمال او تنشأ جمال جديد من نوع آخر ؟ هاموش : هالايام مار تحت ايدى قصص عن المناضلة أروى صالح وكيف كانت معشوقة ومبهدلا الدنيا مع انا ما كانت جميلة بس نضالها وشخصيتها وكمان ام كلثوم , وكمان وكمان |
اقتباس:
مو صحيح معايير الجمال تتفاوت من شخص لاخر ومن تراه انت قبيح قد اراه انا جميلا وبرغم ان ما ساقوله يبدو سادج فان جمال الروح يؤثر فعلا واقولها عن سابق تجربة.:D |
اقتباس:
طيّب بدي اسئلك سؤال انتي ممكن تحبي أو ترافقي شخص مو حلو(بنظرك)ولو كانت أخلاقو وشخصيتو حلوي(بصراحة ها)؟ |
هلأ بس للتوضيح اني في فرق كبير بين البنات والشباب صحي نحنا البنات بيلفتنا الشب الحلو بس البنت ماعندها مشكلة مثلا تحب واحد مو حلو وتقدمه للناس على انو حبيبها او خطيبهاوتشوف حالها فيه على جمالو الداخلي :D
بس اذا شب لنفرض حب وحدة مو حلوة يعني بفكر مية مرة قبل مايقدمها لاهلو وصحابو;) |
انا مع عمليات التجميل في حال كانت لتصحيح عيب خلقي يضر الانسان ويعقده ويعزله اجنماعيا
اما في حال كانت نزوة متل اللي بتعملوا الفنانات والممثلات انا مش معو ابدا لانو يخلي هوس ما طبيعي لدى المعجبات ويخليهن يقلدوهم تقليد اعمى وبالتالي انتشار هستيريا الجمال التي لا تتوقف اما عن موضوع البشاعة كمان انا مع انو يعمل عمليات تجميل مشان تسهيل الاندماج بالمجتمع يعني عن حد جمال الروح لا يكفي من اجل جذب الطرف الاخر وهذا عن تجربة شخصية |
اقتباس:
بدى قلك شئ ما بعرف اذا كان صحيح ولا لأ انا أؤمن ان الشخص الوسيم شكلا بتكون مقصرة معو مسألة الجمال الداخلى يعنى متل ما بيقولوا الله بيشيل من هون ليحط هون واذا الشخص اللى انشال عنو جمال الظاهر وبقى جمال الباطن ما احلاه بنظرى وبيبقى جمال الشكل نسبى يعنى الوسامة الشكلية مانها تقاطيع حلوة ع اد ماهى اناقة ونظافة وحكى كتير |
اقتباس:
|
ان الله جميل يحب الجمال
الجمال نعمة والله اعطاها للانسان ليشكر ربو عليها ويصونها مش حتى يتكبر ويستغل هالنعمة بما لا يرضي الله منشان عمليات التجميل فانا ضدها وبئرفها |
ان الله جميل يحب الجمال
مافي شك الانسان الجميل يكون محط الاهتمام والانظار وكل انسان بالفطره يحب يكون الافضل والاحسن والاجمل ..........والاكمل |
ان الله جميل يحب الجمال ولكن هناك احلا من الجمال الخارجي الجمال الداخلي يعني مهما كان التجميل بعمل شكل الخارجي الداخلي مستحيل اكون في عملية تجميل تجمل من الداخل وانا صد عملبة التجمبل اذا كانت بدون سبب يعني يمكن تكون بسبب تشويه خلقي فهذا يلزم تجميل
|
| الساعة بإيدك هلق يا سيدي 18:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون