|
التربية الجنسية
ماذا نقصد بالتربية الجنسية
تعرف التربية الجنسية بأنها ذلك النوع من التربية الذي يساعد الفرد على مواجهة مشكلاته الجنسية مواجهة واقعية وأن يطلع على تطورات الحياة الجنسية عند الحيوان والإنسان بطريقة علمية صحيحة على قدر ما يسمح به نموه العقلي والجنسي في ضوء معايير المجتمع. والتربية الجنسية في قاموس علم النفس تعني: استخدام الوسائل المساعدة في معرفة وتوضيح الخصائص الإنسانية المرتبطة بالجنس. كما تهتم بشكل خاص بالأبعاد النفسية والتربوية للشخصية في علاقاتها مع ذاتها وفي علاقاتها مع الآخرين. أهمية التربية الجنسية تقول الأستاذة منى يونس لابد من رفع الالتباس لدى الأكثرية من أولياء الأمور بين "الأعلام الجنسي" الذي هو إكساب الفتى أو البنت معلومات معينة عن موضوع الجنس، و"التربية الجنسي" التي هي أشمل، إذ أنها تشمل الإطار الأقليمي والأخلاقي المحيط بموضوع الجنس باعتباره المسؤول عن تحديد موقف الطفل من هذا الموضوع في المستقبل التأهيل والتربية الجنسية جزءاً من الإعداد للحياة والحياة التشاركية والزواج والأسرة. ومن هنا فإن التربية الجنسية يجب أن تهدف إلى : 1- تمكين الفرد من بناء علاقاته الزوجية والأسرية بحيث تتم هذه التربية بشكل ينمي الشخصية والتشارك. وتتعلق أهداف هذه التربية بالعلاقات الاجتماعية وبالمعايير الاجتماعية التي تقوم عليها هذه العلاقات بالنظر للروابط البين إنسانية وتوزع الأدوار. 2- تمكين الفرد من تنمية علاقاته بالجنس الآخر وأن يجد في هذه العلاقات تنمية ذات مغزى لحياته وحياة شريكه . 3- ينبغي لأهداف التربية الجنسية تقديم المعرفة اللازمة حول جنسية الفرد الذاتية وحول خصائص الجنس الآخر وحول المشكلات الخاصة بالعلاقات الجنسية وكذلك تقديم المعرفة حول ديناميكية الحياة الزوجية والأسرية . وتعتبر هذه المعارف الشروط الأساسية للبناء الموفق والواعي للحياة الزواجية و الزوجية والأسرية. 4- وأخيراً تمكين الناشئة باعتبارها أسرة في المستقبل تحضير أطفالهم من خلال سلوكهم المثالي الذاتي والتربية الجيدة العامة والخاصة من كيفية التعامل مع الجنس الآخر. متى تبدأ التربية الجنسية إن التربية الجنسية لا تبدأ من المراهقة أو من سن البلوغ لأن الطفل بهذه الأمور يبدأ من سن مبكرة حيث يكون الطفل مهتما بمعرفة الفروق بين جنس والجنس الآخر فدور الأسرة ضروري من هذه الناحية. تقول الدكتورة "ماري تيريز خير بدوي" الاختصاصية في علم النفس:المشكلة انه في ظل المناهج الطبقية حاليا ونمط التربية التقليدية السائدة ننتظر حتى يبلغ الولد سن الثالثة عشرة أو الرابعة عشرة لننقل إلية المعلومات المتعلقة بوظائف الأعضاء وهو في هذا السن يكون قد سبق له جمع هذه المعلومات. وما يحتاجه هو الكلام عن الشق العاطفي لأنه بدأ يعي جسده ولديه قلق بالنسبة للأحاسيس والتغيرات الجسدية والهرمونية الكثيرة التي يختبرها والتي لن يتمكن من الكلام عنها إن لم يكن ثمة جو من التواصل والراحة والصراحة بينه وبين أهلة وهو شرط ضروري ليستطيع الأهل القيام بمسئولياتهم في ما يتعلق بالتربية الجنسية التي تبدأ في سن مبكرة جدا عندما يدرك الطفل أن هنالك جنسين في عمر السنتين والنصف، ويبدأ في طرح الأسئلة. يتبع ........ |
برأيي موضوع مهم كتير ..
التربية الجنسية بمجتمعاتنا العربية بأغلب الاحيان مابتنطرح باساليبها الصحيحة وخطوة كبيرة يصير عنا مناهج لهيك نوع من التربية ينطرح بطريقتو الصحيحة ويلاقي تقبل من الاهل والمجتمع متابعين معك ساندرا :D |
موضوع مهم ومتابعة,,,,
|
يا هلا صبايا :D
متل ما ذكرنا التربية الجنسية تبدأ من عمر الطفولة ولهيك رح كمل هلا بالنمو الجنسي عند الطفل من وجهة نظر علم النفس النمائي |
النمو الجنسي للطفل:
أ- الطفولة المبكرة(3-6 سنوات): أثناء نمو الأطفال في مرحلة "ما قبل المدرسة "يحدث ما يطلق عليه "الفضول الجنسي" عند الأطفال، ويتمثل في فضول الأطفال لاكتشاف أجزاء وأعضاء جسمهم أو أجسام أصدقائهم وإخوتهم حتى آبائهم، فالطفل في هذه السن كما يقوم باستكشاف رأسه أو يده... إلخ، يحاول استكشاف الأعضاء التناسلية - باعتبارها عضو من أعضاء جسمه أيضاً. ويلاحظ في هذه المرحلة كثرة الأسئلة الجنسية حول الفروق بين الجنسين في الشكل العام وفي أعضاء التناسل، وكيف يولد الأطفال؟ ومن أين يأتون؟...... إلخ. حسب فرويد يميل الطفل في هذه المرحلة للجنس الآخر، أي ما معناه، كأن يحب أن يقترب الولد من أمه (عقدة أوديب) والبنت من أبيها (عقدة ألكترا) وقد يشترك الأطفال في العاب تأخد دلالات جنسية حسب عالم الكبار خاصة بعد سن الرابعة حيث يقوم أحد الأطفال بدور الأب أو العريس أو الطبيب وأخرى بدور الأم أو العروس أو المريضة، والهدف هو الاهتمام بفحص أجسام بعضهم البعض وملاحظة الاختلافات والفروق التشريحية بينها، واستعراض الأعضاء التناسلية. قد يتطور هذا السلوك الجنسي عند الأطفال لما ما يطلق عليه masturbation "الاستمناء"، وهو عبارة عن أن يثير الطفل نفسه بأن يلمس أو يحكّ العضو التناسلي باستخدام رجله، فخذه، يده، أو أن يلعب مع لعبة، أو وسادة كأنه يركب حصان، وهذا جزء من الفضول الجنسي عند الأطفال ويكثر الطفل من اللعب الجنسي وخاصة أن تناول الأعضاء التناسلية يبعث على اللذة. ويلاحظ أن الأطفال الذين يكثرون من اللعب الجنسي هم الذين يفتقرون إلى الراحة والعطف والحب ويشعرون بتهديد الأمن والملل ونقص اللعب وضيق دائرة التفاعل الاجتماعي. ب- الطفولة الوسطى(6-9 سنوات): في هذه المرحلة يقل الاهتمام بالأمور الجنسية. وإذا سار النمو الجنسي في المرحلة السابقة سيرا طبيعيا وسارت عملية التربية الجنسية على ما يرام مرت هذه المرحلة " مرحلة الكمون الجنسي " أو مرحلة الخمول"latency. أما إذا لم يحدث هذا وبقيت المسائل الجنسية مشكلة سرية، فقد يؤدي هذا إلى قلق وحاجة إلى إشباع وزادت مناقشات الأطفال مع بعضهم البعض في هذه الموضوعات الجنسية. وتشهد هذه المرحلة حب الاستطلاع الجنسي وقد يميلون إلى القيام ببعض التجارب الجنسية واللعب الجنسي مع بعضهم البعض. منقول بتصرف عن كتاب علم نفس النمو"الطفولة والمراهقة"... د. حامد عبد السلام زهران من الطبيعي أن يتعامل الولد مع موضوع الجنس بعفوية ومن دون تعقيدات عالم الكبار. فمن خلال حب الاستطلاع والمعرفة يبدأ الطفل اهتمامه بجسده وبما يشعر به وهذا يعني أن الاهتمام بالجنس لا يبدأ عادة بشكل فجائي وإنما بشكل متدرج وبطيء ومن البداية الحسنة أن يجيب الأهل عن تساؤلات الطفل عن الجنس والأعضاء التناسلية منذ المرحلة التي يبدأ فيها طرح مثل هذه الأسئلة. يتبع .......... |
عما انتظر اليتبع بشغف :D
|
ساندرا من بعد اذنك سؤال او طلب صغير بس مهم
انو لما حكيتيلنا عن الجنس عند الطفل والمشاكل تحطيلنا الحل او طريقة التعامل. وهيك مع كل الاعمار لو ممكن حتى تكتمل المشكلة والحل عندنا ومشكورة ومتابعين |
حبيت طريقة تناولك للموضوع ساندرا
متابعة للنهاية... |
اقتباس:
|
اقتباس:
بس الموضوع عم ينزل على مراحل متل مانك شايف لكن أكيد يلي ذكرتو ضمن الخطة :gem: اقتباس:
اقتباس:
أبو وليم دايما أي سلوك طبيعي بالأساس ممكن بياخد الطابع المرضي بناء على عامل الشدة والتكرار بكن بحالة اللعب الجنسي هالشي مش كافي وبالأحرى مش كتير دقيق اللعب الجنسي بالنهاية هو لعب وممكن تتكرر يومياً متل أي لعبة تانية (باربي، طابة... الخ) بالأخير الولد بدو يلعب فهون بيلعب عامل المكان .... هل الطفل لما بيلعب هاللعبة بيفضل مكان محدد أو بالخفا أو بغرفة محددة ولا لا ما بتفرق معو المهم يلعب ويتسلى والمفترض الأم تراقب وجه الطفل وانفعالاتو أثناء ممارستو لهالألعاب والجو المحيط فيو ... هل هو جو لعب ... أم جو غامض شوي انفعالات الطفل متل تعابير وجهو ... تغيير صوتو .... شعور بالرضى أو النشوة هذا بيعني الليبيدو هو المسيطر عالموقف وبهالحالة ينصح اللجوء لاخصائي نفسي طبعاً حالات السلوك المرضي باللعب الجنسي مش كتيرة وما في داعي للوساوس الزايدة أهم شي ما لازم نحسس الطفل بأنو يلي عم يعملو شي عيب لأسباب رح اذكرها بعدين راجعين :D |
اقتباس:
:D |
متابعة.....
|
حلو كتيير الموضوع ..
sandra شكراً كتيييييير كتير إلك .:D |
تحذيرات فيما يخص الإجابة على الاسئلة المتعلقة بالجنس
في سن الثالثة تبدأ تساؤلات الأطفال حو الجنس والحمل والولادة وتظهر أسئلة من أين أتيت وكيف وخصوصاً عند مصادفة أم حامل أو عند حدوث ولادة طفل في العائلة من الاسئلة الشائعة مثال 1 الطفل : من أين يخرج الأطفال يا ماما؟ الأم : من بطني ـ كيف ؟ ـ ماذا تعتقد؟ ـ الطبيب يشقّ بطن الأم بالسيف. ـ هل رأيت طبيبًا يحمل سيفًا؟ ـ لا. ـ عند الأم بوجد فتحة معينة خاصة تساعد المولود على الخروج من بطن الأم. ـ أين هي؟ الأم و ببساطة : بجوار فتحة البول ، ولكنها ليست نفس الفتحة يتبع ........:D |
حلو ام السوس بس انو قد ما بعرف اهالي
اغلبون جوابون الله بعتلنا ياك يعني بحياتي ما سمعت هالمحادثة ذكرتيني بنكتة ام السوس اقتباس:
|
جهد رائع آنسة
بالنسبة لكيف يتعامل الكبار اذا شاهدو أبنائهم في حالة فضول واستكشاف لأعضائه الجنسية مثلا : : كان الطفل يضع يده على عضوه الذكري أمام جماعة من الناس يسارع الكبير لضربه على يده ويعنفه كلامياً .. هذا حرام وعيب و"أوفة" والخ هنا ينغرس في فهم الطفل السطحي انه من العيب الامساك بهذا العضو أمام الناس او ان يراني أحد ومن هنا يكمن خطأ الاهل في توصيل المعلومة الجنسية فاما ان تصل ناقصة أو لا تصل ... |
موضوع رائع وجميل ومفيد شكرا لك انتظر الباقي:D
|
اقتباس:
المفترض تنقال الأجوبة بشكل بسيط ويتجاوب على اسئلة الطفل بس بدون كذب أو لف ودوريان مثال أنا أهلي ما كذبو علي لما سألتون كنت بعرف أنو من بطن امي جيت بس كذبو علي بأنو الدكتور شق بطن أمي ونزلت وصدقت هيك لحتى مرة انشقت ايدي وخيطولي ياها :cry: فهون شفت أثر للخياطة ... رحت لعند أمي وكشفت عن بطنا وقلتلها اي ما شفت شي تدخلت عمتي وقالت اي لحالا البطن بتنشق والملايكة هنن يلي بيخيطو البطن مشان هيك ما بتشوفي أثر :? الطفل هيك باحث مستكشف بيجب يعرف ويتأكد لهيك لا تكذبو عليه .... بدي زيد إني أنا بحس بالفخر بأهلي يلي رغم بساطتهم ، ما كذبو علي وقالولي جبناكي من الساحة مدري الشجرة أو شفناكي بالشارع متل ما بيجاوبو بقية الأهل حتى لما كبرت انطلب من قريبتي وهي طبيبة تشرحلي كل شي عن البلوغ وعن الزواج وكل شي بطريقة علمية بحت كانت ... صحيح بومها هيك صرت :? وما استوعبت منيح لأن فرد مرة أجتني كل المعلومات وهاد ما بيجوز ........ بس جد بفتخر بأهلي بهالناحية :akh: اقتباس:
اقتباس:
اقتباس:
بشكركم كتير لمتابعتكم :D |
اقتباس:
كلام سليم اهم شي لا يتم التعامل مع هالأمر بعصبية و يبدأ الأهل بتوجيه عبارات العيب والحرام وبدنا نضربك ... هاد كلو بيأثر سلباُ على الطفل الفضول الجنسي موجود عند الطفل وهالشي طبيعي ... متل ما حكينا الشدة والتكرار هي يلي بتحدد إذا لازم الأهل يتدخلو لوقت تصرف ما أو لا كيفية التصرف مع الطفل يجب إشغال الطفل عن هذا التصرف عن طريق اشراكه بإلعاب يدوية جماعية ... طلب مساعدته بالمطبخ هذا يساعدة في تخفيف اللعب بالاعضاء التناسلية كيف نتصرف مع الطفل الذي يستعرض عضوه أمام الآخرين أو يقوم بلفت الانتباه إليه كما ذكرنا يجب ألا يقوم أحد بضربه أو تعنيفه بشدة بكل بساطة نفتح حديث معه ..... لماذا تفعل هذا ونفهمه بطريقة ما أن اعضائة ملك له، لا داعي لأن يراها الآخرون إذا لم يقتنع وبقي على تصرفه هذا فهو إذا إذا يعاني من الإجهاد ... أو ربما يحصل على انتباه كافي فيقوم بهذه الطريقة للفت الانتباه إذا لم يتمكن الأهل من السيطرة على سلوك طفلهم فالأفضل استشارة اخصائي نفسي |
طيب أنا عندي سؤال ما بعرف اذا هو بكير عليه او لا
انو باي عمر المفروض علمو كل شغلة يعني مثلا باي عمر لازم علمو الفرق بين الذكر والانثى باي عمر لازم يعرف الولادة ووو هيك يعني لازم اتركو هو يسأل طيب ربما يكون خجول ما بيسأل |
بعرف مشغولين بهي الايام بس
ناطرين التتمة........ |
جد يا جماعة اعذروني عن التأخير ... كتير أسفة
بس عندي مشاغل كتيرة هالفترة sam سؤالك ببالي ... وبصراحة في شق منو ما كتير واثقة من الجواب عليه فلأتأكد أكتر رح جاوبك بشكل كامل :oops: :D |
أنا مع التربية الجنسية السليمة
وبرأيي قمة الغلط أنو يكون عند الجميع فكرة أنو الجنس عبارة عن خطيئة كبرى...وهالشي لازم يكون من مراحل الطفولة |
اقتباس:
تساؤلات الطفل تختلف باختلاف المرحلة العمرية وبتختلف من طفل لأخر يمكن تكون الغريزة الجنسية نامية عند بعض الأطفال أكثر من بعضهم الآخر لهذا يجب أن يعالج الموضوع بحكمة وبعيداً ما أمكن عن ردود الفعل السلبية بعلم نفس الطفولة بيتم تقسيم مراحل اسئلة الأطفال تبعاً لمراحل نموهم الجسدي والجنسي اكتشاف الذات الجسمانية بعد السنة الأولى يبدأ الطفل باكتشاف ذاته الفيزيولوجية فيكتشف أعضاءه وكل جسمه ويبدأ بتمييز ما هو منه وما هو خارج عنه وهو سعيد وفخور بهذا الاكتشاف. في هذه المرحلة يحب الطفل اللعب في الطعام والتراب والوحل ليكتشف قدراته الحركية فعلينا توجيهه دون قسوة لأن اللعب بالنسبة له هو طريق المعرفة والنمو. كما علينا أن نعامل الصبي والبنت نفس المعاملة وألا نزرع فيهم مفهوم العيب والغلط بل نساعدهم على الفرح بأجسادهم وعلى التوصل إلى النظافة دون الإكراه الفروق بين الجنسين في بداية عمر السنتين ومن المهم جداً إشعار الطفل/ـة بأنه لا يقل شأناً عن الجنس الآخر رغم الاختلافات الحمل والولادة ابتداءاً من سن الثالثة وسبق وذكرنا مثال عن كيفية الإجاية اقتباس:
حسب علم نفس الطفولة تسمى هذه المرحلة بمرحلة الكمون حيث تهدأ حياته الانفعالية وتتزن أكثر وتنمو مشاعر هادئة كالرغبة بتحصيل المعلومات وتنمية المهارات المدرسية ولهذا تصبح اسئلة الطفل أكثر دقة وأقرب للاسئلة العلمية أمثلة : كيف يتغذى الطفل في بطن الأم غرابة شكل رأس المولود لماذا لا يحمل الرجل اقتباس:
اقتباس:
لأن بالنهاية التقسيمات الواردة أعلاه تقسيمات عامة بتختلف من طفل لآخر الطفل مجملاً حتى لو كان خجول فحب المعرفة والفضول بيدفعو للسؤال ... خصوصاً أنو بنظرو ما عم يعمل غلط لما عم يسأل ... لأن هالاسئلة بالنسبة الو مش عيب ... يلي بيخليها تصير شي معيب ومخجل هو ردة فعل الأهل أما بحالة الخجل يلي ممكن نقول عنو زايد أو مرضي ... بصراحة دورت كتير على جواب شافي وما لقيت (لهالسبب تأخرت بالرد)... بس بالعموم قلتلك ... لازم ننتظر الطفل هو يسأل بتمنى كون قدرت جاوبك :D اقتباس:
طبعاً سبق وذكرنا بأن التربية الجنسية لازم تبدا من سن الطفولة :D هاموش لما عم يتم طرح اسئلة فهالشي عم يساعدني أكتر هيك بقدر أعرف شو النواحي يلي بتهم الأعضاء لأحكي عنها بتفصيل أكتر |
ام السوس .. :D
اقتباس:
عندي تعليق .. بس صغير .. هلا بما انو عم نحكي انو الطفل عندو الفضول .. انو يسال ويشوف ويعرف كلشي .. هيك جواب ممكن يكون .. صعب شوي ..نظرا لسؤال الطفل لو طلب انو يشوف هي الفتحة مثلا .. يعني هلا انتي .. وعن حالك عم تقولي انك رجعتي وشفتي الشق .. ببطن امك ان كان موجود او لا .. يعني هلا لو فرضيا .. وقت بيسال قلنالو انو الولد .. بيطلع .. عن طريق البطن من الام .. كيف عن طريق فتحة صغيرة .. بيطلع منا الولد .. مثلا لو قلنالو انو الصرة هية الفتحة .. مثلا .. لح يشوفا ويقتنع مبدئيا مثلا .. وبعد عمر ما معين .. ممكن يفهم كلشي لحالو .. ويصير اوعى من طلب هيك شي .. ويجيه عليه رفض .. بسنو الصغيرة .. شو رايك ؟ + عندي سؤال .. لو سال كيف بيصير الحمل .. شو بكون الجواب .. ؟ ثانكيو مرة تانية .. ام السوس :D |
لي عودة قريبة ... جد كتير منشغلة هالفترة :D
يمان ... أنو سؤالك الأول شوي يعني :shock: وبصراحة ما خطرلي من قبل وما بعرف اذا هدول الاخصائيين خطرلون :p :oops:بس راجعتلو أكيد وبجاوب وإذا حدا من الموجودين عندو معلومات بتغني الموضوع أو فيو يساهم معنا باقتراحات للأسئلة بيكون يعني :akh: |
اقتباس:
|
ساندرا الف وردة لإلك سؤال بعد امرك هلأ هي
اقتباس:
|
ساندرا
موضوعك جدير بالمتابعة وطرحه ضروري جداً عالأقل طرحو بهذا الشكل فيه افادة ولعل جميع مؤسسات المجتمع المدني تكون على بينة من الاهتمام به بأسرع وقت ممكن لتجنب أولاً حالات الاغتصاب الجنسي بالنسبة للأطفال الذي يتزايد كثيراً في مجتمعاتنا العربية معرفة الأطفال وتوعيتهم من هذا الجانب يسهل حرصهم والبعد عن الخطر المحدق بهم من جهة أخرى .. الجانب الأسري له أهمية بالغة .. في طريقة تلقين الطفل لهذه الأمور ومناقشتها بأسلوب مبسط حسب الأعمار وقدرة الاستيعاب . لك ودي ساندرا |
اقتباس:
اقتباس:
المهم بالنسبة لاستفسارك فمن الأفضل عرض الطفل على اخصائي نفسي لأن أكيد استمرارو بهالعمل الو اسبابو .... والاخصائي النفسي قادر على كشفها والمساعدة على تجاوز المشكلة وميرسي على الإطراء :oops: اقتباس:
شكر كبير الك عالمداخلة :D |
اقتباس:
|
اقتباس:
تاني شي يعني لإيمتى رح نضل محكومين بالأفكار البالية هي .... لما الشي بيتعلق بصحة أبني أو بصحتي بروح عند الدكتور أو الاخصائي ... وعمرينو المجتمع ونظرتو المتخلفة |
الموضوع رائع جداً لأنّه يتناول مسألة ما زالت في مهدها في مجتمعات محكومة بالدّين والعيب والحرام!
أبدعتِ يا العزيزة ساندرا وخاصّة في رجوعِك الدّائم إلى الحلول التي أوجدها أخصائيّون وعلماء كلّ من موقعه. وخبرتُك في هذا المجال لها قيمة وحظوة إذا ما تفاعلت عملياً مع أفكارِك الـ "كلّش" حلوة. ذكّرتني بقريبٍ لي كان على ابنِه أن يخضع لتحليل السّائل المنويّ، فسألني أن أطلبَ منه ذلك لأنّه لا يقوى على الحديث مع ولدِه في أمورٍ كهذه يعتبر القيامَ بها أوّلاً خطيئة وحراماً وثانياً من الخطأ الكلام فيها وعنها. فما كان منّي إلا أن رافقتُه إلى المخبر وشرحتُ له الأمرَ ببساطةٍ جعلتْ وجهَه يحمرّ ويخضرّ مثل إشارة المرور! التربية الجنسيّة ركنٌ من أركان التربية العامّة ونقصها يؤدّي إلى خللٍ جنسيّ وبالتالي نفسيّ وهذا ما ترزح تحت نيره مجتمعات صدئتْ قفولُها وعقولُها. والسّلام على من قبلَ العقلَ والعلمَ داءً لكلّ دواء! |
من اهم المواضيع التي تساهم في التربية الصحيحة
والتي ايضا مهمة للبالغ الذي هو ايضا يستفيد في فهم ما يدور من حوله عندي سؤال ساندرا من بعد الموافقة واتمنى انو تاخدي وقتك بالاجابة اد ما بدك من شان اضغط عليكي لو فرضنا ان في العائلة طفلين صبي وولد عندما يقوم كلا من الاب والام بالاجابة عن اسئلة الطفلين بشكل صحيح وايضا يتطرقون الى شرح ان الذكر مختلف عن الانثى يصبح لدى الولد والبنت رغبة شديدة في التعرف على بعضهم خاصة انهم اطفال ولا يعون ما يفعلون حيث يشعرون ان ذلك شئ عادي جدا واننا نحن من منحناهم الثقة والجرئة بالسؤال وان الامر شئ عادي وربما يتطور الموضوع الى حب استكشاف الجنس الاخر يعني الطفل بشكل عفوي يبدأ يريد ان يستكشف الطفلة وذلك شئ خطير سيأثر بشكل كبير جدا بالمستقبل في حياة الطفلين ان حصل وتقبل فكرة الاخ والاخت (الاخوة) ستصبح بينهم حواجز كبيرة في المستقبل عندما يدركون ما حصل وتأثر عليهم بشكل كبير نفسيا شو الحل, وكيف نمنع حصول ذلك بطريقة واقعية تربوية وليس عن طريق القول ذلك عيب اسف على الاطالة . . |
من شان اضغط عليكي
عفوا خطأ مطبعي من شان ما اضغط عليكي نسيت الما وبدون الما ضياع :) |
اقتباس:
وانا متل الهبيله ما كنت اعرف شو سحرو هاد الله... انو موضوع كتير حلو ساندي... والاحلى انك شامله فيو عده نواحي... كنت حاكيه انا عن نفس الموضوع بس بطريقه طرح مختلفه هون: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - انو كفي الموضوع نحنا بحاجه لهيك جوانب شامله شغل حلو :D |
اقتباس:
نموذج هالأب حالة كتير شائعة بالمجتمع ... لهيك للأسف الطفل بياخد ثقافتو من رفقاتو أو من الشارع أو من النت والمواقع والقنوات والمجلات الإباحية. وما أدراك شو هالمعلومات اقتباس:
لسا منيح أمك قالت من الله مو من الشجرة ... تصوري على هالجواب ... تقولي تفاحة :lol: اقتباس:
:D |
اقتباس:
وسيتم النظر في الأسئلة المطروحة للإجابة عليها |
بالنسبة لسؤال يمان وسيلافي
التربية الجنسية ليست عملية عشوائية وعبارة عن مجرد اعطاء معلومات هي أيضاً عملية تهذيب وتشكيل سلوك سليم من الناحية الجنسية لما منقول تهذيب وتربية فهاد بيعني وجود ضوابط حتى الحرية المعطاة للطفل بتكون مضبوطة وتحت انتباه الأبوين اقتباس:
الطفل بالقدر يلي هو ذكي بيضل طفل ، أهم شي بالإجابة ما نحسسو سؤالو عيب أو نتلبك أدامو وما نكذب عليه بالنسبة لموضوع الحاحو واصرارو بشكل مبالغ على مشاهدة الفتحة عند الأم فالجواب ممكن يكون بكل بساطة : الفتحة ما بتظهر بشكل واضح إلا وقت الولادة وهيك الطفل بيعرف أنو ما فيو يشوفا لكن متل ما ذكرنا التربية الجنسية فيها ضوابط ولازم تكون متكاملة بالوقت يلي عم اعطي الطفل الحرية بالسؤال ... كمان بدو يكون في ضوابط لسلوكو رح اتوسع بهالنقطة بالجواب على سؤال سيلافي اقتباس:
لما بيسأل كيف صار هالولد من الأساس ببطن الأم بتقدر تقول في جزء من الأب بيعطيه للأم وبيصير الحمل لما بيسأل أكتر كيف هالجزء الأب بيعطيه للأم ... هون ما رح نكذب لكن بنفس الوقت بكير شوي نشرحلو بشكل كامل ... وممكن يلجأ الأهل للحيلة ... مثلاً لما بتكير وبتروح عالمدرسة لحالك بتعرف لهيك لازم تاكل منيح مشان تكبر :lol: وهون ما في خوف من تأجيل السؤال لأن بعد هالمرحلة ... الطفل بيمر بمرحلة الكمون وبتتغير طبيعة اسألتو الجنسية لتصير تشمل نواحي علمية حول نمو الجنين وهيك قصص لنصل لمرحلة المراهقة ...بمرحلة المراهقة طبعاً بتستمر التربية الجنسية ورح نحكي عنها لاحقاً بعد ما نستوفي مرحلة الطفولة بشكل كامل اقتباس:
اقتباس:
بقدر مو مهم اعطاء حرية للطفل ، بالمقابل من المهم جداً وضع ضوابط لسلوك الطفل ... طبعاً مع الابتعاد عن طرق التعنيف والعيب والحرام من الضروري إفهام الطفل بأن اكتشاف الذات الجسمية بيتم من خلال ذاتو هو ومش من ذات الآخرين وأن الأعضاء الجنسية هي شيء خاص بك وأعضاء الآخرين هي شيئ خاص فيهم اقتباس:
علماء النفس والتحليل النفسي بيقولو أن متوسط عمر التذكر هو بعد ال 3 سنوات ونصف ومرحلة العبث بالأعضاء الجنسية والرغبة بمعرفة الفروق بين الجنسين بتبدا بعمر السنتين ... يعني عملياً تحت متوسط سن التذكر اقتباس:
متل مانك شايف التربية الجنسية متكاملة ... لازم تستوفي كل الأطراف والنواحي هلا في حال صار وبعد عمر ال 3 سنين ونصف (متوسط سن التذكر) وحصل كشف عن اعضاء الأخ أو الأخت بدافع الفضول .. من الضروري ما تحصل من الأهل ردة فعل سلبية جداً تنمي عندهم عقدة الذنب والعار اقتباس:
اقتباس:
بكرا (طبعاً حسب التوقيت المحلي يعني ما بعرف ايمتى بالزبط :p) رح نزل مقاطع من كتيب مع الصور بيشرح عن مراحل النمو الجنسي للطفل بطريقة حلوة كتير |
شكرا ساندرا على الاجابة الوافية Merci Boko بانتظار المقاطع من الكتيب |
| الساعة بإيدك هلق يا سيدي 20:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
وما استوعبت منيح لأن فرد مرة أجتني كل المعلومات وهاد ما بيجوز ........
هيك الواحد بيحس أنو في ناس متابعتو 
