أخوية - فيروز.. مريم الإبداع

أخوية (http://www.akhawia.net/forum.php)

- الشعر (http://www.akhawia.net/forumdisplay.php?f=18)

- - فيروز.. مريم الإبداع (http://www.akhawia.net/showthread.php?t=129690)

فيروز.. مريم الإبداع

فيروز.. مريم الإبداع *

صَـوتـِـك بهالدنية صَـلا وتـِرتيل

مِن غَيم أزرق عَ الأرض شَـتّـى

طرطَش مَحبّة عَ البَشر حتى

صاروا يشوفوكي مريم بإنجيل

لوقا ويوحنّا ومرقس ومتّا

-----------------------

* العنوان من - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
الصديق محمد علاء الدين عبد المولى

رداً على - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
الصفيق جوزيف فاضل

صاروا يشوفوكي مريم بإنجيل

لوقا ويوحنّا ومرقس ومتّا

:D:D:D

اقتباس:

كاتب النص الأصلي : Nasserm (مشاركة 1340520)

أول مرّة ما كتبتها متل فوق.. بل متل تحت..

بس غيّرتها بعد نصيحة من كذا صديق (مع إني ما كتير مقتنع بهالنصيحة!)

صَـوتـِـك بهالدنية متل مزراب

مِن سقف الله عَ الأرض شَـتّـى

طرطَش مَحبّة عَ البَشر حتى

صاروا يشوفوكي مريم لْ بالكتاب

لوقا ويوحنّا ومرقس ومتّا

وردة :D

وهيدي من موضوع "شعر محكي"

اقتباس:

كاتب النص الأصلي : Nasserm (مشاركة 1331431)

نهاد حداد

صوتِـك نـِهاد..

بـْ دَينة العالـَم..

حـَـلـَـقْ

مَا جاب متلو..

بَعْد الله..

ولا خـَـلـَـق

كلما صَـبَـاحي..

عَ دَهَـب صَوتـِـك وِعِي..

بشوف العطر..

عَ ورْقة نْـهاري..

انـْدَلـَقْ

.

كمان.. من موضوعي "شعر محكي" :)

اقتباس:

كاتب النص الأصلي : Nasserm (مشاركة 1332196)

هاي "شغلة" ذات علاقة..

غيداء وفيروز

فنانة جميلة.. لم أكن أعرف سوى اسمها و"رسمها".. -التقيتها وشكرتها فيما بعد- اسمها غيداء..
بعثتُ إليها -إلى حمص- بالصورة الفوتوغرافية الجميلة التالية للسيدة فيروز

وبعد يومين فقط كانت لدي -في دمشق- لوحة مستوحاة من الصورة الأصل تحاكيها جمالاً .. رسمتها الفنانة غيداء أحمد..

ومن شدة إعجابي بما "خَلَقَتْهُ" أنامل غيداء وريشتها.. كتبتُ لها الأبيات القليلة التالية تعبيراً عن امتناني:

نَحلِة بقَطْف الشَّهْد مِخْتَصّة
إلْهَا مع زْهُور العَسل قِصّة

مَرْقِت عَ كِلْ شِي وْرُود فَاحِت بالعَبيرْ
مَا داقِتَا.. ولا قِبْلِت تْمِصّا

ودَارِت الدنيِة.. بسّ ما لِقْيِتْ غَديرْ
مِسْتَاهل تخَصِّص إلُو حِصّة

يِئْسِت النّحلة بْهالعُمُر تعمُل قَفيرْ
وصَارِت تنُوص بْنَارْهَا البَصّة

واحْتار ألله.. وبَعْد مَا فَكَّر كْتيرْ
وحتى مَا تِخنُق نَحلتُو الغَصّة

غيداء.. عِمْلِك ربّنا بْأرضو سَفِيرْ
وتَـ تِخلْقِي للنّحل ورد.. وْتِرِسْمي
ألله بْخَلِق صَابيعك توَصَّى

.