ImHalal.. أول محرك بحث إسلامي
ImHalal.. أول محرك بحث إسلامي دبي، الإمارات العربية المتحدة (CNN) -- أصبح بإمكان المسلمين استخدام الشبكة العنكبوتية دون خشية مصادفة محتويات إباحية ذلك بعد إعلان شركة هولندية إطلاق أول محرك بحث إسلامي، وفق تقرير. ويعمل المحرك ImHalal كسائر محركات البحث الأخرى المتاحة في الإنترنت، وحتى إدخال المستخدم مفردات ربما تصنف على أنها غير مقبولة، عندها يقوم مؤشر المحرك بتصنيف نتائج البحث "الحرام" المحتملة إلى ثلاثة مستويات مختلفة. ويعني التصنيف واحد في "مؤشر الحرام" أن نتائج البحث مأمونة وخالية من محتوى قد يصنف على أنه "حرام" وفقا للشريعة الإسلامية. وفي الترتيب الثاني: قد يرسل المحرك رسالة تحذيرية تشير إلى أن نتائج البحث المحتملة مصنفة ضمن المستوى الأول أو الثاني على "مؤشر الحرام"، وبإمكان المستخدم المخاطرة وطلب رؤية النتائج رغما عن هذا التحذير أو تجنب رؤية النتائج وتجربة مفردات بحثية أخرى، وفق ما نشرت صحيفة "التايمز" البريطانية. وفي حال أن نتائج البحث المحتملة مصنفة ضمن المستوى الثالث على "مؤشر الحرام"، فيتلقى المستخدم رسالة تحذيرية تقول: "لقد وصلت نتائج بحثك للمستوى الثالث على مؤشر الحرام، لذا ننصحك بتغيير مفردات البحث وتكرار المحاولة". قال رضا سارديها، مؤسس مجموعة AZS الإعلامية التي تدير المحرك: "طرأت الفكرة عندما تذمر بعض الأصدقاء بأن عمليات البحث في "غوغل" أو "ياهو" قد تسفر أحياناً عن محتويات إباحية." ويتوفر محرك البحث، واستغرق تطويره سبعة أشهر، في 15 لغة مختلفة من العربية والفارسية والتركية بالإضافة إلى الإنجليزية، وسط توقعات بتزايد استخدامه في منطقة الشرق الأوسط، حسب التقرير. وحول طريق عمل المحرك، قال سارديها: "نستخدم نظاماً ثنائي الطبقات، حيث يقوم محرك البحث أولا بتحليل المحتوى الذي جلبه الموقع ثم غربلة كافة المواقع التي تحتوي على مواد إباحية، ثم تمر النتائج على نظام تصفية ثاني أكثر تقدما لضمان خلوها من أي محتوى حرام". لكن سارديها أقر بأن أليه عمل محرك البحث الجديد تحتاج إلى مزيد من الصقل؛ حيث لا زالت فيه بعض الثغرات. وفند سارديها اتهامات البعض للمحرك البحثي الجديد بأنه يمارس دورا رقابيا على مستخدمي الإنترنت. وأردف: "استخدام محركنا هو مسألة اختيارية لأي شخص فمن يريد الوصول إلى مواد جنسية فاضحة يمكنه بسهولة اختيار محرك بحث أخر". وقد استخدم المحرك البحثي الجديد منذ إطلاقه الأربعاء الماضي أكثر من 100 ألف شخص، إلا أن الرقم يظل ضئيلا للغاية مقارنة بطموح سارديها غير المحدود؛ حيث يأمل في أن يصبح محركه الصفحة الرئيسية لمستخدمي الإنترنت في العالم الإسلامي، ويبلغ تعدادهم نحو 100 مليون مسلم. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
آها ... عيش كتير بتشوف كتير ... :?
ازا مقياس الحلال والحرام عم يختلفوا فيه بين المزاهب الاسلامية وحتى بين المزهب الواحد ... على انو اساس بدهن يشتغلوا هدول :frown: |
رابط الموقع: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و.. لا تنسونا من صالح دعاءكم هه :) |
اقتباس:
لحقت تقرا المقال بدقيقة!! |
اي لكان ولو .... :lol:
انو انا قصدي صحيح في تحذيرات وهيك ... بس نحنا من غير شي عايفين حالنا من المراقبة ... انو بفوت عالبروكي السعودي لافتح الفيس بوك ..واليوتيوب ... كتير فيديوهات ما بتفتح .. مع انو ما بيكون فيها شي بنوب :? وكتير كلمات بحث بالغوغل السعودية ... مع انو بتكون كلمات كتير عادية ومالها علاقة لا من قريب ولا من بعيد بشي اسمو " حرام " ... بيعملولك ميت لفة وميت سيرة انو هالشي ما بيفتح ببلدك ... هاد ناهيك على انو البحث عن ايا كلمة بالفور شيرد محجوب :pos: انو منيح الفور شيرد مو محجوب بسوريا والا كنا رحنا فيها :sly: |
علاك مصدّي هالمحرّك البحش
جرّب مثلاً.. إبحش عن كلمة "تلحس" وشوف شو بيطلعلك مصايب :lol: لولا الخوف من "خدش مشاعر البعظ"..كنت حطّيت صورة الشغلات اللي طلعلتي ولك حتى واحد منها موقع "صور سيكس" قال حلال قال!! ذكّرني بمرتديلا خنزير أسترالية.. كاتبين كلمة pork وحتى راسمين خنزير زهري طاير وعم يضحك وكاتبين ع العلبة كلمة Halal :lol: |
اقتباس:
بس بالصور طلعتلي صورة حمار ومكتوب تحتا واتس اب :p ومن الملاحظ انو في حدا كاتب بيرسونال نوت بالبحث يلي عملتو : اقتباس:
اللهم اجعلها فلترة :o ----------------------------- عَ جنب : في خطأ باللينك يلي حاطو انت :? |
مسا الخير...
يعطيك العافية عالمجهود والنقل... الموضوع سبق ومذكور بهالصفحة (المشاركة 14): - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D. |
اقتباس:
موضوعك هونيك حلو.. (حتى إنو خبرك عن الـ "حلال" سابق السي إن إن بيومين) بس هيك "تفنكة حلال" بتستاهل موضوع لحالها.. مو؟ |
اقتباس:
|
احلى شي هالموقع شو تسالي :o
يحرئ دينهن .. فايتين من بروكسي سعودي اخدنا عهالموقع لما كبسنا عليه - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اللي هوي صفحة الحجب بالسعودية :lol: |
اقتباس:
ولسا بيقولولي حلال ... :? شكلو مقياس الحلال مرتفع عندهن كتير ... مو متل ما كنت مفكر :o |
لا انا مخربط ... مافيه شي
بس ناصر حاطط اللينك عن طريق موقع لفك الحجب لهيك ما مشي حالو :lol: |
عملنا سيرش ع كلمة فاحشة جداً :shock:
اقتباس:
:lol::lol::lol: |
اقتباس:
حطينا كلمة بورنو بالعنكليزي طلعت نفس جملتك :lol: حسدناه :p |
بعد محاولات جهيدة ... لنطلع كلمة سكس بالعربي بالبحث .... طلعت هيي مستوى تاني من الحرام ... وبعد محاولات لنزبطها ... طلعولنا صور بنات بالبكيني فقط :lol:
وبعد محاولات جهد جهيدة جاهدة للبحث عن كلمة ذو مضمون نسائي .... طلعلنا ..صورة ذات مضمون رجالي .... هدول واضح انو شكلهن .. شغل سعودية عالمزبوط :p |
اقتباس:
أنا كنت فايت ع الشو اسمو.. عن طريق شو اسمو.. فـ لما نسخت اللينك.. طلع مع الـ.. هلق المهم.. بحبشت على كلمة بسمّيها "طيزي".. أول نتيجة بحش "موقع سيكس" :lol: هلق صراحة ما كتير شفت شو فيه.. بس هيك فوتة طلعة.. بس إنو معقول يكون سيكس حلال؟ خيّو إذا حلال.. مشان نفوت |
اقتباس:
|
هلا انو انا برأيي .. قبل ما تبحبش انت وياه عكلمة طيزي وطيزك وطيزو .. وتدورولي عكلمات السكس بهيك شي ..
انو بما انو جد فاشل جدا هالشي .. وما عاجبكم .. ليمازا فايتين عليه الكم ساعة ..:? يعني .. جد صدقني .. عندك ال X .. الزاوية الميتة بالشاشة .. ناح العارضة بتريحلك نفسك من هالضغط اللي صاير معك .. :lol: |
اقتباس:
اصلاً انا ما بيهمني بحبش على هيك كلمات عادةً .. لأنو كتير شغلة سخيفة هالقصة :pos: بس انو يا عمي عم يقولولنا حلال وحرام وما بعرف شو ... شفنا لوين وصل الحلال تبعون ! :shock: يعني ازا عطيت هالموقع لشي بني آدم وقلتلو خليه يفوت عليه ابنك الصغير كل شي فيه حلال ... ازا هالولد حط هالكلمات هي وطلعولوا هالمواقع ... مصيبة مو؟ :? فا انو حاج خرط ويقولولنا طلعنا شي جديد وحلال وحرام وما بعرف شو... كلو اضرب من بعضو ! :pos: |
اقتباس:
|
يعني بالله عليكم ..
ايا خبر بينزل بالنت .. بكون خبر موثوق .. اي شو حاسسكم جداد عالنت ميرو وناصر شبنا ولو .. يعني اكتر من الخرطات والسحبات ما في .. اي روح اقرا الموضوع .. يا زلمة .. لك بشرفك ما ضحكت وقت قريت الجملة .. اقتباس:
هههههههه .. هولندي وحلال !! .. انو حاسسن عاملين موقع .. لزبدة لورباك يا زلمة .. انو .. عـ شو بالله الهولنديين قاتلين حالن ولا شو .. خلصنا بقا .. انو القصة .. كلا خرطة وسحبة .. والمواقع العربية كـ عادتا .. كوبي بيست .. انو ما تكبرو الموضوع كتير .. وما تبلشو تسبحو كتير بالحكي .. الفكرة كـ فكرة وصلت .. انو فاشل وهيك .. فـ .. حاجة يعني .. ما تمد لابعد من هيك ..:D |
اقتباس:
ع راسي يمان :gem: :D |
اقتباس:
يعدمني ياك .. :p :D |
ع فكرة الموقع محجوب بالسعودية
وبالغالب هني مستخدمين اسم اسلامي لجذب الناس |
اقتباس:
ناصر مخربط باللينك بس هي اللينك الصح - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
طبعاً.. بس سدقني ما بيفرق أبداً عن خرطة الزبدة "الحلال" أو السمنة "الحلال" أو المرتديلا "الحلال" اللي مناكلها من هولندا أو إسبانيا أو غيرها إنو شو يعني حلال بالله؟ بدّك تقلّي اللحّام الهولندي أو الأندلسي قعد يبسمل فوق راس البقرا أو الغنمة قبل ما يدبحها؟ طيب اشمعنى هالتفنكة الحلال بالمرتديلا ماشية ع العالم هون؟ بدّك هيك موقع ما يمشي؟ إي لأ سيدي بيمشي ثم.. ع شو قاتلين حالهن الهولنديين؟ أكيد مو ع الحلال.. ع الربح.. هاي الصين عملتلنا "غشاء بكارة".. وقبلها عملت "عجينة الطعمية" للمصاروة!! إنو.. تجارة.. يعني بهيك موضوع "حلال" فيك تقول: "رزق الهولنديين ع الهبل" خسة لإلك :D |
اقتباس:
اي يا سيدي خرطة ونص .. شو المشكلة يعني .. بكرا بعملك موقع بحث اسمو حرام .. وبشلفو بهالنت .. ! شو الشغلة صعبة يعني .. انو تكون مزحة او تقفيلة مثلا ؟؟ اقتباس:
لك هلا .. انو جد ما عم اعرف انت شو اللي زاعجك بالموضوع ؟؟ لك خيو .. كل بني ادم حر شو ما بدو ياخد وشو ما بدو ما ياخد .. انت خود هالمرتديلا .. الهولندية او القمرية .. ومكتوب عليها حلال .. وكلها على اساس انو هية .. ما حلال ولا هم يحزنون .. انو القصة ما بدا كل هالقد مالي عرفان ليش حاسك مكبرها عالفاضي .. انو شو المدايقك بالموضوع ما عم اعرف .. اقتباس:
طيب .. خيو لح اجي معك وقلك انو مشي .. منيح هيك .. اي ومشي .. وانت هلا عرفت انو خرطة .. او انو ما عاجبك مثلا .. فـ انو ما حدا غصبك تفوت عليه ؟ هلا جد ليك .. شوفا معي .. الموقع لمين معمول ؟؟ مو للمسلمين عـ أساس ؟؟ فـ انو المسلم اللي عبالو يفوت عمحرك بحث .. وما يطلعلو شي .. ها " بما اني مفترض معك انو الموقع .. مضمون .. افتراض يعني ها " .. وبما انو الموقع موجه للمسلمين .. " حصريا يعني .. " واللي عم يدورو عالحلال وانو ما يطلعلن هيك ولا هيك .. ما لح يفوت ويكتب كلمة طيزي ولا سكس .. جوا ! .. انو .. شو قصّر معو جوجل .. ولا الياهو ولا الدنيا كلا ولا كيف ؟؟.. اقتباس:
متل ما خبرتك فوق .. يكونو قاتلين حالن عاللي بدن ياه .. واخر شي كل بني ادم .. فوق هالكتف عندو .. هيك بطيخة .. بيشغلا عكيفو .. وبينقي اللي بيعجبو .. ومشينا .. ما بدنا هالانزعاج الكبير ترا ها .. اقتباس:
معلشي .. بدك تسمحلي .. كلمة الهبل بهي الجملة مردودة عليك .. وعلى ايا .. بني ادم بدو يكتب .. بهيك طريقة .. فـ انو خبرت من الاول .. معلشي خيو الفكرة كـ فكرة ازا انت حابب تورجينا انو فاشل وصلت .. بقا بدون هالهيكه .. التمريقات الجانبية .. بلاها .. صدقني بتطلع احلا .. وردة .. لـ الك ..:D |
غريب الموقع مو كتير زابط .... يعني بيطلع نتائج ملغومة .... لسّا بدو شغل ... بس فكرة حلوة .... وما لازم
تكون على أساس ديني ! |
اقتباس:
نحنا عم نأنـGـل ونتسلّى ع هيك سلبة.. بس شايفك إنت فتت فينا بالعرض شريك! طوّل بالك.. القصة ناكتة اقتباس:
مو على أساس الموقع خرطة؟ صرت تدافع عنو هلق!! لك يمان.. خود نفس غميق قبل.. بعدين إقرا.. ارجع خود نفس بعدين إكتب تمريقات شو ومردودة شي لك أبي؟ موقع خرطة.. معمول لمين؟ للي عندهن بطيخة بينخرط عليها بس ما في إلك خسة هالمرة!! (قال تمريقة قال) |
اقتباس:
اقتباس:
الحكي كلّو من اول الموضوع .. عن مين بيستخدم هالموقع ولمين موجه .. المسلمين .. ومين عندن هالحلال والحرام اللي .. هيكي .. يعنوي ما خارطة مشطك هالقصة كلا .. فـ انو .. تكتب جملة رزق الهولندية عالهبل .. ما حلوة ما هيك .. هيك بعرفك انا يعني .. |
اقتباس:
اقتباس:
وعفكرة .. فيك تطلطل عهي الجملة بالزات بردي السابق .. بجوز تفيدك بالموضوع .. وطريقة طرحو يعني .. اقتباس:
|
اقتباس:
والمفردة غير الحضارية اللي اسمها "طيز".. زعجتك؟ طيب في شغلة بهالدنية اسمها "طيز".. متل ما في شغلة إسمها "منخار".. متل "مصران أعور".. هلق درجت إنها مفردة غير حضارية.. وقت الواحد يستخدمها كـ مسبة (مع إنو الهدف من بعض المسبات أوقات بيكون حضاري جداً) ما علينا.. هلق.. بس من وين لوين كل الموضوع عن المسلمين اللي موجه لإلهن الموقع؟ مرة تانية.. الحكي كان عن سلبة الموقع.. وإنو فاشل حتى بالشي اللي ادعى إنو رح يأمنو.. فـ من هيك.. اللي رح يقتنع بهيك شغلة.. رح يكون أهبل!! مو لإنو مسلم.. لإنو سدّق!! فهمت عليي شلون؟ شبنا لك يمان!! صايرة عتبة الحساسية منخفضة عندك كتير هه كنت بدّي قرّيك - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - .. بس غيّرت رأيي!! (لا تفوت هه) |
اقتباس:
فكرتك ورايك بالموقع .. وصل قصدي .. انو فاشل ومالو زابط .. تمام ؟ .. الشي اللي انا معترض عليه ومالك حابب .. انك ترد عليه لهلا .. انو يا خيو هالموقع اسمو .. ايم حلال .. موجه للمسلمين .. " محرك بحث اسلامي " .. هالمسلم اللي ناوي يفوت يستخدمو ويبحبش .. فيه .. اللي ناوي .. يدور على سكس وعلى طيز .. وعلى ما بعرف شو ما لح يفوت لهنيك .. بغض النظر شو كان .. وشو بدو يكون .. فهمت المغزى .. دارت واكلت ولا لسا بدا لتوصل .. انو .. جد شوف الصفحة الاولى .. انو كلا عـ انا جربت كلمة سكس .. وطلعلي هيك وانا جربت كلمة ما بعرف مين وطلعلي هيك .. انو اي شو المطلوب يعني .. صدقني الفكرة بسيطة ما بدا كل هالقد بنوب .. انو عنجد .. ما عم دافع بنوب عن الموقع .. وهوة فعلا خرطة .. لانو مصدرو واساسو مالو ديني اصلا .. حسب مصدر الخبر .. ! .. بس بالمقابل .. شوف الفكرة واللي عم تأثبت انت فشلو .. انو الموقع موجه لهالبشر يا اخي .. فـ انو البني ادم اللي فايت عليه مشان ما يطلعلو شي .. مو شرعي وحرام بنظرو .. ما لح يفوت عـ هاد المحرك بالذات ويكتبلك طيز وسكس .. وصلت الفكرة اللي ما عم توصل بنوب ..:o اقتباس:
بس .. طريقة العرض كلا .. والردود بأول صفحة .. زكرت .. انو هية اللي .. خلتني اكتب ورد هيك .. ما كلمة معينة ما .. اقتباس:
بس .. صدقني جملتك السابقة .. ما كانت بمحلا بنوب .. بدك تسمحلي .. بجوز يكون قصدك فيها عادي .. بس طلعت مو حلوة ابدا .. عكلن ما لح ارجع رد كرمال ما نشطح كتير برا الموضوع .. بتمنى تكون وصلت فكرتي .. اللي خبرتك ياها فوق .. و .. احلا سلّة خس .. بنصا وردة .. جواتا نحلة .. وروح شايطلك ..:D |
اقتباس:
اقتباس:
بس إنت تعى معي شوي.. لا تكتب طيز ولا سيكس ولا شي غير حضاري.. خيو.. تعى اكتب هالكلمتين "hijab girls" فيهن شي ما يقال؟ اللي "موجّه" لإلهن الموقع.. ما رح يكتبوهن؟ طيب.. شوف النتيجة: شو يعني؟ يعني موقع خرطة.. وفاشل.. والدليل قالولو وهاي خسّة.. بس لا تزعل :D |
الساعة بإيدك هلق يا سيدي 20:33 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون