|
2008 wa waed elbanat la zal mawjoudan
في عالم اصبحت فيه المراة سلعة رخيصة تعاني الموت في ظل مساواة اختل توازنها بين اديان وتقاليد مهما الغناها تبقي سمومها كسحاب نووي ياتي على الاخضر واليابس في زمنا هدا حيث اصبحت المراة تنتخب تعمل تختار اسلوب حياتها لا زالت عادات بالية كواد البنات في الصين موجودة قتل فتاة لترك المكن لولد فالرجل منهم كلما انجبت زوجته بنتا قام بدفنها الى ان يرزق الولد لانه لا يحق لهم انجاب اكثر من طفل واحد ما ابشع ان تحس الام بالحزن على مولودتها فقط لانها انثى اليست انسانا الا يحق لها انتعيش ان تكون مخلوقا حرا اقشعر بدني عند سماع هدا لم اصدق اذناي |
اقتباس:
انا بس بيضل سؤال ببالي حيال هالتصرف هادا.. انو ادا قبيلة ما.. بدها تضل تدفن بناتها..وتبقي صبيانها..طيب رح يصير المجتمع ذكوري ونقطة!! اي...؟..وبعدين...؟! .. كيف رح يكملوا ؟؟؟ !!..مجتمع ذكوري ونقطة = انقطاع نسلهم..!! ولا بيستوردوا يعني ؟!! |
ما هاد الي صاير الحكومة الصينية صارت تمنح اراضي لبعض المزارعين يلي بخلو البنات حتى ما يصير عندهن اختلال كمان في بعض القرى الهندية صارو يشتروا نسون باثمان خيالية لانو ماعاد عندهن اناث لانجاب بالنهاية المراة سلعة متلها متل البترول بتغلى وبترخص بارادة الرجل |
اول شي ,,
اقتباس:
يا ريت لو حطيتي آخرتا الصيني مشان التمييز يعني ,, لأنو ما بظن انو الرجل الشرقي ,, بيرخص بنت قد ما كانت عقليتو متخلفة وما بظن انو الرجل المتحرر ,, بيوأد بنت متل ما الطائفية ,, لساتا موجودة ,, متل ما الاديان التانية لساتا موجودة متل ما النازية لساتا موجودة كل شي بالحياة رح يتم موجود ,, بس بتختلف اديش بيكون موجود يعني هي ما فينا نعتبرا ظاهرة فينا نعتبرا ,, قاعدة وشاذة لها وميرسي عالموضوع |
البنت هي بـ ايدها قادرة تعمل حالها سلعة وهي بـ ايدها قادرة تحافظ على حالها
|
اقتباس:
لأنو وقت تكون بمجتمع لا يحتوي المرأة سوى سلعة " وهو مجتمع نادر هالايام" ان وجد شو بتقدر تعمل البنت؟ |
اقتباس:
انو الحق دائماً عليها؟!..هيك صار اسمها سلعة؟!! .. طبعاً لأ..السلعة غير .. بتقولوا المجتمع هو معتبرها سلعة... تمام.. طيب ليش المجتمع معتبرها سلعة؟!..ليش شايفها سلعة؟! مو لانها منزلة حالها لمستوى السلعة؟!! البنت اللي بترضى تنباع وتنشرى...هي اللي عملت حالها سلعة..مو المجتمع سوّاها سلعة |
مالازم تستهين بالصين او تقارنهن بالشرقين لانو حتى الرجل العربي لساتو مقوقع افكارو ومفصلها على مقياس بيو وجدو وهدا مهما كان مثقف ومتحضر حاشا البعض اما انو البنت هي الي بتقرر فهون صدقني بدها تكون قوية وتتخلى عن كتير شغلات لتوصل لتحقيقة شخصية متكاملة وبارزة بمجتمعات دكورية بحتة والبنت البيبي شو بايدها تعمل مخلوق ضعيف هي
|
اوكي حبيبة,,
الموضوع عن وأد البنات,, صح؟ ما بتصور الرجل العربي رغم قوقعتو ,, بيقدر يوأد بنتو؟ صح ولا انا غلطان., واكيد لكل قاعدة في شواذ |
اقتباس:
|
اقتباس:
هلأ انتي عم تحكي عالمجتمع اللي فيه بنات مو سلعة او قدرو يحافظو على حالن من البيع والشراء بس في مجتمعات مو هيك ,, قليلة كتير كتير بس موجودة ,, |
مع الاسف ...... القوانين التعسفية ما تجيب الا المشاكل ,,,
صحيح الصين فيها مليار نسمة ... بس تحدد النسل بطفل واحد .. غلط و قرار مجحف وأد البنات ... هو تحطيم لكل مبادئ الحياة الاجتماعية مع الاسف ما زالت هذه الظاهرة موضوع قيم و شكرا للطرح :D |
اقتباس:
ويمكن مابعرف س انا حكيت عالصين وشوي عالهند ما جبت سيرة العرب الا بعد ما انت حكيت عنهن ومين عارف يمكن في ود بنات في بعض المناطق كل شي وارد ومكن |
هلأ ادا المجتمع بيوئد بنات صار معناهـ // بنت = سلعة؟!! //
اي شو هالمنطق يابا؟! هاي ما اسمها سلعة اللي = بيع وشرا... |
وأد البنات ... مو بس يدل على ظلم المرأة ...
وأد البنات يؤكد على ... غياب الحقوق .. و فقدان الطفولة ... و انهيار الحضارة أكيد ما نقدر نعمم على الصين ... لان هذه الحالات يمكن تكون في المناطق النائية |
اقتباس:
وهو ظلم.. ظلم..بكل ما لـ الكلمة من معنى,,, وهالشي متلو متل // جرائم الشرف//..نظراً لـ الظلم المشترك والمتقاطع بالامرين |
اقتباس:
بس انا مستغربة من شغلة وحدة انو الصين مع كل هاد التطور والانتاج لساتها بتوأد البنات :shock: شي غريب والله :pos::? |
ما لازم ننسى انه اذا يريدون ذكر .. معناها يريدون ولد يشتغل و يعيل الاهل على وقت !!
و هذا ظلم للطفولة و للانسانية .. لكن الظلم الاكبر للطفلة التي يمنعوها من الحياة على فكرة في حالات في مكان ما من هذا العالم ... تكون الطفلة هي المطلوبة ,,, لان المراة تتربى حتى تكون سلعة مع كل التطور ... يبقى التخلف معشعش في عقول البعض |
| الساعة بإيدك هلق يا سيدي 19:31 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون