|
القومية العربية...حقيقة أم وهم؟؟
هل تؤمن بالقومية بشكل عام, و العربية خصوصا. هل تعتقد بوجود أمة عربية ؟ وما هي مميزاتها أو صلة وصل أبناءها ( عرق - لغة - دين - تاريخ - حضارة - مصالح مشتركة......) .
هل الحلم العربي هو أحد آمالك؟ أم أنك تؤمن بنظريات أخرى؟؟ |
my answer to all of these questions is NO
|
القومية العربية هي مجرد science fiction :D
بكل بساطة يمكن توضيح الأمر كالتالي : نشأت القوميات في أوروبا مترافقة بانهاء الاقطاع و سيادة البرجوازية و كانت الحل الفلسفي لحماية البرجوازيات و ترافقت بتغيير العديد من نظم الحكم في اوروبا بحيث تتلائم مع الفكرة القومية حامية الصناعة. العرب هم عدد كبير من القبائل المتحاربة المتناحرة تتحدث بلهجات مختلفة وتحكمها شرائع مختلفة , و كانت القبائل العربية تمارس نشاطين اقتصاديين اساسيين هما الرعي والغزو أما التجارة فكانت نشاطاً جانبياً مارسه العرب في مرحلة متأخرة من التاريخ. في اوائل القرن العشرين تأثر بعض ( المثقفين ) العرب بالغرب تأثراً شديداً و خاصة بالفكرة القومية التي كانت في تصل الى اعلى ذروة لها متجسدة بالحربين الكونيتين الأولى والثانية مما دفعهم للاعتقاد بأنه حتى يحصل العرب على مكانة بين الأمم لابد أن يكون لهم قومية و تنوعت أشكال هذه القومية من قومية عربية الى قومية سورية الى قومية فينيقية الى قومية مصرية قبطية وقومية اشورية و اخرى سريانية مستندين في ارائهم الى قشور القوميات الأخرى كاللغة والتاريخ المشترك ( حيث كان العرب يغزو بعضهم بعضاً ) و الجغرافيا :shock: مع ملاحظة أن هذه الجغرافيا نفسها كانت تقدم الحدود الطبيعية الحصينة للعديد من الحضارات التي انشأت دولاً على هذه الأرض. و ساد وهم هذه القوميات دون وجود أي ركيزة اقتصادية حقيقية يمكن أن يبنى عليها أي نوع من أنواع الانتماء القومي الأمر المؤسف أن هؤلاء العرب حتى هذه اللحظة بعد مرور قرن من الزمن لازالوا يعيشون ضياع الهوية فنجد من أبناء الأسرة الواحدة من يعتقد نفسه عربياً ذو قومية عربية و أرضه تمتد من المحيط إلى الخليج و آخر يعتقد نفسه عربياً ذو قومية سورية و أرضه هلالية الشكل وذات نجمة ( أحلى شي النجمة ) و آخر يعتقد نفسه عربياً من أمة الإسلام و أرضه تمتد أينما وجد المسلمين و آخر أممي يحارب ويناضل ضد قوميات لا وجود لها أساساً ( هادا أحلى من النجمة ) .......الخ الخ الخ حتى أن البعض يعتقد أن انتماءه الى ناديه الرياضي المفضل أزمة هوية حقيقية يعيشها العرب أينما كانو دون أي بارقة أمل توحي بقرب التوصل الى قرار و بالتالي هوية . فنحن ضد مؤامرة الهلال الخصيب و مشاريع الشرق اوسطية الاستعمارية و متمسكين بمشروع الوطن العربي الكبير على الرغم من و عينا الكامل باستحالة تحقيقه على المدى المنظور و غير المنظور , متفقين جميعاً على أننا عرب و ان اتفاقنا هذا يكفي في هذه المرحلة ....و يزيد :) :lol: :lol: :lol: |
اقتباس:
بسسسس... انا عندي اعتراض على هدول الجملتين يعني انا مثلا ماني متفق على اني عرب...؟ و كتير ناس هيك.. و هاي ما بدها الحزب ابو نجمة :wink: |
اقتباس:
انا ما قايل لحدا؟؟؟ ومع هيك بضل ابو نهلا وبس |
اقتباس:
|
مع احترامي لكل الاراء اكيد وبالذات العم ابو نهلة لانو كلامو صحيح 99% بس اذا كانت القومية او التعصب القومي يعني انو نحنا
احسن الناس والباقين عبيد النا فهاي اسما الحقيقي هوي جنان و هي اصلا شي ضد البشرية والطبيعة وضد العقل والانسانية عاجلا ام اجلا رح ترفض كل فكر ضيق بها الشكل ان كان اصولي اسلامي او اصولي مسيحي او قومي لانو الحضارة دايما بتمشي لقدام وما بترجع لورا وشكرا الكن :hart: |
اقتباس:
|
ممكن من الشباب يلي جاوبوا
نعم, ولكن ليس بمفهومها الحالي يشرحولنا شو القصد؟ يعني شو هوي المفهوم الحالي؟ و شو مفهوم الوحدة العربية يلي بتريدوه؟؟؟ :? |
يعني أنا ما رح فوت بتفاصيل الأمور و إعتراضاتي على فكرة أن تجمعني مع ابن المغرب أو السعودية .. قومية واحدة
لكن خلينا نحكي واقع .. أي وحدة أو اتحاد بين أي دولتين لازم يمون الو فوائد ولازم تكون فوائدوا أكبر من أضراره وأنا ماني شايف أي فائدة من أنو نعمل وحدي بين سورية والسعودية مثلا يعني الها فائدة نفطية بس الها كتير مضار على المجتمع السوري لانو رح يرجع لما قبل التاريخ ...هههههههههه وكذلك فيكن تقيسوا على كل الدول العربية اللي بتعرفوها فأنا بتخيل أنو نحنا لسا صغار على فكرة انو نعمل تكتلات بقى خلينا ننطر لنكبر شوي (بس يصير شعبنا بيفهم) |
لعل السيد joe قصدني بسؤاله ف أقول :
كلمة القومية مشتقة من كلمة " قوم " إن كان بينكم من هو ضليع باللغة العربية فإن تكرم علينا بشرحها يكون قد أوصلنا إلى ثلاثة أرباع الطريق . المهم ... فكرة التكتل في مجموعة حاجة إنسانية شديدة جدا لاتحتاج إلى مبررارت لتسويغها وما هو أهم هو الفائدة اللتي يمكن تحصيلها من هذا الإجتماع أو التكتل .....شخصيا (لامانع من تحقيق أي نوع من الأجتماع تحت أي لواء يقود إلى مافيه منفعة شخصية و عامة في وقت واحد ) وأظن أن قوميه القرود السود من أفضل القوميات اللتي حافظت على روعتها :confo: |
انا من العام اللي مع القومية العربية ولكن ليس بمفهومها الحالي
ليش ؟ أنا مع القومية العربية بمعنى القومية ... يعني اذا اجتمع العرب كل كم سنة بقمة عربية أو بجامعة عربية أو عطاولة أكل(وما أكتر اجتماعاتون على طاولات الأكل ) أو بجنازة شي مسؤول عربي ...ما بيعني أنو عم يحققوا القومية العربية ....أو اذا طلع كل رئيس عربي وعقد حواجبوا على شاشة التلفزيون وصرخ شوي وندد شوي ورفض شوي واستنكر شوي ....مشان الممارسات اللانسانية بالعراق الشقيق وبفلسطين المحتلة ... ما بيعني أنو عندو أحساس بالقومية العربية.. لأنو أنا برأيي ما في رئيس عربي داير على قومية عربية أو أجنبية أو مريخية ... كلهن دايرين على الكراسي ....والمناصب والشهرة وتحقيق المجد وتخليد أسمون لو باستخدام البسطار العسكري ( وهي وسيلة أغلبهن)... أما العالم اللي دايرة فعلا" على القومية العربية أو على حلم القومية العربية ..فهنن الشعب الفقير والشعب المحتل مو لأيمانهون فيها ..لا بس لأنو هيي أكتر حل خيالي قريب من الواقع ...من الحلول المطروحة على الساحة العربية ...زوهدول العالم ما فيك تلومون لأنو هدول عم يغرقوا ...والغريق بيتعلق بقشة لو مسوسة....وأما وجهة نظري أنا كشخص مجرد بعيدا" عن قضيتي وأيماني بحلم التحرير... فالعرب طول عمرهم متفرقين متناحرين ....وحتى بعصر الدولة العباسية اللي كان العرب فيها بحالة وحدة ما مر ومرح يمر متلها على العرب.. كانو طوائف وأحزاب متناحرة حاقدة على بعضها البعض وكل حزب أو فئة عم تضمر للتانية ....وطبعا" كان في فئة من الشعب اللي هي الفئة الموجودة بكل عصر وزمان ...الفئة اللي مابيهمها مين استلم أوم مين حكم كل اللي بيهمها المصلحة القومية ....وها الفئة لهلا موجودة يا بالسجون يا بمشفى المجانين يا بالقبور يا غير الله ما بيعرف وين ....بس هالعالم مانها مجانين ولا خياليين ممكن حالمين بس مانون خياليين ...ومن حقهون يحلموا لأنو القيادات لالعربية الله يخليلنا اياهم ما تركولنا شي منحبوا حقيقة كل شي صار حلم ...والله يستر ما يمنعونا من الحلم كمان ... خلاصة الحكي القومية العربية اللي عم أتحدث عنها مو يعني نصير أمة واحدة من المحيط للخليج (مع أني بتمنى يصير هالشي بس هالشي صار خيال وأنا شخص حالم وماني خيالي ) عم أحكي القومية العربية بأبسط معاني القومية واللي هيي أنو أنا كعربي بسوريا أو بلبنان أو بمصر أو بالكويت أو بأي دولة عربية ... لما شوف بالأخبار المذابح اللي عم تصير بالعراق وبفلسطين على الأقل أحزن من قلبي وأسكت شي دقيقة بس مو أكتر.. بس للأسف حتى هالشي صار العربي يستكترو على أخوه الأنسان ...وأنا هون قلت أخوه الأنسان وما قلت أخوه العربي مشان اللي مو مؤمن بش اسمو عرب ..على الأقل يكون مؤمن بشي اسمو أنسان وأنو هالعالم اللي عم تموت قدام عينو على التلفزيون اذا ما بدو يعتبرها أخواتو بالدين ولا أخواتو بالعروبة على الأقل يعتبرها أخواتو بالأنسانية واذا حتى ما أعتبرها أخواتوا بالانسانية ...فهاد مانو أنسان وأنا الصراحة ما عندي القدرة ناقش كائن لاانساني .....بس اذا اضطريت ناقشوا باخدو عند رفيق الي بيشتغل طبيب بيطري يمكن يفهم عليه.. وبالنهاية كل شي حكيتو هوي وجهة نظر والدنيا وجهات نظر .. واستروا ما شفتو منا.... |
اقتباس:
بس ما بتفق معك على هاد الشطر منوب اقتباس:
:pos: |
:shock::shock: |
مين عالم الآثار اللي بحبش و لقى هالموضوع؟؟؟في كمالة لهالموضوع عبارة عن نقاش بيني و بين حسام ملحم (عاشق من فلسطين) الله و العدالة يفكو أسرو
تحياتي :D |
ما بعرف شو بتعني بالضبط كلمة قومية ... يعني اذا بتعني القواسم المشتركة يللي بتجمع مجموعة من الناس فمنقدر ناخدها بمعناها الأعم و منسقطها عالمجتمع البشري ككل و هون بتصير أممية أو مناخدها بالمعنى الأضيق و هو مجموعة الناس يللي بيجمعهون أكبر عدد من القواسم المشتركة ... و هون رح بتديق الدائرة كتير و يمكن تقتصر عالمدينة يعني باختصار رأيي أنو كلمة قومية كلمة كتير فارغة و ما الها معنى :D:D |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هاد رابط الموضوع اللي حكيت عنو فوق تحياتي :D:D |
لسه فاكر كان زمان . . . :cry: |
| الساعة بإيدك هلق يا سيدي 06:30 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون