|
وهل يبقى الحب؟
هل ينتهى الحب بزواج اعتقد لا حتى لو انتهى بزواج
ينتهى معاه الحب لان اعرف حكايات كتيره جدا للحب وانتهت بزواج اخرهم مع بعض سنه وفى الاخر بيكون فى طلاق لان فى الفتره هما بيتعاملو مع بعض بقلبهم مش بالعقل كل الحياه بالنسبه ليهم حياه ورديه ولكن بعد الزواج كل حاجه تتغير انت ممكن يكون اختيارك للشخص اللى انت بتحبه صح ويكتمل الحب بزواج لان فى الحاله دى هتفكر بعقلك اولا ثم قلبك وتستمر الحياه |
طيب شو السؤال يعني ما فهمت:?
|
مش ضرورى تفهم مش انت قريت خلاص:x:x:x:x
اقتباس:
|
اسف احلى مش اصدي زعلك او عصبك لكن شو السؤال يعني:lol:
|
الحب بشكل عام لايبقى بعد الزواج وعندي أحد أقربائي مثال حي وواضح وبعد قصة عشق اسطورية الان كل يوم والتاني مشاكل والظاهر اللاق عالطريق بس كمان مافينا نعمم وبصراحة انا بحب اتجوز عن قناعة مو عن حب بتمنى تكون زوجتي صديقتي وليس حبيبتي وانا بالاصل ولا مرة حبيت
|
الحب اذا كان موجود ابل الزواج معناها في احتمال بنسبة 90% انو يضيع بعد الزواج
بينما اذا ماكان موجود الحب ابل الزواج في احتماعل بنسبة 99% انو يجي بعد الزواج طبعا هاد الكلام من منظوري انا ومابيعتمد على أي احصائية بالدنيا |
يمكن ينتهي وويمكن لا
بس في حالات بيستمر الحب وفي حالات بينتهي |
وتستمر الحياة وتستمر وتستمر بطلت أمن بلحب من زمان بطلت
|
مو ضروري انو الحب ينتهي بعد الزواج انا عندي مثال حي خالي قبل ما يتزوج كان عايش قصة حب اسطورية وحتى بعد ما تزوج لساتو عم يحب مرتو يعني هلأ صار عندو ولدين وما بتزكر انو صار بينو وبين مرتو اي مشكلة ممكن او يصير خلاف بالرأي بس بعدين بيتفقو اما مشاكل ما صار
|
هممممممممممم حسب بقى شو هو الحب .. وتوقعاتو للأنسان عنو يعني اللي متوقع انو الحب هو دقة القلب .. لمعة العيون الرعشة وقت بنلمس ايد اللي منحبو .. الخجل من نظراتو .. التفكير فيه والاشتياق الو .. بس ! فإنو أي .. الحب بعد الزواج بينتهي .. إذا كان الحب .. هو الرغبة المحمومة بملامسة الآخر . باحتضانه .. الرغبة فيه .. والانجذاب لأله .. بس ! فأنو إي الحب بعد الزواج بيخف .. إذا كان الحب .. هو علاقة .. مستقيمة .. ما فيها مشاكل ولا فيها صراعات وتوترات .. فأنو اللي مفترض هيك .. طبيعي مع اول مشكلة رح يحبط هلق بما أنو أنا .. "عندي هيك وجهة نظر لحالي مخبيتا :oops: " عن هادا الحب بأنو مشروع نمو .. انك تقبل الحبيب .. وتشوف نقاط ضعفو .. ونقاط قوتو .. وتحب المزيج كاملا ً .. تحبو بدون " لو كان ؟ .. ولو بيعمل هيك بس .. وبحبك بس بشرط " تحبو بدون شروط .. تحب التفاصيل فيه .. تعرف .. وتحفظ شو بيزعجو وشو بيفرحو .. مشروع نضج مشترك .. ومشاركة حياة .. مع شخص .. بدونو ما رح تكون الحياة ألها نفس الطعم ... أنو أعرف انو هو كيان منفصل .. وانو ما ندوب كياناتنا ببعض .. بحجة الحب .. بشوف الحب .. جنس ورغبة وروح وشوق وصراع أي .. العلاقات اللي ما فيها مشاكل .. علاقات مزيفة . بشوف الحب .. اعرف انو الأخر رح يغلط معي .. رح يخيب ظني .. رح يخون ثقتي أوقات بس أكون قادر أسامحه .. لأني " أثق بحبه " .. ولأني التزمت بمتابعة هالمشوار معه ... لهيك بتوقع .. انو الاشخاص اللي بتتخذ قرار الحب " وهية متوقعة انو الحب بحاجة لمحاولة ولمسامحة و لقبول وثقة ... " بتتعلم كل يوم .. كيف تحب شريكا .. بطريقة تانية .. يمكن ما فيها شغف المراحل الاولى .. من العلاقة بس اكيد .. بتتعلم تحبو بشكل أعمق خبرة الحب .. انك تحب وتكون محبوب .. وواثق أنه هادا الحب ما رح تخسرو عند أول نسمة ريح من أكتر الأشيا اللي بتخلي الانسان متصالح مع نفسه ... بتمنى .. للكل علاقات بهالدفء :hart: |
مرسيل.....ما رح ضيف ولا كلمة لأنو كل كلمة قلتيها لحالها كتاب من الحب,,,,
رد رائع وأنا معك فيه قلباً وقالبا ..... |
رد
بارك الله فيكي على الموضوع وتقبلوا مروري
|
ممممم اه من الحب ازا في شي بيوجع اكتر منو
بس اكيد اكيد انو الزواج بيقتل الحب اد ما كانو التنين بيحبو بعض :D |
البقاء للأصدق
|
اقتباس:
يا اختي مدرسة...:larg: |
أنا برأيي أنو مشكلة أنطفاء الحب بمجتمعنا بتعود لسماحنا للاخرين بالتدخل بحياتنا بمجتمعنا كتير في دور بالدرجة الأولى لتدخل الأهل بخيار الحبيب أو حتى بدرجة أقل شوي لتدخل الاصدقاء والمحيط إذا كان الحبيب هو اختيارنا الشخصي الفردي . ليش منسمح لحدا تالت يتدخل ومنسمعلو . تحت مسميات أحكام العقل وغيرها وعلى هاد المبدأ ..علاقة الحب الطويلة حتى ولو ماتكللت بزواج رح يكون نصيبها الفشل . لأنو إنقضاء فترة اطول مع الشريك بتفتح النظر أكتر على مساوئو مقابل أنحسار محاسنو بنظرنا لهيك لازم من البداية نعمل مقارنة مابين البقاء مع الحبيب بمساوئو ومحاسنو أو البقاء من دونو ويلي بعتقد بتكون أصعب على الهامش بهديكم أغنية أرضى بالنصيب للسلطان أبو وديع |
بس انا بعرف ناس تزوجو عن حب والهم من زمان..وهيهم كتير مبسوطين وبجننو
يعني مو شرط وهاي مش قاعدة طبعا..يمكن كل واحد بيعطو رايو من منظور الي بشوفو حوليه وتجاربو بس انا شفت عالم حبو بعض وتزوجو ومافي احلى منهم يعني مو شرط ابدا:oops: |
السلام عليكم ورحمة الله
موضوع بسيط لكن معناه كبير جدا ... بصراحة الحب ده اهم مقوم في حياة اي انسان عاقل وصريح وبصراحة اكتر الحب الطبيعي والناجح والمتعارف عليه هو اللي بينتهي بالجواز لان اللي بيحب انسان بيحبو في اي ظرف واي وضع وبيتمنى انو يعيش معاه العمر كلو يخاف عليه ويحميه ويحتويه ويحبو لاخر يوم في حياتوو واللي ربنا حيكرمو بانسانة صادقة وجميلة وتعرف تصون حبه هو كمان يبقى اكيد ربنا مبارك له ... .. ماينفعش من وجهة نظري انا اني احب واحدة مثلا واتجوز واحدة تانية ده يبقى نفاق ساعتها حيبقى اللي بيعمل كدة بيعمل خطأ كبير جدا .... يا اما هو مكنش بيحب بصدق اصلا يا اما اتجوز المرأة الخطأ .... اكيد الحب بيجي بالعشرة كمان والعشرة مش بتتولد من فراغ الجواز يا جماعة الحياة والمستقبل والاسرة والاستقرار ..... ياااااااااااااااه احساس جميل جدا وشعور عالي اوي لو الواحد كان بيحب مراتوو حب صادق وجميل بيتهيالي الحب ده حيزيد بالعشرة والتفاهم والاطفال والاستقرار ... ربنا يكرم الجميع تحياتي بهاء |
| الساعة بإيدك هلق يا سيدي 06:08 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون