|
خواطر مسرحية (يوميات عسران الضبع)
خواطر مسرحية (يوميات عسران الضبع)
الفصل الأول المشهد الأول (صالون بإحدى المنتديات المعروفة يسوده الصمت لكنه لا يخلوه من بعض الأصوات بين الفينة والأخرى فالساعة الان 7 صباحا على توقيت خالكون أبو ظبي عسران قاعد بالصالون عم يشرب فنجان قهوة بهدوء ويقرأ موضوع (هزو يا عزو) ينفعل عسران من هذا الموضوع ويسارع الى كتابة رد صاروخي ولكنه يتوقف قليلا خطرت بباله فكرة أن يقرأ الردود أولا حتى لا يتبهدل كما المرات السابقة عسران يضيع بين الردود كل الردود (مقنعة) صمت صمت فجأة صوت جرص قادم من صوب المسنجر ام اللول يرسل لك اشارة تنبيه عسران تنفرج ساريره ويسارع باتجاه المسنجر يتبع |
المشهد الثاني
مسنجر عسران يحتوي لى بعض الاميلات كللو اوف لاين عدا ام اللول عسران : هلا هلا ام اللول:D ام اللول : اهلين عسران كيفك عسران : أحسن من هيك مافي شو ليش مانك بالمنتدى اليوم:? ام اللول : ما عاد ادخل بحياتي خلص:pos: عسران : لك ليش حدا زعجك حا حاكاكي قوليلي والله لاقصف رقبتوه:shock: ام اللول : لا ما حدا بس مبارح جيت لفوت قام طلعلي احــــــــــــــــــــــــــــــــــــــطي:cr y: عسران : بالله هيك قالولك:? ام اللول : اي والله:cry: ولحد الان ما عرفت ليش عسران : طب معقول هيك من الباب للطاقة طيب انا رح شوف وبرجع بخبرك ام اللول : ماشي:pos: عسران : برب ام اللول : تيتو |
المشهد الثالث
عسران بالمنتدى المزعوم يكتب رسالة خاصة ل حسب الله ليسأله عن سبب الغاء عضوية ام اللول تمر فترة شخص يضيف نفسه على مسنجر عسران وعسران يقبل الاضافة عسران : مين معي الشخص : انا حسب الله من شوي بعتللي رسالة خاصة عسران : اي اي اهلين حسب الله حسب الله (طبعا لانو هللأ صار معروف بالنسبة لعسران): شو مشكلتا من شوي راجعت حسابها ما عليه مشاكل عسران : شو عم تحكي شو عم تتبلاكم المخلوقة يعني حسب الله : نحنا ؟؟؟ عسران : اي هيي قالتلي انو مبارح قلتولها احطي وهيك أحـــــــــــــــــــــــــطي كانو واحد ختيار عم يعزل حلقو حسب الله : اي اي مبارح كان عنا صيانة بقى كنا مسكرين المنتدى عسران : واذا يعني شو ما فيكون تقولو غير هيك ضروري تزعلولنا ام اللول والله ما عندي غيرا عالمسنجر حسب الله : طول بالك هاد الدب فكري هو اللي صمم الصفحة انا بفرجيه |
كمل كمل....متابعة...:D
|
اقتباس:
|
تسالي قول الله معلم :o
|
المشهد الرابع
عسران يقف امام غرفة المناقشات الصاخبة يلاحظ آخر رد للمزعوم فكري يتحمس عسران للدخول (يا قاتل يا مقتول) يفتح الباب واذ بأصوات كثيرة متداخلة صوت 1 علماني ملحد كافر بلا بلا صوت 2 متدين اصولي متطرف بلا بلا بلا صوت 3 : ايها المسيحيون ايها المسلمون فلنوحد صفوفنا للقضاء على الملحدين الكفرة صوت 4 : المملكة احسن منك ومن اهلك يا قليل الوجدان صوت 5 : :aah: :aah: :aah: (اثناء سماع عسران للأصوات تتداخل تعابير وجهه ببعضها وتظهر عليه علامات الاستغراب وعدم الفهم) يغلق عسران باب الغرفة ويتنفس الصعداء ثم :hashish: |
المشهد الخامس
مسنجر عسران غرفة المحادثة الكتابية مع تشي غوغو عسران : معقول انت يا زلمة معقول تتهجم عليي بالمنتدى وتقللي انو ما بعرف الله وين حاططني غوغو : لكان هاد رد بترد في على موضوعي لك ما فكرت شوي قبل ما تكتب عسران : والله ما بعرف انو موضوعك بس شفت فكري حاطط رد قلت بدي رد بعكسو وطالعو اجدب غوغو : بس طلعت انت الاجدب لانو حكي فكري مزبوط عسران : لا مو مزبوط هاد فكري مو منيح دير بالك منو عم يقولوا انو علماني والعياذ بالله وبعدين حسب الله زعلان منو غوغو : لككككككككك لك انت شو عم تحكي شو دخل هي بهي الزلمة عم يحكي بالمنطق عسران :هللأ هاد فكري بيفهم بالمنطق؟ في حدا بيفهم بالمنطق بيقول لصبية حلوة امورة احطي غوغو : عسران طوشتني اليوم ما عم افهم عليك عسران : انا نصحتك وانت حر وبكرة بتعرف انو كلامي هو المزبوط |
ههههههههه:lol: :lol:
لك يحرئ حريشك ابو مزيد كمل كمل ..........Continuie (مابعرف اذا الكلمة صحيحة ولا لا :? ) |
لمشهد السادس
مسنجر عسران غرفة محادثة الكتابية مع مستر دينو دينو : لك انت ايمتى بدك تصير بني آدم عسران : له! به! شه! ته! شو في؟ ليش ؟ خير ؟ دينو : يعني انا بدي افهم انت معنا وللا معون ؟ عسران : مين هدول؟ دينو : التانيين عسران : انا لا والله بس هو سألني سؤال قمت قلتللو رأيي بصراحة دينو : صرحك ضريب ما ينفعك عسران : ليش مو الدين بالعقل؟ دينو : اه ؟ اي طبعا طبعا عسران : طيب انا بشو غلطت دينو : انت قلت انو اذا الواحد ما قدر يوصل بعقلو للدين بلا ما يتدين عسران :اي وشو فيها دينو : لك شلون شو فيها انت بتر ضى على اختك اذا ما اقتنعت بالدين ما تتدين؟ عسران : اي والله بدبحها دينو :شفت لما يخالف العقل الدين بيصير لازم تخالف العقل لانو العقل وقتها بيكون عم يخرف عسران : اي والله كلامك مزبوط |
اقتباس:
اقتباس:
اقتباس:
اقتباس:
شكرا الكون على المرور وعلى التشجيع |
بانتظار المشهد السابع
وشكرا جدا جزيلا ما تفاجئني .. وتقول انو المسرحية من ست مشاهد يلا ابو شريك بانتظارك |
حبيتو ل تشي غوغو....:p :p
تسالي..... متابعة كمان:D |
اقتباس:
لسه الفصل الاول ما خلص:p اقتباس:
|
لك حيو ابو مزيد موضوع كتير حلو :D
وهي تشجيعة من عندي ورجينا شغلك :lol: |
المشهد السابع
مسنجر عسران غرفة المحادثة الكتابية مع دندش(صديق حميم) دندش : كيف عسرانو:D عسران : اهلين :p دندش : اليوم سكر اميلي, فلل ,ما عاد انضاف عندي حدا عسران : اوف ! ليش قديش عندك؟ دندش : يا سيدي صار عندي 19 شب ,و 331 صبية يقبروا عظامي شو حلوين عسران : الله لا يوفقك لك ابعتلنا كم اميل بناتي دندش : له لك عسران, هيك بزعل منك ليش اميتى انا قصرت معك ,كل اميلاتك من عندي عسران :كيف ؟! أي لو فيه خير ما رماه الطير دندش : الله يسامحك يا عسران عسران : بس بتعرف لك دندش عجبتني افكارك عن تحرر المرأة يا اخي شي ناهي يعني اللي ما بيعرفك بيجهلك لم منللك هالثقافة ولو دندش : هههههههههههه لكان مشان تعرف:lol: عسران بس معقول انت تكون هيك قناعاتك دندش :أي ليش لاء شو ناقصني انا اللي عندي قناعات:gem: عسران موشي بس اللي بيشوفك كيف بتعامل اخواتك ما بيصدق:oops: دندش : لا تجيب سيرة الحريم ولا تافه :jakoush: ايواااااااااااا عسران : له لك دندش ما عم اقصد شئ دندش : ولسه بدك تقصد يا حقير:aah: |
المشهد الثامن
عسران يتأمل البريد بعناية يمسح المسجات القديمة .يتفقد الجنك ,ميل يلاحظ وجود رسائل يبدا بالمسح اول باول, تستوقفه رسالة غريبة :o (نورا الامورة : وهي صورتي يا نور عيوني) الاميل يبدوا مألوفا ولكن عسران لا يبالي:? علامات الانبهار:oops: تظهر على وجهه ويسارع الى تحميل الصورة:gem: بــــــــــــــــــــــــــــــــــــوم:shock : انفجارات رهيبة صادرة عن الكاس بريسكي يختفي البريد يختفي المسنجر تختفي البرامج تم ايقاف تشغيل الحاسب:cry: |
المشهد التاسع
مسنجر عسران غرفة المحادثة الصوتية مع هاكيرو هاكيرو : كيفك عسعوس عسران : لا اهلين ولا سهلين والله ما في غيرك انت يا ابو الدواوين هاكيرو : خير خير شو القصة عسران : يعني مو انتي اللي هكرتني مبارح هاكيروا : ليش شوفي عندك يتهكر كلون اربع خمس اميلات ما فيون واحد اون لاين عسران : وكيف عرفت؟ هاكيروا : اه ؟ لا ما عرفت بس هيك ظني عسران : لا تواخذني هاكيروا شكيت فيك هاكيروا : سيدي الله يسامحك عسران : بس لو اعرف مين هالندل اللي هكرني مبارح هاكيروا : لا تغلط هاكيروا : قصدي انو ليش لتكسب خطايا وتحكي عالزلمة قول الله يهديه ويسامحو |
| الساعة بإيدك هلق يا سيدي 02:02 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون