|
مشروع قانون الأحزاب
كان من المنتظر أن يعلن الرئيس بشار الأسد عن قرب صدور قانون للأحزاب في الجمهورية العربية السورية في خطابه الأخير أمام المحامين العرب , الا أن ما حدث كان مجرد وعد باصدار هذا القانون دون الدخول في التفاصيل.
ما يهم في هذا الموضوع ليس الموقف من هذا الخطاب أو الموقف من بشار الأسد . أدعو رواد المنبر الحر للتعبير عن آراءهم و تطلعاتهم تجاه قانون الأحزاب الافتراضي , هل أنت مع أو ضد صدور قانون أحزاب جديد في سوريا , و ماهي ملاحظاتكم على هذه الأخبار . بانتظار آراءكم... |
طبعا انا ضد الحززي الشمولي
وبتمى اليوم قبل بوكرة يطلع قانون الاحزاب بس بتمنى انو ما يكون بين الاحزاب احزاب دينية او عرقية لانو هيك احزب بتكرس الفرقة بسن ابناء الشعب واكيد المجموعة الاكبر من عرق او طائفة معينة راح يكون الها نصيب اكتر من غيرها وانا ضد هالشي انا بحب انو يكون الحرب علماني يضم كل الاديان والاعراق وشكرا :سوريا: شكرا ياس على الموضوع |
أنا طبعا مع صدور قانون أحزاب دون شروط (دون شروط فكرية ...أكيد أنا ضد أن يكون لهذه الأحزاب ميليشيات و جماعات مسلحة...الخ) .
لست ضد الأحزاب القومية طالما أنها تحترم الدستور السوري و تحترم وحدة الأراضي السورية. لست ضد الأحزاب الدينية المعتدلة , التي تحترم حرية الفكر و الاعتقاد . |
أنا مع صدور قانون الأحزاب بشرطين أساسيين
1- إلغاء المادة رقم 8 حتى يقدر هادا القانون يأمن المساواة لجميع الأحزاب تحت رايتو 2- أن يقوم هذا القانون على أساس مبدأ شرعية الجرائم و العقوبات أي لا جريمة و لا عقوبة إلا بنص قانوني و بهالحالي الأحزاب يلي ارتكبيت مخالفات قبل صدور هالقانون ما رح تتحاسب كأحزاب بس يمكن يتحاسبوا أعضاء هالأحزاب كأشخاص |
أوافق
طبعا أنا مع قانون أحزاب جديد !!!
لانو القانون الحالي (طبعا اذا سلمنا بوجوده!!) هو قانون الحزب المركزي الواحد :gem: !!!! و بضم رأي ل حسون بخصوص المادة 8 من الدستور !! |
انا مع صدور قانون احزاب جديد
لاكن ضد انو يكون حزب ديني ومتل ما قال ياس اقتباس:
|
اقتباس:
اقتباس:
الأخزاب بحقلها تطرح الأفكار و الشعارات يلي بدها إياها و الشعب بيختار |
انا مع تشكيل قانون الاحزاب
هلأ مشان الاحزاب الدينية و العرقية عندي توجه كتير حلو بيحل الازمة ... كل حزب بيسمح بانتماء اي مواطن سوري بيتمتع بالاهلية القانونية لصفوفو هوي حزب مقبول .. و غير ذلك لأ يعني ازا في حزب ما بيقبل الارمني السوري بصفوفو هاد حزب واجب منعو ازا في حزب ما بيقبل الدرزي بصفوفو هاد حزب واجب منعو كمان و هيك و معكم بمنع مظاهر التسليح للحزب و اقتصار التسليح على الجيش و رجال الامن و ضد التمويل الخارجي للاحزاب لا تقولوا مهاجرين و مغتربين و ما بعرف شو ... اول ما ينفتح هالباب رح تصير حاكمتنا هيي السعودية و فرنسا و اميركا و .... الخ نحنا بدنا احزاب سورية تحكمنا |
أنا برأيي انو مو هلق وقتو ليش:
أولا يجب أن يسبق هذا القانون اعطاء الحريات على صعيد المؤسسات و على صعيد الفرد.. يعني مو معقول شعب الو 35 سني نايم تجي تفيقو على قانون أحزاب أو بدو يكون القانون مفصل وبتكون شغلتك تلبس بدون اي اعتراضت يعني على شكل أحزاب الجبهة.. بعدين قانون الأحزاب مفروض يكون نتيجة للديمقراطية.. مو لأنو عم ينحكى عن الديمقراطية بنعمل قانون أحزاب (يعني ضحك على الذقون) |
اقتباس:
معطك حق رواد حرية احزب بدون حريات ضحك على اللحى بس يعني براي بس يعطوا الحرية للاحزاب حكما راح يكون في حريات عامة |
اقتباس:
وبدون الحريات يعني القانون اللي بينطرح على مجلس الشعب بجتمعو هل كم مهرج وبيرفعو ايدهون للتعبير على الموافقة عليه وبدون ما يكلفو حالون وحتى يقرو للقانون وبيتوافق على القانون على شكلو بدون اي تعديل.. وبصير في أحزاب جديدي بس {لصاحبها حزب البعث} (بتعرفها هي النكتي)......... |
اقتباس:
لانو بتذكر مسرحية عبد الحليم خدام :lol: :lol: :lol: :lol: |
اقتباس:
وانا اكيد مع وجود الأحزاب بس المشكلة انو هادا القانون متل كتير من القوانين الي انطرحت وما طبقت كما يجب بس نشاء الله منتأمل خير لأنو متل ما قلت هاي اول خطوة لأعطاء الحريات |
اقتباس:
بس أنا فكرتي انو قانون الأحزاب القيادي السياسي هي اللي عم تحطو واللي هي بعثية.. هذا القانون دستوريا لازم يتناقش بمجلس الشعب وويتم اقراره هنيك.. هي كمان ما فيك تنكر انو مؤسسي بعثية.. يعني ما في حدا رح يعترض على القانون وبحطو الشروط التعجيزية اللي بتناسبهم.. بعدين لو الاحزاب هي الحل ما هي في احزاب بالجبهة وعن جديد انضم القومي السوري الون بس بحياتي ما سمعت خطاب لأي أمين عام لحزب من احزاب الجبهة الا وفكرتو بعثي |
اقتباس:
|
يا جماعة بتصور انو فكرة الموضوع انو لو (و ركزولي على كلمة لو) كان بايدكم قرار قانون الاحزاب ... شو رح يكون شكلو ؟؟؟
|
اقتباس:
لأنو بهيك حالي بنكون عم بنتدخل بالشؤون الداخليي للأحزاب من قبل السلطة يعني هادا موضوع بحددوا القانون الداخلي للأحزاب و للمعلومات بكل حزب في شروط انتساب البعض بحط العمر و البعض الآخر بحط الكفاءة و البعض الآخر بحط الدين أو العرق أما بالنسبي لأيا شغلي لازم تكون أول قانون الأحزا وللا الحريي فأنا بشوف بأنو أول شي لازم تلغى المادي رقم 8 و تلغى حالة الطوارئ و بعدين بصير في قانون أحزاب اقتباس:
2- تعتبر الأحزاب شخصيات اعتبارية 3- العمل على مبدأ شرعية الجرائم و العقوبات طبعا هاي رؤوس أقلام |
اقتباس:
هلأ بألمانيا في حزب اسمو المسيحي الديمقراطي ... طبعا واحد مسلم ما راح يفكر يدخل فيه ...بس لو عنت ع بالو و راح ينتسب ماراح يسألوه شو دينو...فهمت كيف؟ |
| الساعة بإيدك هلق يا سيدي 11:03 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون