أخوية - عالتنكة...صفحات من مذكرات صاحب بسطة

الصفحة 10 من 18

عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)

- السقيفة (http://www.akhawia.net/forumdisplay.php?f=58)

- - عالتنكة...صفحات من مذكرات صاحب بسطة (http://www.akhawia.net/showthread.php?t=103744)

saman

11/01/2009 14:03

اقتباس:

كاتب النص الأصلي : اممي (مشاركة 1196047)

بس تقطع الكهربا بتصير كل الشغلات بهالدنية متل بعضها
التلفزيون الابيض والاسود والعايف التنكة تبع بيصير متل احدث موديل بتحلم فيه
وبيصير هالبيت الي مافيه شغلة ضابطة متلو متل بيت بابو رمانة
وجسد زوجتك الي مالو تعريف مابيعود بيفرق كتير عن برج التوتر العالي الي بتملك هيفا وهبة
هاد غير ان يقدمك خدمة باخفاء كل الشغلات الي مدايقتك والي دايما بوجهك...
فيني اعرف ليش قاتلين حالكن عالكهرباء لكن؟؟
خليهن يقطعوها بلكي الله يسجلن حسنة ....اصلا هاي الشغلة الوحيدة الي بتشتغل لما بتقطع الكهربا ...رحمــــــة الله

ليش عندهن بتنقطع الكهربا (يعني بابو رمانة ) :? :lol:
حلوة حلوة .. ابو الفود :D
والله انا بحب وقت تنقطع الكهربا واقعد عالشمع .. او امشي تحت ضو القمر ... محسوبك رومانسيي :sosweet::yahoo:

راديا

11/01/2009 14:22

اقتباس:

والله انا بحب وقت تنقطع الكهربا واقعد عالشمع .. او امشي تحت ضو القمر ... محسوبك رومانسيي

تقول شي بطل هربان من فيلم كرتون :p

بنفسجة

11/01/2009 16:11

اقتباس:

كاتب النص الأصلي : اممي (مشاركة 1197771)

جربت كلشي لاتحرر من سلطة هالوقت ..
سهرت بالليل ونمت الصبح كسرت كلشي في ساعات عندي استعملت روزنامات لسنين ماضية او حتة للسنين الجاية...ضل الزمن متل ماهوه لا بيرجع وساحب لقدام.

بتذكري يوم ما اخذتلك ديك الصورة ...فجاء انحصر الزمن فيك, اتغيرت التواريخ ,الدقايق صارت اطول والساعات صارت اقصر..
ضعت فيكي ومارجعت ...
ولما ما عدت بالصورة ,وقف الزمن متل ماكان بدي يوم الي اخدتها ,وصار بيذبل والصورة معو فقدت الوانها للاصفر
فكرت احرقها فكرت حطها علي جنب واخد غيرها ....بس خيالك بكل الصور...

اسف استاذ ...بس الفلم احترق المرة الجاية انت وعم تطلع من الكامرة انتبه ماتعرض للضو

هلق بكرا رح يصير اليوم ماضي ويمكن يطلع حلو وتتذكرو بشي من الحنان
وبعد بكرا رح يصير بشع بالنسبة لبكرا
فليش عم ترجع رجوع
رح يجي يوم ويكون يومك ماضي

بنفسجة

15/02/2009 18:57

عندك شي سطل كبير فضي هالكمية الغدر يلي فيي فيه؟

اممي	15/02/2009 19:10

اقتباس:

كاتب النص الأصلي : بنفسجة (مشاركة 1219967)

عندك شي سطل كبير فضي هالكمية الغدر يلي فيي فيه؟

غدر ؟؟ ماليكون عندك عمو :lol:
بكل الاحوال السطولة مابتنغدر الي بينغدرو هنن الي بيعبوها بالعادة ,وبعد مابيخلصو بيطلع هالسطل الي اتعبا ....سطل

بنفسجة

16/02/2009 16:41

كانو ما فهمت طلبي
انا عم قلك عندي كميات زائدة من الغدر وبدي فضيون مشان يرجع يعبا محلون
وبدي سطل يكون كبير شوي مشان حط هالغدرات فيون بلكي توفقنا بشي بيعة مرتبة؟

اممي	16/02/2009 19:04

اقتباس:

كاتب النص الأصلي : بنفسجة (مشاركة 1220428)

في سطولة شغل بيروت... ولا قلك هدول اتعبو كلن ماعاد فيهن مطرح
راح وصيلك من مصر بيجي كبير وبيعمر معك

بنفسجة

16/02/2009 19:14

اقتباس:

كاتب النص الأصلي : اممي (مشاركة 1220508)

في سطولة شغل بيروت... ولا قلك هدول اتعبو كلن ماعاد فيهن مطرح
راح وصيلك من مصر بيجي كبير وبيعمر معك

طيب لاتطول.......

Sun Shine Art

21/02/2009 22:04

حابه ااعمول اب ..عم دور بهل البسطه ...بركي بلاقي شي ....

:D

اممي	21/02/2009 23:14

بس تظهر الكامرا وبتبين المذيعة بتلاقي البشر عم يتجمعو حواليهن
شي مي يبتسم وشي مي ياشر بايدو وكلن بيكونو فرحانين بشكل مالو علاقة بالخبر المنقول
وفي لسا منن مين بيطلع صوت او بيحكيلو شي كلمة وبيصير بعدا مفخرة بين رفقاتو..
بتكفي المذيعة نقل الحدث وبيكفي المصور التسجيل وبيكفو هالواقفين بظهورن الشاذ بالصورة...
وانت ؟كيف الصورة ؟
واضحة ومو ناقصة غير ابتسامتك ...
خليك هيك فرحان حتة لو كان الخبر مابيفرح ,وهوه عنك ها ...بس انت كل همك انك تظل بالصورة
بس لو بتتوصل لهاليقين ان وجودك فيها او عدم ماراح يغير هالخبر..وتفيق ولو مرة لتصنع غير صورة وتكون حدث..مو حيالله

بنفسجة

22/02/2009 18:00

اصنع غير صورة؟؟؟!!!!
اصنع
اصنع
لك شبك ضربو فيوزاتك شي
شو اصنع ما اصنع
انا مستهلك ياعيني مستهلك
والمستهلك ما بيصنع
المستهلك بيضل يستهلك يستهلك حتى يصير مستهلك وبعدين تتم اعادة تصنيعو
قال اصنع قال
هففففففففففففففففففففف

Sun Shine Art

23/02/2009 07:01

طالعه معك روعك (الصوره)
بدك اول شي مين يحس انه هو بالصوره ..ماعاد حدا عم حس بشي يا صديقي ..

متابعه لك بشوق ...:D

اممي	25/02/2009 02:38

كفرية

كلما بفيق الصبح ..بسبك:frown:
ولما بتكبس المطر عالبسطة برفع راسي للسما ...وبسبك:frown:
وانا صافف لادفع فاتورة الكهرباء ولييييي شو بمسح فيك الارض
لك تتصور اني وانا عم العب شده بنصير اربعتنا بنتلاسن عيلتك ..
الغريبة انك ومن مطرحك بتعرف اني بتعتيري وبطيبتي وبقلبي الاقرب الك:cry:..

حابب قلك لاتزعل ..انا ورغم كل الشتايم اليومية بحبك :cry:
بس من كثر الاسى والشقا لك اااااه ...ماعم يطلع بايدي غير استفزك!!
بلكي تحس شوي وتتذكر اني موجود وتتحرك ..
لان الي وصلنا الو يارفيقي ماعاد بيحلو غيرك ..وشايفلك اذا اتاخرت اكثر, حتة انت بتصير عاجز عحلو...
اتحرك,بشرفك اتحرك, حلك تتحرك
وحاجتك استواء علي العرش ....
ومنشان توصلك ....يلعن ربك:jakoush:

رجل من ورق

25/02/2009 07:59

فوف
انو
مابعرف بس خيو يا ريتك عنا هلأ اشتهيناك على كاسة متي

بنفسجة

26/02/2009 00:16

اقتباس:

ومنشان توصلك ....يلعن ربك

يلعن ربك!!!
هلق للرب في رب؟

اممي	26/02/2009 02:47

اقتباس:

كاتب النص الأصلي : بنفسجة (مشاركة 1226057)

يلعن ربك!!!
هلق للرب في رب؟

ان اذا استفزتك ...يلعن ربو كيف مابتستفزو :jakoush:

بنفسجة

26/02/2009 23:50

اقتباس:

كاتب النص الأصلي : اممي (مشاركة 1226152)

ان اذا استفزتك ...يلعن ربو كيف مابتستفزو :jakoush:

:shock::?
يلعني اذا فهمت شي
صايرة بلا مخ
هفففففففففففففف

رجل من ورق

27/02/2009 13:23

اقتباس:

كاتب النص الأصلي : بنفسجة (مشاركة 1226629)

:shock::?
يلعني اذا فهمت شي
صايرة بلا مخ
هفففففففففففففف

انتي وضعك مو عاجبني بنوب بنوب

الساعة بإيدك هلق يا سيدي 06:50 (بحسب عمك غرينتش الكبير +3)

الصفحة 10 من 18

عرض 40 مشاركة من هذا الموضوع في صفحة واحدة

Page generated in 0.04604 seconds with 11 queries