|
اقتباس:
مو هالقد صعبة.. إنو لازم يكون حدا لقط طرف الخيط |
اقتباس:
هلأ انو اكتر الارقام ازا جمعناها بيعطينا رقم بينقسم ع9 (ما بعرف):shock: هلأ انا حاولت فكر و كتير كل ما قول عرفت,لاقي شي غلط او مش مقنع.. يا ريت تقول!! :D |
اقتباس:
أول مرة بقرا هالمسألة.. حلّيتها دغري.. وقلت نفس الجملة "مانها صعبة".. اقتباس:
ملاحظة غير موفّقة اقتباس:
أو تكون رايحة عن بالك فكرة صغيرة.. بس تلقطيها بيمشي الحال :) على فكرة.. أحلى شي بالحزازير.. إنو الواحد يستنتج الحل لحالو.. بدون ما ياخدو جاهز مو؟ |
مو :p....
|
اقتباس:
يعني لحتى يقبل رقم القسمة على تسعة لازم يكون مجموع مركباته من مضاعفات التسعة ... بس ليش ما قدرت اربط ... وبصراحة ما كتير حاولت فيها :p |
بسبب النظام العشري المتكون من الاعداد من 1 - 9
رح ناخذ مثال عملي هلا اذا اخذنا عدد مكون من رتبتين (العشرات x و الاحاد y) .. عمليا رح يكون العدد 10x+y .. و حسب المعادلة المعطاة ... 10x + y - (x+y) =z يبقى العدد المتكون يقبل القسمة على 9 :lol: و نفس الشي اذا تقدمنا بالرتب ... رح يظل العدد متكون من مجموع اعداد (تكون من مضاعفات العدد 9) |
يعني مثلا : بتصير
10x-x+y-y=z وبالتالي 9x=z معناها انه العدد z رح يقبل القسمة على تسعة دوما لانه قدرنا نكتبه كجداء عدد تاني ب تسعة يعني لوكان عدد من 3 مراتب رح يصير : 100x+10y+z-(x+y+z)=q 99x-9y=q 9(11x-y)=q كمان صارت q جداء عدد بتسعة وبالتالي بيقبل القسمة عليه ! مابعرف ممكن |
اقتباس:
|
هي ممكن مهي استفهامية ... وانما استنكارية :p
|
هلئ من المعروف انو ليكون الرقم قابل للقسمة على 9 لازم يكون مجموع ارقامو بيقبل القسمة على 9
متل 1467 : 1+4+6+7 = 18 بيقبل القسمة 1467 ÷ 9 = 163 هلئ هون اللعبة اللي عمتصير انو في شي قانون بيتعلق بطرح مجموع هالأرقام من الرقم الأساسي بيعطي حتما ... قابلية للقسمة على ال 9 ...بس الا ما يلتقى ابن هالحرام :frown: ابو سارة ... يستر على عرضك ... لا تحطلي نظريات x,y,z انا ال a,b,c لسا ما خلصت منهن :lol: حطلي السينات والعينات والصادات ... وامثلة .. ممكن افهم عليك اكتر :pos: |
اقتباس:
هلا اذا الرقم 65 ... مو يكون 5 + 60 ... فاذا فرصنا انو مرتبة العشرات س و الاحاد ص لذلك رح يكون العدد ... (10س +ص) و مجموع الاعداد س+ص رح يطلع العدد الجديد ع = 10س +ص - (س+ص) = 9س وصلت ؟؟؟ :lol: |
طيب وحدة بتشبهها..
خلينا ناخد أي عدد مكون من تلات مراتب.. مثلاً ( 865 ) وخلينا نكرر نفس العدد على يسارو.. حتى نحصل على عدد مكوّن من ست مراتب.. يعني رح نحصل بمثالنا على العدد ( 865865 ) رح نلاقي إنو العدد الناتج.. حتماً بيقبل القسمة على 7 (مهما كان العدد الثلاثي اللي انطلقنا منو) وأكتر من هيك.. كمان بيقبل القسمة على 11 وعلى 13 (رغم إنو منعرف الأعداد اللي بتقسم على 7 و 11 و13 قليلة نوعاً ما) إذن.. السؤال هو: لماذا؟ حلل.. و.. ناقش.. و.. علل.. |
هلئ 7 × 11 × 13 = 1001
وبتذكر حسب نظرية ( ما عماتذكرها شو كان اسمها بالزبط او النص الحرفي للنظرية .. لكن بما معناه ) أي عدد الآحاد والعشرات والمئات هوي نفسو ال الآلاف وعشرات الآلاف ومئات الآلاف بالتالي حصراً بيقبل القسمة على 1001 |
اذا اشتغلنا بنفس طريقة المرة الماضية ... العدد عنا رح يكون من الشكل : 100,000x+10,000y+1000z+100x+10y+z=Q بجمع الحدود المتشابهة وباخراج 1001 عامل مشترك : ( Q = 1001( 100x + 10y + z ومتل ما قال احمد فوق 1001 بتقبل قسمة على 7 او 11 او 13 |
اقتباس:
اقتباس:
بس الفكرة صحيحة.. أي عدد آحادو وعشراتو ومئاتو هني نفسهن بالترتيب آلافو وعشرات آلافو ومئات آلافو.. بيكون ناتج عن العدد الأول بعد ضربو بـ 1001 يعني.. لما كررنا رقم ماااا (بمثالنا كان 865 ) صار عندنا 865865 865865 = 865 + 865 × 1000 = 1001 × 865 ومتل ما قلت أبو حميد.. 1001 = 7 × 11 × 13 إذن.. محلولة.. و.. هلا والله |
اقتباس:
حدا عندو شي مسألة.. أو منقول وحدة جديدة؟ |
هات لنشوف وحدة جديدة اسمه اليوم عطلة يعني والمخ فاضي :p
|
شي مشابه ...
اذا كررنا العدد 3 مرات ... مثال 979797 ليش يقبل القسمة على 37 و 13 |
اقتباس:
نفس القصة فوق.. لما بتكتب العدد من ست مراتب بنفس الطريقة فوق.. بيطلع معك بالآخر الشكل التالي: 10101X + 101010Y = 3 × 7 × 13 × 37 × (X + 10Y) d |
عطونا شي صعب وبدو صفنة كزا يوم يا رجل :frown:
|
اقتباس:
خيو.. أنا عندي هَـوَس بـ وراق الخمسميات والميتينات والخمسينات.. حلو؟ وعم بعمل مجموعة منهن.. قام نقصني عشرين قطعة من هالفئات النقدية التلاتة.. فـ خطر ببالي هاللعبة.. أنا مستعد إدفع 100 ألف ليرة سوريا عداً مقابل 5 آلاف ليرة سورية لا غير.. ولكن بشرط.. أن تتألف هذه الـ 5000 من 20 قطعة نقدية.. تتضمّن الفئات التالية فقط: ( 500 ، 200 ، 50 ليرة) وإذا شفتو.. إنو مبلغ الـ 5000 كبير.. مقابيل الـ مية ألف.. فـ أنا مستعد إدفع 100 ألف ليرة لكل من يعطيني 2000 ليرة سورية فقط.. على أن تتألف من 20 قطعة من الفئات المذكورة سابقاً.. مين بيقدر يحقق الشرط ويقرطني بـ 98 ألف ليرة خسارة؟ يالله افردوا خمسيناتكن وميتيناتكن وخمسمياتكن.. وزبّطوا فيهن.. :) |
:shock:
ازا السؤال بدو يومين لاستوعبو!! .... |
اقتباس:
يعني هلئ المسألة كلها بتتعلق ... بانو بدك جمع 20 رقم .. شرط انو يكونو بيتضمنو بس 500 و 200 و 50 .... ويكون مجموعهن 5000 وكمان نفس الشي ... بس مجموعهن 2000 صح ؟ |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ركزي معي.. كل القصة إنو بدنا 2000 ليرة أو 5000 ليرة تكون مكوّنة من 20 قطعة نقدية وهالقطع هني من فئات الـ : 50 ، 200 ، 500 زبطيها.. وبتربحي 100 ألف ليرة ( ع السوري.. مو ع اللبناني.. يعني محرزين شوي :p) |
اقتباس:
بدي إحصل على رقم 2000 أو 5000 باستخدام تلات أرقام هني ( 50 ، 200 ، 500 ) بحيث يكون مجموع استخدامهن عشرين مرة حصراً.. وطبعاً القصة جمع لهالأرقام |
ايواا...اوكي
6 قطع من 200 و6 من ل 50 و قطعه وحده من 500 .. بسير عنا 2000:o لا تقول شيييييي عرفت غلط لأنن مو 20 قطعاااااااااا:jakoush: |
فينا نستغني عن رقم ؟ :?
|
اقتباس:
إذا بدك ياهن 19 أكيد لأ.. لإنو أنا ناقصني 20 قطعة للمجموعة :) إذا من الفئات؟ ممممممممممممممممم لحظة ت شفلك إذا بيمشي الحال مممممممممممممم إي نعم فيك تستغني عن وحدة.. :) |
طيب ازا قلنا مستحيلة ... ( وماني متأكد من هالشي .. بس هيك مبدئياً عميبين معي انو مستحيلة )
رح بتقلي اي مستحيلة ... و عطيني يا ابو حميد تبرير لهالشي ولا رح تقلي لا هية ممكنة كمّل ؟ :lol: |
ما رح قلك شي
رح قلّك.. نراك غداً :) |
هلأ هي بتزبط ع19 قطعه..بس انت ما بدك!;)
... |
يا سيدي مستحيلة ... مع سبق الاصرار والترصد :pos:
|
شو رح قلك هلق؟
رح قلك "بربرلي حتى سدقك" :) |
إي..
شو صار معنا يا جماعة؟ |
شوف رح يمشي ب18 و الباقي 200
شو رأيك بسير معك فراطه كتير!!:p يعني انا وصلت لل4800 و الباقي بعطيك قطعتين 100!! شو ؟ |
وصلت معي لل 4900..و كمان عم بتزيد اكتر..يعني يا 21 قطعه او 19 ..بس 20 لأ..
عم حاول حلها..بركي ! (ازا ما حدا عرف )! |
اقتباس:
|
طيب.. طيب صار وقت نحط الحل.. (بما إنو ماري بيل ملتهية بعيد ميلادها.. ما رح تفضى للمسألة :) )
اقتباس:
فـ منفرض إنو عدد القطع من فئة الـ 500 هو س وعدد القطع من فئة الـ 200 هو ع وعدد القطع من فئة الـ 50 هو ص هيك فينا نكتب الـ 5000 ع الشكل: 500 × س + 200 × ع + 50 × ص = 5000 وبالاختصار بيطلع معنا: 10 × س + 4 × ع + ص = 100 ولكن.. س + ع + ص = 20 فـ إذا طرحنا المعادلة الأخيرة من المعادلة اللي قبلها.. رح يطلع معنا: 9 × س + 3 × ع = 80 منقسم طرفي المعادلة على 3 فـ منلاقي إنو: 3 × س + ع = 26.66 ولكن.. طرف المعادلة الأول هو عدد صحيح.. لأن ( 3 × س ) عدد صحيح.. و ( ع ) عدد صحيح أيضاً.. في حين أن طرف المعادلة الثاني هو عدد كسري!! إذن؟ تقودنا هذه النتيجة إلى إنو الافتراض الأول بإنو الشرط محقق.. هو افتراض غير صحيح إذن.. الشرط غير قابل للتحقيق.. (ونفس طريقة الحل هاي فينا نساويها مع الـ 2000 ) |
:jakoush:المهم انو ما بتزبط ع 20و هلشي قالو اكتر من حدا مرء من هون!:sly:
و يعني ما رح نعطيك فراطه!:p |
اقتباس:
هون الـ.. إس بالقصة :) |
| الساعة بإيدك هلق يا سيدي 13:15 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون