|
رمضان بس هيك؟؟؟؟؟!
يعني بصراحة و بدون ما حدا يزعل مني .......توقعت برمصان شوف شي بيتعلق بس مالئيت غير مسلسلات و طبخات و ادعية و نصائح ووووووو....... شو مشان هلأ بس هادا رمصان .
بتخيل رح ينطلي شي ابن حلال و يسألني :هات لنشوف يا فهمان شو بئى رمضان ؟ ! فمشان هيك و أبل ما حدا ينط رح احكي طبعا برأيي الخاص : أولا انا ما عم حاول اتفهمن على حدا بس والله العظيم اشتهيت شي حدا يحكي على الناس يعني أصدي على العلاقات بينون أو مثلا عن رمضان كنظام صحي أو حتى عن تأثيرو على نفسية الانسان .... ما بعرف.. بس على كل حال كل عام و انتو بخير |
وأنت بخير
هلق كل شي الاسلام الحالي او رح قلك كتير كتير كتير شغلات ما بتمت للاسلام بصلة من الفتاوى اللي كل شيخ بيفتي فيها وانت ماشي........لحتى صار عنا دين جديد ما خصو بالشي الاصلي غير بالاسم وبس برمضان من المفترض انو الصائم مو بس يصوم عن الاكل والشرب ولكن القصد انو يمنع نفسه من الغضب والتعصيب والشهوات وما يحكي عالعالم وما يغش .........الخ وماشاء الله كلو ماشي صيام وللا مو صيام ما حدا بيفرق معو وصحيح انو الامتناع عن الطعام والشراب بيخلي الجسم اكتر صحة وحيوية بس الناس هلق ما بتصدق يجي الليل لحتى يتخموا بطونن بالاكل لحتى يمرضو بقا بتقلي رمضان وعادات ليش بقا شي على حالو رمضان بالاسم وبس |
رمضان صار للمسلسلات
الواحد صار بيعد على التلفزيون من مسلسل لمسلسل رمضان من زمان كان أحلى كنت تحس برمضان بس هلق كل شي تغير وماعاد في شي على حالو |
اقتباس:
وانا معك بكل حرف انو صار رمضان عباره عن شويه مسلسلات وبرامج بلا طعمه والعالم نسيت العلاقات الاجتماعيه زمان كانو ينطرو شهر رمضان بشان العالم تجتمع ببعضها وهلئ مابقى حدا بشوف التاني اقتباس:
هون في شغله انو الاخ ماحكي عن موضوع الدين بس كونو فتحنا الموضوع انو هدول الشغلات يلي بدو الصايم يمتنع عنهن بس برمضان طيب وبعد رمضان بيعمل البدو ياه بظن انو هدا المفهوم كتير غلط واكيد الشغله مو شغله اكل خلونا ناخد الحكمه من الصيام بكون احسن حاج نحط اقنعه ونمشي |
اقتباس:
|
والعبرة انو الانسان يحترم انسانيتو
في كتير عبر لازم الواحد يتعلمها من شهر رمضان بس يظهر العالم ما اتعلمت غير كيف بدها تعبي معدتها واي مسلسل بدها تشوف اليوم |
اي والله معك جق
قلتلك ماعاد شي على اصلو كلو تغير |
اي والله كل شي عم يتغير
واحنا عم نتغير والعالم عم يتغير بس لوين عم نتغير |
تحياتي لكم جميعاً:
رمضان اسمى واجل من الامتناع عن الاكل والشرب ...صحيح فوائده الصحية عظيمة لكن الهدف والفائدة الروحية اعظم بكتير اذا التزمنا بالمفهوم الشامل لهذا الشهر الكريم . اعاده الله على امتنا بالعز والتقدم شكرا لكم |
اقتباس:
وأكيد للاسوأ بالعلاقات الاجتماعية والانسانية والحب والمطالعة و المسامحة و.......... لوين بالاخير رح نوصل وشو رح يصير الله اعلم |
اقتباس:
معقول التطور والحداثه وصلونا لانعدام العلاقات يعين انوكل الاختراعات يلي اخترعوها لتوصل بين العالم كانت من اهم الاسباب بانعدام العلاقات الله يستر ما نوصل لشي افظع من هيك |
طبعا التطور وصلنا لانعدام العلاقات ورمضان اكبر دليل
كان بدل ما العيلة تجتمع بعد الافطار والناس تزور بعضها وقرايبينا صار الواحد بيشوف المسلسلات وبيشوف حالو انو متابع اكبر قدر منها وصار الواحد ما يمسك كتاب بايدو لانو العاب الكومبيوتر غير شكل وصارو الناس مصابين بالتخمة من القعدة قدام التلفزيون والكومبيوتر وبلا رياضة بلا بلوط و شو بدي عد لعد هيدا وكلو ومو نحنا اللي مخترعين هالتقنيات كلو مستورد.. والله ما نكون نحنا اللي مخترعينون ما كنا تهدينا وعلى تنبلة وحش |
شكرا
:yahoo: :yahoo: :yahoo:
لك يسعد الله ...أي ها هلأ بصراحة صار في شي بيفش الخلق و صار فينا نحكي .... شكرا اولا لكل الشباب...عن جد و اسو صار في شي نحكي فيو متل الخلق و العالم ف رح احكي: انا كتيير مع فكرة انو الصيام مريح جدا جدا و صحي و بستغرب لما شووووف عالم عم تنئنئ و عم تموت من الجوع و التعب و و و و و كمان انا كتيييير مع فكرة انو هالأيجابيات يللي منادي فيها برمضان مو لازم تكون بس لرمضان ....خيلة بس كمان انا مع فكرة انو يا أخي رمضان هو فرصة ليرجع الواحد و يبلش من جديد اذا كان حاسس حالو عم يفوت بالحيط . هلأ بكل الأحوال ...رضان لكل واحد بلش ينسى الناس الناس يللي هنن بالأساس محور هالحياة.... |
رمضان هو شهر العبادة وطلب المغفرة من الله
والتقرب اليه بالطاعات في هذا الشهر تفتح ابواب الجنة وتغلق ابواب النار شهر يختلف عن باقي الشهور لان نزل فيه القران وكل انتصارات المسلمين صارت في هذا الشهر وببركة هذا الشهر يقول الرسول صلى الله عليه وعلى آله وسلم " جاءكم شهر رمضان شهر بركة يغشاكم الله فيه فينزل الرحمة ويحط الخطايا ويستجيب الدعاء ، ينظر الله إلى تنافسكم فيه فيباهي بكم ملائكته ، فاروا الله من أنفسكم خيرًا فإن الشقي من حرم فيه رحمة الله " |
اقتباس:
عفوا يعني بدون ما حدا يفهمني غلط انا بحس الموضوع عملي اكتر ....يعني انا بفكلر مثلا بالعلاقات بين الناس او حتى بالصيام كاسلوب صحي و بفكر براحة أو بهدوء النفس و التفكير بهادا الشهر يللي سببوا الرئيسي هو الصيام و اعطاء اجازة للجهاز الهضمي مو لأنو الشيطان بيحل عن البني أدم متل ما ناس بتحكي..... على كل حال انا بحب اني حاول فكر بمنطقية و عملية اكتر و بحس انو في كتييييير شغلات فظيعة نحنا ما منشوفا لأنا يمكن منكون مغمضيين.... |
اقتباس:
:cry: :cry: :cry: :cry: |
اقتباس:
بس مظبوط راي صاحب الموضوع لو نتعامل مع هالشهر بسلاسة اكتر وبأريحية تامة ويكون فعلا فرصة لنبدأمن جديد أنا عادة المواضيع الدينية اللي عم تنطرح ما بقرب منها أبدا لانو بالاغلب اللي بيكتبوها بيكونو متعصبين لفكرة أو رأي معين بينما greenland رأيو محايد وظريف وشي حلو أنو نبدأ من جديد يعني نساوي تغيير جذري بهالشهر:D :D |
اقتباس:
كلامك كتير حلو متل العادة :D .. بصراحة ،، مالي حابة ناقش الموضوع هون ،، اذا بدك منحكيه ع البرايفت ;-) .. |
| الساعة بإيدك هلق يا سيدي 20:51 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون