|
تعليم تصميم مواقع في يوم وليلة (الدرس الثاني) اول صفحة لك :)
الدرس الثاني
مفاد الكلام ومن الاخر هيك بدون تفاصيل مالها لزوم المتصفح (اكسبلورور مثلا )بيفهم بلغة اسمها html يعني انتا عشان تعمل موقع لازم تعمل صفحاتك بصيغة html منشان يفهم عليك المتصفح هذا لا يعني انو انتا لازم تتعلم برمجة وتتعلم تصميم ولغات برمجة ابدا .. الحياة سهلة يا حبيب .. كل ما هنالك انت بحاجة لبرنامج يترجم الرسوم والاشكال الي بتعملها بايدك الى صيغة html حلووووووو اسهل برنامج يقوم بهذا هو Microsoft FrontPage (الفرونت بيج) هذا بيجي مع مجموعة ال Office الاوفيس .. طيب العملي تبع هذا الدرس سهل جدا افتح المفكرة NotePad اكتب التالي (انسخ التالي الي المفكرة) كود:
<html>>>>>>> Save As >>>>>>وسمي الملف hello.html لا تنسى ان تضع .html بنهاية الاسم احفظ الملف فرضا على الديسك توب .. روح الديسكتوب واضغط على الملف افتحو .. مبروك هذه اول صفحة ويب تصنعها .. الدرس القادم يحتاج برنامج Microsoft FrontPage روح جيب البرنامج ونزلو على جهازك عشان اتابع معنا سلسلة الدروس بشكل جيد لسا فاضل كام درس صغار وبيصير عندك احلىىىىىىىىىىىىىى موقع على الويب |
و الله الله يعطيك العافية يا حكيم
يعني فكرة حلوي هالدروس و عجبتني كتييير مشكووور بس و لو هيك سؤال ألو علاقة بموضوع التصميم بس ما لو علاقة بهالموضوع و هوي أنو إذا بتعرفلي شي موقع بأدر منو حمل برنامج السيرفر الداخلي يلي بيعرض تصاميم البي أتش بي المنتدى . المجلة . التشات وووو.....و هدول الأشياء عرفت شلون قبل تنزيلون على النت لأنو دورت عنا كلشي في اسمو محل سي دي عنا بحمص منو يؤل مافي عندو و منو يؤل مانو سمعان في فيا ريت إذا بتعرف تبعتلي ياه ...و مشكووور سلفاً على جهودك ..... |
اقتباس:
هو احد الخواص المضافة في السيرفر الخاص بنا (ليلي اخدو استضافة من قبل akhawia + .info ) وهي عبارة عن سكريبت مبرمج ومع مسبقا لتنزيل برمجيات وتطبيقات جاهزة معظمها php بكلبسة زر .. عندك خياران الاول تدخل على لوحة تحكمك الي اخدها من akhawia تبع ال .info واتجرب من خلالها ال fantastico واتشوف محتوياتو فيك اتشوف نسخة تجريبية وتلعب فيها على كيفك واتجرب وهيك من خلال موقعهم الرسمي ومن خلال الرابط demo من على - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - fantastico علامة تجارية لاحدى لاحدى بريمجات المصاحبة (عند الطلب) ل cPanel لوحة التحكم الخاصة بالاستضافات |
اقتباس:
|
اقتباس:
و عمل هالبرنامج هوي تحويل جهازك إلى سيرفر داخلي تستطيع من خلاله لأن تعرض الموقع البي أتش بي قبل تحميلها على النت عرفت علي شلون يعني بقوم بعمل السيرفر بس على جهازك دون خط إنترنت أوكي |
اقتباس:
اقتباس:
نظريا حتى تعمل لغة برمجية مثل php على جهازك انت بحاجة للتالي اباتشي سيرفر php.exe الكومبايلر الخاص ب php phpMyAdmin اي هلق نظريا ايضا والصح انك اتنزل كل واحد بشكل مستقل واتنصب كل واحد بشكل مستقل وتعمل اعداداتو وهيك .. بس برنامج مثل apprserv , او EasyPHP او phpDev بيقوم بالموضوع لحالهم .. يعني بتنزل برنامج واحد وهوي بيعمل كل المطلوب بكلبسة زر انا من تجربتي وجدت او ارتحت اكتر شي ل phpDev (هلق كلهم فيهم مشاكل وولا واحد فيهم توب يعني ) بس هذا الي ارتحتلو انا فيك اتنزلو من موقعهم - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هوي بس كبير تقريبا حوالي 10 ميغا .. اذا ما فيك اتنزلو لانو كبير كتير .. في شخص اسمو "عبدو سيوفي " عندو استيديو مونتاج او هيك شي .. بعتقد لازم اتكون بتعرفو هو من الحارة ومعروف .. فيك تسالو عن سيدي اسمو " حسام الوحش " انا عاطي ياه بزمانو وفيه هذا البرنامج ومجموعة رهيبة من البرامج الي هيي تبع هال الموضوع تبع php سيرفرات وبرامج مجانية php وهيك شغلات .. ميت هلا :D |
مشكووور ابو شريك على شرحك الحلو
أنا هلء عم نزل برنامج appserv دعيلنا ينزل معنا لأنو سعتو 17 ميغا :cry: :cry: بس إن شاء الله شغلة ساعة ساعة و نص بكون نزل اخترت هالبرنامج لأنو أدرت لاقي شرح طريقة عملو على النت فيعني فيني اشتغل في بسهولة مشكووور مجددة ......................................... :gem: :gem: :gem: |
أرجوكم
دخيل عينك أيمتى الدرس التالت:yahoo: مشان كمل وساوي موقع خاص بي
|
مشكور حكيم على الشرح الوافي
في انتظار الشرح والدرس القادم |
| الساعة بإيدك هلق يا سيدي 05:25 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون