|
سؤال للصبايا والشباب
هلا انا راح اسئل سؤال موجه لكل شاب او بنت بعمرمؤهلين للزواج يعني اذا كنت شاب وحسيت بانك بدك تكون عيله وبدك بنت تناسبك ومابدك الزواج عن طريق الاهل ومشاكله وين بتدور على البنت ومعقول انك اذا شفت بتي وعجبتك بلشارع بتروح وبدك تحكي معها خاصه اذا ماكنت بتعرف رد فعلها وللبنات اذا يعني حسيتي انك بدك شريك بحياتك بتقدي بلبيت بتستني ولاشو بتعملي:D
|
انا بالنسبة الي ازا فعلا شفت بنت عجبتني وفيها المواصفات اللي بدي اياها بجكي معها وشو ما يصير يصير !!!!
شو بدها تقتلني يعني؟؟؟؟؟؟؟ وشكرا عالموضوع يامان....:gem: |
انا شفت بنت و ما كنت اعرفها
و اعجبت فيها و قلت لنفسي هذه التي ابحث عنها و مشيت وراها و حكيت معاها و سألتها مرتبطة ام لا و الحمد لله لم تكن مرتبطة المهم شغلت الاهل وراء الموضوع ................... و اليوم عندنا بنتين امورين و حلوين :hart: |
بحط إعلان بالصحف اليومية :p
|
انا اذا شفت البنت يللي تعجبني ... ما بئرب عليها أبدا .. ولا بسألها اذا مرتبطة ولّا لأ ..
لأنه على الوضع الحالي ... لازم استنى كتيــــــــــــــــــــــــــــــــــــــــر .. مو بس انا معظم شباب هالوئت وبس أظبط وضعي ... برجع لى نفس الشارع يللي شفتها فيه وبستنى .. بس تعدي بسألها ... ;) |
اقتباس:
و مين حكالك اني ما صبرت كتير انا صبرت كتير و كتير جدا اكثر من سنتين حتى وافق ابوها و سنة و نص بعدها خطوبة و المخفي اعظم امهم تكون ارادتك قوية يعني صراع كسر عظم :gem: |
والله متل ما حكى الاخ الي فوق بشوي ... مو اول شي الواحد يزبط حاله ازا كان راتبه 5000 ليرة ومافي دخل تاني من وين بده يلحق؟؟؟؟هيه والله الشب الي بسوريا مسكين وخاصة لو طلعتله بنت واهلها مطالبهم ما بتخلص احسن الواحد بنقبر وما يتزوج....... لا جامعة بخلوك تخلص ولا شغل متل الناس بتلاقي .... الله تعالى اعلم بالوضع
|
واللي صبر 8سنين ولهلق بلا خطبة
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
الله بعين ويفرجها يارب..... اول شي الواحد ليعرف كيف يخلص حاله من خازوق هالدنيا ومصاريفها وبعدين ليشوف الخازوق الي جاييله من ورا اهل البنت طبعا مو كل الاهالي بتكون طلباتهم كتيرة بس اقل شي بيت وسيارة خدامه وغير هيك حفلة مطنطنة وشهر عسل ودهب والماس .... بصراحة هادا من حق البنت يعني هي اصلا فرحة وحدة بالعمر كله بس كمان شو بده يلحق هالشب لحتى يلحق والله العظيم البنات بلاقوا شغل اسرع واسهل من الشباب وغير هيك رواتبهم بتكون غيييييييييييييييييييير وطبعا كل التسهيلات الهم يعني ما بكفينا انه كل شي عم يغلى ومافي شي رخيص وشغل مافي كمان الله بعين لك كله هالعمر وبدنا نعيشه لو شو ما ساوينا ومو بايدنا الشغلة بايد رب العالمين.... |
اقتباس:
الله يعينك يارب ويفرجها .... |
| الساعة بإيدك هلق يا سيدي 13:28 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون