|
مؤسسة الاتصالات تدرس احتساب اجزاء الدقيقة
بحصاص: المؤسسة تدرس السيناريو الأفضل لآلية التعاقد مع المشغل الثالث للخليوي في سورية
قال مدير المؤسسة العامة للاتصالات ناظم بحصاص أنه تتم وبكل شفافية دراسة السيناريو الأفضل لآلية التعاقد مع المشغل الثالث للخليوي في سورية. وأضاف بحصاص في حديث لصحيفة البعث نشر الثلاثاء أن "المؤسسة تدرس كيف سيتم نظام التعاقد الذي يدور بين الترخيص والعمل وفق نظام B.O.T والاستثمار مع المؤسسة", لافتا إلى انه "سيكون في نهاية هذا العام قد تمت معرفة الشركة التي سيتم التعاقد معها، وتجري الدراسة مع شركات استشارية مهيأة لهذا الغرض". وأعلن وزير الاتصالات والتقانة عماد صابوني في شهر شباط من العام الماضي عن عزم سورية إدخال مشغل ثالث لقطاع الهاتف الخلوي عام 2008 ليساعد على زيادة التنافسية وتحسين الخدمة وتقليل التكاليف وزيادة العائدات، لكن هذا لم يتحقق. وكانت شركة زين الكويتية للاتصالات كشفت في نيسان الماضي عن أجراها محادثات مع الحكومة السورية لدخول سوق اتصالات الخلوي السورية. وفي سياق متصل, قال بحصاص إن "المؤسسة تقوم حاليا بدراسة أسعار أفضل لخدمات الإنترنت ودراسة احتساب الخليوي على أجزاء الدقيقة"، لافتا إلى انه "سيتم الإعلان عن ذلك خلال فترة قريبة". يشار إلى أن شركتي الخليوي سيرياتيل" و"MTN سورية" اللتان تسيطران على خدمات الهاتف المحمول في سورية العامل بنظام "BOT", مازالتا تعملان بنظام الدقائق, الأمر الذي كان له تأثير كبير على ارتفاع قيمة المكالمات. يذكر أن مؤسسة الاتصالات حققت إيرادات وصلت إلى 62 مليار ليرة سورية منها 12.4 ملياراً ضريبة دخل و18 ملياراً مصروفات و31.6 ملياراً أرباح صافية. |
يعني تحركات الناس بلشت تفيد
|
هلأ هاد الحكي بعد ما قصقصولو جناحاتو لـ رامي مخلوف ولا قبل ..؟:?
شنو سمعت انو قصقصولو ياهن :? |
اقتباس:
وين سمعان هالخبرية؟ |
اقتباس:
بس انو قال مدري شو عامل قاموا قصقصولوا جناحاتو بس هلأ مو محبوس :pos: المهم منشان ما نشذ كتير ع الموضوع .. عم حس انو عم يصير في تطور منيح بالبلد شو القصة .. ساعة تعديل قوانين ... ساعة مدري شو ... انو الاخبار المفرحة اسم الله كتير ... ومتل ما بيقولوا الله يجيرنا شر هالضحك .. انا بقول الله يجيرنا شر ما بعد هالأخبار المفرحة ! :pos: |
اقتباس:
السيد رامي في عندو مخزون بيركب للكل :lol: |
الغريب اكتر انو دعايات زين عم تطلع عالشاشات السورية
|
اقتباس:
شنو عم تضيع الطاسة بين الدولة و بين شركات الخليوي و بطلنا نعرف مين منهم عم ينصب علينا أكتر |
علسيرة .. سمعتو شي بخط يا هلا أطفال :lol:
|
فيو حدا يشرح عن هيدا النظام ؟؟
والمهم الشركة يلي بدها تدخل ما تكون افظع من يلي قبلها ..:frown: |
اقتباس:
بشكل سريع .. يعني انشاء منشأة معينة من قبل جهة خاصة ...مقابل استثمارها مادياً ( بشكل كامل أو جزئي ) لمدة معينة بنص عليها العقد بين الطرفين و من بعد هالمدة بتعود ملكية هالمنشأة للدولة بس هالنظام فيه كتير ثغرات و عيوب ... بتبين مزبوط بالدول يللي فيها فساد و محسوبيات بالعقود مع المستثمرين |
| الساعة بإيدك هلق يا سيدي 22:24 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون