|
نهاية سنة كئيبة..
وجه أوباما الهجين.. كان الشيء الوحيد الجميل في أحداث سنة كئيبة.. بكى فيها الأغنياء.. ولم يضحك الفقراء.. كل أغنياء العالم وبنوكها تحولوا : لشحاذين ! أصبحت البيرقراطية المقيتة هي منقذ الراسمالية ! شركة جنرال موتورز التي تساوي ميزانيتها مداخيل عدة دول : تغلق المصانع وتبيع سياراتها بسعر التكلفة.. بنك روكفلر رمز الرأسمالية والجشع.. يكفر : بالرأسمالية ! دبي التي طالما تمردت على أبو ظبي : تستجديها العون.. سوق أسهم السعودية تديره : أيد(ن) خفية ! لتهوي به للقاع... هل أفلس الوليد؟ أم إزدادت نقوده؟ ضرب الإرهاب بومباي.. ليقتل السلام..ويقيم حرب نووية .. لتنتهي البشرية..! سنة كئيبة.. سنة عجيبة.. ليت مثلها لا يعود.. وبالنسبه لي سنة النكد المركز! |
لم يكتفي الجمهور ..حتى وان كان العرض سخيا كما تفضلتي..
ما يحدث هو البداية..التي تعلن وبأسف شديد افلاس قيم القطيع.. ليست الأسوأ.. الأسوأ قادم..I can smell it. |
اقتباس:
قرأتها مرارا وتكرار هلا تفضلت بشرحها لي ؟؟؟ |
ياالهي شو كانت سنة
شيء مو طبيعي اتمنى الي جاي افضل وما تتحقق توقعات Peace :cry: :D |
بالله بلا تشاؤم خلينا متفائلين ......:D:D
|
يا رب تكون سنة 2009 سنة خير وسعاده للجميــــــع..
وتكون بداية خير ,, تفاءلوا بالخير تجدوه . |
بجد 2008 كانت اكتر سنه كئيبه وغريبه مرت عليا وانا بقول كده من تجربه شخصيه, انا كنت قابلت مره واحدبالصدفه . راجل عجوز عدى السبعين واتعرفت عليه معرفه سطحيه ب cafe وده كان في نفس الشهر ده السنه اللي فاتت 2007 وكان غريب بدات التعارف بانه سالني عن حالي وعن دراستي وكانالغريب انه حزر اشياء كتيره عني بدون م احكيلو شي , بصراحه استغربت كتير ,لكن بعد السنه ده بعترف اني مريت باغرب تجربه في حياتي , فالرجل قد تنبأ لي بحادث يحصل لي على راس السنه يغير حياتي وباني هفضل محبوس او اسير للسنه ده وتنبأ لي باشياء اخرى, وفعلا في يوم 1/1/2008 صباحا فوجئت بخبر وفاة شخص عزيز و بعدها ب6 ايام فوجئت بوفاة احد الاقارب, خالي وبعد ذلك اضطربت حياتي ,اذ وقتها كنت اؤدي امتحانات الترم حيث انني طالب بالجامعه مما دفعني لترك الامتحانات والسنه الدراسيه ككل و بعدها سقطت في دوامه من المشاكل, وبحق مشاكل لم ارى لها مثيل منعتني حتى من التنفس المهم وحتى لا اطيل عليكم قال لي الرجل ان انتظر السنه القادمه 2009 وانها ستحمل المتنفس لي بعد عام من العذاب وها انا ذا انتظر قدوم السنه الجديده بفارغ الصبر واتمنى ان تمر السنه الحاليه على خير , وللعلم ظللت ابحث عن هذا الرجل طوال السنه دون اي جدوى .
وان كان عزائي انها سنه كبيسه ... وكما الليل الطويل لابد للشمس من ان تشرق من جديد , ايضا لابد للسنه الكبيسه ان تنتهي بعد 366 يوما . ارجو ذلك :jakoush: |
يبدو سنة 2008 كانت سنة الكآبه بامتياز ,,مو بس لالي :cry:
يا رب تكون 2009 فاتحة الخير ,, 9 هو رقم حظي وللجميع يارب .. :Dللمتفائلين |
ان شالله 2009 تكون احسن ..
|
الجايات اكتر من الرايحات
ان شالله هالسنة تكون سنة خير وبركة عالجميع بس مابظن لانو كرمالو الايام والسنوات تمر وكرمالو العالم بينزل درجات للورا |
كل سنة متل اللي قبلها بس الفرق انو عم تتغير الارقام
|
up
وهي سنة ال2009 وصلت لنهايتها .....:larg: كل سنة و انتو سالمين ... بالنسبة لالكون ..كيف كانت هالسنة عالصعيد الشخصي , الاجتماعي , السياسي "للمهتم" , الاقتصادي هاتو لنشوف .. |
اقتباس:
بتهوي .. اوخم من هيك ماضل (حيشاك) |
على الصعيد الشخصي كانت خليطة، أشيا منيحة وأشيا عاطلة، وهلأ على آخرا الظاهر سهرة العيد رح تفلسنا!!
على الصعيد الاجتماعي إذا مو مكانك راوح فللأسوأ أكيد، على الصعيد السياسي شي بيلعي النفس وقرف على الآخر، وكل يوم بيتوقعولنا مصيبة متل العادة، والمتفائل بيقلك تأجلت المصيبة كم شهر بس جاية أكيد. على الصعيد الاقتصادي أكيد سيئة لأنو المصاريف عم تزيد بشكل كتير كبير مهما زاد الخل ما بيلحقو.. بس بالنتيجة بعدنا عايشين ومبسوطين وكل سنة وأنتو سالمين.. |
متل اللي قبلها بالضبط :larg:
|
كلو زي بعضو
لنشوف هالسنة كيف سنة 2009 ماكانت سئية لهي الدرجة بيكفي انها سنة تخرجي وبدايتي مرحلة جديدة بس بلكي ها بلكي 2010 احسن ناطرين وشو ورانا غير ننطر |
تشلبكت الامور ببعضا اكتر
بس اقتربت عودتنا نهار :D |
واللي جاي يمكن تكون أكثر كآبة :pos:
بس ممكن اتفاءل :sosweet: |
هالسنتين .. اهم سنتين بحياتي .. للمستقبل .. هي السنة نجاح باهر جدا كان فيها .. وحققت هدف .. كان ببالي .. من اكبر الأهداف .. اللي لح تدفشني زيادة .. وسرقت من عمري سنة و3 شهور .. بكفوني .. لحقق فيهم هدف .. واهداف من جديد ..
ان شا الله بتكون سنة خير وتوفيق للكل .. من جديد .. :D |
حالنا على جميع الاصعدة كما يقول نزار قباني الله يرحمو:
ما من جديد في حياة هذه المدينة المستعمرة فحزننا مكرر وموتنا مكرر ونكهة القهوة في شفاهنا مكررة سنة أخرى مضت والشعب السوري لا يزال يرزخ تحت الاحتلال البعثي الأسدي. |
لا جديد؛ سوى سنة اضافية في عالم البطاله:frown:
كن جيدا وطيبا ورقيقا معنا يا 2010 ارجوك! |
سنة 2009 ما كانت عند طموحاتي........بس عندي شعور 2010 رح بتكون احسن بكتير عا كافة اصعدة حياتي..لنشوف
|
2009 سنة عجيبة غريبة أسميها سنة العوز المالي بامتياز الدولة والتجار متحالفون متضامنون بهدف وحيد وهو التفنن بابتداع ضرائب جديدة بكل مؤسسة من مؤسسات الدولة على حدة فاتورة الهاتف فاتورة المياه التي صارت الضرائب فيها أكثر من قيمة استهلاك المياه ؟؟؟؟؟؟؟........وفاتورة الكهرباء .........وأخير المازوت اللذي أفقرنا وشرشحنا وخلانا مهزلة أمام الأمم........الكلام مابيخلص بس على شو مافي حدا لاتندهي مافي حدا :?
|
صحي صحي نسيت قول انو هالسنة كمان كانت كتير منيحة شنو لساتو الشعب السوري رازح تحت سيطرة من اواليهم الاحتلال
البعثي الاسدي المحتل الغاصب شو بدي احسن من هيك جاه وسلطة وغير شكل :larg::larg: |
شخصي: مافي شي جديد, عاطفي , الخط كان ياخد ويعطي ياخد ويعطي واخر الشي اخد وماعاد عطى وانقطع الخط. بلكي بيرجع يعطي عالسنة الجديدة.
الاجتماعي: ما تغير شي كتير. السياسي: كمان ما تغير شي كتير. او بالاحرى مافي شي ليتغير :lol:. الاقتصادي: يعني شهر هيك شهر هيك كان, بس قريب جدا عالحافة. الله يستر. متفائل انا بال 2010 بس ماني حاطط امال كتير على اي شي ابدا. و انشالله 2010 تكون سنة خير علينا وعليكون :D |
بالنسبة للشغل ..ال2009 طلعت أحسن من التوقعات ...ولله الحمد
أكتر شي كان بشع بال2009 ..هو المسخرة اللي صارت بمصر و الجزائر ... أكتر شي كان مخيب للامال هو باراك اوباما .... على أمل ال2010 ...تكون أحسن ...ونكون أوعى ..... كل سنة وانتو سالمين .... |
انا ال 2010 وال 2011 وال 2012 اوسخ تلت سنين رح يمرو بحياتي لا والاحلى انو بيقولو انو متوقعين ان يوم لقيامة ب 2012
يلعني شو محظوظ:lol: |
اقتباس:
جاييك الكوكب اللاهب شيت مدري وين ورح يطرقنا صواب مرتب بعد اقل من 3 سنين بايام يلي عم يدرس وما بيلحق يتخرج لا يعذب حالو ويلي عم يفكر يتزوج يتزوج بسرعة لان مارح يلحق يتهنى يابعدي :lol: |
اقتباس:
قولتك ما اقدم بكالوريا هالسنة ؟؟ |
امممممممممممممممممم
سنه كئيبه ما كل سنه هيك بيصير بكل الشعوب بس انو الفرق كل سنه بيزداد اكتر وكل سنه بتمر فيها اشياء كئيبه لكن الاحلى انو بيمر فيها يوم حلو بينسيك كل الايام يللي مرت حتى لما تتزكرو من هديك السنه بتنسى مر طعما رح تجي سنه تانيه ويمكن تكون متل ييل قبل ويمكن تكون لاء الله اعلم ^_^ يسلمو تحياتي |
لك تضرب هالسنة شو كانت مررة بالنسبة لألي
على الصعيد الشخصي: عاصفة قوية من المشاكل هبت على اعتاب بيتي وعشي الهادئ عن طريق بيت حمايي كادت ان تودي بحياتي الزوجية لكن الله ستر والحمد لله تخلصت من بيت حمايي لما قررو يرجعو على سوريا ويخلصوني من مشاكلن عالطالعة والنازلة .. وهيك صار عندي فرصة للم شمل عيلتي الزغيرة من جديد ورتب اولويات حياتي وما احسب حساب لحدا غير اللي بحبو وبهمني... على الصعيد الاقتصادي: هالأزمة العالمية خلت اسعار كل شي يرتفع والراتب متل ما هوة يابس ما عبيتحلحل وخصوصي سعر الدهب كتير غليان يا حسرتي.. على الصعيد السياسي: كل شي زفت حوالينا بالعالم فلسطين العراق افغانستان اليمن لبنان واهم شي سوريا ولسى هلأ طلعتلنا شغلة ايران لما كشرت عن أنيابا بالتوسع الله يجيرنا.. خلينا نتفائل شوي بهالسنة الجديدة حاجتنا اكتآب..:lol: |
اقتباس:
على القليلة بتطلع لعند الرب بشهادة يارجل بلكي بيحطك درجة اولى:lol: |
اقتباس:
|
اقتباس:
لسكر العيادة واتزوج واقعد بالبيت اشرفلي:pos: |
اقتباس:
أنا برأيي لا تتجوزي ... هاهااااا .. سألتيني ليش ؟ لأنو ما بيكفي عايشين في ظل نظام دكتاتوري إرهابي و حريتنا مسلوبة بالمطلق ، كمان فوق هالشي زواج و تقييد أكتر للحرية الشخصية و الاجتماعية !!؟ :pos: لا بلالك ياها :jakoush: |
اقتباس:
|
اقتباس:
نشكر الله انو في مين عم يوعينا و ينبهنا -نحن الشعب الجاهل أبو مخطة مشرشرة و سحاب مفتوح:?- على الخطر المحدق و المؤمرات اللي ما فتئت (شلونا هي ما فتئت بالله !؟;)) تحاك في الخفاء ضد المواطن الغلبان :jakoush: |
اقتباس:
بطلنا:pos: |
اقتباس:
الك مستقبل معارضي زاهر ما شاء الله منلاحظ هالشي من المصطلحات القوية اقتباس:
يعني و اذا شديتي حيلك بتصيري اول شهيدة معارضة معك معك بتصيري :larg: |
اقتباس:
|
| الساعة بإيدك هلق يا سيدي 13:57 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون