|
مسألة فطاحل
في شخصين كل واحد منهن حامل سلة بيض
في محلين رح يبيعوهن البيض. دخلوا على المحل الأول وكل واحد منهن باعو كمية من البيض وخرجوا من عندو بعدين دخلوا لعند المحل التاني وباع كل واحد منهن باقي البيض اللي معو. بعد ما خلصوا كل واحد عد المصاري اللي عندو طلع معن نفس المصاري. لازم تعرف كل واحد شقد عندو بيض في السلة تبعيتو وشقد سعر البيضة من البيض اللي اشتراه صاحب المحل الأول وشقد كمية البيض اللي باعها كل واحد للمحل الأول . وكمان شقد سعر البيضة من البيض اللي اشتراه صاحب المحل التاني وشقد كمية البيض اللي باعها كل واحدللمحل التاني . ملاحظة للتوضيح:( الشخصين باعوا البيض بنفس السعر للمحل الأول , وباعوا بسعر تاني للمحل التاني) يعني سعر البيضة عند المحل الأول مختلف عن سعر البيضة للمحل التاني يعني بالمحل التاني سعر البيضة أكتر من المحل الأول أو بالعكس |
هلق في حل طلع معي :
اذا قلنا بالمحل الاول سعر البيضة = 1 ليرة و بالمحل التاني = 2 ليرة و الشخص الاول معو 85 بيضة و التاني معو 50 بيضة الاول باع 80 بيضة للمحل الاول بسعر 80 ليرة و باع الباقي ( 5 بيضات ) للمحل التاني بسعر 10 ليرات ..... 80 + 10 = 90 ليرة اما الشخص التاني باع 10 بيضات للمحل الاول بسعر 10 ليرات و للمحل التاني 40 بيضة بسعر 80 ليرة ....... 10 + 80 = 90 ليرة ـــــــــــــــــــــــــ ـــــــــــــــــــــــــ ـــــــــــــــــــــــــ ــــ شو رأيك ؟ |
والله انك نمر سوريا
بس بدي أكتر من حل وشكراً:clap: :clap: :clap: :adal: :adal: :adal: |
| الساعة بإيدك هلق يا سيدي 06:37 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون