|
سؤال لللفطاحل عن نقل المعلومات بين جهازين
هلق اللابتوب و الكمبيوتر العادي
شلون في طريقة نوصلون مع بعض لأنو مشكلة كل ما بدي شغلة من الكمبيوتر روح بهالفلاشية و انا عما انقل و يعني الهارد تبع الكمبيوتر شي 460 غيغا بقا مشكلة :deal: |
اقتباس:
|
هلا في كتير .. طرق عهوا علمي .. في فرصة انو تكون قاعد .. وتعمل متل شبكة منزلية في حال كان اشتراكك ADSL ب وليم او شي .. تاني شي .. عهوا ما ازكر انو كان في وصلة ...
بين الجهازين وبيمشي حالا .. |
اي شريكي
هاردين مع بعض :o الأولاني 120 و التاني 360 هيك بظن انو بس التنين بيطلعو فوق ال 450 و غيغا هادا سعدو جبلي يا عالكريسمس |
اقتباس:
شو شايفني برجوازي متلك :lol: |
depends, why do u wanna connect them. ya3ny sho bedak ta3moul?
|
اي متل ما قالولك
ساوي شبكة منزلية |
هات سلك متل تبع الـadsl ووصلو بين الجهازين
|
في بالسوق كبلة usb to usb
اسهل طريقة لنقل المعلومات بين جهازين |
يتوقعاتي اسهل طريقة هي اللي انا عاملها هلق اذا في بجهازك اللابتوب بلو توث بتقدر تجيب بلوتوث بتركب على اليواس بي بجهازك الكمبيوتر وسعرها شي 200 ل.س ومباشرة الجهازين بيشوفو بعض عن طريق البلوتوث وبتقدر تباشر بنظام نقل الملفات عن طريقه وميزته اونو بامكان تحط الاب توب وين ما بدك لانو ما في توصيلات
انا هيك مسوي عندي ومرتاح عهالطريقة بتمنى تفيدك |
اقتباس:
بحضي لما شفتك ما صدئت عيوني طيب شريك مع اني ما فهمت عليك بتعرفني انا رسبت بفحص الكرين كارد من قفا اللغة |
اقتباس:
لبين ما تنقل البلوتوث يعني 40 ميغا بالبلوتوث ما بتوفي معي |
متل ما قال ياسر .. بوصلة يو اس بي - يو اس بي ... بتنحل عندك المسكلة .. اذا انت بس بدك تنقل بيانات بين الكمبيوترين
هلق اذا بدك تساوي شبكة بين الجهازين مشان العاب وقصص من هالشكل .. فلازم تجيب روتر .. وتساوي شبكة بين الجهازين حسب شو بدك تعمل بالجهازين فينك تنقي طريقة الوصل |
اقتباس:
وصلت ال adsl لازم يكون في كرت شبكة بكل واحد مو ؟ |
اقتباس:
المعلومات يلي على كل واحد فينين فوت عليها من التاني ___________________ * هامش: بوصلة اليو اس بي فيني اتحكم بواحد من واحد لا بيصير متل الفلاش ديسك :D |
اي اب وليم
هلئ وصلة ال usb 2 usb بتزبط ... بس سرعة نقل البيانات بطيئة كتير بتنزل عاقرب محل كمبيوتر بتقلو بدي كبل شبكة Cross cable هيك بتريح راسك من تكاليف الراوتر طبعا شي اكيد الجهازين فيهن كروت شبكة هي طريقة من الطرق .... طريقة تانية بخط الهاتف نفسو الجهازين فيهن كرت مودم بتوصل خط التلفون بين الجهازين ... عن طريق المودم وبتنزل برنامج اسمو PC ANYWHERE كمان بيعطيك نتائج ممتازة :D |
اقتباس:
بيصير الجهاز ما بيتعرف غير عالهارد تبع الجهاز التاني . يعني ما بيشوف الجهاز غير على انو فلاش ديسك كبير ( ايكستيرنر هارد دبسك) |
اقتباس:
وال usb to usb ما لازم تكون سرعة نقل البيانات فيه متل سرعة نقل البيانات بال usb العادية؟ وبال بي سي انيوير.. بيمشي الحال خط تليفون واحد .. اما تليفونين؟ لا تأخذنا عما نكتر الاسألة عليك:oops: |
بالنسبة لل usb ß usb
سرعه النقل مو بطيئة ابدا .. ما بعرف اديش النسبة تحديدا .. بس سريعة |
هلا هو ابو وليم انت بدك تقلنا شو بدك تحديدا ..
يعني بدك بس تنقل بيانات بين جهازين ؟ ولا بدك شبكة .. ؟ |
اقتباس:
192.168.1.1 192.168.1.2 كل رقم من هدول على جهاز بالنسبة لل usb 2 usb نفس نقل ال usb العادي ... بس يعني حتى ال usb العادي سرعة نقلو ما بتضاهي الكيبل العادي وال pc anywhere بتحتاج خط واحد بس يعني خط فايت عالجهاز وكبل تلفون طالع من جهاز وفايت بالتاني ومية هلا ابو الويس ......... لا كترت اسئلة ولا زفت :pos::p |
اقتباس:
بس مو بيناتنا :lol: |
اقتباس:
انو فتت بالحيط اي الحيط الحيط و الحيطين جاي عبالي بكرا حط 2000 ليرة و فوت دورة شبكات هلق يا كروس كبيل بس شلون بينوصل هلق ال usb to usb عادي بس هاادا الاولاني شو شغلتو مالو فكاهة كأنو يعني شو بيعمل :shock: أحلى سعدو للكمبيوترات |
اقتباس:
هلق اول شي انا كنت ادامي بدي اتقل بس داتا من واحد لواحد بس الشباب فسدوني و نزعو اخلاقي و لعنوا افطاسي مخي و انا عما فكر بهالقصص يلي عما يقولها بقا قررت انو صير اتحكم بواحد من التاني اذا بتصير و مانها معقدة بقا شورئيك شريكي :deal: |
هاد يا سيدي الكروس كيبل .. هوي عبارة عن كيبل شبكة عادي ... متل اللي بتشوفو بالمحلاات تبع الالعاب والانترنت ... بس الفرق بين اللي بالمحلاات والكروس كيبل ... هوي التوصيلات فيه ... هداك الكيبل اللي بالمحلات ... بدك توصلو اجباري عال Hub وتوزع للاجهزة .. اما هاد الكروس كيبل ... بتوصلو بين جهازين مباشرة بدون حاجة لل Hub
هلئ لقلك ليش احسن من ال Usb 2 Usb الـ Usb 2 Usb سرعة النقل فيه : 48MBPS يعني تمانة واربعين ميجا بايت بالثانية اما كروس كيبل فهاد سرعتو 100MBPS مية ميجا بالثانية هلئ كمان ممكن يوصل معك لل 1000 ميجا بالثانية بحال كان كرت الشبكة الراكب عالجهازين سرعة نقلو 1000 ميجا بس ما بظن هالشي ... لانو هالكروت ما صرلها زمان نازلة ... ما بدي عقد عليك الامور بظن لهون حاج :D |
اقتباس:
|
طيب شريك
اذا |
طيب شريك
اذا جبت هادا الكروس كبيل |
طيب شريك
اذا جبت هادا الكروس كبيل بوصلو بكرت الشبكة هون وهون و بعدين شو بعمل الحركة يلي بعدها ______________ عما تقل عليك شريك |
انو شبك متلبك ... احكي فضفض .. :lol:
هاد يا سيدي ... بعد ما تدحشو من الطرفين بتفوت على لوحة التحكم Control Panel بعدين على Network connections او اتصالات شبكة الاتصال بتلاقي شي اسمو Local Area Connection بتفوت على الخصائص تبعو بعدين بتروح على Internet Protocol (TCP/IP) في شي عندك اسمو Use the following IP address حددو بيفتح عندك 3 خيارات IP Address Subnet Mask Default Gateway هلئ باول خانة IP Address بتحط هالرقم هاد بدون ما تحط النقط ... لانو موجودين بشكل تلقائي 192.168.0.1 بالخيار التاني Subnet Mask بتحط الرقم هاد 255.255.255.0 الخيار التالت Default Gateway بتتركو متل ما هوي هلئ منيجي للجهاز التاني منسوي نفس الحركات بس لما منوصل عند هي الحركة اقتباس:
192.168.0.2 والباقي بتساويه نفس الشي وبتعطيه اوكي وبيمشي الحال اكيد وازا عصلجت معك الامور ... خبرنا بالخدمة نحنا اب وليم :gem: ------------- تعدلت المشاركة ... خربطنا بالرقم اللي بالاحمر :lol: |
اي شريك انت ملك عملنا دورة تأهليلية
بالشبكات اي من الاول حكي بالمشرمحي اقتباس:
حبيب القلب يعيشوا |
بس سؤال
هلق ضروري هادا الرقم 192.168.0.1 ولا فيني عدل عليي |
لا ضروري هاد ........... شو قاعد بسيرياتل حضرتك ... بدك جولدن نمبر :sly:
|
اقتباس:
عاملة انك دارسة شبكاط مو بدا كروس كيبل ازا بدو يوصل جهازين دغري .. من كرت نتوورك لكرت نتوورك ؟؟ |
اقتباس:
|
| الساعة بإيدك هلق يا سيدي 09:31 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
