|
لكل الي بيعرفوني...لحظة من وقتكن
كانت سنة 2008 من اكثر السنين احباطا بحياتي يعني من كل النواحي
بهالسنة خسرت الي كنت بسميه مشروع العمر يعني بعد نضال 5 سنين وتحمل كتير مشقات وحرقة كتير قلب انتهي المشكلة ان المشاريع الكبيرة الي بترتبط بالروح بتفوت لجوا وبتحفر بعمق وبعد مابتموت الشجرة الكبيرة كتير صعب ان ننظف التربة منها غير اني بسبب هالشي الي صار خسرت فصل دراسي كامل ماكنت حابب احكي لحدا عنو غير اني ضمن هالسياق وضمن الحالة النفسية الفايتة بالحيط الي عشتها روحت علي حتا فكرة اني استمتع بنزلتي عالشام يمكن بعد مرور 6 اشهر تقريبا من هالسنة النحس فيني قلكن اني عم حاول رمم حالي يعني حاسس حالي لساتي هلق واقف من هالصدمة وعندي لسا اختلال بتوازني كتار من الشباب والصبايا حاولو يوقفوا معي بهالمحنة من الاخوية وبراتها وانا بشكرهم من كل قلبي رغم اني حاولت سكر كل السبل لهالمساعدات هلق كل واحد منا عندوا اسلوبو بالتعامل مع مشاكل وانا من الناس الي بحب اكل الخازوق عالساكت (اسف لهالتعبير) مو لاني مابحب ازعج حدا معي لا وحياتكم يعني اذا انزعجتو عني مراح كون زعلان :lol: بس لاني بعرف اني مافي حدا فيه يحس بمشكلتك اكثر منك ولو مين ماكان ماحدا فيه يحس بالالم عنك يمكن بيتعاطف معك اي بس مابيحمل عنك ...وانا من الناس الي مابيحب التعاطف بشكر كل الي اتحملوني خلال هالستة اشهر وبعتذر من كل مين ابتعدت عنن وهنن كتار وبيعزوا علي كتير بس ابو الفوف لساتو منو جاهز ولسا مااخذ نفس منيح بس لابد ان يوم من الايام بيرجع يوقف من جديد بحبكم كلكن ... اممي :D |
:pos::pos::pos:
يسلملي الومانسي فوفو انا :jakoush::jakoush: انا ماني متعاطفة معك هه:frown: |
اممي منشان الله سامحني بعرف اkd زدتها عليك بس ممكن لاني بحب اني شارك يللي بحبهم همومهم وانت سكرت علي هيك درب فانا كنت حس اني ولا شي
ورحت وخبصت كتير انا وربي اسفة وبعرف الاسف مالو معنى بس اسفة اسفة اسفة ودمعاتي شاهدين علي:mimo: وموفق يا رب ويا رب كمان ما تطول هالفترة اكتر من هيك وتعود اقوى من قبل وبعدو في امل....ويسقط سامر سمايلي بيحكي الله يستر |
اقتباس:
بتوفري :lol: اقتباس:
ييييي دخيل هالدمعات ,وانا الحق علي كان نازم نزل هالاعلان قبل شي شهرين بتظلي رفيقتي حتي لو كنت قاري رسالتك الي كتبتيها امبارح ملاحظة:بحياتي مااتبهدلت علي قد ماكنت كاتبة بهالرسالة :lol: تظربي شو قاسية :cry: |
اقتباس:
ومرة تانية سامحني :D |
انا ما بعرفك
بس ذكرتني بحالي ... لاني بازمان اكلت نفس .... بس بعد 8 سنين من التعتير بس حبيت اتمنالك "عودة حميدة" وانشالله ما طول اكتر من هيك بركي بلحئ اعرفك Good Luck :D |
اممي .. فؤاد صديقي الرائع شيلك عن قصة انو انتا المسؤول عن حركة التشيع بالمنطقة ..
شيلك عن قصة انو كترانين السوريين بهالبلاد ... ( اممي وبنفسجة خلوها سر بيناتنا القصة ما تفضحونا )) مين قلك اني بتعاطف معك .... انا بتعاطف مع الاشخاص اللي ما بعرفهن ... اما اللي مثلك بحبهن كتير اوعى تصدق انو ممكن سميها تعاطف خليني اعطيك مثال سياسي من جوي العام ( انا ما فيني قول اني بتعاطف مع قضية فلسطين ... قضية فلسطين قضيتي)) انتا بالمثال هيدا فلسطين .... شيلك من كل الحكي... انا واثق بقدراتك ... واثق كتير من مقدرتك على تخطي كلشي .... بعرف انها كانت صعبة ... انا اللي صار معي وهو قريب شوي للي صار معك مو بكل الحذافير ... بس لهلأ وبعد اربع سنين ما قادر انسى ... بس انتا اقوى مني ... الدليل انك تخطيت كل شي وسافرت ... انا كنت اجبن من هيك قرار تحياتي الحارة ظل جيفارا |
كنت اتمنى انو اعرفك..يا اخ اممي..
وكنت اتمنى انو اقول لك فرصة سعيدة انو ارد على موضوع انت كاتبه.. فيارب تعودلنا قوي..وان شاء الله (الضربة اللي ما استطاعت انو تقضي عليك تقويك).. رجاءا لاتاخذ كلامي الا من مأخذ...تحية اخوية..:D |
ذكرتني بحالي!!!!!!
يعني ما بعرف شو بدي أقول لك!!!! أنا أساسا ما بعرف شو بدي أعمل!!!!! أنا بدعيلك الله يهديك ويساعدك ويساعدنا!!!!!!!!!!!! |
أنا ما بعرفك يا أممي غير من مواضيعك المميزة
بس لما قريت كلامك اليوم ما حسيت انو الموضوع ما يخصني فحبيت أساهم ولو بشي قليل لذالك بقول الله يهنيك و يحميك |
خيو نحنا معك للعضم ولو!
مايسترو |
اقتباس:
فوتتني بالحيط قلتلي اممي قضيتك:o شو مشان انو كترانين السوريين بهالبلد:pos: |
اعتكف بصمتك يا فشلي الصارخ
فخورٌ بك يا سيدي لأنني على الاقل اخترتك |
المتأكد منه انو الك شلة من بني يعرب بالغربة حتى خسرت الفصل الدراسي
بظن انت عم تدرس بألمانيا وأهم شي بألمانيا بالذات انك تبعد عن بعض أبناء بني يعرب يلي مابيجي من وراهم غير المصايب وخاصة الفئة يلي بسموها أزيل أزول حسب اللكنة وغمزة مني أنك تبعد عن العلاقات العابرة والحياة ياعزيزي اذا مافيها مصاعب مي حلوة بنوب بنوب وكلها بضل ذكريات وعبرة للأيام القادمة وحاجة تحشيش مني بلا ماعقدك :p |
اقتباس:
رفيقي الغالي يعني صحيح كل معرفتي فيك ماكانت اطول من ابو ساعتيتن بس صدقا مابتروحوا من البال بشكرك بكل كلمة كتبتها لاني عرفان انها طالعة من قلبك وبنمشي وبنكفي الطريق ...يارفيق :lol: |
اقتباس:
صديقيتي قبل فترة بعتلك رسالة بس كان صندوقك معبا بشكر مشاعرك الطيبة اقتباس:
اقتباس:
وجودك كتير مميز ...الله يحرسك اقتباس:
انت تحديدا حقك علي يارفيق يعني ماعم بمزح بس لحد هلق عم تحز بنفسي اني ماالتقيتك بس شو بدك بهالشوفة اقتباس:
بشكر مرورك اقتباس:
ياسيدي انا مابعرفهم ولما بشوفهم بالشارع بقطع للجنب التاني ...بس الحق معك :deal: |
حقيقي انا ما بعرفك اممي بس والله فيك تفتخر باحبابك واصحابك بالمنتدى ويا ريت تقبلني اكون من بينهم
الله يجعلك في كل خطوة سلامة ونجاح وفلاح يااااااااااا رب :deal: |
اقتباس:
|
| الساعة بإيدك هلق يا سيدي 04:23 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون