أخوية

أخوية (http://www.akhawia.net/forum.php)
-   علوم و تكنولوجيا (http://www.akhawia.net/forumdisplay.php?f=24)
-   -   أسئلة حول أفکار آینشتین (http://www.akhawia.net/showthread.php?t=131072)

DARKNESS 27/10/2009 14:32

أسئلة حول أفکار آینشتین
 
أسئلة حول أفکار آینشتین



أسئلة قام بطرحھا أعظم عالم في القرن العشرین أوصلتھ الى تغییر تفكیرنا و رؤیتنا للكون الذي نعیش فیھ...
و أسئلة أخرى نطرحھا نحن عندما نتعمق بعض الشيء بأفكاره العبقریة.

DARKNESS 27/10/2009 14:45

لو تمكنت من السفر بسرعة الضوء
 





لو تمكنت من السفر بسرعة الضوء فھل ستنعكس صورة وجھي في المرآة؟

كان ھذا ھو السؤال الذي كان یطرحة آینشتین حتى تمكن من الوصول الى نظریة النسبیة.
أولاً، لا توجد أي كتلة قادرة على التحرك بسرعة الضوء... لكن ھذه مجرد فرضیة.
كي تنعكس صورة وجھي في المرآة، فیجب أن تتحرك بسرعة الضوء كي تصل الى سطح
المرآة، ثم تنعكس في المرآة متحركة بسرعة الضوء كي تصل الى عیني... لكن
الضوء القادم من وجھي لن یتمكن أبداً من التحرك بسرعة تفوق سرعتي، وبالتالي لن
یتمكن أبداً من الوصول الى المرآة؟
الضوء عبارة عن موجة؛ كما ھو الحال مع الصوت، الذي (كما في الرسم) اذا تحركت طائرة
بسرعتھ، فإنھ لا یمكنھ أن یسبقھا؛ بل على العكس، المراقب من داخل الطائرة سیجد أن
سرعة الصوت تساوي صفر...



وحسب ھذه الرؤیة، الضوء لن یتمكن من التحرك من وجھي
و یصل الى المرآة ثم یعود الى عیني... أي أن المنطق الخاص بتجاربنا الیومیة یعني أني لن
أتمكن أبداً من رؤیة انعكاس وجھي في المرآة.

آینشتین توصل الى حقیقة مخالفة تماماً لھذه الرؤیة... فسرعة الضوء ثابتة للجمیع؛
أي أني عندما أتحرك بسرعة الضوء سأرى انعكاس وجھي في المرآة بشكل طبیعي لأن
سرعة الضوء بالنسبة لي ستكون دائماً 300 ألف كیلومتر في الثانیة، حتى اذا كنت أنا أتحرك
بالسرعة ذاتھا... لكن ھذا لا یعني أن مراقب من الأرض مثلاً سیرى الضوء متحركاً
بسرعة تعادل ضعف سرعة الضوء؛ فھو أیضاً سیراه متحركاً بسرعة 300 ألف كیلومتر
في الثانیة... مع أن ھذا الأمر یبدو غریباً بالنسبة لنا، إلا أنھ صحیح: الضوء یتحرك
بالسرعة ذاتھا للجمیع متحركین وثابتین.

Nasserm 02/11/2009 13:57

اقتباس:

كاتب النص الأصلي : DARKNESS (مشاركة 1353021)

أسئلة قام بطرحھا أعظم عالم في القرن العشرین أوصلتھ الى تغییر تفكیرنا و رؤیتنا للكون الذي نعیش فیھ...
و أسئلة أخرى نطرحھا نحن عندما نتعمق بعض الشيء بأفكاره العبقریة.

يعني غيّرت رأيك بآينشتاين؟

DARKNESS 02/11/2009 14:16

اقتباس:

كاتب النص الأصلي : Nasserm (مشاركة 1355264)
يعني غيّرت رأيك بآينشتاين؟

تصء

بس في كم شغلة سواهن عمك اينشتاين ما فينا الا ننعجب فيهن


صحي سؤال مين أحسن آينشتاين لما ابو الزوز صاحبك؟ :angel:

Nasserm 02/11/2009 14:20

اقتباس:

كاتب النص الأصلي : DARKNESS (مشاركة 1355278)


تصء

بس في كم شغلة سواهن عمك اينشتاين ما فينا الا ننعجب فيهن


وبركي طلعوا هالكام شغلة "شغل إعلام ودعاية"؟
اقتباس:

كاتب النص الأصلي : DARKNESS (مشاركة 1355278)

صحي سؤال مين أحسن آينشتاين لما ابو الزوز صاحبك؟ :angel:

شو بدّك بصاحبي.. طالما ما بتعرفو.. بلا ما تحكي عنو :)

DARKNESS 02/11/2009 14:22

اقتباس:

شو بدّك بصاحبي.. طالما ما بتعرفو.. بلا ما تحكي عنو
لك تضرب ما اسمجك :lol: و شو انو حساس تجاه عمك زياد هوي سوال يا شيخ جاوب بشكل تحبيذي

Nasserm 02/11/2009 14:54

اقتباس:

كاتب النص الأصلي : DARKNESS (مشاركة 1355283)

و شو انو حساس تجاه عمك زياد هوي سوال يا شيخ جاوب بشكل تحبيذي

أنا حسّاس تجاه "الصحّ".. وتجاه "القطش واللحش"..

شيلك من زياد.. خوش الموضوع هون عن آينشتاين

رح يضل موقفي نفسو..

ما بيحق لبني آدم.. يقيّم شخص.. مطلق شخص (فما بالك إذا كان آينشتاين).. طالما هو ما بيعرفو ولا قاريلو

فهمت عليي شو؟

هيدي نقطة الخلاف.. اللي ضليت إشرح عنها ساعة مبارح.. وحضرتك انئرزت من حكيي :)

يمان Rooooonaldo 02/11/2009 17:17

هلا ما تقلبو الموضوع .. نقاشات جانبية ..

وكملولنا الموضوع .. وعمي ناصر .. ازا في شي .. غلط او .. شي علميا مانو تمام .. خبرنا .. بتفيدنا .. :D

DARKNESS 02/11/2009 17:19

اقتباس:

كاتب النص الأصلي : يمان Rooooonaldo (مشاركة 1355389)
هلا ما تقلبو الموضوع .. نقاشات جانبية ..

وكملولنا الموضوع .. وعمي ناصر .. ازا في شي .. غلط او .. شي علميا مانو تمام .. خبرنا .. بتفيدنا .. :D

لك الله يسامحك انا بجيب شي قبل ما اتأكد منو ما عجبتني منك هالكلمة و لك عمي يمان :pos:


عا كل حال الموضوع لساتو بي اولو اليوم المسا بكملو اذا الله راد

.:D


يمان Rooooonaldo 02/11/2009 17:53

لا ما هيك القصد .. القصد انو .. حسيت ناصر .. سألك .. او خبرك هيك ..

اقتباس:

وبركي طلعوا هالكام شغلة "شغل إعلام ودعاية"؟
وشفتكم كتير .. طلعتو لبرّا .. واخدتو كاساتكم معكم وتركتو الحفلة .. والدنيا كلا جوا .. فـ انو حبيت .. خبركم .. :p

DARKNESS 02/11/2009 17:57

اقتباس:

كاتب النص الأصلي : يمان Rooooonaldo (مشاركة 1355421)
لا ما هيك القصد .. القصد انو .. حسيت ناصر .. سألك .. او خبرك هيك ..



وشفتكم كتير .. طلعتو لبرّا .. واخدتو كاساتكم معكم وتركتو الحفلة .. والدنيا كلا جوا .. فـ انو حبيت .. خبركم .. :p

من شان هالشغلة ولا يهمك هلق بخبر المشرفين يقيمو كلامنا لأنو بالفعل طلعنا برات الموضوع من شان شغلة بلا طعمة

و سامحنا عمي :D

Nasserm 02/11/2009 19:31

اقتباس:

كاتب النص الأصلي : يمان Rooooonaldo (مشاركة 1355389)
هلا ما تقلبو الموضوع .. نقاشات جانبية ..

وكملولنا الموضوع .. وعمي ناصر .. ازا في شي .. غلط او .. شي علميا مانو تمام .. خبرنا .. بتفيدنا .. :D

الموضوع إسمو "أسئلة حول أفكار آينشتاين"..

هلق اللي صار.. إنو قبل بنهار دارك بيك هرطق أمامي بالكفرية التالية: "اللي عمل آينشتاين هو الدعاية والإعلام"

هلق ساعة وأنا رد على هالافتراء.. (ما بعرف قديشو دارك بيك اقتنع.. بس متل ما صرت أعرف.. الزلمة يبرودي عنيد!!)

تاني يوم.. بلاقيه فاتح هالموضوع..

الفكرة شو؟

ماني شايف الحكي برّات السياق (خصوصاً بعد التوضيح هلق.. وكنت بتخيّل جواب دارك.. يوضّح هالحكي من أول مرة.. بس هو ما بدّو :) )

إنو إذا إنجازات آينشتاين.. شغل إعلام ودعاية.. بيكون هالموضوع مالو طعمة..

وإذا لأ (وطبعاً لأ).. بيصير بدنا "نغيّر العريس" :)

DARKNESS 04/11/2009 09:44

ھل یمكن للفضاء و الزمن التقلص و التمدد؟
 
ھل یمكن للفضاء و الزمن التقلص و التمدد؟



في الحالة المقدمة في الرسم، المركبة A تحاول العودة الى المركبة الأم من كوكب بعید المسافة بینھ وبین المركبة الأم تبلغ 1.3 سنة
ضوئیة... في المركبة A توجد قنبلة ستنفجر بعد عام واحد ویمكن وقفھا في المركبة الأم فقط...المركبة A یمكنھا السفر بسرعة تصل الى
80% من سرعة الضوء... و بالنظرة الأولى، فحتى التحرك بسرعة الضوء لا یمكنھ السماح للمركبة بالوصول الى وجھتھا في
أقل من عام (رقم 2 في الرسم)..المركبة ستنفجر خلال الرحلة قبل وصولھا الى المركبة الأم ( 3)؟ أو سیمكنھا الوصول الى المركبة الأم قبل ذلك (4)?
الإجابة تكمن في وجھة نظر المراقب؛ فالمسافة بالنسبة للمركبة الأم ھي 1.3 سنة ضوئیة، إلا أن الإنفجار سیحدث بعد عام واحد بالنسبة
للمركبة A ... بما أن المركبة A تتحرك بسرعة قریبة من سرعة الضوء، فعندما تتم مراقبتھا من المركبة الأم (6) فمسیر الزمن في المركبة A
سیبدو متباطئاً... فحسب نظریة النسبیة الخاصة، كل ثانیة واحدة تمر على المركبة الأم، یقابلھا 0.6 ثانیة في المركبة A ما یعني أن مرور عام
واحد في المركبة A یعني مرور 1.67 سنة بالنسبة للمركبة الأم... إذا تمت الرحلة لمدة 1.67 سنة بسرعة 80% من سرعة الضوء، فإن المسافة
التي سیتم قطعھا ستكون 1.33 سنة ضوئیة (1.67 0.8X) ما یعني أن المركبة A یمكنھا الوصول الى المركبة الأم قبل الإنفجار... أما بالنسبة
لمن ھو موجود داخل المركبة A فھي ستنجح بالوصول قبل الإنفجار لأن السفر بسرعة تعادل 80% من سرعة الضوء یعني أن الفضاء الفاصل
بین المركبة A و المركبة الأم سیتقلص بما یعادل 0.6 مرة؛ أي أنھ سیصبح 0.78 سنة (1.3 0.6X) في حین أنھ یمكنھا قطع مسافة تساوي
0.8 سنة ضوئیة.



يتبع ...:D

DARKNESS 09/11/2009 16:24

ماذا یحدث للكتلة عندما یقترب جسم ما من سرعة الضوء؟



من النظرة الأولى، یبدو أن القمر یدور حول الأرض... إلا أن الحقائق تشیر الى أن الأرض ایضاً تدور حول مركز جاذبیة نظام
الأرض-القمر(نقطة رقم 1 في الرسم)... قوة الجاذبیة الواقعة على الأرض من قبل القمر مساویة تماماً لقوة الجاذبیة الواقعة على
القمر من قبل الأرض... لكن بما أن كتلة الأرض أكبر من تلك الخاصة بالقمر، فمن الصعب تحریكھا، لھذا نجد أن حركتھا محدودة
(3 & 2)
النظریة النسبیة الخاصة تخبرنا بأنھ عند الإقتراب من سرعة الضوء فإن كتلة جسم ما تزداد؛ ما یعني أن الأجسام المتحركة
بسرعة قریبة من سرعة الضوء، سیكون من الصعب تحریكھا.


يتبع ....:D

حنين. 09/11/2009 18:51

دارك ما فهمت القصد مضبوط ممكن توضح بعبارات ابسط
الاجسام اللي بتسير بسرعة تقترب من سرعة الضوء شو بيصير لكتلتها؟ تزداد؟ ادا اي قديش وعلى اي اساس ومن وين اجتها الكتلة الاضافية؟
وشكرا:D

Nassima 09/11/2009 19:19

موضوع أنشتايني بحت
لك بسط شوي في ناس بدها تفهم .

DARKNESS 10/11/2009 12:02

اقتباس:

كاتب النص الأصلي : حنين. (مشاركة 1357796)
دارك ما فهمت القصد مضبوط ممكن توضح بعبارات ابسط
الاجسام اللي بتسير بسرعة تقترب من سرعة الضوء شو بيصير لكتلتها؟ تزداد؟ ادا اي قديش وعلى اي اساس ومن وين اجتها الكتلة الاضافية؟
وشكرا:D

اهلين حنين

بدك تركزي معي جدا لحتى بجوز يوصلك السؤال مو الفكرة شنو هالفكرة من عجائب الفيزياء اللي بتخلي الواحد هيك :shock:

منبلش بشوية قوانين

١-أن الجسم المتحرك يحتوي على طاقة بحكم تحركه، نطلق عليها "طاقة الحركة".

٢-تزداد الطاقة الحركية بازدياد كتلة الجسم المتحرك.

يعني اذا كان عنا سيارة تكسي و سيارة شحن عالطريق ماشيين بنفس السرعة نفرض جدلا انو السيارة صدمت سيارة تانية منلاقي انو بتصدمها و بتكون شدة الصدم أقل من الحالة اذا صدمتها سيارة الشحن لنفس السيارة مع انو سيارة الشحن و التكسي ما شيين بنفس السرعة

٣- تزداد الطاقة الحركية بازدياد سرعة الجسم المتحرك.
يعني منرجع للحادث الأول بس انو منخلي سرعة سيارة الشحن ٢٠ كم بالساعة و ضربت السيارة
و رجعت التكسي بس بسرعة ٢٨٠كم ضربت نفس السيارة فأكيد رح يكون تأثر ضربت التكسي اقوى بهالحالة

طيب معناتو منستنتج انو

الجسم المتحرك يحتوي على طاقة تسمى "طاقة حركية"، وهي تتناسب طرديا مع كل من كتلة الجسم المتحرك وسرعته.

منجي هلق لموضوعنا الرئيسي و هوي من وين اجت الكتلة الأضافية لجسم وصلت سرعتو لسرعة الضوء
حسب اينشتاين و النسبية ان سرعة الضوء هي السرعة القصوى بالكون و من غير الممكن اجتيازها بحسب اينشتاين.

طيب نفرض جدلا منحنا جسم طاقة خلتو يوصل لسرعة الضوء و تابعنا بمدو بالطاقة بدنا نوصل لحالة انو عم نعطيه طاقة بتخليه
يتحرك بسرعة أعلى من سرعة الضوء و هاد منافي لقوانين النسبية معناتو وين بتروح الطاقة الزايدة عن حاجة الجسم بعد ما وصل لسرعة الضوء؟

الجواب انو بتتحول لزيادة في كتلة الجسم بحسب انشتاين

عمليا لحد هلئ ما قدرنا نوصل شي لسرعة الضوء لنشوف هالكلام عالواقع التجريبي (بإستثناء معالجات الجسيمات
وهي أجهزة تعطي الجسيمات الأولية كالنيوترونات والبروتونات سرعات عالية تستخدم في التجارب النووية)

و توصل اينشتاين لهالنتيجة غير كل مفاهيمنا القديمة و الكلاسيكية و هز العالم المنطقي بنظرية صعب يتقبلها المنطق

يعني حسب مفهومنا و ادراكنا الطاقة شي معنوي مانها شي ملموس بس اينشتاين سواها شي ملموس
يعني تخيلو انو فيكن تحولو الحزن و الفرح لكتلة ملموسة!!!!

كان تعريفنا للكتلة هوي "ما يحتويه الجسم من مادة"
بس اينشتاين ضاف بعد تاني و شكل أخر للكتلة الا و هو الكتلة طاقة مختزنة و بناء على هالكلام ففينا اذا حررنا الكتلة نحصل عا مصدر جديد للطاقة.


.:D



حنين. 10/11/2009 13:08

شكرا داركو
اللي بعرفو ان الطاقة بتتغير من حالة لحالة يعني من طاقة لطاقة
معقول نقدر نقول ان الطاقة الحركية تحولت لطاقة "نسيت اسمها العلمي;)' طاقة كامنة ثقالية ومن هون اجت الكتلة الاضافية:?


الساعة بإيدك هلق يا سيدي 14:08 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.04234 seconds with 11 queries