|
جلطة ... !!!
اي فعلاً جلطة هالموضوع
يعني يا سيدي احياناً الواحد بينحط بمواقف ولا اتفه من هيك بهاليومين كمان يا معلمي صرلك معي كم موقف من اللي رح ازكرهن شي بيرفع المعنويات فعلا وعمبدأ خود هالزبون وسكر متسطح بتختك ونايم ومطفي الضو ومتغطي وعين الله عليك بيجيك شي زبون بآخر الليل :شو نايم ؟؟ لا والله عمارقص بس انت بتحس اني نايم لابس تيابك ومتطقم ومتشيك ومشكلس امورك يا معلم بيجيك كمان زبون من اهلك : شو رايحلك شي مشوار !!؟؟ لا والله طالع ادّن عالاسطوح حامل هالموبايل وقاعد عمتدقلك شي رقم .... بيجيك شي حدا بيقلك شو بدك تحكي؟ لا شو بدي احكي حبيبنا ...... بس عجبتني طنات الزرار راسك بهالكتاب ومبلش دح بهالدراسة بيجيك ابوك شو عمتدرس يابي؟ لا والله يابي عمغير زيت السيارة بتطلع بالسرفيس ازا حدا قدامك بتعطيه هالخمس ليرات بينطلك متل اللوح : واحد؟؟؟!!! لا والله يا روحي 60 وبدي الكمالة كمان !!! ولك ايييييييييييييييييييييييي يييه ....... خليها لربك يا مواطن |
في وحدة على هاد الشكل بالويندوز
بتطلع لك شاشة وقت بتغير باعدادات كرت الشاشة " اذا كنت تقرا هذه الرسالة إضغط على نعم " طب واذا ما كنت عبقر الرسالة كيف بدي عرف اضغط على لا ؟! |
غريب بس مارر هالموضوع من قبل :D
|
الله بعين
وكلها لربك |
اقتباس:
|
ذكرتني من يومين كنت انا و رفيئي كل واحد بسيارة و رايحين مشوار و وئفنا علاشارة و فجأة بيسالني شو ما وصلت !!!!!!
انا ئلتلو لا لساتني علاشارة التانية و انا كمان سالتو وصلت ولا لسا !!! |
بتطلع بالتكسي . مو مشغل عدادو بدو يتشاطر . بتروح من بيتك لشغلك . بتعطيه حسابو بيئلك لسا بيزدلي . بتقلو هنيك بيتي وهون شغلي وكل يوم بجي وبدفع هيك . بيقلك لهون بتدفع هيك . لا والله بحمل شغلي معي كل يوم بحطو بمكان :?
|
بيفتحو سماعة التلفون بيسمعو طنة و زعيق و شخبرة لما تكون متصل على النت و بحضنك اللاب توب بس مع زالك بيسألوك قاعد على النت ....
لا والله عم اتحمم |
لأا هلأ أخر شي كمان بيدقلك على التلفون الثابت مثلا على شغلك بترد بيقلك وين أنت . أنا بالقهوة عم ألعب شدة :?
|
ياأخي شو مفكر انو كل هل الخلايق . فطاحل . وبيلقطوا علطاير متل فخامتكن .
تركا لربك |
بيكون صاير حادث و ملتمة العالم و بلشانة المصالحات و التفاوض
بيجيك واحد بيطلع بيشوف السيارتين فايتين ببعضهم و الناس ملتمة و بيسألك : شو حادث؟؟؟ لا والله فيلم |
فعلا جلطة بس ولله ضحكت من قلبي
هي امور طبيعية جدا من بديهيات الحياة والروتين ممكن نحنا يلي عم نحكي عليها نعملها بغيرنا انا امي هالكتني بشغلة شو نايمة؟؟؟:cry: مأساة بالنسبة الي بكون نايمة ونعسانه هي مسكينة بتستنى العطلة لنقعد سوى وانا بستنى العطلة لناااااااااااااااام او روح شي مشوار |
شو مشاركة بهادا الموضوع ؟؟؟
|
اقتباس:
|
| الساعة بإيدك هلق يا سيدي 01:31 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون