في تاريخ البعث ..سؤال
 

تحياتي أصدقائي ....
عم حاول إقرأ بتاريخ حزب البعث ...وتقريبا كله واضح بالنسبة إلي..
اللي كان في شوية غموض هو وضع الحزب بين ال 1963 و 1970 يعني ما بين حركة 8 اذار وبين ما سمي بالحركة التصحيحية ...
اللي مانوا واضح إنو ..
البعث قام بثورة 8 اذار عن طريق العسكر .." طيب ليش حمود الشوفي أحد أهم قيادات البعث وأمين عام فطري للقيادة " اعتبر اللي العسكر هني اللي قاموا بالإنقلاب وإنو حزب البعث تبنى الإنقلاب مجرد تبني .."لقاء أجرته الوطن العربي مع الشوفي"
بهيدا الوقت عم ينتابني كتير أسئلة .!
طرح الخلاف بين حمود الشوفي اللي أسس فيما بعد لتيار الشوفيين وبين البعث بعد حل القيادة القومية "حركة 23 شباط" طرح على إنه السيد الشوفي كان في طروحاته كما يبدو ماركسيا اكثر من كونه بعثيا مما لم يعجب صلاح جديد وتطورت الخلافات حتى تم حل القيادة القومية اللي كان الشوفي مؤيدا لها وعلى رأسها أمين الحافظ وميشيل عفلق
"شو كان السبب الأكبر للخلاف ما وصلت بعد لإجابة مرضية عن هالسؤال تحديدا إنو شخص متل محمد عمران اللي أطلق كلمته الشهيرة "أن للفاطمية أن تلعب دورها في سوريا"وإنفصل على هالكلمة من حزب البعث وأتهم بالطائفية "اللي واضحة متل عين الشمس" أول ما فصل فصل من القيادة القومية رجعت بعد حلها تبنيته وتبناها "نفس الشي بالنسبة لسليم حاطوم اللي أتهم بالطائفية كمان "
يعني اذا حدا عنده مراجع بالنسبة للخلاف الحقيقي بين القيادة القومية للبعث وعسكر البعث بقيادة صلاح جديد يا ريت يحكيلي أسماء لإنو قراءاتي لحد الأن خاضعة لرؤية طرف دون أخر أو أنها تنطلق في البحث من منظور طائفي غير موضوعي إطلاقا وما بتوقع هيك قراءات بتقدم أجوبة وحقيقة لم تقدم أجوبة
نفس الشي بخصوص الخلاف بين صلاح جديد وبين حافظ الأسد ...كان في محاولة لجعل الخلاف يبدو نظريا بإنو إنحكى بأكتر من مرجع قرأته إنو صلاح جديد كان يركز على أولوية التحول الإشتراكي ومعاداة الأنظمة العربية الرجعية "السعودية والعراق" بينما حافظ الأسد أعتبر إنو الأولوية لازم تنصب لصالح تحسين العلاقات مع الجوار العربي..
هيدا الخلاف مستحيل كان يوصل للدموية اللي صارت ليلة الحركة التصحيحية فالضابظ عبد الكريم الجندي من أتباع صلاح جديد حوصر في مكتبه حتى أنتحر وقام السلاح الجوي بالأغارة على مكاتب الحزب في طرطوس واللاذقية اللي كانت بمعظمها مؤيدة لصلاح جديد ..!
وهون صار إنشقاق صلاح جديد اللي عرف فيما بعد بحركة 23 شباط
يعني أول شي صار في إنشقاق بالبعث بخصوص موضوع الوحدة مع مصر "ناس قبلت بحل الحزب وناس رفضت وضلت بمرحلة عمل سري"
بعدين صار في إنشقاق بعد حل القيادة القومية لحزب البعث ...وتشكلت القيادة القومية بالخارج..
بعدين حركة 23 شباط بعد الحركة التصحيحية ...
حدا بيعرف وين راحت هيدي الإنشقاقات كلا اليوم ؟
اذا حدا بيعرفلي اي مرجع بيحكي سبب الخلاف يا ريت يوصلني وبكون ممنون
_______________-
على فكرة انا لاحظت إنو حمود الشوفي لما كان بسوريا كان مفكر نوعا ما جيد ..وعلى الأقل كان مدنيا ولم يكن عسكريا لكن كل مواقفه بعد هروبه من سوريا تلمح لتغير جوهري طرأ على تفكير الرجل ..
وشكرا كتير لكل مين رح يساعدني
تحياتي الحارة
ظل جيفارا

هلق شي نص ساعة بيرجع ابي.. طلع مشوار وراجع..
بس يرجع بخلي هوي يرد عليك..

اي ابو حميد

صديقي دور ع هالكتاب

كتاب الأحزاب والحركات القومية العربية لجمال باروت


جربت نزلل الكتاب بس كلو محجوب و الشكر لمؤسسة الاتصالات
والالترا سورف عندي مبلتن مدري شو وضعو


ـــــــــــــــــــــــــ

زعلان منك
انو بتجي ع طرطوس و ما بتحكي معي لنشوفك ؟
حسابك مو هون بعدين

شكرا كتير أبو حميد صديقي وعنجد انا كتير بتشكرك ورح دور عليه ...بصراحة الاسئلة هيدي أنا بحاجة لأجوبة عنا وخصوصا إني عم إعمل قراءة منظمة ممنهجة لكل التاريخ السوري الحديث لإنو لأقدر حدد موقف من الحاضر والمستقبل لازم احسم قضية النظر إلى الماضي ...
وشكرا كتير لإلك

شكرا كتير إلك إذا والدك كان شاهد على هيداك العصر يا ريت تنقليلي تجربته الشخصية ...
تحياتي الحارة
ظل جيفارا

اخ cornholio هالكتاب قولك موجود بسوريا ؟؟؟؟؟؟؟؟

واذا موجود قولك بيكون مكتوب بمصداقية ؟؟؟؟؟

ويا ريت تعطينا فكرة عنو وعن كاتبو واذا كنت قريته كامل وشو انطباعك عنو

في كتاب جميل وبيحكي قصة حياة الرئيس الاسد تقريبا كللها ..

تفاصيل الفترة اللي عم بتدور عليها مكتوب عنها بوضوح كبير وخاصة فترة الستينات

بيجوز سمعت عن الكتاب

الكتاب : الأسد والصراع على الشرق الأوسط
الكاتب : باتريك سيل

قريت انا الكتاب كللو ووضحلي امور كتيرة مالقيت عنها شي الا فيه

بتمنى تستمتع بقرايته

فينك تحملو من الانترنت

وين غاطط أبوكي عالمزبوط ..؟؟





شنو مشوارو طوّل

مارجع والله...:cry:

أكيد رجع ....
:D
انا ناطر اسمع شو بدو يقول والدك لانو مستر محمد فيقني ع شغلة مهمة