|
ضبط طالب يصور طالبات كليته خلسة بالموبايل !!
ضبط طالب يصور طالبات كليته خلسة بالموبايل تحقيقات ضبط طالب في كلية الآداب بجامعة حلب وهو يصور طالبات كليته متخفياً خلف أحد أدراج الكلية، والطالب "س . ز" هو طالب في السنة الثانية في قسم اللغة العربية، وقد صدر اقتراح بفصله من الجامعة مدته ستة أشهر. عميد الكلية ونائبه ضبطا الطالب صدفةً بالجرم المشهود قال نائب عميد كلية الآداب الدكتور غسان دهان لـ سيريانيوز "ضبطنا الطالب بمحض المصادفة، حيث كنا موجودين في بهو الكلية، فنبهنا أحد الطلاب لوجود طالب بجانب الدرج المجاور للمصعد (المفضي إلى بهو مدرج الجاحظ) يصور طالبات الكلية باستخدام الموبايل، فضبطته بوجود الدكتور عميد الكلية السابق". وقد وقعت الحادثة خلال امتحانات الدورة التكميلية، وعثر في ذاكرة جهازه على صور محفوظة لنفس الطالبات اللواتي كان يصورهن. لجنة الانضباط تقترح فصل الطالب ستة أشهر من الجامعة قررت لجنة انضباط جامعة حلب فصل الطالب لنصف عام، ورفعت اقتراحها إلى مجلس الجامعة. وقد تقدم عميد كلية الآداب السابق بطلب إحالة الطالب المذكور إلى لجنة الانضباط لمخالفته الآداب العامة. وقال رئيس فرع اتحاد الطلبة بجامعة حلب عبد السلام ضويحي "توجهنا كاتحاد طلبة نحو التشدد بالعقوبة في الإساءات اللاأخلاقية حفاظاً على قيم مجتمعنا". وتابع ضويحي "لقد وقفنا بجانب الطالبات اللواتي تقدمن بشكاوي خوفاً من استغلال صورهن بقصد الإساءة لهن عبر التلاعب بالصور". ووضح الدكتور دهان "إنه رغم العقوبة التي صدرت بحق الطالب إلا أنه يحق له التقدم بكتاب إلى لجنة التظلم لتخفيف العقوبة عنه، كما أتمنى أن يراجعني في مكتبي كي يأخذ موبايله الذي بقي عندي". خبير اجتماعي "الفعل الشاذ ينشأ من الحرمان أو الحرية" قال خبير الإرشاد الاجتماعي منتصر السيد عمر "إن تلك الأفعال هي أفعال شاذة و ينشأ الفعل الشاذ من الحرمان وأحياناً من شعور المرء بالحرية والانفتاح المطلقين". في حين قال الدكتور دهان "الطالب قد أخطأ ولا يجب علينا أن نقسو في عقابه، فقد وجدته إنساناً مهذباً رغم أن خطأه كبير". وتابع السيد عمر "قد تنشأ أساليب شاذة لدى بعض الشبان بسبب حاجتهم للجنس الآخر تعبيراً عن تلك الحاجة بسبب أسلوب التربية الذي يضع الحواجز الوهمية بين الجنسين". فراس ديبة - سيريانيوز |
شو رأيكم بهل شي ؟؟!
|
كأني شايف انو عاطيين الموضوع اكبر من حجمه بكتير، يعني ربما يكون الشب بيحب وحدة من هالبنات ، وهي مو حاسة فيه ،وعم يصورها لحتى يضل يشوفها..باعتبار انو اللي بيحب ، وخاصة بهالعمر، بيتمنى يشوف اللي بيحبها بشكل دائم حتى بالصورة.. انابشوف انو هالشي وارد جدا،وعادي جدا.وماله هالجريمة العظمى.. وبعدين يعني ماعم يصورهن بأوضاع مشبوهة او بلباس معين
وقرار فصله من الجامعة ست شهور قرار ظالم، وممكن يدمر مستقبله، خاصة وانو ممكن تسوء سمعته بالجامعة وبالتالي رح تتسببله بمشالك نفسية واجتماعية ماحدا بيعرف شو نتائجها وصحيح الكلام اللي قال انو هالشي هو نتيجة الحواجز بين الجنسين، مو مهم شو نوع هالحواجز ، وهمية او حقيقية، ومهمة الاخصائيين الاجتماعيين، وادارة الجامعة متابعة هيك امور وايجاد الحلول الها،بدل ما يدمرو مستقبل الشب بمثل هيك قرارات. شكرا الك اش:D |
هالطالب... منتوف وشكلو زعبوط!!!
|
ههههههههههههههههههههه
يخرب عقلو بدو اخصائي نفس |
هاد مريض نفسي عاها ،
بعدين كيف بيحبها و عم يصور الكل شو بدو يحبها و يحب الكل معها مثلا ولا شو ؟؟ |
العمى ما اغباه قال صعبة انو يروح يشتري شي فلم و خلصت الشغلة:shock:صرورية الو هالبهدلة:pos:
|
اقتباس:
|
اقتباس:
اقتباس:
وبتمنى ماتزعلو اذا بقلكن اني تفاجأت بردودكم، اللي عم توصف الشب بإنو عاهة وغبي ومدري شو ، بس بناء على خبر ماحدابيعرف اذا كانت تفاصيلة صحيحة ام مبالغ فيها، خاصة وانكم على الاغلب كمان طلاب ومثقفين بعدين لنفترض انو هالشخص اخطأ..يعني لازم ينقضى على مستقبله وحياته ولازم بقى نرميه بالرصاص قدام كل طلاب الجامعة لحتى يكون عبرة لغيره مع احترامي لكم جميعا. . بس انا ما بأيد كلامكم تحياتي:D |
ذكرني بفيلم American Pie الجزء الرابع :p :gem:
|
اقتباس:
يعني اخي ما بعرف انتو شلون بتفكرو انا يلي بفكرو على حسب ما انت حاكي الشب مو مريض ولا شي وهاد شي عادي و فترضت انت انا لما بحب وحده بوقف من بعيد بصور فيها متل يلي بحياتو مو شايف شي ، يا اخي ليش شخصة الشغله انو هيك عاديه و هيه مرض تخيل الشب اخي مو مريض مثلا لنحكي ابنت حرام بيصور البنات و بيبعت هل صور لصحابو ويلا و بتنتشر القصص و كمثال البنات كان عم يضحكو و يمزحو او عم ينكتو اوا او او او او و نتشر هل شي بين الشباب و هوه راح الفلو قصه ويلا يا معلم فسرلي ياها هلا السؤال لو كانت صاحبتك وحده منهم او وصلك هيك شي عليها ات لح تحكي يلي مصورها شب مريض ولا شب بيعرفها ولا شب شو بالزبط ؟؟؟ هيك صار الموضوع بمنحنى تاني بس بنفس فكرتك تفضل |
تخلف
في جملة بعتقد انها بتنفع كتير هون " كتر الشد بيرخي " |
اقتباس:
تانيا.. بسؤالك انو اذا كانت هالبنت (صاحبتي) مع اعتراضي على هيك تسمية ، هون بدي قلك انو انا ذكرت قبل هيك بانو هالشب ماصور هالبنات بوضع مشبوه لحتى يستغله لتشويه صورة هالبنات، والبني آدم اللي مابيعرف صديقته شو هي ، وبيصدق اي شي بينحكى عنها من خلال صورة ،بتكون المشكلة عندو ، يعني بمخه، وبتركيبة شخصيته، وطبعا في فرق كبير (عند بعض الناس)بين صاحبتك، وبين صديقتك او حبيبتك، مشان هيك قلتلك مابتعجبني هيك تسمية. وبالنهاية حتى لو كان الشاب مريض..مابيصير نطلق عليه هيك الفاظ، وانما لازم نسأل حالنا ليش هو مريض وليش عم يعمل هيك... ولا انا غلطان؟؟ سلامات:D |
هلا انت مو غلطان يا صاحبي بس بالنهايه اسمو مرض بمعنى او باخر
وشكرا لمناقشتك |
يعني هلق بحياة الله في شي شخص بهالدني اسا مانو مصور شي وحدة؟ وخاصة هلق بعد موضة هالموبايلات تبعوت الكميرة والي في منون دقتون احسن من دقة كميرة عادية؟
يعني انو ما بس عنا هيك بكل محل بيصور الشب شي بنت والبنت بتصور الشب , بس مافي غير عنا بينحرم الزلمي من الجامعة وبحياة الله حدي فينو يقلي شو المرض الي مع هادا الشب والي بيميزو عن 90 % من باقي الشباب؟ يعني مرض نفسي هوي الوحيد معو اياه غير عن كل شبابنا |
اقتباس:
:D |
انا مع سمسوم يعني الطالب ما عم يصور البنات بوضع مشبوه
يعني فرضا اذا في كمرات مراقبه بلجامعه و انا عم اتطلع على هل الكميرات ما بكون انا مريض ؟؟؟ تاني شي ما بجوز من اداره الجامعه انها تفتش بموبايل الزلمه و يفضحوه يعني يمكن حاتط في صور ما بريد حدى يشوفا و ملاحظ من موجب الكلام انو عم يقبضو على شي مجرم خطير ضبط طالب في كلية الآداب متخفياً خلف أحد أدراج الكلية، ضبطنا الطالب بمحض المصادفة، وقد وقعت الحادثة خلال امتحانات الدورة التكميلية، |
كسرنا الدف و بطلنا الرقص اخي خلص ما تزعلو شبكم زلعتو
انا االمريض النفسي و العاها ، وهوه الانسان الطبيعي السوي :D خلص طولو بالكم معلش غلطان منكم السماح شبيبه ، بس انا ما بتزكر بحياتي غير اني صورت حالي لاني بحب التصوير او تصورت مع حدا بمحض اردتو :D خلص لفوها |
| الساعة بإيدك هلق يا سيدي 12:27 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون