|
اقتباس:
|
m
اقتباس:
|
اقتباس:
ما فهمت كمان ليش عم تقول ضرب من الغرور.. وشكرا.. |
m
انا أول شي عم علق عحكي البروفسور بانو هالحكي نوع من الغرور الموجود بأوربة واللي بيتعدى لكل شي الوعلاقة بالعالم الثالث وخصوصا العرب واللي أول مابيبدا باللغة يعني اول ما بتجي لأوربة عندك فكرة انو الناس كلا بتحكي لغات وخصوصا الانكليزي بعد فترة من المعيشة بتكتشفي انو هالحكي مو مظبوط وانو اتقان الانكليزية محصور بالبرفيسورية اللي عميشاركو بمؤتمرات أو اللي بيشتغلو بشركات متعددة الجنسيات وهي نسبة ضئيلة أما بالنسبة لباقي المجتمع فما في هالفرق الكبير وبالنسبة لأوربة فالجيل الشاب هني بيحكوا انو غير متقن للانكليزية ونادر لتلاقي حدا مهتم بالأمر وهاد موجود عند الفرنسيين والألمان وبتوقع أسوأ عند الطليان بالنسبة للأجانب اللي بدون يدرسوا خصوصا اذا كان بلد غير ناطق بالانكليزي فمهما عمل كورسات لغة بيحتاج ليتعلم لغة المحادثة لسنة على الأقل اوسنتين بتختلف من بلد لأخر وخصوصا اذا كان البلد بيحكي لهجات متعددة وهي الفترة أصعب فترة بالدراسة لانو بيكون فيك تكتب وتقرا بس الحكي وطلاقة اللسان فبتحتاج وقت وهون بتواجهي صنف من البشر عقلو منفتح بيتعاطف معك وبيشجعك وبيساعدك وصنف غبي ومغرور بيوقف ضدك وبيرجعا لعقدو النفسية العرقية والدينية
|
بصراحة ....وبكتير من الاحيان مابحب صرّح عن انو كوني عربي و لاحتى سوري ......
محل مالي مقيم السوريين والعرب عامّة عندن مشاكل ...شي من اجل الاقامة ..شي منشان موضوع مصاري و النصب الخ .... ولتتبلور الصورة أكتر...محل اقامتي هو للشغل لادراسة و لا غيرو..ولمّن بيجي شخص من أي جنسية و بينصب على شي معمل أو مابيعطيه كامل حقّو وبتتكرر هالعملية أكتر من مرّة...من نفس الجنسية... بهالحالة الطرف التاني رح ياخد موقف من أصحاب هالجنسية ...حتى لو كنت نضيف وماعليك مشاكل ....الّا ما تجيك طرطوشة بهدلة .......:sick: اللي استوقفني فقط كلام الزميل قرصان ..... ياراجل ....مابتحب تكون عربي و بتلاقيك عمبتزخرف كلامتها و تظهر كنوزها .....:p |
اقتباس:
|
اقتباس:
|
اقتباس:
طيّب وإذا كنت سوري وماني عربي فليش لأكذب على حالي وعَ الآخر ووافقو على أنّي عربي؟! كل إيطالي تعرّف عليّ صار يعرف الفرق بين الانتماء العرقي وبين كون مواطن سوري يحمل جنسيّة هالدّولة. ليش الأرمني السوري هو عربي؟ ولا الكردي السوري؟ ولا الآشوري السوري؟ كلنا سوريّون بس قوميّاتنا تختلف وحلو الإنسان يعترف بهالانتماء! المشكلة أنّو فكرة "العروبة" يللي سوّقتلها التيارات السياسية والدينية خلت "الصومالي" يصير عربي!!! وهالشي غير صحيح ونحن لازم نغير المفاهيم عند الغرب... سورية هي بلد السوريين بكافّة فئاتن العرقيّة والدينيّة. فأمّا أنو كون جزء عبر "اللسان" فللأسف هالشي غير صحيح، لأن الأميركي بلغتو الإنجليزيّة ليس "إنجليزيّاً" والسويسري بلغتو "الإيطالية" أو "الألمانية" أو "الفرنسية" ليس إيطالياً ولا ألمانياً ولا فرنسياً... وهاد حالي أنا: سوري بجنسيتي سرياني بقوميتي عربي بلغتي... وهيك عاجبني حالي! ماني مستعد أتخلى عن لغتي الأم "العربية" ولا عن قوميتي "السريانية" قومية آبائي ولا عن جنسيتي "السورية" برغم البهادل اللي تعرضتلها بسببها! وبظن بيكون هيك وضحت أنو ماني مالنوع اللي بيهرب أو يتحجج... مع التحيّة والحب :D. اقتباس:
القصة يا صديقي مو قصة حب كون أو ما بحب كون... لو كنت عربي ألك عليّ ستلاف يمين أنّي خبر البشرية كلها عن انتمائي هاد! بس أنا سوري يا أخي بالجنسيّة يعني بالمواطنة ورضيان وحابب بلدي على علاتو... ولغتي عربيّة وكمان رضيان وعشقان لغتي للعضم... بس قوميتي سريانيّة (آراميّة) فليش لغيرا ما دام رضيت بما سبق؟! ما رح عيد الله يخليك لأنّي شرحت القصّة للرفيقة المناضلة القانونيّة ناي :p. وميت وردة :D. اقتباس:
إذا سمحتلي، كونك سوري بالجنسية وعربي بالقوميّة فيك تقلي لأيّ قبيلة بتنتمي؟! :D. |
اقتباس:
يعني أنا خدمت في الجيش السوري و من البديهي أن يكون في الجيش من جميع سكان سوريا حتى النوار كنا مع بعض و من الطبيعي كنا نسأل بعضنا البعض عن الأنتماء العرقي أو الطائفي و لم يكن مفروض علينا يوماً ما أن يتنكر كل منا الى الأنتماء العرقي أو الطائفي و لا أذكر أننا عانينا من شيئ مبهم أنو لا يحق لك سؤال أي شخص عن ملته بالعكس لو لم أخدم في الجيش لما تعرفت عن كسب الى الأخوى من الأعراق و الملل الأخرى بجي على مدينة حلب طبعاً عندنا في مدينة حلب من أكبر التنوع السكاني في سوريا فعندنا الأكراد في الدرجة الأولى و يأتي بعدهم الأرمن و هذه الشريحة من الكم الضخم من البديهي أنها متشعبة في المجتمع من التعامل اليومي في الصناعة و التجارة و خاصة الأرمن فهم كانو ملوك صيانة السيارات و الخراطة و التسوية و الصياغة الخ ... أما الأكراد فكانو مشهورين في زيت الزيتون أضافة الى العدس و أشياء أخرى من الزراعة الجويدة أما السريان كما أذكر فقد كان هناك طلاب جامعة و كنت أزورهم بين الحين و الأخر أضافة الى حي السريان القديم و الجديد أريد أن أقول هذه أشياء بدهية و لا داعي للأستغراب من حق كل أنسان أن يفخر بأنتمائه أي كان نحن سوريين نعم و لكن لسنا كلنا عرب و هذا بديهي جداً و لا يوجد دولة في العالم لا يوجد بها تنوع عرقي و ديني أنا بذكر كان واحد أرمني كنا نعمل مع بعض حصل على جواز سفر و أراني أياه فوجدت مكتوب عليه أنه عربي سوري فعلا أستغربت كثير و شعرت أن هناك أجحاف بحق هؤلاء الناس يعني أنا حالياً أحمل جنسية البلد الذي أعيش به نعم أنا أحمل جنسيتهم و لكن الناس يقولون عني ذهب السوري و جاء السوري حتى أولادي يقولون لهم العرب مع أنهم ولدو هنا و لا يعرفون عن سوريا شيئ ألا من خلال الزيارات القليلة الى سوريا يا جماعة عادي جداً الحب لا يفرض بالقوة بل يفرض بالحب المتبادل |
لوين وصلتوا؟؟؟
شنو الموضوع؟؟ |
مو عدل تفوتو بهيك نقاش وما تسمحوا غير لفئة معينة تناقش:jakoush:!!
انا اعترض.. |
اقتباس:
افتح موضوع للشباب تحت سن 25 (صدقني لو كانو توجهو للشريحة فوق 26 كنت ضربتهون بمقتل وفتحت موضوع للشباب تحت 26 ) بس للاسف انا بندرج مع مجموعة الشيوخ :sick: مافيني اروح افتح موضوع جديد . بيضل بالنهاية هاد موضوع واحد بس للشيوخ من محصلة عدد حالي الاف الموضوعات بالاخوية . الصالون فيه 3129 موضوع والسقيفة 2819 موضوع هذا غير امكانية فتح أضعاف اضعاف هذا العدد ، ما كتير موضوع واحد على الشيوخ "الطاعنين بالسن " . وبنفس الوقت انا مقدر شعورك القوي بالمشاركة واذا بدك تطلع بمظاهرة انا رح اطلع معك . |
اقتباس:
|
اقتباس:
|
اقتباس:
|
للتذكير مو اكتر .....ابو نجبو وابو العبد وانا لما حبينا نفتح الموضوع ...حبينا يكون فيه زاويه خاصه النا الي فوق 25 عشرين ..مع كل الاحترام للكل ..ما كان القصد انه نمنع حدا او ما تقليل من قيمه حدا ...مجرد ..لمه شيوخ مو اكتر ..وحابين يكون فيه نقاش مع شويه بسمه ..لا طق حنك ول ا تحويل الموضوع لطق حنك ....
فا بتمنى محدا لا يزعل ولا ياخد موقف ..او يحس انه تقليل من حدا ..وبتمنى انه ما يتحول الموضوع لطق حنك ...بالاخير ممكن نتاقش كلنا باي موضوع ...بس هل الزاويه تبعت شيوخ ..واكيد لح تحترموها ..وممكن بعد فتره نفتح موضوع لكافه الاعمار او زاويه ملهى ليلي ...لفوق ال 18 ...:p ع كل الاحوال منتمنى انه تكون وصلت الفكره..وورده لكل واحد فيكون :D |
اييييييييييييييه هاد انتو الختايرة هون؟؟
صرلي عمر عم افتل ودور وبالأخير بلاقيكم هون وهي قعدة وتسجيل انضمام ... زادو المشيوخ نفرا جديدا |
اقتباس:
نورت الكعدة.....:lol: |
| الساعة بإيدك هلق يا سيدي 18:47 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون