أخوية

أخوية (http://www.akhawia.net/forum.php)
-   منبــر أخويـــة الحــــــر (http://www.akhawia.net/forumdisplay.php?f=15)
-   -   الغباء الإعلامي السوري والعبقريه اللبنانيه (http://www.akhawia.net/showthread.php?t=15779)

Willi 27/10/2005 06:37

الغباء الإعلامي السوري والعبقريه اللبنانيه
 
الغباء الإعلامي السوري والعبقريه اللبنانيه
بتمنى انو تقرو الموضوع للنهاي


لا يخفى على أي مواطن سوري أو عربي أو حتى أي مخلوق يفكر على وجه هذه البسيطه..... لا

يخفى عليه بأننا نتعرض حاليا لأشرس هجمة إعلامية واقتصادية وسياسية منذ ولادة الجمهورية


العربية السورية الحبيبه ( طبعا بغض النظر عن حقيقة تورطنا أو عدمه بالأحداث الجاريه في لبنان

والعراق )

والتصرف الطبيعي لأي دولة أو أي تجمع بشري ( سواءا كان بشريا إجتماعيا أم تجمعا فكريا أو حتى


مهنيا ) أن يدافع عن نفسه بأذكى الطرق واكثرها فعالية لحماية وجوده ودرء تلك المخاطر عنه



فمنذ اللحظة الاولى للإعلان عن عملية اغتيال الحريري تسابقت وسائل الإعلام اللبنانية ( في

البداية ثم العربية والاجنبية ) المرئية منها والمسموعة والمقروءه مسخرة كافة إمكانياتها المادية


الهائله ومجندة خبرتها العالية جدا لتهيئة الرأي العام العالمي ضد سوريا واضعة إياها ( أي سوريا )


في خانة الإتهام وليس ضمن خانة إحتمالية أن تكون مدانة او لا .........وهذه نقطة يجب ان ننتبه


اليها
*
*
*
قنوات بالعشرات تبث وعلى مدار الساعه برامج معده بشكل مسبق وبشكل عبقري لإيصال فكرة

معينة إلى ذهنية المشاهد مستضيفة من خلالها ضيوفا قد لا يتمتعون بالمصداقية السياسيه أو


حتى لا يمتلكون أدنى مستوى من الإحساس الوطني الذي يؤهلهم للمشاركة والحوار بمواضيع



بالغة الحساسيه .....ولكنه الإعلام وهذه وظيفته ...


...غسيل الأدمغه

وتلك نقطة تسجل لصالح الإعلام اللبناني فقد عرف من أين تؤكل الكتف

ولأن القنوات الفضائية العربية تبحث بشكل دائم عن اخبار الساعة حتى تحولها إلى مادة إعلامية


دسمة علها تزيد من عدد مشاهديها أو للمحافظة على مكانتها بين المحطات الاخرى وعلى راس


هذه القنوات قناتا الجزيره والعربيه


فقد لحقت هاتان المحطتان بالمحطات اللبنانيه تشهيرا وتنكيلا بالحكومة السورية واصبحت سوريا


فجأة الشغل الشاغل وارضا خصبة للعمل الصحفي والإعلامي

ولعل كل متابع لبرامج هاتين القناتين بالإضافة الى القنوات اللبنانيه يلاحظ الكيفيه التي يقوم بها

المذيع بإدارة برنامجه بشكل يوجه فيه عقل المشاهد وقلبه بإتجاه واحد وغالبا ما يتم طرح الاسئلة

بإسلوب نجد فيه اتهاما ضمنيا لسوريا اي ان المذيع لا يتصرف بشكل حيادي ابدا بل على العكس

تماما فهو يقف في الطرف الآخر المواجه لسوريا

وفي خضم هذا المستنقع المليئ بالأقلام الصفراء يبرز السؤال التالي

ترى كيف تصرف الإعلام السوري ...؟؟

الجواب بشكل مباشر وبدون اي مقدمات إنه إعلام غبي جدا


ودائما ما كان الاعلام في سوريا من أكثر الفعاليات تاخرا ( طبعا التاخير بعقلية التفكير وليس


بالتقنييات )


فهو لا يواكب الاحداث او التطورات أو بالأدق لايملك تلك النوعية من المذيعين والمحللين القادرين

على قراءة الأحداث بشكل يستطيعون بعده من استسقاء الأخطار المستقبلية واقتراح الحلول لها


قبل الوقوع فيها ...

وطبعا هذا الخطأ تتحمله الحكومه السوريه فقط


فهي التي اوصلته إلى هذه المرحلة من الغباء والتكاسل بما مارسته من أساليب قمع فكرية

وضغوط سياسية لكل من يوجه قلمه بأي نوع من أنواع الإنتقاد للسلوك السياسي أو للطريقة التي

يدار بها البلد

فهاجرت الإمكانيات البشريه وأفادت بإبداعاتها قنوات أخرى : الصواف ... ديانا يازجي ... توفيق

الحلاق ...المرحوم وليد سرديني ....وغيرهم الكثيرون


حتى في مجال الإعلام الرياضي فالنخبة في الخارج


وبالتاكيد فإن أغلب من بقي لم يكن ليبقى أو ليستمر ( أو ليظهر أصلا ) لولا التملق والمحاباة أو

الواسطه كما نقول بالعاميه .

وجاء دور الحاجة إليهم ( إلى من بقي طبعا )

ولكن هيهات ففاقد الشيئ لا يعطيه


فخذلها ( سوريا ) ابناؤها ( الإعلاميين )


فلا هم يملكون الموهبة اللازمه ولا الادارات قادرة على التخلص من الصدأ الذي أصاب آلية العمل

الإداري والوظيفي .


وفي الوقت الذي نكون فيه بحاجة ماسة لان نشرح وجهة نظرنا للعالم اجمع ونضع مفهومنا بشكل

واوضح أمام الرأي العام العالمي عجزنا عن ذلك لماذا ؟؟؟؟؟

لاننا لا نملك سوى محطتين أرضيتين يبثان برامجهما داخل الاراضي السوريه ولا يتابعهما إلا القلة

القليلة


وأخرى فضائية لم ترتقي حتى الآن إلى مستوى محطة إعلامية جديرة بالمتابعه ..


بينما لبنان ( وهو من أصغر الدول العربية ) يملك أكثر من نصف الفضائيات العربية

حتى عندما قامت الهيئات الوزارية والحزبية بتشكيل مسيرة ( قبل امس ) في دمشق وحلب

فشلت فشلا ذريعا.....لماذا ؟؟؟


للحماقة الشديدة في إدارتها...


فلنعد بذاكرتنا إلى شهري شباط وآذار من هذا العالم ولنستذكر المظاهرات التي خرجت في بيروت

- جميع الشعارات التي رفعت توحي بالتلاحم الوطني ( رغم انهم ابعد ما يكونوا عن ذلك المفهوم )


- لم ترفع صور الرئيس ولم يهتفوا بحياته فالقضية التي خرجوا من اجلها لا علاقة له بها


- الجميع حمل الاعلام اللبنانيه وربما كانت تلك اول مناسبة لبعضهم لرفع هذا العلم


- العبارات التي كتبت واللوحات التي حملت كتبت بطريقة إحترافية عاليه ( كلمات قليله ومدلولها

واضح ) .

أما مضمون المسيرة في سوريا :
- فأول من يشاهد صور أي مقطع منها في اي وقت زمني أو في أي زاوية مكانية يرى صور السيد


الرئيس مرتفعة في كل مكان ويسمع الشعارات التي تهتف بحياته وبالولاء له وكأن الجماهير خرجت


إلى الشارع لتعبر عن ولائها للسيد الرئيس أو كأننا نعيش في حملة انتخابية


هذا الموقف يكون صحيحا في حال كان التقرير أو كانت المشكلة تشير إلى رفض الشعب للسيد


الرئيس وبالطبع فهذا لا يمت للحقيقة بصله فجميع ابناء هذا الوطن وانا منهم ندين له بالولاء التام


وبعبارة أخرى هذه المسيرة وكأنها اوجدت حلا لمشكلة غير موجوده


وكان الأجدى أن ترفع الأعلام السورية بشكل مكثف أكثر للدللالة على التجمع الوطني


حول سوريا .......كوطن .....كأرض ......فسوريا كما علمنا القائد الراحل اكبر من اي شخص ومن اي

قياده
- العبارات التي رفعت أكل الدهر عليها وشرب ولم تكن موجهه للراي الخارجي


باستثناء ( عفوا بوش نحن أيضا نريد الحقيقه )


- حتى الكاميرا ( الإعلام ) نقلت إلينا صور أطفال يقفزون أمام الكاميرا بفرحة شديده تجعل المرء


يستشعر بلاهة الشارع السوري


بإختصار لم تعكس هذه المظاهره الإحساس الداخلي للمواطن السوري تجاه تقرير ميلس


ولم تصل بإدارتها إلى الحد الأدنى من الفعاليه

مجرد مخلوقات طلب إليها أن تخرج فخرجت هكذا بدت الصوره

وكل ما سبق ذكره حتى وإن أدير بطريقة إحترافيه عاليه فهو لا يحقق المطلوب بشكل كامل ولسبب

بسيط

وهو اننا لسنا بحاجة لشرح الموقف السوري للشعب السوري ..مانحن بحاجة إليه أكثر هو إيصال

مفهومنا للخارج . للشعوب خارج سوريا لزج أكبر قدر ممكن من الهيئات والفعاليات لمساندتنا في

المرحلة القادمه

ألم شديد ذلك الذي أحسست به وانا ارى إعلامنا عاجز تماما عن القيام بدوره

والإعلام هو مربط الفرس لأي قضية سياسية في العصر الحديث

فمن يملك الإعلام يملك الحق هكذا نعيش



الموضوع منقول
لان برأيي الموضوع كتير مهم

Willi 27/10/2005 06:42

اما هلق تعليقي
انا نقلت الموضوع قلت بلكي ممكن بالمستقبل ينعمل مظاهرة منظمة

للزيادة على الموضوع
انا عايش باميركا ووقت قامو بالمظاهرات بلبنان
المظاهرات المؤيدة لسوريا والمعارضة
الجرايد كلها كان موجود فيها خبر المظاهرة وبالصفحة الاولى كمان
اما المظاهرة اللي بسوريا المواقع السورية يا دوب كاتبة عنها


اقتباس:

- حتى الكاميرا ( الإعلام ) نقلت إلينا صور أطفال يقفزون أمام الكاميرا بفرحة شديده تجعل المرء
هون البهادل
انا بخجل لمى بصوروا شي مشهد بسوريا
لان بلاقي سوريا كلياتها واقفة على كتاف بعضها مشان تتصور بالكاميرا

wwq 27/10/2005 07:54

لسا في شي اكتر من هيك كمان عيوني
انت اذا بتنتبه على الاخبار البايته يعني في خبر بيكون الو 4 او 5 تيام بعدين بينذاع

طبعا بيكون منقول من قناه تانيه يعني

smirt 27/10/2005 08:55

شكرا على المقال المؤسف لوضع الأعلام في سوريا
وفعلا هو ضروري ومهم والمؤسف أكتر أنو لا بقدم ولا بأخر و إعلامنا رح يضل محلو لأنو الندوات واللقاءات مع الفنانين أهم من وضع سوريا والدفاع عنها إعلاميا
لكن الى متى سوف يبقى الأطفال يخرجون في إحتفالات ومهرجانات {ضد أميركا وغيرها}

صياد الطيور 27/10/2005 13:23

كلامك سليم 100 %
ولازم يكون عنا منهاج وسياسة خاصة بالتعامل بالأمور الي بتخص البلد

Willi 27/10/2005 22:53

اقتباس:

كاتب النص الأصلي : wwq
لسا في شي اكتر من هيك كمان عيوني
انت اذا بتنتبه على الاخبار البايته يعني في خبر بيكون الو 4 او 5 تيام بعدين بينذاع

طبعا بيكون منقول من قناه تانيه يعني


طيب لأيمت؟

Willi 27/10/2005 22:57

اقتباس:

كاتب النص الأصلي : smirt
شكرا على المقال المؤسف لوضع الأعلام في سوريا
وفعلا هو ضروري ومهم والمؤسف أكتر أنو لا بقدم ولا بأخر و إعلامنا رح يضل محلو لأنو الندوات واللقاءات مع الفنانين أهم من وضع سوريا والدفاع عنها إعلاميا
لكن الى متى سوف يبقى الأطفال يخرجون في إحتفالات ومهرجانات {ضد أميركا وغيرها}



يا ريت عم يحط ندوات ولقاءات مع فنانين كنا قلنا عم يعمل شي

بس حتى مع الفنانين ما عم يعمل معابلات

وبالنسبة لشغلة الاطفال
انا ما حبيت عدل بالموضوع
بس اللي متابع مظبوط بشوف كل واحد عليه شواب مترين وطول الحيط عمرو بالتلاتين اربعين سنة وعم يتقاتلو مين بدو يبين ورا الكاميرا
بالعكس ممكن يكون شي حلو انو الاطفال يطلعو بالاحتفالات والمظاهرات وال...............
بس لو في تنظيم هداك بكون احلا واحلا

Willi 27/10/2005 22:59

اقتباس:

كاتب النص الأصلي : صياد الطيور
كلامك سليم 100 %
ولازم يكون عنا منهاج وسياسة خاصة بالتعامل بالأمور الي بتخص البلد

لازم بس وينهون؟ :waa3:

ام عمرو 09/12/2009 14:15

تحية وبعد...شكرا على موضوعك حول الاعلام السوري والاعلاميين ويعطيك العافية..بس اللي فاجئنئ وصدمني في موضوعك الخبر الذي نقلته عن المذيع الرائع اطال الله في عمره وابقاه لعائلته واولاده واهله جميعا ؟؟؟؟؟؟ من فال لك انه (ارتحم )وتصحيحا لمعلوماتك السيد وليد ابقاه الله لا زال على قيد الحياة والحمد لله ويتمتع بصحة جيدة ومقبم حاليا في امريكا ولتاكيد المعلومة لك وللاخرين فانه تربطني فيه قرابه (حيث هو اخي ..شقيقي )واتواصل معه باستمرار...هذا لك خاصة ،،،،اما لعامة الاخوة الذين يتصفحون الانترنت اقول انتبهو لصحة المعلومة التي تقراونها من المنتديات والنت بشكل عام ...

(اختكم ام عمرو )

ام عمرو 09/12/2009 15:52

تصحيحا لما ورد في المقال حول وفاة أخي المذيع التلفزيوني (وليد سرديني/أبوفجر ) أقول وأوكد لكل من يعرفه ولكل محبيه وللجميع أيضا أن أخي المذيع التلفزيوني سابقا وليد سرديني أنه ولله الحمد والشكر مازال على قيد الحياة وهو حي يرزق هو وعائلته وهو وعائلته بخير وبصحة جيدة وأوكد هنا أنني قمت بالاتصال به هاتفيا منذ يومين ونسأل الله له بطول العمر على طاعته وأن نراه قريبا في الوطن الام سوريا وشكرا ( خالد سرديني ) السعودية %

أم الجود 09/12/2009 16:51

اقتباس:

كاتب النص الأصلي : ام عمرو (مشاركة 1364626)
تصحيحا لما ورد في المقال حول وفاة أخي المذيع التلفزيوني (وليد سرديني/أبوفجر ) أقول وأوكد لكل من يعرفه ولكل محبيه وللجميع أيضا أن أخي المذيع التلفزيوني سابقا وليد سرديني أنه ولله الحمد والشكر مازال على قيد الحياة وهو حي يرزق هو وعائلته وهو وعائلته بخير وبصحة جيدة وأوكد هنا أنني قمت بالاتصال به هاتفيا منذ يومين ونسأل الله له بطول العمر على طاعته وأن نراه قريبا في الوطن الام سوريا وشكرا ( خالد سرديني ) السعودية %


أخت أم عمرو
مو ملاحظة انو الموضوع من سنة الـ2005 ؟؟
يعني حتى اللي نزّل المقال ما عاد طل عالمنتدى لحتى يجاوبك أو يعتذر منك .. بعدين متل ما مكتوب بآخر الموضوع : "منقول" فبتصور إذا حبيتي تعرفي المصدر مالك غير تنسخي كم جملة منو و تعملي عليهون بحث بـgoogle .. بتفهم سبب انزعاجك بس كمان مو معقول كل واحد بينسخ مقال و بينزله بشي منتدى يكون متأكد 100% من كل المعلومات اللي وردت فيه ...

ابو نجبو 09/12/2009 17:31

:lol:

اقتباس:

ام عمرو
.
.
.
(خالد سرديني السعودية)
ام عمرو و لاخالد ...

بكل الاحوال ....

ياستّي الحمد لله على سلامتو ..وبس تشوفيه ...بوسيلنا ياه ....... امانة

Nay 09/12/2009 18:18

اقتباس:

كاتب النص الأصلي : أم الجود (مشاركة 1364641)

أخت أم عمرو
مو ملاحظة انو الموضوع من سنة الـ2005 ؟؟
يعني حتى اللي نزّل المقال ما عاد طل عالمنتدى لحتى يجاوبك أو يعتذر منك .. بعدين متل ما مكتوب بآخر الموضوع : "منقول" فبتصور إذا حبيتي تعرفي المصدر مالك غير تنسخي كم جملة منو و تعملي عليهون بحث بـgoogle .. بتفهم سبب انزعاجك بس كمان مو معقول كل واحد بينسخ مقال و بينزله بشي منتدى يكون متأكد 100% من كل المعلومات اللي وردت فيه ...

بتصور أم الجود لازم كان يتم التأكد من الخبر.. عادة أخوية ما بيقبلو مقال بدون مصدر.. وصاحب الموضوع مو كاتب المصدر.. كاتب بس انو منقول.. وهادا عادة مو مقبول هون بالمنتدى.. بس ما بعرف ليش مرق....

أم الجود 09/12/2009 18:28

اقتباس:

كاتب النص الأصلي : Nay (مشاركة 1364664)
بتصور أم الجود لازم كان يتم التأكد من الخبر.. عادة أخوية ما بيقبلو مقال بدون مصدر.. وصاحب الموضوع مو كاتب المصدر.. كاتب بس انو منقول.. وهادا عادة مو مقبول هون بالمنتدى.. بس ما بعرف ليش مرق....

معك أنا ناي .. بس هاد مقال مو خبر ، و الموضوع بالمنبر مو بقسم الأخبار ، و أصلاً الحكي كلو عن الإعلام اللبناني و السوري و إسم الشخص اللي صار حوله اللغط "شقيق الست أم عمرو" مرق بالحديث بسرعة على سبيل المثال ، فما بظن انو صاحب الموضوع -اللي أساساً أعجب بالمقال و نسخو هون حتى يصير في نقاش حوله- مضطر يقعد يتقطس على كل واحد مذكور اسمو ليعرف مين هوه و إذا حي يرزق ولا عطانا عمرو ..!

ultimat_ab 09/12/2009 20:58

البلد بدها فترة لحتى تصير خلق وعالم
يعني هاد الموضوع نموذج من نماذج التحلف الكبير الحاصل في بلادنا .....
يعني ازا صارت سوريا خلق وعالم بعد مية سنة بيكون كويس :o:o

specialmen 14/12/2009 01:09

بالعكس من الذكاء انه يتصرف اعلامنا بهي الطريقة ومافي داعي لنصرف هديك الحسبة للرد على الإعلام الموجه ضدنا لانه بالنهاية عميتلاشوا واحد ورا التاني وعميبردوا ومافلحوا بشي وما طلع منهم شي عالفاضي!

صحيح انه اعلامنا بيفتقر للحرية بس بخصوص هالمسألة منيح ما ردوا عليهم لانه يمكن يرجعوا ميزانية سوريا عشر سنيبن لورا بعدين ما بيطلع لنا بدل مازوت بروحوهم على تطوير الإعلام منشان الرد على هالمحطات اللي عمتكرس اعلامها ضد حكومتنا !

nahla12 14/12/2009 01:43

بالنسبة للاعلام السوري مابدها تنين يحكو فيها اكيد مافي شي اسمه اعلام انا بسميه وخصوصي المرئي علاك مش اعلام
اما الاعلام المكتوب بظن في كتير كتاب صحفيين سوريين موجودين ومهنيين بالرغم من كل المشاكل الي بتعرضوا الها طبعا من قبل النظام
وبالفعل وقت بشوف شي مظاهرة عالتلفزيون السوري فورا بعمل مقارنة بينها وبين اشقائنا اللبنانيين
وبحس قديه في فرق وبقول شوو ناقصنا احنا مابعرف


الساعة بإيدك هلق يا سيدي 22:02 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.04192 seconds with 11 queries