قصة سندريلا بالفلسطيني
سندريلا
لبست الفسطان وراحت جري عالكصر وشافها الأمير وحبها وركصو سوا وفجأة دكت الساعة طناش وجراي صارت ترمح و ترمح ووكعت ببوجها عالدرج ... سندريلا راحت عالبيت واتمنت لو انو الساعة ما دكتش على الطناش، بس شو تسوي بحظها المشحر مثل حظ هاظا الشعب. الأمير حط فردة البابوج على مخدة يمكن لونها زركة أو خظرا، المهم صار ينادي بالصوت على كل البنات عشان يكيسن البابوج، كل البنات كاسن إلا سندريلا ..... سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما كربت عشان تكيسها ظربها الأمير تشف، وحكالها: وين جاي ياما، حكتلو: يقطع وجهك ما أزنخك، مش شايفني بدي أكيس البابوووج حكالها: وحدة مثلك كيف بدها تكون فلكة الكمر هديك. حكتلو: هسا بفرجيك وأحط على عينك. ولما اجت تكيسها، ما طلعت كد اجرها، لأنها كانت ورمانه من كثر الشغل، ويا حرام ما حدا صدكها، وانجنت المشحرة ودارت في الشوارع، والأمير اتزوج غيرها وحكى: لوينتا بدي أظل ادور عليها الله لا يردها هي الخسرانة |
هع هع هع هع كتير ظريفة:clap::o
|
اهلين بلاك نورتي
منيح عجبتك الئصة :lol: |
اكيد انك اردني الله يحيك
|
اقتباس:
:D |
لك يقبرني الشام وكل اللي فيها :sosweet:
بس كيف عرفت اللهجة الفلسطينية والمشكلة انو زابطة معك كتير تقول فلسطيني كح |
رفئاتي هون اغلبهم من فلسطين
منشان هيك :D |
:p:p:o:o:o
|
اقتباس:
|
ههههههههههههههههههههههههه ه
شو هالقصة اللذيذة والظريفة .. والجفصة كمان |
لك ما حكالكون انو سندريلا بالفلسطيني منيح ما مسكت الكشاطة وكعدت تظرب فيه
ولا منيح ما خرطشت السلاح وطختو عالمطرح |
اقتباس:
شو نحن بأبو غريب ؟ |
لا يستر على سوسو شو ابو غريب خلينا بسندريلا وبس
|
الساعة بإيدك هلق يا سيدي 13:34 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون