|
EL MAESTRO
مرحبا
بسنة 2007 بديت الفكرة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وضربت وكملت- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وكملت بال2008 فيه ومن بعده - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وانضم ابو سارة معي لنكمل سوا بضوي يا هالقنديل ونور قمرناضيوف كتار حطوا كلماتون بهالمواضيع : syrian gay - madmax - butterfly -hany dagher - cuty - costa- yass-nirvana-thelight - ahmad - rooa اممي - ابو سارة - ابو طوني - ساندرا - فاوست- فارس - وكتار كتار كتار هالسنة مع ابو سارة وسوا ربينا وشكر كبير لشوش رح نطلع بالبرنامج الحواري الجديد EL MAESTRO رح يطل فيه عدد من الاعضاء منون سبق وطلوا معنا ومنون رح يطلوا ويحكوا عن العالم وعن حياتون ومنون اشتقنالو كتييييييييييييييير ويمكن كتار من الاعضاء الجدد ما بيعرفوهون فقرات البرنامج لهالسنة 1- الانا: فقرة بنروح نحنا بعالم الضيف لنساله عن اهتماماته بالحياة والاشيا اللي بيهتم فيها بالاخوية 2- عالضيعة عالضيعة : فقرة بنترك الضيف فيها يحكي عن منطقته اللي جايي منا شو قدمتلو وشو بتعنيله 3- وراء القناع: بكل حلقة ومع كل ضيف رح نطلب كفريق اعداد من احد الاعضاء وضع 3 اسئلة دقيقة رح نقدما نحنا للضيف اللي مش رح يعرف مين هالعضو الا بعد اجابته على الاسئلة طبعا الو الحق بعدم الاجابة اذا بده وبالمقابل نحنا مش رح نكشف اسم العضو 4-بصر وبصيرة : هالفقرة رح نستعمل فيها الصور لنحاور ضيفنا ونستعمل عدة صور بتحكي عن موضوع معين رح نناقشه سوا باختصار هي فقرة الصورة قبل اي شي 5- اخوية: فقرة بنحكي فيها عن عالم اخوية عن مواضيع اخوية عن حياته هو بالاخوية شو اله وشو عليه 6- مساحة حمرا: رح نترك ضيفنا هون يعطينا تذكار للبرنامج من اختياره الحلقة الاولى بتطل اول يوم من شهر رمضان رجاء من كل الاعضاء انو اذا بدكون تقولوا اي شي فرسائل سوا ربينا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ورجل من ورق الخاصة ناطرتكون ورجاء ما ينكتب الا ردودنا وردود الضيفوشكر سلف لكل الطاقم الاشرافي :D:D:D:D |
الحلقة الاولى او الجمعة او السبت
ضيف الحلقة الاولى madmax |
مسا الخير
بمجرد ذكر اسم ماد ماكس يحضر ببالنا صاحبه بعدة صور الموسيقى / الكتابة/ والسخرية / الضيعة يكفي ذكر اسم ماد ماكس كي ترتسم صورة زياد فورا سامر انت المايسترو الليلة |
اهلا وسهلا فيك سامر بحلقتنا الاولى واول مايسترو معنا ..:D
|
نرحب بأول ضيف معنا ... الاخ سامر
سامر قبل ما نبلش البرنامج .. سؤال ع الماشي .. الموسيقى غذاء الروح .. ما تعليقك ؟ |
اهلا بسامر من جديد
خلني بلش معك بفقرة الانا سامر بالاخوية اكتر شي هوي الموسيقى والاشراف رح اترك الاشراف لوقته وخلنا نفوت سوا بعالمك الموسيقى ارتبط اسمك بزياد متل ما قلت من قبل وبحوار سابق قلت اقتباس:
|
لاحظ الكثر انو الموسيقى اللي بترفعا بتدل على رقي كبير كتير شو بتعنيلك موسيقى اليوم فناني اليوم شو بيمثلولك ؟
ميادة الحناوي قالت مرة : اخاف ان اخذ لحن من زياد الرحباني لهالدرجة الحان زياد بتخوف ؟ تجربة لطيفة بمعلومات اكيدة كيف بتشوفا ؟ وهل تعاون زياد روتانا صار ممكن اكتر بعد هالعمل؟ |
مرحبا سامر .. بداية بموضوع نزلتو من فترة بسيطة اسمو كارول صقر - الأغاني الغربية
وبرد الك كان اقتباس:
هل سامر بيقدر يخبرنا ليش هالاغنية الها معزة خاصة عندو ..؟؟ وازا بدو يهديها لحدا مين هالحدا ؟ قسم الموسيقى بأخوية شو بيعني لسامر ؟ كيف ممكن تكون حياة سامر بدون اخوية او الموسيقى او زياد وبدونهم كلهم ؟؟ هل في شي مرة شفت واحد بيغني سواءا ع التلفزيون او بحفلة او بأي مكان وقلت انو هالشخص ممكن يكون شخص عظيم مستقبلا؟ وازا صار مين هوي هالشخص؟ |
سامر كم بيعطي نسبة لكل من الاسماء التالية من 10 وكم بتعطي النسبة لنفس الاشخاص مقارنة مع زياد حسب تصنيفك انت طبعا على اعتبار انو زياد بياخد 10 من 10 ميادة الحناوي عبدالحليم حافظ مروان خوري وائل كفوري جورج وسوف اصالة نصري ملحم بركات محمد عبدو فضل شاكر نجوى كرم وديع الصافي نانسي عجرم السمايلي ابو سيجارة صار بيونجد بمعظم الاحيان بوجود سامرمتى بيرافق الرد سمايلي ابو سيجارة  |
دايما الك موقفك من دول الخليج عموما والسعودية خصوصا هل هوي بسبب اعتمادون الدين والتدين ام بسبب رجعية قوانينون ؟
|
لو شي يوم اجتك فرصة عمل بالخليج ممكن انك تكون هونيك؟
|
اقتباس:
اقتباس:
اقتباس:
اقتباس:
بصراحة الموسيقى غذاء مو بس للروح ... أحيان للجسد كمان لما بتستمع لموسيقى بتشدك .... بتكون على استعداد للتخلي عن باقي حواسك لا بل أكتر يمكن بتفضل تستغني .. أو عالأقل تريّح الحواس الأخرى ... و تكتفي بحاسة السمع بتفضل تنعزل عن العالم الخارجي .... و تنسج لحالك عالمك الخاص |
اقتباس:
اقتباس:
كنت إذا طلبت شي لزياد من محل كاسيتات ( لسا ما كان في cd ) يفكرني صاحب المحل عم اتمسخر عليه ..و نضطر نشرحلو أنو هادا ابن فيروز و بيشتغل موسيقى .. و من هالحكي ليقتنع أنو عن جد في حدا بهاللاسم بذكر كنت مد اسلاك على سطح البيت و أوصلون بالراديو .. لأقدر القط صوت الشعب ..و نسمع زياد اكيد كان الو أثر كبير .. يمكن لأنو بلشنا نسمعو على بكير يمكن لأنو لأول مرة منشوف حدا بعبر عنا .. أو بيقدر يحكي يللي بفكر فيه بصراحة .. و بجرأة أول مرة منشوف حدا عم يحترم تفكيرنا .... و عم يحكيلنا عن واقع عاري .... مو مثاليات متل ما كنا نشوف بمسرح الاخوين رحباني على سبيل المثال يعني بتقدر تقول .. طبع بحياتنا شوية جرأة على شوية تمرد ........ مع حبة أمل |
اقتباس:
أنا ضد النخبوية بالموسيقى .... و بسمع كل الألوان ... في شي واحد بهمني بالفنان .... .... أنو يحترمني كـ مستمع أو كـ متلقي هلأ ما بعرف مين بتقصد بفنانين اليوم .... إذا بتقصد جماعة روتانا ....فـ .. ما بيعنولي شي بس بنفس الوقت أنا شايف أنو الجو الموسيقي العام بخير يمكن هالشي بيرجع لتطور وسائل الاعلام ... يعني صار إذا طلع شي مهم ... نقدر نسمع فيه ... و نسمعو بينما قديماً كان يطلع ناس كتير مهمين .... و ينزلو اشيا كتير حلوة .. بس قلال يللي يسمعوا فيها اقتباس:
برأيي ...ما بيكفي يكون صوتك حلو ... لتنجح مع زياد الرحباني المفروض تكون بجو زياد .. و تفهم روح زياد متل جوزيف صقر مثلاً ... كان في كتير أصوات أهم منو ...بس ما انعرفو متلو لأنو كان عندو حضور .. و أداء و كاريزما معينة .. تخليه قريب من الناس و من الشارع ...و من الجو العام يللي بيتوجهلو زياد اقتباس:
رأيي بصراحة ... هالعمل كان أكبر من لطيفة .. ولا سيما أغنية معلومات مش أكيدة بحس هالأغنية .. كانت بتستاهل صوت فيروز |
اقتباس:
بوقتا كانت الحياة أبسط و أحلى بالرغم من صعوبتها ليش هالغنية بالذات لأنو أول مرة بيجيني إهداء عالراديو ... كانت هالغنية .. و من شخص كتير عزيز  .... و كان وقتها الراديو قصة كبيرة اقتباس:
بهديها لكتير ناس من أخوية مثلاً ... بهديها لمروووش ... اقتباس:
قسم الموسيقى ... هو يللي عرفني عالمنتدى ...و أول كم شهر ما كنت فوت غير عليه أكيد بيعنيلي كتير ... و في أفكار كتيرة لنرفع من مستواه .. بس دايماً منصتدم بالمشاكل التقنية .. يللي كلكون بتعرفوها اقتباس:
هلأ بطيبيعة شغلي ... الموسيقى بتاخد حيّز كبير من وقتي و بطبيعة شغلي كمان .. بضل عالنت .... و ما بقدر اتصور النت بدون أخوية يعني بسبب روتين حياتي ....و برنامجي اليومي ....ما بقدر استغني عنهم أبداً بالنسبة لزياد .. فـ نحنا جيل كامل تأثرنا فيه يعني مثلاً بأيام المدرسة .. لما كنا نتناقش بشي موضوع .. و نختلف بوجهات النظر .. يللي يقدر يجيب رأي لزياد يأيّد كلامو ....الكل يعتبروه فاز بالنقاش اقتباس:
ما بعرف شو بتقصد بعظيم .... إذا ما قصدت فيها الشعبية الكبيرة أو التجارية فجوابي هو ... غادة شبير ... من لما كانت بفرقة بيروت مع شربل روحانا |
اقتباس:
بس ما بقدر قارن بينهم و بين زياد ... لأنو في اختلاف كبير في الاسلوب ميادة الحناوي 7 عبدالحليم حافظ 8 مروان خوري 4 وائل كفوري 5 جورج وسوف 8 اصالة نصري 6 ملحم بركات 8 محمد عبدو 7 فضل شاكر 6 نجوى كرم 2 وديع الصافي 9 نانسي عجرم 2 اقتباس:
|
اقتباس:
بسبب الرجعية ... و الممارسة الخاطئة للدين و إعطاء صورة خاطئة عن الدين يعني صارت صورة المسلم بالغرب .. بتختزل بصورة الخليجي ... و هادا ظلم كبير للاسلام هادا بالنسبة للدين أما بالنسبة للرجعية يللي بيزعجني بالخليج .. أنو أحيان المجتمع بزايد عالقوانين بالتخلف يعني مثلاً باستطلاع للرأي .. للشارع السعودي من كم سنة ... طلعت الأغلبية الساحقة من الناس .. ضد السماح للنساء بقيادة السيارة بينما شفنا شبه انتفاضة للمجتمع السوري ... لما تسرب مشروع قانون أحوال شخصية متخلف |
اقتباس:
مو بسبب رأيي بدول الخليج بس انا ما بقدر عيش خارج ضيعتي ... أو عالأقل مدينة طرطوس حياة المدن ... مو كتير بتناسبني بيضيق خلقي |
| الساعة بإيدك هلق يا سيدي 16:36 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون