|
هل يتجه شعبانا الى الأنعازلية عن المجتمع او ال،خراط فيه
اصبحنا اليوم كثيرا ما نسمع جملة " انا هيك "
ان هذا الجملة اصبحت تتنتشر بشكل كبير بينا .... في البداية كنت اعتقد انني مخطئ و اننا شعبنا ما يزال بخير و لكن هذا الأعتقاد سرعان ما تبدد عندما لاحظت ان عدد لا يستهان به من الشعب اصبح يضع النظارات و السماعات فالنظارات للوقاية من الشمس و لكن في المساء او في الأماكن المغلقة ليست لها معنى و لكن لها معنى واحد هو اننا لانريد من الأخر ان يرانا و لا نريد ان نراه و السماعات ايضا تعني انني لا اريد ان اسمع الأخر (و لو كانت على المستوى الضيق ) و لا اريد من الأخر ان يسمعني اما اذا رغبت ان تسأل اي شخص لماذا لا نراك فالجواب المعتاد هو "شغل" فهل يا ترى الشعب مشغول جدا لدرجة انه لا يستطيع ان يوفر ساعتتين بالأسبوع للتواصل مع اصدقائه؟؟؟ اما اذا تكلمنا عن اللغة العربية فحدث و لا حرج فأصبح من يتكلم باللغة العربية من الأخرين دون ان يرمي بكلمة اجنبية أو اثنتين من اصل خمس كلمات هو انسان امي و لا يجيد التواصل مع الأخرين فعندما ننظر الى هذه الظاهرة هل نقول اننا نحاول ان نقلد الغرب بأن نتلبس بالحضارة بما نمتلكه من مظاهر متناسين ما نمتلكه من ثقافات و ارث كبير اذا نظرنا للغرب نجد ان تقليدنا جدا فاشل لهم فهم كانوا يمتازون بعدم الأجتماعية و لكنهم الأن يسعون لها بعكسنا تماما فنحن كنا نمتاز بالأجتماعية اما الأن فنحن نتجه للأنعازالية نعم انا برأي اننا الأن كلنا يقول اننا نرغب كثير بمكان هادئ نبتعد فيه عن ضجة المدن و صخبها نحتاج لمكان نعتزل فيه عن الأخرين و ان كلمة انا هيك هي من واحدة من اسوأ الكلمات في المجتمع في تسمح لأي شخص بالتصرف باي شيء دون اي اطر او حدود و من هذه الظاهرة الأنعازلية لمجتمعنا اصبحت واضحة بشكل كبير فأنا اتمنى ان اكون مخطئ في رأي هذا لان له ابعاد كثيرة قد تضر كثيرا بمجتمعنا في المستقبل . . . فأنتم ما رأيكم. . . :D |
القصه مو انعزال أو ابتعاد عن الناس,هي بس صفات جديده لبست الناس.
:lol:ا,فاللي حاطط نظاره هو ذات نفسه صديقي اللي بحبه ولازم اتعود عليه واعرفه حتى لو حاطط نظاره . ويمكن يكون عم يحكي مع 1000000000 واحد وهو حاطط ال(head phone) واستعماله للغات أخرى هي من ضروريات الاتصال بالعالم الالكتروني.فوين الانعزال. |
صديقي قصي
انو نحنا اللي منملكومن الحضارة موقف من 1000 سنة يعني نحنا مكانك راوح يعني ما فينا نعتمد ع حضارتنا اللي ما بتمشي مع وقتنا لازم نحنا نعمل حضارة النا |
يعني برأي ايقاع الحياة كلما تسارع كلما سلب منك قدرتك على التواصل مع الآخرين بعد ست ساعات عمل ومماحكة مع الناس ما بيضل عندك القدرة تتصل بحدا لانو بتكون بس بدك تصل ع البيت وتقعد بهدوء لحالك بس إذا نظرت مليا للناس يلي عم تشتغل بتلاحظ إنو الطباع الشرقية بالعمل ما زالت سائدة يعني منكون صداقات داخل العمل ومنساعد رفقاتنا ومنتآمر علي ما منحبن يعني لسا طباعنا بخير.
وإذا بتنتبه على الناس الماعندن شي خصوصا إنو جايين على موسم عطلة صيفية وطلاب الجامعة رح ينتشرو من بعدا على الشوارع والنوادي وبشكل مجموعات بتتأكد إنو لسانا متل ما نحنا ولكن الانسان العامل ما ضل عندو الوقت يحط كرسي قدام باب البيت ويقعد يسلم على الرايح والجاية. بالنسبة لموضوع السماعات صدقني نعمة خصوصا لما بتكون طالع بشي وسيلة نقل ومفروض عليك تسمع على مزاج الشوفيير وبدرجة الضجيج يلي بخترلك ياها. |
اقتباس:
مابعرف اذا تماما ردي رح يتلاقى مع فكره الموضوع العامه و لكن أنا بدي احكي عن مقوله "أنا هيك " .. لأنو بصـراحه هالمقوله بتنكرزني متل ما بدك تقول يعني بتعملي نكوزه بالنخاع الشوكي .. لأنو انت مش "هيك" و لا فيك تكون "هيك" (( مش انت تحديدا و لكن اي حدا بقول انا هيك )) .. أنت خليط من الأفكار و عايش بين افكار تانيه اذا كل واحد فينا بدو يكون "هيك " فما فينا نعيش سـوا .. و يمكن ما فينا نعيش اصلا :lol: .. أنت وقت بدّك تكون "هيك" عم تمنعني قرّب عم تحط حواجز بيناتنا عم تطلب منـّي ضلني بعيد .. لأنو انا ممكن يكون فيّ اتقبلك "هيك" بدون ما تخبرني و تفرض علي ّ هالشي بمقوله " أنا هيك " أنا هيك = أنا غير قابل للتغير , غير قابل للحوار , غير قابل للانفتاح .. :pos::pos: .. |
أنا هيك = أنا غير قابل للتغير , غير قابل للحوار , غير قابل للانفتاح ..
:pos::pos: .. هيك لازم يغير اسم المشاركه من هل شعبنا متجه نحو الانعزال الى هل شعبنا متجه نحو الانحدار.:pos::pos::pos::pos: |
اقتباس:
بس كان قصدي ان نفسيات الشعب و الطبائع كلها صايرة جديدة و ابدا ما عم تتجه الأ للأنعزالية |
اقتباس:
يعني نحن صار فينا انو لقينا الغرب ناجح فقلنا انو خلينا نصير متلون فقمنا و اخدنا الشي الوحيد يلي هنن بقولو عن حالون انو غلط :D |
ما بعرف ليش عم تنفهم عبارة " أنا هيك" بهالمنحى السلبي
يعني لازم يكون الــ أنا متل البقية لحتى يكسب الرضى :? |
اقتباس:
انا هدفي الأساسي من الموضوع هو كلمة "انا هيك " لانو انا مستغرب انو بالأونة الاخيرة صرت اسمعها بشكل كبير و لدرجة انو فعلا فكرت انو في كم من الخطأ عم يبلش يركب مجتمعنا طيب ييعن هل كلمة "انا هيك " تدل على انعزالية المجتمع ام تدل على ضعف الشخص فهو غير قادر على سماع الرأي الأخر و ما بيتقل اي نقد من الأخر فأنتو شو رأيكم يعني الشخص تبع انا هيك هل هو ضعيف ام انعزالي ام قوي (لكبريائه) -------------------------------------- على الهامش :يعني لو مشرف بغير عنوان الموضوع لعنوان " انا هيك" بكون ممنون منو |
اقتباس:
و لا يقبل الأشارة اليه بأي نوع من انواع الغلط بس انا ما بنكر انو شخص متل هيك ممكن انو يكون كتير قوي و على الأغلب كل الكبار و الأقواياء ( يلي ماسكين الحياة عنا ) كلهون من نوع انا هيك و النوع الذي لا يقبل النقد ابدا |
اقتباس:
مين من العالم بتتقبل النقد بطريقة مثالية :lol: في ناس بالظاهر بتتقبل النقد بس بعدين ما بتعمل غير يلي براسها وناس ما بتتقبل النقد بالظاهر لكنها لما بتختلي بذاتها بتراجع حساباتها لكن ما بتقبل تعترف عالعلن بأنها غلطت أنا ما بشوف الشخص من عيار "أنا هيك" هو متل ما عم تحكو شخصية "أنا هيك" بمحتمعنا هي شخصية فقعت من مداراة ومسايرة الآخرين مثلاً أنا هيك بحب البس ... مش مضطرة ساير الموضة الدارجة مشان أكسب رضى المحيط ولو على حساب زوقي الشخصي .. بعدين بخصوص الميل نحو الانعزالية هي نتيجة طبيعية لتغيير الحياة ولزيادة ساعات العمل وكل المجتمعات عم تميل نحو هالأمر فيك تقول هي ضريبة التطور متل ما بيقولو اقتباس:
بدك تساير الكل وباب بيتك لازم يكون مفتوح للكل وبأي وقت مش مهم إن كنت قادر تستقبل ولا لا .. وتتحمل حشرية الجار والقريب والغريب يلي بيتدخلو بأمور ما بتعنيهم وغالباً الناس عنا ما بتقدر تدرك حدودا ولا بتحترم خصوصيات غيرها فإذا بتخف هالشغلات أنا أشجع هالأمر جداً وجداً :lol:بس طبعاً ما بريد نصل لمرحلة أننا ما نسلم على جارنا ونفقد الروابط الإجتماعية مع العيلة والرفقا ... وشكراً للموضوع الحلو :D |
اقتباس:
و هي عيني بعينك :o انتي قليلي الشخص يلي بقول انا هيك يعني عم يقلك بتحب تعيش معي هيك اهلا و سهلا ما بتحب الباب بفوت جمل طيب هلق حكيك عن النقد و الناقدين و المنقودين صحيح 100 % بس الشخص بالتحديد تبع "انا هيك" يعني مجرد اي مشكلة هتى ينطلك و يقلك " انا هيك ":x عجبك اهلا و سهلا ما عجبك الباب بفوت فيل :? اقتباس:
يعني كلمة انا هيك هي مانها جاية من الفرد بحد ذاتو لكن فكرة انا هيك المجتمع هو يلي فرضها علينا بس هلق يعني فينا نقول انو شخصية انا هيك هي شخصية خاصة بكل فرد لحدود معينة يعني حتى تكون بعيدة عن الغلط طيب اول شي لنعرف الغلط الغلط : هو اي شي يرتكبه الأنسان يؤثر على حرية الأخرين و معتقداتهم و حرياتهم فيما عدا ذالك غير غلط يعني شخصية انا هيك هي شخصية صحيحة لحد انو ما تأثر فيه على حريات الأخرين فمثلا لما زوج يطلب من زوجتو انو تسوي شي هي ما بدها ياه بس لان الزوج هيك بدو و هو هيك عقلو و هو هيك افكارو (يعني صفى من شخصية انا هيك ) اي هون صارت هي الشخصية هي كلها غلط و انانية و لا زم تنحل اقتباس:
على هالتطور يلي صار عنا ماهي هي (على قولة شربل روحانا بغنيتو لشو التغير) اقتباس:
صح ؟؟؟؟ اقتباس:
ردك كان احلى و اقوى:D |
| الساعة بإيدك هلق يا سيدي 03:03 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون