|
اتقبل مصاهرة رجل متزوج ؟....أتقبلين انت الزواج من رجل متزوج؟
ان تعدد الزوجات هو حق شرعي للرجل . ولا مجال لمناقشته هنا من المنظور الديني .(للتوضيح فقط) بعض الرجال يستشيطون غضبا عند مجرد مناقشة ان مسألة التعدد في الزواج لم يأت بها الاسلام بصيغةالامر .ومع ذلك يرفضون تزويج بناتهم اواخواتهم لرجل له زوجة اولى. وبعضالنساء تقبلن بان تكون الزوجة التالية( ولا اقول الثانية) فهل تقبل تزويج ابنتك او اختك لرجل متزوج ؟ام ترفض وتقول لا أأمن له انه رجلمزواج....... وانت سيدتي ، آنستي اتقبلين ان تكوني ضرة ؟ اريدارائكم |
اذا كان الرجل مناسب و بحبو ليش لأ مافي مانع كون ضرة
|
اقتباس:
خليني انا اوضحلك شي بالأول ... تعدد الزوجات مش حق للرجل .. ان كان بدون اسباب و اكيد لأ ...... :frown: ما بقبل اكون الزوجة الثانية ... لازم اكون الاولى والاخيرة ... يعني مايكون في غيري بقلبه :oops: :sosweet: واذا بدو يفكر انو يتزوج وحدة تانية علي:x ... لازم يترحم على روحه بالاول...:p اصلا مافي مرة بتحب انو يكون في وحدة تانية بقلب زوجها... ولا في حدا عندو رأي تاني؟؟؟ :pos: وشكرا hamido1979 على مواضيعك المتميزة :) |
مستحييييل:pos:
اعوذ بالله:frown: مستحيل اخود واحد من مرتو واخرب بيت لازم يكون لالي بس:sosweet: |
هلأ....بشكرك على الموضوع...
بالنسبة للتعدد هو جاية بالإسلام بضوابط ولأسباب متل الحروب والمرض والعقم وغيرا.... وهيي محددة بالإسلام ومبينة... بالنسبة إلي... أكيد بحترم رأي الشرع لإنه وأت حط هالمبدأ فهو عم يحل مشكلة مجتمع ويعمل على حمايتو ولا يقف عند حالة فردية فقط!!! وكونه في آراء مو مع هالتشريع فهيدا بسبب قصر نzرن عن المصلحة العامة يلي شملها التشريع... بالنسبة إلي كشخصة... بمعزل عن ما زكرته سابقا.. يعني إلي رأي بيمسلني فقط وما عم إحكي عن غيري من الصبايا... أكيد ما برضى كون زوجة برقم!!! يعني حدن متزوج من أبل..لأ... صعبة واحتمال ضئيل جدا !!! ما في شي بيخليني أأبل هيك وضع....مع إنه فيها وما فيها لإنه أحيانا بيكون الحئ مو على الرجال.. بيضل احتمال بعيييييييييد إني إإبل طبعا في حالة إنه ما في على زمته مدام:lol: ومنيح كتير ومكسور قالبه وما بيتفوّت.. بس برجع بؤول صعبة... مو لشي .... لإني بعرف حالي... يعني ... الغيرة رح تكون مصدر شعور سلبي دائم إزا كانت بعدا موجودة بمحيطه أو بحياته... أو بألبه...ولي !!! إزا كان على زمته حدن.. أكيد لأ... ما فيها نقاش... متل ما هو بحياتي واحد ما في غيره عاطفيا وزواجيا!!:o كمان ما بئدر اتحمل يكون بحياته حدا تاني غيري... لإنه مو عدل... أنا حبه... وهو يتزوج من تانية!!!:shock: إزا الشغلة عدم إخلاص... أو بطل الحب عنده متل أبل.. يعني تغير... يروح وما لي أسفانه عليه.. بس إزا كان الوضع في عزر أو سبب وما في مفر من هي الشغلة....كمان الله معه ويتركني لإني ما برضى كون زوجة برقم.... صعبة كتير... وأنا معك يا dooody بكلامك... بس ليش حاسة إني كتبت هالحكي بشي موضوع؟!!!:? ميرسي على الموضوع:D |
ممممممممم لالا مستحيل ارضى لاختي تتزوج واحد متزوج
الا ازا كان مثالي جدا جدا و مرتو ميته و راكز الاخ يعني باخر عمرو و غنييييي,,, مشان ما تتعزب معو و ترثه و تستقر ماديا و تعطيني:pos: :lol: |
اقتباس:
ياساتر... كيف بتفكر؟! :pos: :pos: |
اقتباس:
شكرا على مرورك |
اقتباس:
و بالنسبة لبقية التعليق كلامك صح و انا ما بقبل زوج حدا بخصني لواحد متزوج و لكن كشرع اسلامي يحق للرجل الزواج من اربعة بدون اسباب و شكرا نورتي الموضوع |
اقتباس:
شكرا لمرورك |
اقتباس:
اما الباقي صحيح 100 بالـ 100 شكرا للمرور اغنيتي الموضوع و ما قصرتي نورتينا |
اقتباس:
|
اقتباس:
|
اولشي السلام عليكم.. و عنجد اخترت موضوع حساس بالنسبة للجنسين ..
ثانيا بالنسبة لسؤالك وانت سيدتي ، آنستي اتقبلين ان تكوني ضرة ؟ بقلك اياها و بكل بساطة.. لا كل بنت عندها احلام تبينها.. و ما بعتقد اي صبية بعمري او اصغر مني او اكبر مني بتتمنى تكون ضرة.. انا بدي الرجال الي اخدو يكون الي وحدي ما تشاركني فيه وحدة تانية.. و بدي اياه ياخدني عن قناعة انو انا بكفيه.. لاني لو فكرت و قبلت برجال متزوج.. رح حس انو اخدني لمجرد نزوة و بس.. حب يغير.. انا هيك بنظري.. و رح كون انا خيار تاني مش خيار اول.. يعني ارتبط من قبلي بوحدة تانية و لساتو مو قادر يستغني عنها. فأنا ليش اروح لحتى كمل هالنقص الي تاركتو مرتو الاولانية.. انا بمنظوري الخاص بدي كون الوحيدة.. يسلمو:D |
والله إذا الرجال منو مرتاح مع مرتوا بيروح يتزوج:jakoush: وبيجيب عاراسها ضره لكن المرة إذا منا مرتاحه مع جوزها مافيها تجيب عاراسو :dunno: ضر يعني يابيي شو بيتعذبوا النسوان:cry: ويصبروا عاجوازون وبالاخير بيتجوزوا عليهن عموما أنا لو جوزي بيتجوز عليي بقصف عمرو :jakoush: وبعملو جنازة معتبرة اما كون التانية:confo: مافيي لانو انا مابحب حدا يشاركني بالارجيلة :shisha: كيف بجوزي!! حقيقي يامأمن الرجال:aah: يا مأمن المية بالغربال |
و الله لكل وقت في ظروف بتحكمو مشكورة على الموضوع :D :D |
اقتباس:
إيه وبحب ضيف إنه من الممكن يكون في سبب آخر بيخص الرجل... بس وأتا بده يكون عادل في التعامل مع الزوجات تمام العدل... ناطرة ردك..:D |
حسب
هاد سؤال ما بتوجه
لأنو كل واحد بيوخد نصيبو يمكن تكون بنت حلوه وما في منها ومن عيلة اذا الله كاتبلها واحد متزوج لو بدها تنعمي ع عينها رح تاخدو هاد السؤال زي ما تسأل بدك يكون عندك ولاد او لأ . بدك يكون معك مصاري او لأ . هاي امور مو بأيدنا انت تريد وانا اريد والله يفعل ما يريد |
| الساعة بإيدك هلق يا سيدي 07:29 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون