|
علم الوطن شو بيعني
 هذا هو احد الرموز الوطنية للسيادة العلم كتار منا ضربوله تحية وقت كنا بالمدرسة وبالجيش وكتار منا رفعوه بغرفون وعلى شرف بيوتون وكتار من اللي قاعدين برا اول شي حملوه معون هو العلم العلم يرمز للوطن الوطن الكامل بكل متر منه وكل شخص عايش فيه واخد جنسيته ما بيرمز لشخص ولا لفئة ولا لدين ما رح طق حنك كتير بالادبيات بس شو اللي بيعنيه العلم لكل منا ؟ اول شي خليني خبركون شوي عنه العلم اعتمد سنة 1982 وهو نفسه علم الجمهورية العربية المتحدة سنة1958 وبشكل عام الوان العلم تبدلت قبله بالترتيب بس ضلت الالوان مثل ما هيي الابيض للعهد الاموي الاسود للعهد العباسي الاخضر للفاطمي والخلفاء الراشدين الاحمر النضال العربي ودم الشهدا وهدول هني كمان الوان معظم الدول العربية اللي اخذت من الثورة العربية الكبرى |
بدي بس قول شي
يا ريت نناقش بموضوع العلم وبس |
و الله يا حبيب قدسيّة العلم من قدسيّة البلد عندك... يعني هو رمز للبلد و ما يمثّله البلد في داخلك
أنا شخصيا معلقو بغرفتي |
:D شرحه قدسية العلم من قدسية البلد
|
:Dشكرا على موضوعك
شو معنى النجمتين؟ |
حالة الاتحاد العربي هيك تعني النجمتين
|
تسجيل متابعة
|
وين رموز العصور القديمة ؟
وليش لنتحمل حالة الاتحاد العربي ونحترمها وهي وهم ؟ انا محترم هالعلم لأنو هو هللا مطبق حالياً .. بس لو حدا اخد رأيي بتغييروا بكون اول الموافقين .. كنان :D |
العلم شغلة كبيرة ..
لما بروح عالسفارة السورية .. و بيبلش تعب القلب و المشاكل من الموظفين الشي الوحيد الي بيفتحلي قلبي هو علم سوريا .. علم سوريا معي وين ما رحت .. بيبتي .. على سيارتي و بمكتبي ... و على صدري حاطط شعار بخريطة سوريا و علم الوطن .. حماك الله يا سوريا |
اقتباس:
مثلا ضمن الشعار اللي بعلم اسبانيا موجودة رموز فقط خمس مقاطعات من أصل 18, و غرناطة حاطيلها الرمز العربي تبعها , يللي هو ثمرة رمان صغيرة.. حاسس حالي حكيت كتير عالفاضي ما هيك؟؟ حدا فهم علي شي؟ |
اي اساسا العلم انا قلت اعتمد بشكله العام من ايام الثورة العربية الكبرى وكتار الدول اللي اخدته بس عدلت شوي متل الاردن الامارت السودان سوريا العراق فلسطين الكويت مصر اليمن
يعني وقت اعتمد كان نتيجة حقبة تاريخية مروا فيها العرب بانتصارات كالدولة الاموية والعباسية والراشدية هيك بظن |
كنت قريت من زمان ان اللون الاسود و الاحمر و الابيض و الاخضر منفردين كانت الوان لاعلام قبائل عربية و في معركة ذي قار لما توحدوا ضذ الفرس جمعوا كل الالوان في علم واحد تعبيرا عن الوحدة ومنذ ذلك الوقت اعتبرت تلك الالوان رمزا للبلدان العربية
|
لا اظن ذلك
|
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
عمي سيزر اللينك اللي حطيته بعتذر منك بس ما فتح عندي معليه تقللي شو هو
|
ابو السيز الكلام بالللينك شفته وهو اللي اعتمدته فلسطين والاردن باعلامون
بس بتذكر هيك تعلمنا بالمدارس |
قصتي مع العلم طويله و كبيره
سنة اعتماد العلم سنة مولدي و هاد شرف الي ، بس يا رتني اعرف اي شهر تحداد تم اعتماد العلم .. بالنسبه الي علم سوريا عندي واحد فوق تخت مباشرة واحد علخزانه ، واحد تاني علطاوله جنب تختي و العلم الرابع ناح الكمبيوتر ، وهلا بدي جيب علم خامس بس انزل كمان للغرفه عندي بدي جيب علم للسياره بس يكون متل فرش ... لو بحسن ولح احسن قريبا بدي اوشم العلم على كتافي على شكل جناحين ... بس شوف العلم صدقوني بفتخر بهل شي لانو هاد الشي من المقدسات عندي بكل ما للكمله من معنى .. وبتوقع كل مين شاف صوري شاف حجم العلم يلي حاطو علحيط .... شكرا ابو الكن علشرح ، بالفعل موضوع مميز ، و بيستحق يتقيم على انو ممتاز تحياتي للجميع:D |
كان القدماء يرفعوا الاعلام كراية ورمز الون بيدل عليهون
ايام الرومان كان يرفعوا شعارات ومنها النسر على شكل باسط جناحو ويرفع على حربة والبيزنطيين كان في احزاب بالقسطنطينية عددها اربعة وكل حزب الو علم خاص فيه ولن واحد خاص فيه والالوان كانت ابيض واخضر واحمر وازرق ...... وكتير من الامبراطوريات القديمة رفعت اعلام وعليها شعارات ايضا اقتباس:
اقتباس:
طيب وين بقية العهود بالعلم ؟؟ رغما انو اثارها موجودة بسوريا وبكثرة .... وسوريا بتشمل عدة اعراق وطوائف ومذاهب وكلون بينطووا تحت اسم سوريا وتحت العلم السوري ليش العلم بيمثل طائفة واحدو فقط وبيقية الطوائف ما اخدت حقها من العلم رغم انها نسيج من المجتمع السوري وموجودة فيه متل اي طائفة اخرى طبعا انا ما عم انشر لدعاية طائفية بكلامي بس الموضوع صار وانطرح السؤال عليي هون بالاخوية من فترة قريبة ورديت عليه وفي ناس فهمتني غلط كل يللي بقصدو من كلامي انو العلم بيمثل دولة سوريا وهي الدولة بيمثلها شعبها .... وشعبها مجتمع موجود بكل اطيافو .... بس طائفة وحدة يللي ممثلة بالعلم بتمنى ما يتفهم كلامي بغير طريقة ..... :D |
هلا كلام كوستا فيه وجهة نظر ...
بس برأي خلص العلم صار شي مميز صعب يتغير ولا شو رايك يا كوستا وبالعكس كلامك ما في شي ينفهم غلط |
اقتباس:
بس مشان ما ينفهم كلامي غلط انا شرحت هالشي ....... اهلين اش :D |
رح ارجع عيد كلام حكيتو بالموضوع يلي حطيت اللينك تبعو سابقا ..
اقتباس:
|
اقتباس:
|
اي اكيد نيرفانا شكرا :D
|
10 ملف مرفق .
اضافة جديدة
هاد اللينك متعلق بالعلم السوري - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - تغير العلم السوري عدة مرات خلال القرن العشرين، إلا أن ألوانه: الأبيض، الأحمر، الأسود، والأخضر لم تتغير. وكانت هذه الألوان، المعتمدة في أعلام عدة دول عربية أيضاً، هي ألوان علم الثورة العربية الكبرى عام 1916: الأبيض يرمز إلى الأمويين، والأسود إلى العباسيين والخلفاء الراشدين، والأخضر إلى الفاطميين، والأحمر إلى النضال العربي ودماء الشهداء علم الثورة العربية الكبرى، رفع في سماء دمشق بعد تحريرها من الاحتلال العثماني عام 1918 علم سوريا المستقلة، رفع في دمشق بعد إعلان استقلال سوريا في 8 آذار 1920 العلم الذي فرضته سلطات الاحتلال الفرنسي عام 1920 العلم الذي فرضته السلطات الفرنسية في أعقاب الثورة السورية الكبرى عام 1925 العلم الذي اعتمدته الحكومة السورية بعد توقيع الاتفاقية السورية- الفرنسية عام 1936 علم الجمهورية العربية المتحدة التي وحدت سوريا ومصر عام 1958 أعيد العلم السوري بعد انفصال سوريا عن الجمهورية العربية المتحدة عام 1961 العلم السوري بعد قيام ثورة الثامن من آذار بقيادة حزب البعث العربي الاشتراكي عام 1963 علم اتحاد الجمهوريات العربية بين مصر وسوريا وليبيا الذي أعلن عام 1971 العلم السوري الحالي اعتمد عام 1982 وهو نفس علم الجمهورية العربية المتحدة |
تناقشت انا واحد الاشخاص بشان العلم وحكالي قصة
وقت قيام الثورة العربية الكبرى يللي انطلقت من الحجاز بقيادة الشريف حسين اجتمعت حوله القبائل العربية والعرب واراد ان يوحد هؤلاء كلهم تحت راية واحدة ولم يستطع ان يختار وقتها شكل العلم وكان محتار بين العلم الاسود والعلم الاخضر.... وعقد مجلسا لهاذا الشي والقى الشاعر صفي الدين الحلي قصدية مشهورة له وفي احد ابياتها يقول بيض صنائعنا سود وقائعنا خضر مرابعنا حمر مواضينا وجائت الفكرة للشريف حسين بان يعمل الراية بالالوان المذكورة واعتمد راية الثورة العربية الكبرى وقتها على الهامش * هاد الكلام قيل عن قال وليس فيه مصدر سوى تناقل عبر اللسان فقط اذا حدى عندو مصدر يبحث عنو مشان المصداقية |
1 ملف مرفق .
وايضا في الغوغلة طلع معي
قال الشاعر صفي الدين الحلي: إن الحقيقة قالت لي وقد صدقت لا ينفع العلم إلا فوقه عَلَمُ لم يكن للعرب علم في العصر الحديث لأن العلم الرسمي كان علم الدولة العثمانية ولعل هذا البيت من الشعر قد نبه الشباب العربي الناهض في تلك الفترة إلى ضرورة وجود علم عربي فعقد منتدى أدبي في استانبول عام 1909 طرحوا فيه مسألة العلم القومي للعرب,وتوصلوا إلى تفاهم حول ألوانه فقرروا أن يتألف من أربعة ألوان هي: الأبيض والأسود و الأخضر والأحمر وذلك يجمع قول الشاعر العربي الذي تغنى بأمجاد العرب التليدة: بيض صنائعنا سود وقائعنا خضر مرابعنا حمرٌ مواضينا وظلوا يتغنون بهذا البيت حتى صار أغنية يرددونها صباحاً ومساءً وترمز هذه الألوان الأبيض وهو شعار الدولة الأموية ورايتها والأسود راية الدولة العباسية والأخضر يرمز للدولة الفاطمية بينما سورية اتخذت علماً رسمياً بتاريخ 8 آذار عام 1920 هو علم الثورة العربية لكنها أضافت عليه نجمة سباعية بيضاء بأبعادها الدولة العربية الأولى بينما النادي العربي أحدث علمه 1919 بمناسبة دخول الملك فيصل إلى سورية ويتألف على الشكل التالي من فوق اللون الأسود ومكتوب عليه ذكرى استقلال سورية الاستقلال يؤخذ ولا يعطى وتحته الأخضر مكتوب عليه على الجماجم تبنى العروش ثم الأبيض مكتوب عليه فاحكم بين الناس بالحق وتتقاطع قطعتان على شكل مثلث باللون الأحمر مرسوم عليها النجمة السباعية التي ذكرناها سابقاً بلون أصفر وأعاد العلم إلى مكانه في النادي العربي الأستاذ محمد سمير الجاجة مدير النادي بعد أن حصل على صورة له من المتحف الحربي بدمشق بعد أن جهزه وأعاده إلى النادي . |
انو يسلمو ايدك كتير كتير كوستا لأغنائك للموضوع باخر الردود .. فعلا كلام جميل
وشكرا لألك لانك حطية تاريخ العلم بشكل كامل من لمى وضع لليوم ... بس سؤال شو تاريخ اعتمادو بسنة ال 1982 أذا بتعرف ؟؟؟ |
وانا كمان سمعت عن القصة ودورت كتير بالكتب بس ما لقيت تاكيد للموضوع
|
السؤال تبعي انا صرلي سالو يمكن 3 مرات و لهلا ماحدا حكالي او رد عليه بيصير هيك يعني
احرد و اعمل متل ماعمل جدي يعني :frown: |
اقتباس:
اقتباس:
ومشان المصداقية رح برجع اكد من الشب يللي كنت عم احكي معو شوف من وين فينا نجيب مصدر لهالمعلومة اقتباس:
:lol: |
ليش شو
عمل جدك |
| الساعة بإيدك هلق يا سيدي 20:42 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون