التلفزيون العربي السوري
 

بعتقد كلنا لما خلقنا شفنا التلفزيون السوري بوشنا
بوقتا ان ما كنت بتلقط محطات الاردن ولبنان والعراق وتركيا الارضية فكان محكوم عليك بالقناة الاولى والثانية
وبكل الاحوال كنا محكومين بالرجعة اله بكتير مطارح متل النشرة الجوية
يلي خلاني اكتب هالموضوع كان مسلسل عم شوفه هالايام هوي ايام شامية
الحقيقة لما شفته تذكرت سنة 1992 لما اتعرض وكيف كان التلفزيون وقتا
ايام البرامج التعليمية وارضنا الخضراء ومع العمال ونحن الشبيبة ومجلة التلفزيون وما يطلبه الجمهور
ونشرة الاخبار وغدا نلتقي
تذكرت يوم الاحد لما بيفتح التلفزيون الساعة 2 والجمعة الساعة 10 والمسلسل البدوي والمسلسل المصري
تذكرت رسالة حمص واللادقية والرقة والدير ودرعا وحلب
طبعا ما فيني انسا ماريا ديب وفاتنة محمد وعدنان حمدان وناهد عرقسوسي

تلفزيوننا الحباب عمل كوشة تخبيصات جايين نناقشون هون وخاصة بالسنة اللي فاتت والحكي هون مو مني انما من الاعلامي محمد منصور:

1- قيام مؤسسة دبي للإعلام التي تأسست عام 2003 بتقديم منحة لتجهيز وإنجاز مركز للأخبار وتدريب عناصره بمساعدة وخبرة إماراتية، في التلفزيون السوري الذي تأسس عام 1960 وكان من التلفزيونات الرائدة في المنطقة العربية!
2- تغطية حفل افتتاح دمشق عاصمة للثقافة العربية، حيث طغى الكلام الإنشائي المرتجل والوصف الإذاعي الساذج للصورة المنقولة، وكأن المشاهدين (عميان)... وساد أسلوب إخراج مرتبك لم يفهم خصوصية النقل التلفزيوني للحدث.
3- سهرة عيد الأم التي حفلت كواليسها بمشاجرات وخناقات حامية، منعت أحد المطربين الذين تم التعاقد معهم من الظهور بالشكل اللائق، وأدت إلى صدور شكوى من قبل المؤسسة العربية للإعلان التي أمنت راع إعلاني لتحمل نفقات السهرة... ضد التصرف غير اللائق مع المطرب وإنجازها بهذه الصورة المخجلة!
4- تجاهل خبر اغتيال القيادي في حزب الله عماد مغنية، لأكثر من أربع وعشرين ساعة... في الوقت الذي انبرت المحطات الأخرى لمحاولة كشف الحدث ومتابعة تفاصيله ومجرياته فور حدوثه!
5- تجاهل خبر مداهمة السلطات السورية للخلية الإرهابية في مخيم اليرموك... في الوقت الذي بادر تلفزيون بدأ بثه الفعلي قبل أشهر قليلة فقط، هو (الدنيا) لبث الخبر الذي نقلته وكالات الأنباء في حين بقي التلفزيون السوري يغرق بالصمت!
6- بث آذان المغرب على الفضائية السورية في أول أيام شهر رمضان قبل موعده بأكثر من نصف ساعة!
7- عرض المسلسل المصري (ناصر) في وقت الذروة في موسم رمضان لأن مخرجه هو زوج مديرة التلفزيون والمحروس ابنها هو بطل حلقاته الأولى... ثم الزعم أن قرار عرضه كان سياسياً وقومياً!
8- تكريم مسلسلات وفناني الدراما السورية تحت رعاية صاحب معمل علكة دون الانتباه إلى أن ذلك يعني تخلي التلفزيون السوري عن دوره الإعلامي في تكريم فناني بلده من ميزانيته وبرعايته الحصرية!
9- إقامة حفل خاص لتكريم المسلسل المتوسط القيمة (خبر عاجل) بعد عرضه للمرة الثانية (!!!) وبرغم أنه المسلسل الوحيد الذي عرض في رمضان من إنتاج التلفزيون السوري... أي لا قرين ولا منافس له!
10 – إيقاف عرض مسلسل (رياح الخماسين) في رمضان، والحذوفات الفاضحة من لوحات مسلسل (بقعة ضوء) ثم ادعاء مديرة التلفزيون في تصريحاتها بلا أي خجل... أن التلفزيون بات يعكس حراك المجتمع السوري، وتجاوز الخطوط الحمر!!

يتبع

ومن اهم تخابيصو ما عندو قناه رياضيه وابشع من هيك ما بينقل مبارايات المنتخب لما بتكون بسوريا بينقلا على الارضيه طيب ونحن المغتربين ما النا حق نشوف منتخبنا منعأد نستنى شي قناه تانيه حتى تحن وتشفق علينا مشان تنقلا بس عوجه شو لتسوي

أنا إذا بدي قيم التلفزيون السوري كمشاهد , فبشوف انو التلفزيون السوري أحسن بكتير من فضائيات تانية متل القناة اللبنانية(تي ال) أو القناة السودانية أو الليبية أو العمانية أو أو أو...... يعني كقناة تابعة للحكومة .إلا ما يكون في عيوب وثغرات هي من ناحية بس من ناحية تانية في اصلاح لهي الأمور و الدليل , انو صار فينك تشوف الفرق بالتلفزيون كيف كان وكيف صار خلال عشر سنوات.
:larg:

لاء واللي دريتو من فترة انو حتى المزيعين بالتلفزيون ... اغلبن اداريين ...يعني اداريين بنفس الوقت موظفين عم يزيعو ...

اي طيب خليك اداري وتنحّى شوي عطي فرصة شغل لهالشباب ..:pos:.

يعني مو طبيعيين.....

هلا ما حدا فينو ينكر انو في بالتلفزيون السوري كتير من من الأخطاء والتخبيصات
يلي ما الها مبرر.
بس أغلب الناس يلي بينتقدو التلفزيون السوري
بيكون انتقادون الو ناتج عن مقارنتو مع محطات خاصة
تفوقه بالامكانيات المادية وتكون غير ملزمة بسياسة معينة.
وتكون تمثل نفسها فقط .في حين التلفزيون السوري يمثل الحكومة السورية.

وأنا بتابع التلفزيون السوري ومتل ما حكو الشباب قبلي انو التلفزيون عن جد تطور عن قبل
بس المشكلة المستعصية يلي عم تحد من هذا التطور هو العنصر البشري في الدرجة الأولى
لأن انتقاء الكوادر من مزيعين ومخرجين ما عم يتم على أساس مهني
وبما إنو العنصر البشري هو الأساس في عملية التطوير عم يبقى التطوير محدود

يعني من بين البرامج الجديده على القناه الأولى
برنامج ( نهار جديد) يتم بثة خلال الفترة الصباحية
برنامج فكرتو حلوه - ديكور حلو وحديث ( متلو متل الفضائيات المشهورة)
بس المشكلة بالمزيعين.

مية الف مرة حكينا انو لا نتطلع لتحت نتطلع لفوق

عن جد يا جماعة في خبرات و أوابد بالتلفزيون السوري مو ممكن الاستغناء عنا ببساطة .. ولا شو مفكرين الشغلة انتو ؟ لعب كلال ؟!!؟
يعني فيكون تتخيلو القناة الأولى من دون ما يطلبه الجمهور ؟؟ أو ما يطلبه الجمهور من دون عيوني أم عمار ؟!!

بعدين حتى لما أجوا بدن يتطوروا فكروا انو التطور هو كسر حاجز الرسمية مع المشاهد لدرجة المياعة و انو المذيعة تقوم تقعد بحضن المشاهدين إلا شوي و تأركل معن و تفصفص بذر :shisha:

بذكر من شي 3 سنين يمكن كنت عم أحضر سهرة راس السنة وكانت وحدة من هالمذيعات المهضومات الحركات النغشات مستضيفة باسم ياخور و بمعرض أحاديث السنة الجديدة صار الحكي عن الأبراج و قام باسم لماانسأل عن برجو نطت الفالحة بدها تتهضمن و قبل ما يجاوب قالت و هي عم تتصحصن : يمكن برج الزرافة :lol:
طبعاً فيكن تتخيلو باسم كيف قلب على ضهرو من البسط :cry: