|
وضع سوريا الحالي
أنا بس حبيت أنو أعرف أراء الشباب بهادا الموضوع لأنو كتير مهم رأي الشباب السوريين بهيك شغلة وخصوصا بهالمرحلة المهمة من تاريخ سوريا
|
الحقيقة التقدم هوو أكتر شي بالجانب البنياني الاقتصادي يلي ما بتبين آثارو إلا على المدى الطويل
إضافة للتحول الكبير بنوعية الكثير من المسؤولين و صناع القرار السوري بالمجالات المختلفة يعني صار عنا كتير وزراء و مستشارين عرفانين حالون شو عم يشتغلو وبالنسبة للجانب السياسي الأبطأ تطوراً و يلي بعض الناس عم يشوفو على حالو و يمكن هالحكي مظبوط بس يعني هه كأنو في ريحة تغيير قريب عم يتحضرلو من عدة سنين و رح يبين بالمؤتمر القطري للحزب الحاكم |
الشغلة الوحيدة يللي رح قولها انو ((كل شي بدو وقت ليصير))
بس مشكلتنا انو بدنا كل شي يصير بين ليلة وضحاها...وفهمكن كفاية |
طريقة عرض السؤال غلط مع احترامي لصديفي معماري
الأجوبة بتفرض عليك قطعيا انك تختار ان البلد تقدم للأمام... لأنه فعليا ما في بلد بالعالم بيرجع لورا... اجباري رح يصير في خدمات جديدة و تحسن بالتكنولوجيا و هيك شغلات. بس كان ممكن تقييم مستوى التقدم و على أي أصعدة و هل بالسرعة الكافية و هل هادا شي متوقع لما اقل ما يمكن يصير.. و هيك شغلات تحياتي |
اقتباس:
|
عم تتقدم...
سوريا عم تتقدم أكيد ورح تتقدم أكتر وقت اللي الشباب الشغيل هوي اللي بيستلم مؤسسات الدولة....وبتنعدم المحسوبيات والواسطات وكل انسان الو حق ضايع يطالب فيه ولا يسكت لانو السكوت عن الحق بيخلي الحرامي أوقح(عفوا" ع هالكلمة)
وياريت يكون في محاسبة أكتر من هيك....وتنفتح البلد ع امور التكنولوجيا أكتر من هيك.... والله يديم السلام علينا ويزيد الوعي .... |
اقتباس:
بعدين وقت بيكون في خدمات جديدة وتحسن بالتكنولوجيا هذا يعني تقدم البلد وقت بدك تحكي عن السرعة بدك تشوف النواحي التاني ألي عم تعوق هالتقدم(أذا كان بطيء) بعدين فكرتك معقولة بأنو ينعمل تقييم عن مستوى التقدم وعلى أية أصعدة بس هادا شيء تاني |
هلاء ما ممكن نقول إنوا البلد ما طورت هدا شي غلط في شغلات لا حظنا التحسن فيها وشغلات التطور فيها بطيء بس كمان لا تنسوا انوانحنا هون عم نحل مشاكلمتراكمة ما مشكلة من يوم ويومين فطبها الأمور بدا وقت لحتى تصير ونشالله تتحسن لأمور عن قريب
عاشت سوريا |
البلد عم يتقدم للأمام ولو كان ببطء ولكن باعتقادي فإن هذا التقدم البطيء رح يركض ركض مع المؤتمر القطري القادم لحزب البعث العربي الاشتراكي أنو هون بحلب عم نسمع سمعات عن تعديل جذري بالحياة السياسية بسوريا سيتم إقراره بالمؤتمر القطري لحزب البعث...
|
الله ...
الله يبشرك بالخير....
|
| الساعة بإيدك هلق يا سيدي 06:30 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون