|
باراك أوباما يتقاسم مستشاره الأقتصادي مع سورية
باراك أوباما يتقاسم مستشاره الاقتصادي مع سورية حائز جائزة نوبل في الاقتصاد سيقود مشروعا لتنظيم الاقتصاد غير المنظم في سورية قالت مصادر مطلعة لسيريانيوز إن سورية والمرشح الديمقراطي للرئاسة الأمريكية باراك اوباما تشاركا في الخبير الاقتصادي الدولي هيرناندو دوسوتو الذي زار سورية مؤخرا. وذكرت المصادر التي رفضت الكشف عن اسمها أن دوسوتو وافق على قيادة مشروع وطني لتنظيم الاقتصاد غير المنظم في سورية والذي يشكل حسب تقديرات الخبراء نحو 40% من الاقتصاد السوري. وأضافت المصادر ان دوسوتو ,الحائز على جائزة نوبل في الاقتصاد, وافق لاحقا على عرض من المرشح الديمقراطي للرئاسة الأمريكية باراك أوباما ليكون مستشاره الاقتصادي. وتابعت أن دوسوتو أبلغ أوباما بأنه كان قد ارتبط مع سورية من اجل قيادة مشروع اقتصادي هام, إلا أن أوباما رد عليه "ليست هناك مشكلة .. سوف نتقاسمك أنا وسورية". وكان دوسوتو زار سورية في شهر حزيران الماضي وشارك في ورشة عمل حول القطاع الاقتصادي غير المنظم بمشاركة خبراء دوليين آخرين. وعلمت سيريانيوز أن الخبير الدولي سوف يعود إلى سورية الشهر المقبل حيث سيطلق المشروع الوطني لتنظيم الاقتصاد غير المنظم في سورية يوم 15 أيلول. يعقوب قدوري - سيريانيوز |
اي يمكن يقدر يحل كل مشاكل العالم الاقتصادية ويعجز عندنا .. ما في أمل بنوب . خليه للأمريكان . نحنا بدنا شي واحد قدراته فوق مستوى البشر ليفهم الوضع الاقتصادي ببلدنا قبل ما ينظم الغير منظم. |
ممتاز كتير ... أنا لدي أحساس أنو السيد هيرناندو دوسوتو رح يكون وجه الخير بالنسبة للوضع الاقتصادي المتمزق والمتشحور والمتدهور بسوريا ... وتجاربه السابقة في هذا المجال تدل على أنه سينجح .. |
اقتباس:
بس 40%؟؟؟ عم مين عم يتضحكو؟ ازا حسبنا كل صفقات الفساد و تجارة النفوذ+ 90% من معاملات القطاع الخاص الصناعية و التجارية+ التهريب+ التهرّب الضريبي... بيطلع أكتر من هيك بكتير |
الـ عم سام في ديارنا :lol:يا اهلا يا اهلا
انو شو هالضحك عاللحي هاد هلئ بسوريا كلها 20 مليون نسمة ... ما طلع فيها خبير اقتصادي يقوم بالواجب ؟ مع احترامي للسيد دوسوتو.. برغم عدم معرفتي فيه .. لكن هالشي ما بيعني .. انو هوي الـBest Of The Best عندي ثقة مليون بالمية ... انو فيمن الـ "مغمورين" عنا بالبلد ... طاقات اعظم خبرة وأصلح مركز وادرى بسراديب ودهاليز الاقتصاد السوري بس هيهات لـ هالـ " مغمورين" يصيرو فايشين .. ويكونو جزء من شي طبقة بالمجتمع السوري .. لكن المبدأ المعهود .. ما رح يتغير .. الخبير الاجنبي حتى لو كان حمار ... اهلا فيه .. والخبير المحلي .. ولو كان مرشح لالف جائزة عخبراتو .. منكبو... كون صار عندهن ثقة تامة .. انو خيو فاشلين فاشلين .. ياس مدري ليش .. كل ما صادف هيك موقف ... كتير بستذكر موضوعك"عقدة نقص" .... لانو صارت .." أزمة نقص" |
لما أجا الدردري كانت معقودة عليه أمال كبيرة لكنه بعد فترة رضخ للأمر الواقع . ورضي بالعمل ضمن الهامش الممنوح ألو . من حيتان الاقتصاد ياترى السيد دوستو . لأي درجة رح يمنح صلاحيات بكل الأحوال . أهلا بمحترف أجنبي عالي المستوى بالفريق الأقتصادي . عسى تتحسن النتائج :lol: |
امممم
يعني والله العظيم زعلت عليه شوف ابني انت يللي اخدت جائوة نوبل هلق انت اهم من سعدو شي؟ -لا اذا سعدو بذاتو ما عرف يزبطلنا وضعنا انت حتزبطو؟ وبتقلولي الحكومة ماعم تشتغل؟ |
يعني سوريا فيها كم كبير من الخبراء القديرين
بس المشكاه الكبرى انه ما في سيستام واي بلد مافيها سيستام بدا تجنن الخبراء ويلي معن |
| الساعة بإيدك هلق يا سيدي 21:13 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون