|
استشهد شهيد الغاز القائد (ابو سليم) وأزمة الغاز لساتها عايشة !!!!
انتقل الى رحمته تعالى الأخ الفاضل أبو سليم (بياع الغاز ):cry: الذي لبى نداء ربه يوم الأربعاء 27/2/2008 ...بعد ان سرت الشائعات انو مات باحدى الاسباب التالية ....: - مات بانفجار قنينة غاز من كتر الغاز الموجود بالبلد !!!! - مات خنقاً بالغاز كمان بسبب كتر الغاز بالبلد !!!! - مات مهروساً تحت قناني الغاز الملاينة وهو عم يوزعها عالمواطنين المترفين !!! - السبب الأخير والمشكوك انو صح وهو موته حزناً على المواطنين لانو ما عم يقدر يدبرلهن قناني غاز منشان يعيشوا عليها ..........!!!!طبعاً هادا سبب مشكوك بأمرو ...لانو ماشالله مافي طوابير بتوقف عند أبو سليم (قبل ما يموت ) من الساعة 8 الصبح للـ 8 المسا !!!!:jakoush: والكل صار عندو 4 او 5 قناني ...مليانين ..................................هوا !!!!!:pos: الله يرحم شهيد أزمة الغاز الحر : أبو سليم !!!!:pos: هلأ مات ابو سليم ....بس ليش لهلأ أزمة الغاز لساتها عايشة !!!:jakoush: هي مات ابو سليم واحد ...برأيكن كم أبو سليم بدو يموت لتموت أزمة الغاز !!! :shock: |
بس مين هاذ ابو سليم:shock:
|
بياع الغاز منعدم الوجود في حارتنا ...
|
الله يرحم شهيد الغاز بحارتكن:cry:
|
الله يرحمو.
سيدي شكلو رح يموت كتير من ابوسليم لحتى تنحل هالازمة. أزمة الطاقة عالمية. بس اليوم سمعت عن مشروع الغاز العربي الي بدو يربط غاز منطقة العريش المصرية بدير علي السورية ومنو على اوروبا عن طريق تركيا وهالشي بيخفف من السطوة الروسية على الغاز بمناطق أوربا. بس نحنا ما علينا. منتمنى انو هالمشروع يساعد لو جزئياً بحل هالازمة عنا مشان ما نخسر 1000 أبو سليم و معهن قضية قناني الغاز الدهبية. |
الموضوع طارح فكرة مشكلة الغاز بطريقة ظريفة.. طبعا مافي مانع أبدا بالعكس... لكن رجاءا يظل الموضوع محافظ على سياقه و ما ينقلب تنكيت و مسخرة
شكرا للتعاون |
من فترة .. صار الصوت حلو .... صرنا بدل ما نسمع طن طن طن طن غاز غاز غاز غاز .. صرنا نسمع " بكره برجع بوقف معكن إذا مش بكره اللي بعده اكيد ..." واذا مو اللي بعده اللي بعد بعده المهم في ذات يوم توقعنا رح نرجع نسمع صوت الغاز...
انا من جهتي فرحت كتير كمان صوت فيروز اللي عم يفيقتي ...مو اي صوت تاني " مع انو بثقافة القائمين على الموضوع توقعت يخلو السيارات تحط هيفاء وهبي * خلاصته وبلا طول لعي .. القصة " قصة ماضي كان عنيف " بعد ما كان الماضي عنيف .... عرفت انو غيروا الصوت مو كرمال فيروز وهيدا اللي كنت متوقعه لإنو ما خرج يعملوا هيك قرار غيروا الصوت مشان ما نعود نسمع كلمة " غاز غاز غاز غاز " لإنو ناويين يحرمونا اياه ... تحياتي خدوا الغاز انتو انا بدي فيروز ....:sosweet: بس سعدو يستر " انا فيروز بتكفيني في غيري ما بيرضى " تحياتي الحارة ظل جيفارا |
والله انا طلعت من سورية قبل الازمة لهيك ما بعرف شو عم يصير بس على حكي اخي مافي مشكلة كبيرة بحمص
يعني بيسجل على الغاز وبيجيبوه على البيت بـ 175 ليرة |
| الساعة بإيدك هلق يا سيدي 13:26 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون