|
اتهمت بالالحاد
فى حوار مرهق مع اخوانية انزلقنا سويا الى عصر الرمال ,,ناقشنا بصورة اساسية فرضية النقاب ام عدم فرضيته
الحوار ابتدأ بهدوء مبالغ فيه من جانبها وكانت اجاباتها على معظم الاسئلة ( سبحان الله ) ولا كلام اخر انتهى الحوار الى صدام وشجار وعيون حمرا اتهمنى فى النهاية انى خرجت عن امة محمد واننى على حافة الالحاد .....لانى اشكك فى فرضية النقاب هنا سؤال...... هل لفظة (انتى ملحدة )...اتهام؟؟؟؟؟؟؟؟ |
اقتباس:
والله يا ستي ازا رح تتناقشي مع اي متشدد ديني رح تطلعي معو كافرة وحقودة على الدين كمان.. لانو المتشدد ما رح يسمع الا صدى كلماتو ..وبالتالي رح يحتدم النقاش ويتحول لشجار وما رح توصلوا لنتيجة! انو بس فهموني ايمتا كان النقاب فرض ولازم!!!!! |
ولووووو
لك الشغلة فيها قتل وسفك دماء اذا المرتد عقوبتو الموت شو رح يصير بالملحد ؟؟؟؟ بس ع كل اذا هيك اتهمتك ولا يهمك كتير عظماء ماتو واتلاحقو نتيجة هيك اتهام من شان تنخفى اثارون واثار فكرون هي ابسط تهمة واكثرها فعالية لتاليب الناس بالتالي هيدا فيو مديح حقيقي الك :D |
ك هدول المتشددين بالدين حتى ولو عم تتناقي معهم باي موضوع ولو مش ديني اذا انت انت غير عن رايهم بصير الموضوع ديني وبتطلعي كافرة وملحدة وضد الاديان وخاينة وما بعرف شو
لك اصلا هدول ما في معهن نقاش لانو دايما الحق معهم والباقي كافرين وملحدين |
بشكر تجمعكم النسائى
بس السؤال اللى يمكن ما اتفهم هل لفظة (انتى ملحدة )...اتهام؟؟؟؟؟؟؟؟ بقصد اللفظة فى كتير بيناصروها كقضية فكرية ....الالحاد واراءائهم فى الاديان وفى اخرون ليهم اراء سلبية تجاه هذا المصطلح هذا ما قصدته الالحاد من وجهة نظركم ....تهمة ....ام فضيلة فكرية؟؟ |
طبعاً لفظة " انتي ملحدة " اتهام
وهي الطريقة الي بيلجألها المتعصب دينياً لما بيفقد القدرة على الحوار والرد على الحجة بالحجة . ولما بحس حالو انو خسران بالحوار المنطقي بيلجأ للتكفير والاتهام .... أما بالنسبة للنقاب فهوي عادة بدوية قبلية كان موجود قبل الأسلام وكان يوضع تمييزاً للأمرأة السيدة عن الأمة " العبدة . بالاضافة أنو العامل المناخي لعب دور بهي العادات القبلية بسبب المناخ لصحراوي فكان الرجال يستخدمون اللثام والمرأة الخمار أو الحجاب |
لفظة انت ملحدة هون اتهام بستعملو المتشددين والمتعصبين للدين لما تكوني عم "تتناقشي" معهم (مع انو معهم ما في شي اسمو نقاش ) ويحسو انهن م قادرين يقنعوك او لما يبطلو يغدرو يكملو
ااما الالحاد نفسو فهو مش تهمة ولا شي سيىء الملحد هو الي مش مؤمن بالاديان وبس ومش ضروري يكون شخص سيء يعني يمكن يكون ملحد احسن من مؤمنين كتيير بس هون هذا رايي الشخصي بس ويمكن يكون غلط اكيد |
اقتباس:
وهي لا تهمة ولا فضيلة فكرية بعتبرها زي ما تحكي عن حدا بوذي او مسلم او يهودي او مسيحي.. بس غالبا ما تستخدم في عالمنا العربي عند العجز عن الرد على الطرف الاخر في اثناء النقاش.. ما تزعلي خيتو هي الدنيا هيك :D |
لأ عمرو ما كان النقاش إلحاد...
بس هي صديقتك يبدو أنها وقعت بأزمة منطق أثناء النقاش..فهربت عن طريق اتهامك..;) |
يبدو يا سيدتي أنها فرضت على عقلها النقاب التام وخلعت عن الناس حرية التفكير لتتركهم عراة الا من العبودية والانقياد الاعمى لفكرها وفكر جماعتها
لا تأخذي ياسيدتي اتهامها لك بهذه السهولة فهذه فتوى لقتلك فور استطاعتها لذلك وخُذي ما جرى في غزة مثالا صارخا أكثر من 500 شهيد استشهدو وحللت دمائهم واموالهم بعد ان خالفو اخواننا رأيهم فأطلقو عليهم فتاوي التكفير والالحاد بصدق احترسي منها |
لا يا عزيزتي انت مو ملحدة
بس الشخص الاخر بشكل عام قوقعت ما بتسمح لحدا بتفكير خارجها مشان هيك ايا حدا لح يفكر برات هالقوقعا لح يتهموا و اسرع و اقوى تهمتين التخوين و التلحيد بقا عادي القافلة تسير و الكمالة عندكون |
اقتباس:
في وحدة جديدة طائفي بتصير أنت دغري بدك تكوع من النقاش . لأنو مابيصير تحكي . أنت طائفي :lol: |
اقتباس:
أغلبية المتعصبين دينياً ... بكون تفكيرون عاجز و قاصر ( إن وجد ) فـ بريحوا حالون و بيلجأوا للدين كاتباع أعمى ...... و بكفّروا مجرد فكرة النقاش فيه |
اقتباس:
هي الشب استخدم كمان تهمة تعادل التخوين و الالحاد ليهرب من فكرة النقاش و لأنو اذا رد عليي لح ياخود حسنات بقا ما عندو الا انو يتهم العالم بقا عادي يعني ما منقدر بلاهون لأنو ساعتها بدنا نعمل متل ستالين و نقتل 2.5 مليون انا ما عندي مشكلة بقتل 5 مليون اذا بيرجعوا المغتربين اخ يا اب عاصي دائما حكيك بيكون صحيح |
الالحاد اتهام طبعا
لكن شو بدكون تحكو ع واحد اتهمو انو عبيد شياطين من ورا سكسوكتو الطويلة و كنزتو السودا ( انا ) ؟ |
اقتباس:
أي بدك تدير بالك من هيك أشخاص , ضروري تدير بالك .. |
اقتباس:
بالنسبة لغالبية الشباب بأخوية هي الكلمة مانها اتهام ولا بتعنيلنا شي... بالعكس أنا بشوفها وسام لما تجي من جماعة وبئس المصير... أما بالنسبة إلك فخطوة بتنحسبلك انك بلشتي تنافشي موضوع النقاب لأنو على حسب مابشوف بمشاركاتك انتي ملتزمه دينياً وأكيد كلمة ملحدة بتشكلك اهانة... بتمنى مع الأيام تناقشي موضوع الحجاب من الأساس وشوي شوي بتتحسن أمرورك " بوجهة نظري طبعاً".. |
بالنسبة الي
الالحاد بالنسبة للمؤمن تهمة متل مالجهل بالنسبة للمتعلم تهمة متل ما التخوين بالنسبة للشريف تهمة ...وعلى هالمبدأ تعقيب صغير بس اقتباس:
|
| الساعة بإيدك هلق يا سيدي 08:36 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون