|
الدرس السوري من الأزمة اللبنانية
بعد أربع أيام من الأزمة اللبنانية التي شدتنا الى الشاشات بدء الحديث عن الدروس المستفادة لاكتشف ان السوريين هم من المفترض ان يكونو المستفيد الاكبر من الازمة اللبنانية ان استبعدنا منطق حزب الله والحكومة
الحديث بدء بالامس مع صديق لي في لبنان سالني : بدل ان تهاجموا حكومة السنيورة وتصفونها بالفاقدة الشرعية لم لا تهاجمون حكومة العطري ؟ الم تقطع الكهرباء عليكم في الصيف؟ الم تخطئ في مواجهة ازمة المازوت والمحروقات ؟ الم يستشري الفساد في القسم الاقتصادي ؟ الم يزد العجز في الموازنة السورية؟ اذا ما الذي يمنعكم من النزول الى السبع بحرات والاعتصام واسقاط حكومة العطري في الشارع شانكم شان المعارضة التي تدعمونها في لبنان ؟ بطبيعة الحال كنت ساجيبه بكلمة واحدة وهي الاعتصام= فرع = شحط= اعتقال = بدنا نعيش وبالفعل ما العبرة التي لابد للسوريين ان يستخلصوها من الازمة اللبنانية الحالية phoenixbird |
اقتباس:
|
اقتباس:
بعدين بالرغم من كل سلبيات و فساد حكومة العطري ..... بتوقع تشبيهها بحكومة السنيورة هو خطأ كبير |
اقتباس:
بغض النظر عن ظروف كل منون الخارجية |
اقتباس:
|
اقتباس:
أنا ما استنتجت غير أنو .... منطق القوة .. عو المنطق الماشي و بقدر ما بتكون قوي .... بكون معك حق |
وبهالحالة شو العمل مع الحكومة اللي عنا اللي قالت اليوم انو ازمة الاسعار ولت الى غير رجعة؟
|
اقتباس:
الجولان ما فينا نحرروا لظروف معروفة بس شاطرين نفتخر بانتصارات غيرنا وارضنا من 40 سنة محتلة سياسة النظام ما منسترجي باي طريقة نعترض عليها كمان لظروف معروفة بينما شاطرين بس نعترف بحق غيرنا بالمعارضة والتظاهر و الانقلاب على الدولة بينما نحني اذا الواحد كتب مقال بالانترنت بيحاكموا بتهمة تغيير الدستور أنا ما استنتجت غير أنو .... منطق القوة .. عو المنطق الماشي و بقدر ما بتكون قوي .... بكون معك حق هي معك حق فيها مية بالمية وبتنطبق بالاول على الشعب المقهور اللي ما بيطلع بايدو يعترض على قرارات اللي حاكمينو مشان هيك بتلاقين راكبين علي وما هامن شي |
اقتباس:
هلق بالمانيا صار في غلاء اسعار بس مو متل ماصار عنا يعني مثلا الشغلة اللي كان حقها يورو صارت يورو وعشرين سنت وهيك .... ورغم هيك الناس ما عجبها الوضع بلشوا بالاضرابات عمال القطارات اضربوا وبالاخير رفعولن رواتبن 12 بالمية وهي زيادة اصعاف زيادة الاسعار , ونفس الشي بالنسبة لموظفين البريد وغيرن السياسيين والحكومة بما انو قربت الانتخابات بيخافوا انو الشعب يبطل يبنتخبن صار شعارن الوحيد تخفيض الضرائب و رفع الرواتب وتحسين ظروف المعيشة للشعب منرجع لسوريا...... بتقدر تقلي ليش مثلا الحكومة اللي عم تحكي عنها لازم تعالج ازمة الاسعار؟؟؟ في حدا اعترض؟ في حدا طلع مظاهرة؟؟ في حدا عمل او حتى فكر يعمل اضراب؟؟؟ في حدا خطر ببالو يحتج باي طريقة كانت؟؟؟ يا ترى بشار الاسد بيخاف مثلا بالاستفتاء الجاي الناس ما ينتخبوا لو ما عالج قضية الاسعار والحريات و الوضع العام بالبلد ؟؟ اكيد لاء لانو عرفان انو ما حدا بيسترجي يقلو لاء مشان هيك ما في حل يا صاحبي |
اقتباس:
نحن مو شاطرين غير أنو نحيي الحركات التحررية بالعالم بأعلى صوتنا وما منطلع على حالنا ونحاول نتحرر أو نطالب بحقوقنا بالصوت العالي الشعب التعن سلافو من الغلا اللي صار وما سمعنا لا عن اضراب ولا مظاهرة ولا شي كلام رفيقك اللبناني صحيح تماماً |
طيب والحل ترتفع الاسعار ويلتعن نفس الشعب والعالم ساكتة ؟
|
تعلمت انو السكوت فن ....
يا ريت عنا قوى تحرر ما كانت سمحت للحكومة تبعتنا اللي كمان فاقدة الشرعية وقانونيا يجب زوجها بالسجون " لإنو في جريمة بسوريا كانت تطبق على المعارضين للنظام في الثمانينيات والتسعينيات إسمها تهديد النظام الإشتراكي " وفي معتقلين لهلا من هيديك الإيام معتقلين لهلا بتهمة تهديد النظام الإشتراكي ... حلو الحكي هيدي الحكومة هددت ولعنت رب النظام الإشتراكي بسوريا .. شو مشان الحكم ... بس بصراحة شعب قطيع تحياتي الحارة ظل جيفارا |
الدرس الذي تعلمته كمواطن سوري هو القناعة التامة بأن العالم لن يرتاح و الخراب و الفوضى في الشرق الاوسط لن ينتهي الا بتغيير النظامين السوري و الايراني.
|
عم بسال على حل من الارض مو من المريخ؟
|
اقتباس:
واضح اول شي إنو المنهج مستورد وع قولة فيروز هب الغربي وطاب النوم تحياتي الحارة ظل جيفارا |
اقتباس:
بس حل عن سما ربي حالياً يلا حباب فرجينا شطارتك و روح سقّط الحكومة ..و من بعدها تعا سبلك شوي ع حزب الله هيك بتصير قبضاي :gem: |
اقتباس:
فرجينا انك غير هالشعب و انك شاطرة ..و انك ما بدك تحيي أي قوة تحرر بالعالم و ادعيلنا على شي مظاهرة لاسقاط الحكومة السورية ..و كوني انتي اول مين ينزل على هالمظاهرة وقتها بحقلك تنقدي باقي الشعب يللي ما تظاهر و قتها بحقلك تنتقدي يللي عم أيدو حزب الله |
اقتباس:
و المفروض أي كائن بيدعي لانفصال أي جزء من سوريا ... يتحاكم بتهمة الخيانة العظمى .... و يتخوزق بأي ساحة عامة |
| الساعة بإيدك هلق يا سيدي 02:54 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون